Ka Nupepa Kuokoa, Volume LXV, Number 44, 4 Nowemapa 1926 — Page 2
| | |||||||||||||||||||||||||||||||
| | ELUA NUPEPA KUOKOA, HONOLULU, T. H. POAHA, NOVEMABA 4, 1926 | ||||||||||||||||||||||||||||||
| | |||||||||||||||||||||||||||||||
| | HE HOALOHALOHA NO KUU PO- KII HELELOA, MISS PANILA MAUNALEI PALAUALELO E Mr. Solomon Hanohano, ka Lunahooponopono hoi o ke Kuokoa:— E oluolu mai oe i kekahi wahi kaawale o ka nupepa no'u hoi kekahi wahi no kela poomanao e kau ae la maluna; nana ka hoi ia e lawe hele aku ma na kihi ena o ka aina, i ike mai ai na kini ame na makamaka, na hoaloha e noho ana mai ka hikina a ka la ma Kumukahi a pulelo loa aku i ka mole olu o Lehua; malia o ike iho ko makou makuahine e noho mai la i ka huikau o ke kaona o Honolulu, a hoomao- popo mai, he poe keiki kana ohope nei. Ua hanauia mai kuu pokii, Miss Panila L. Maunalei Palaualelo mai ka puhaka mai o Kukauaikaumilani kona mama, ame Maunalei Palaualelo Kona papa, i ka la 8 o Iulai 1912 ma Waiohinu nei; a haalele wale mai la no, ia makou i keia makahiki Iulai 13, 1926. Ua hoonaauaoia no ma Waiohinu nei. Ua luhiia no e a'u, ko makou pokii, mai ka makahiki hookahi me umi mahina ahiki wale i kona haalele ana mai la ia makou, kuu pokii, kuu lei keiki, kuu lei mua, a he hope hoi ka'u poe keiki, aloha wale, aloha na hana a kuu pokii ia'u, kahea ana mai, ka olelo ana, ame ka hawanawana ana mai ia e tita, pule kaua, kaumaha wale, a luuluu i ke aloha no kuu lei pokii, i haa- lele mai ia'u, he mea ia na'u e po- ina ole ai, nolaila ua pili aloha ia e a'u kuu pokii na wahi apau. Aloha wale. | | |||||||||||||||||||||||||||||
| | HOOPAUIA MAI KA HANA AKU NO KE KAU I KE PIHI O ANOLA No ke kau ana o James Halema- no, he Hawaii e noho hana ana malalo o ke aupuni Kulanakauha- le a Kalana o Honolulu nei, ma ' ' ano he mea pulumi alanui, i ke 'lii o Charles N. Anola, ka moho eia Repubalika, i hoopauia ai oia mi ka hana aku, e ka poe Demo- karata e hooikaika ana no ke koho ^u ia o John H. Wilson, i meia no ke kulanakauhale. Elike me na limahana e ae, e noho hana ana malalo o ke kulana- kauhale, ua haawiia aku ke kau- oha ia James Halemano, e na luka- nela, na lakou e hooikaika ana, no ke koho hou ia o John H. Wilson, ame na moho e ae apau o ka aoao Demokarata, ua kauohaia aku o Ha- lemano, e uku mai oia i elima dala, ma ke ano o kona mahele la, no na hoolilo kalaiaina o na moho o ka aoao Demokarata. Oiai nae aole i makaukau o Halemano me kela mau dala elima, aka na uku aku oia he elua wale no dala, a o ke koena aku, o ekolu dala i koe, aia a mahope oia e uku aku ai. Ua ikeia nae o James Halemano e ka poe hooikaika o ka aoao Demokarata, i kona kau i ke pihi o Charles N. Anola, ma ka la koho baloka wae moho aku nei i hala, no kela kumu, i hoopauia aku ai oia mai ka hana aku. Me kela manao no e huliamahi na limahana apau e noho hana nei malalo o ke kulanakauhale, e koho i ka Meia Wilson, ia Charles H. Rose, ame na moho Demokarata e ae apau, i noho ae ai he halawai, a ka poe pulumi halekula apau ma ke kakahiaka o ke Sabati iho nei, me ka haawiia aku o na a'o ikaika ana ia lakou, e koho me ka manao lokahi i na moho Demokarata, o lilo auanei ko lakou koho ole ana, i kumu no lakou e nele ai i ka bana, mahope aku o ka Ia elua o Nove- maba nei. I ka nana aku me he mea la, ma na keena oihana apau i