Ka Nupepa Kuokoa, Volume LXV, Number 43, 28 ʻOkakopa 1926 — HE PANE I KA MEA HAIOLEO O MOOHEAU PAKA [ARTICLE]

HE PANE I KA MEA HAIOLEO O MOOHEAU PAKA

Mr. Solomon Hanohano, Aloha oe: — E oluolu mai o» e hookomo iho i ke poomkīULO e kau ae la maluna, h« pa«e na*u i k* mea haiolelo ma]oko o ka Mooheau paka, elike me kaaa hoolaha maloko o ka Nupepa Kuokoa o ka la 21 o Okatoba aku aei i hala. Auhea oa e ka mea haiolelo o Moolieanu Paka, ua manao paha oe, Jie keiki makua ole o Kaleoaloha Hou*ton, eia no au kona aunty ponoi mailoko mai o ka pupuu hookahi ke ola neL I kuu wa i ike ai i kan hoike e pili ana no kuu keiki, 9 olelo ana oe aole i loaa i na Repuhalika ke kanaka kupono, hopu lalau na lima i ke kanaka oloko o na malako. - Mai kapa oe i kuu keiki noloko o na maJa-ko, aole paha o kahi o na holeholona e moe ai, o ia kaM o ka'u keiki e moe ai. Ua knlu ilm> kou mau waimaka no kuu keiki; no ka mea he alii oia na makou, a ke punakele hoi na'u, a pela pu no lioi me kona ohana e noho mai nei apuni o Hawaii nei. Auhea oe e ka mea haiolelo o Moeheau Paka, no kuu keiki na mokupuai ewolu i ka nohou e na kupuna o Kaleoaloha neia mau mokupuni, a he mau kupuna kona me na kulana kiekie i ke au o ko lakou mau moi. O ke koho o kuu keiki he koko alii piha e hiki ole ai ia oe • ke hopu wale ae. Aole loa ona nf&kemake ia'u e olelo he koko alii ke holo la iloko ona, aka hoi uo ka hiki ole ia'u ke noho malie iho, mamuli o kela hoa> kaka a ka mea haiolelo o Mooheau Paka, pela au e hoike nei i keia xaea i ke akea. Xo kon» manao aloha no ka lahui 0 kona makuahine, a no koua makee 1 keJa koko Hawaii e holo la iloko ona, pela oukou e ike nei iaia e ku aku ana imua o oukou e na Hawaii, a utra]o aku, no ka oukou kakoo ana mai iaia; nolaila e huli mai kakou me ka manao lokahi a koho iaia i elele lahui na >kakou i Wakine];ona, e hewa ole ai au ke pahapaha' wale ae no i keia mau mapuna leo aloha: E Hawaii nui o Keawe, eia mai ko keiki i kiolaia ae la e ka aoao Demofcarata iloko o ka mala-ko, kohoia mai i elele nau i Wakinekona. E Hilo i k» Ua Kanilehua, e Kau hoi i ka makani kuehu lepo, e