noho poo ai na Demokarata, ua a'o wale ia aku no na limahana e koho pololei lakou ia John H. Wilson, i hoomau ia ai ko lakou noho hana ana maloko o kela mau keena oihana. O na keiki kekahi oloko o ka bana puhiohe, i a'oia aku e ke Kumu Puhiohe Mekia Kealakai, e koho ke-la poe apau loa i ka Meia Wilson i hoomauia ai ko lakou noho ana iloko o ka bana, a ua kokua ae ka kekahi mau keiki i kela manao, aka no kekahi mahele nae o na keiki puhiohe, ua hoole lakou i ka hooko ana aku i kela manao, aka e koho ana no lakou, elike me ka lakou i ike ai he pono, no ka mea, aole o Wilson ko lakou haku, aka o ka lehulehu o na makaainana na haku, ka poe na lakou e uku nei i na auhau. O HAWAII NEI KAHI HOOKO PIHA IA O KE KANAWAI WAIONA Ma Hawaii nei ka hooko piha ia o ka manao o ke kanawai hookapu waionawahi e ae o ka ainama- kua, elike me ia a John T. Barrett, ka luna a akena poo o ka hana hoo- kapu waiona ma Hawaii nei, o ka hoike ana ae mahope o kona hoi ana mai i Honolulu nei maluna mai o ka makuahi Peresidena Pierce ma ke kakahiaka o ka Poalima he pule aku nei i hala mai Amerika mai, mahope o kona hoohala ana aku nei, i kekahi mau mahina ma Wakine- kona no ke kuka pu ana me Lin- coln C. Andrews, ke kokua kakau- ilelo o ke keena waiwai ka mea nana ka hooko ana aku i ka kana- waiona. "O Hawaii nei kahi oi aku o ka maikai ma ke aupuni o Amerika a ua olelo mau au pela. Aohe mau hana ku-e kanawai waiona ma ke akea e ku-e ana i ke aupuni maanei elike me ia ma ka ainamakua. Aole mau hokele a mau haleaina i ikeia e wehe hamama ia ana ke kaui ana i ka waiona a i ole inuia ma ke akea. O kahi wale no o ka waiona i inuia ma ke ano malu ma kahi o na papaaina e malamaia ai a me ka malu no nae na wahi omole palahalaha e hunaia ai malalo o ke pakaukau a ninini iho la iloko o na kiaha ginger ale. O na wahi i hookoia aku ai ke kanawai hookapu waiona ma ke ano wikani me ka hanaia aha o na kuikahi o ia na aupuni o Kanada Enelani, Sepania ame na aupuni o na lahui lehulehu e ae. Ma keia mau kuikahi i hanaia ua kapu loa ka hookomo ana mai i ka waiona iloko o na palena o Amerika. O ka hookomo ana mai a ka poe kalepa waiona iloko o Nu Ioka o na wa i hala aku nei aneane loa ia he hana no ka wa i hala i nei manawa. "Ua koikoi loa ke kanawai e hoomalu ana i ka hana ana i ka alekohola a hoouna aku i na aina e he hana kokua nui loa i ka hooko ana i ko kanawai hookapu waio-na. Ua kookapu loa ia ka hana ana a inuia ana o ka waiona i nei ma-nawa. He hana paakiki no ka hoopau loa ana i keia mea o ka waiona i ka poe i kuluma i ka inu rama. Aole no paha e pau loa ana ka hana ame ka inuia ana o ka waiona, | | |||||||||||||||||||||||||||||
| | O KEIA POE EKOLU KA I KOHOIA A PUKA | ||||||||||||||||||||||||||||||
| | Na Mana Koho Keia ma Kekahi mau Pahu Koho Baloka Elua o ka Apana Elima, ma ka Poalua iho nei. | | |||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||
| | | | |||||||||||||||||||||||||||||
| | | | |||||||||||||||||||||||||||||
| | | | |||||||||||||||||||||||||||||
| | | | |||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||
| | HE MAU REPUBALIKA WALE NO KA I KOHOIA MA KAUAI Ma ka mokupuni o Kauai, he mau Repubalika wale no ka poe i kohoia elike me ka lono maopopo loa o ka loaa ana mai i Honolulu nei ma ka uweaolelo uwea ole, hookahi nae mahele koho baloka i koe aole i loaa ae ka hoike, aka nae, ua manaoia aole e lilo ana na baloka o ia mahele i koe i mea e loli nui ai na baloka o na moho Repupubalika a e haule ai kekahi o la- kou. Ma na hoike mai na mahele ae eiwa i hoihoiia ae o na moho lunamakaainana Repubalika apau na kohoia. O na moho i kohoia oia keia me i ko lakou mau heluna baloka: Clement Gomes, 1340; Dr. Lawrence L. Patterson, 1218; Antonio Q. Marcllino, 1095, a no John Viveiros Jr. 1065. No na moho i haule ame ko la- kou mau heluna baloka, o ia keia: James K. Kainoa, 672; Jonah B. Cummings, 581; August Aguiar, 347, a he 326 baloka no S. E. Lucas. No ke kulana Elele ma Kauai ua kaa hou no i ka aoao Repubali- ka ka heluna oi o na baloka, o ka mokupuni wale no o Niihau koe aole i loaa mai ka hoike, aka nae, oiai he 45 wale no mau baloka mai ia mokupuni mai a ua manaoia o ia mau baloka apau no ka elele Repubalika wale no he hoomahua- hua hou ana ae ia i ko Houston heluna baloka. NO ka Elele Hous- ton he 1342 baloka, a no William P. Jarrett he 1052, he 290 mau ba- loka ka oi aku o Houston i ko Jar- rett. Ma ke koho baloka wae mo- ho o ka mokupuni o Niihau i hala he 41 mau baloka i loaa ia Hous- ton a hookahi wale no o Jarrett no- laila ina e hoohuiia mai ana ia mau baloka he 41 o Niihau me na ba- loka o Houston ma Kauai e loaa ana ia Houston he 1383. No ke senate ua koho hou ia no o Charles H. Rice aohe ona hoapaonioni, no ka nele o na Demokarata i ka moho ma ko lakou ao-..L- ^ ^L ll^i. ^ na senatoa mai ka mokupuni mai o Kanai oia o Henry K. Aki, he senatoa i pau ole kona manawa. O ka wanine hookahi wale no o Kauai i kohoia oia no ka hale o na lunamakaainana oia o Mrs. Rosalie E. Keliinoi, he hoa no ka ahaolelo o ka 195 i hala, ua haule oia ma ke koho baloka wae moho. O William K. Hussey i noho ai hookahi kau i ka ahaolelo o 1925 mai koho baloka wae moho. Ua wae Kauai mai oia kekahi i haule ma ko ole ia laua a elua ma lie koho baloka wae molio i hala. HAAWI O KALEOALOHA HOUS- TON I KONA HOOMAIKAI Mamuli o ka lanakila kamahao i loaa iaia ma ke koho baloka laula o ka Poalua iho nei, no ke kulana elele lahui i Wakinekona, i hoopuka ae ai o Victor Kaleoaloha Houston, i kona manao hoomaikai me ka ma- halo piha, i ka poe apau, i koho iaia, a i hooikaika, no kona lanakila, e lilo i elele na Hawaii nei, i ka aha- olelo lahui ma Wakinekona. O keia iho kana mau olelo hoomaikai: Mamuli o na hoike koho baloka i hoea mai i keia manawa, o ia ka hora 1:45, ua maopopo loa, ke kohoia ana o ka elele lahui Repubalika a puka. Ma ke ano owau ua elele la, ke makemake nei au e haawi aku i ka'u hoomaikai ame ko'u mahalo nui, i na mana koho apau i kakoo mai ia'u, a ke hoike aku nei hoi i ko'u hiipoi ana i ka hanohano a oukou i hookau mai ai maluna o'u, me ka manao kui'o. O ka lanakila i loaa ia'u elike ae la me ia maluna, mamuli no ia o na hooikaika ana a ke Komite Kuwaena Repubalika, na komite kalana lehulehu, ka ahahui o na wahine, na makau......-'-o baloka me na nu- pepa He luaole ka hana a na wahine o Oahu nei, i hana wale no'u, a ke haawi aku nei au ia lakou i ko'u mahalo nui, no na hooikaika ana a lakou i lawelawe aku ai no ko'u lanakila. Me ka oiaio, VICTOR HOUSTON | | HOOHIKIIA O CRISTY I LUNA- KANAWAI KAAPUNI ELUA Mamua o ke Kokua Lunakanawai Kiekie Ekahi James J. Banks ma ka Poalima aku la i hala, i la-we ae ai ka Loio Albert M. Cristy i ka hoohiki oihana ma ko ano he lunakanawai no ka aha kaapuni elua, no ko pani ana ma kahi i hoohakahakaia mamuli o ko ka Lunakanawai Charles F. Parsons hookiekieia ana ae i kokua elua no ka Lunakanawai Kiekie Antonio Perry, ma kahi o ka Lunakanawai Alexander Lindsay, Jr., i make ma Auseteralia. Maloko o ke keena o ka Lunakanawai James J. Banks, la lawelaweia ana o keia hana, o ka poe i akoakoa ae maloko o ia keena ma ia manawa mawaho ae o ka Lunakanawai F. Parsons, ka lunakanawai Frank Andrade, A. G. Smith, Charles M. Hite, Norman G. Godbold, Barry S. Ulrich, Ferdinand Schnack Harry T. Mills, J. Bert Lightfoot, M. Lono Heen, C. H. Tracy, I. M. Stainback, Charles S. Davie, Francis M. Brooks, George S, Curry, ame na kakauolelo James A. Thompson o ka aha kiekie ame Robert Waipa Parker, kona hope, me na kakauolelo o na aha kaapuni A. A. Restarick, David K. Sherwood, Alfred F. Ocompo ame James H. Hakuole na maheleolelo o ka aha. HAAWI O TRASK I KONA HOOMAIKAI IA DESHA Ma ka manawa o ko ka Makai Nui Trask launaia ana aku ua hoakaka mai oia i kona manaoio no David L. Desha ka moho makai nui kulanakauhale o Honolulu mamuli o na mea i ikeia maloko o na hoike mai na mahele koho like ole mai i komo ae a penei kana: "Ma ka hoomaopopo iho i ke kulana i nei manawa elike me na hoike i komo ae mai na mahele koho like ole mai apuni ka mokupuni ua maopopo loa ko David L. Desha kohoia. Ke hoomaopopo nei au he kanaka maikai ana oia no ka oihana makai nui a e lawelawe aku ana oia i ka hana ma kahi aku a'u e haalele iho ai. He hakoko kalaiaina maemae loa ka D. L. Desha i hookele ai mamua o ka kekahi moho e ae i alualu no keia kulana. Ma o keia kohoia ana iho la o Desha e lilo ana ia i mea hooni i na kanaka opio o ka hanauna hou e pii mai nei, a e haawi aku ana hoi i kekahi o na kanaka opio i mea na lakou e iini ai. O na kanaka opio ka makemake nui ia no ka hoomaemae ana i na ino e ikeia nei maloko o Honolulu. E kono aku ana au ia Desha e hele mai i kuu keena i kona wa kaawale, i loaa ai he manawa nui a lawa nona e hoo-kamaaina iho ai iaia i na hana o keia keena, a pela hoi na kanaka apau e hana nei i nei manawa a e hana aku ana hoi malalo ona ma nei mua aku, a i kona manawa e lawe ai i keia hana e hiki ana iaia ke hookele aku me ka holopono.'' HALA IA MAKUAHINE KAHIKO O WAIKIKI, MRS. N. H. KANAE. Ma ka hora 4 o ka wanaao Poaono o ka pule aku la i hala i pauaho mai ai o Mrs. Ninia Haihailauahiku Kanae i keia ola honua ana ma ka home o kana moopunawahine Mrs. Eva Laupoli Perkins, ma ke alanui Liholiho, ma Makiki, i ke kanaiwa a oi aku o kona mau makahiki o ke ola ana no ka palupalu luahine mai, a iaia i hala aku la ma kela aoao me he mea la o ka pau loa ana ia o na kupa kahiko aloalo ehukai o Waikiki. Ma kona moolelo kuauhau he kaikamahine oia na Kalani Aliiloa, ka moopunawahine a Kane Laauuli ame Barenaba Okuu, a he kaikuahine hoi no David Piikoi, i make ai elua makahiki i hala aku nei. Ua hanauia oia, pela ka moolelo, i ka ma-nawa e nohoalii ana o Kamehameha II (Liholiho) maloko o keia kulanakauhale, a he aialo hoi iloko o ka aha a na alii i ka manawa e noho moi ana na Kamehameha IV ame V. Iaia i moe aku la ua haalele iho | | |||||||||||||||||||||||||||
| | KE PAHOLA NEI KA MA'I FLU MA AMENIA Ua hoonui loa ia aku ka pilikia ame ka pilihua o na kanaka e noho ana ma kahi i hooneoneoia e ke olai i hiki pono ole ke hoakakaia ae maloko o Leninakan, Amenia, mamuli o ka pahola ana ae a ka ma'i Flu ame ka malaria ame kekahi mau ma'i o ae, a ma ka hoakaka a ke kanaka kakau meahou no ka Asso- ciated Press ua hoohalikeia ke ano ame ke kulana pilikia maloko o ke- la wahi me ke ano i ikeia me ke ahi nui i holopapa ai maloko o Sm- yrna i ka makahiki 1923. Ua ikeia aku na makuahine i hooulalaiaia ka noonoo e lawe ana i na bebe make iloko o ko lakou mau lima, me ka ae ole e hookaa- wale aku ia mau kino make mai ia lakou aku. Ma ka pakui hou ana iho i na mea hoopilikia ua lilo ka huu maluna o na kuahiwi i mea kipaku i na ilio hihiu hae mai ke kuahiwi mai a holo ae la no kahi o na aina haahaa, a ai aku la i na kino o na bipi mako a pela hoi me na kino make o na kanaka e waiho ana ma na wahi i hoopoinoia. Ua ikeia aku na owawa, na wahi i hoowaia e ke olai e hamama mai ana ma kela a ma koia wahi. Ma na kuahiwi a ma na kula palahalaha lehulehu na wahi o ka honua i hoowaia a e moe ana hoi na owawa kikeekee mai ke kuahiwi mai. He mau waipuna mahu e puka ae ana ma na wahi lehulehu like ole. O ka nele i ka ai o kekahi ia o na pilikia koikoi loa a e ulu mau ana ka poe make i ka pololi elike me ka nee ana o ka manawa. EHA MAU WAHI KUAI WAIONA I KOMOIA E HOPU E NA MA- KAI Ma ka po o ka Poaono o ka pule aku la i hala he eha mau wahi i mahuihuiia ke kuai a hana waiona i komoia aku e hopu e na makai hookapu waiona federala a he 1000 a oi aku mau omole bia ame kekahi mau galani lemuhao ame waina i loaa aku, a o ia mau waiwai kue kanawai apau ame na ona na lakou ia mau waiwai ka i hapukuia ae a ku i ka hale aupuni. Ma kekahi wahi a na makai o ke komo ana ua hahauia mai la ka waha o kekahi o lakou o George Bruns me ka pahi nui okioki palaoa ma la waha e kekahi Kepani o Nakasato ka inoa, mamuli o kona uluhua loa i ka hana a na makai oiai lakou e noke ana i ko kuekaa i na wahi apau oloko o kona hale. No ka panai ana aku i ka ke Kepani hana hoopilikia ua haawiia aku ka kekahi pupuu peku hoki iaia a uweoki ka oe e kikiwi ana ua Kepani la, a e olo e paa mai i ka hopuia o Joe Bishaw, ina ua wali ka auwae iluna o ka papahele; na Bishaw i kaili i ka pahi mai ka lima aku o ua Kepani la. Maloko o ka hale o ua Kepani la he mau galani lemuhao lehulehu ka i loaa aku a laweia mai me ia. Mahope iho o keia, ma ia po hookahi no, ekolu mau wahi e ae i komoia e hopu e na makai; hookahi ma ka hale o Mrs. R. Fernandez ma ke alanui Nuuanu; he 460 mau omole bia i loaa aku malaila me kekahi mau galani waina ame lemuhao; hookahi hale ma ke alanui Kauluwela i hopuia a laweia mai 308 mau omole bia, a ma kokahi hale aku ma ke alanui Lanai he 40 mau omole bia i loaa aku malaila a pau mai i ka laweia. | | |||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||
| | Ua lilo ko makou pokii i mea nui ia makou na kaikuaana, ia'u kona helemua ame ko'u pokii Mrs . Kahakua ame ko'u kaikuaana mua, mai kupuna mai, Mrs. Beke Bob. mai iaia mai, pau ae la ka hua mailoko mai o ko makou luaui makuahine aloha no. Ua nui, ua pau ika luhi eia ka e haalele koke mai ana ia makou. Mailoko mai o Iune ka hoomaka ana mai o ka nawaliwali, ua heleia no i ke kauka a loaa mai no ka maikai, a komo mai iloko o Iulai noloko o hookahi pule wale no, kona waiho hou ana, ku a puu mai Ia ka opu, ua kiiia no ke kauka a hoomoeia i ka wai wela, a pela iho la i alaia ai ka po ame ke ao. Kaumaha ke noonoo ae. Mailoko mai o ko makou makuahine, he eono kaikamahine a hookahi kaikunane, ua hala mua no elua, a haalele hou mai la o Miss Panila Laura Maunalei Palaualelo. Auwe kuu aloha pau ole e! Na'u hoi na keiki ua leiia e kuu pokii, ua pau ka luhi, aohe he wa a ai ae i ka loaa a na lei a maua, eia ka e haalele koke mai ana ia makou. No kuu kane hoi ua lilo kuu pokii iaia i mea nui, he ole ma na ano apau, kuu kane hoomanawanui i ka pilikia o kuu pokii, ua lilo i mea ole iaia ahiki i kona haalele ana mai. Aloha wale no, kuu kaikunane hoi, ua auamo oia i na kaumaha o ko makoa pokii he nui, auwe kuu minamina wale i kuu pokii, ua pau ka ike kou ana i helehelena a pau no hoi ka lohe hou ana i kona leo; no kuu pokii ka pilikia, hele ia ana ke kuahiwi e ko makou makuakane no ka manao e loaa mai ana ka pono, he ole ka maliuia mai, Aloha wale ia kula o Kamaoa, kahi a kuu ohana e noho mai la, aole oukou e ike hou ana ia Paniia, aole hoi o ka hoomaha ae o ke kula a kii mai ko'u pokii a manao ae no ka noho hoomaha ana me ia, a puka loa aku i ko oukou ipuka hale, ua pau, ua nalo na maka no ka wa mau loa. Auwe kuu minamina, kuu aloha pau ole i kuu pokii e! Aloha ke alanui maniania o Kamaoa, a puka loa aku la i ka pali o Holilele, kahi a kuu pokii e hele ai, aole oia e kiai hou ana ma kou pali kiekie. Aloha Waiahukini, ka iua o ka nohu hoeha ili, a pela koi me Lohena ahiki aku i Kaalikii ka wai auau a ka malihini, ame ka wai maheu, ua pau kona maalo hou ana ma ia lae kahakai, ua pau kona lohe hou ana i ke kani a ka ilili, aloha na wahi apau a kuu pokii i hele ai aloha na hoa hele o kuu pokii Mary Kekoa; ua pili a e laua, aloha no! Aloha na lima kokua, ko'u mau pokii Mrs. Annie George Keanu, Mrs. Lauahi, Daniel Kahakua Mrs. Alice Joe Macomber, Mr. William N. Kahoalii, ame ka ohana, na hoaloha ame na makana pua lani, na-na no e haawi mai na hoomaikai he nui maluna pakahi o oukou. Nolaila ke hooki nei au, ua lawa au me keia lalani me ka mahalo i ka Lunahooponopono o ka Nupepepa Kuokoa, Me ka welina mau, WILLIE A. MOKIAO, MRS. K. W. A. MOKIAO, MRS. L. D. KAHAKUA, MRS. A. G. KEANU, MR, M. PALAUALELO, MASTER PALAUALELO ME. K. PALAUALELO. Waiohinu, Kau, Hawaii. |
| | ||||||||||||||||||||||||||||
| | |||||||||||||||||||||||||||||||
| | oia i kana kaikamahine Mrs. Elizabeth Kahookano me ekolu mau moopuna kualua ame na kuakolu ehiku, me ka nui o na makamaka ame na hoaloha, e hoomanao mau aku nona. Ma ka hora 3 o ka auwina la Sabati iho nei i malamaia ai kona anaina hoolewa ma ka home o ka ohana ma ke alanui Kalia, Waikiki, a ma ka Ilina o Kawaiahao i hoomoeia aku ai kona kino lepo no na kau a kau. O na hapai pahu oia na keiki a Kahanamoku ame Paoa. | | |||||||||||||||||||||||||||||
| | |||||||||||||||||||||||||||||||
| | a k hiki ana hoi ke olelo ae e pau loi ana ka waiona, aole no hoi e hili ana ke hooko piha ia aku ka manao o ke kanawai hookapu waiona e nele loa ai ka ikeia o nei mea he waiona ahiki aku no i kekahi miu hanauna hou, ma ko'u manaoio e mau loa iho ana ke ku ana o ke kanawai hookapu waiona maanei ao-he manawa e hoopauia ai, | | |||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||
| | |||||||||||||||||||||||||||||||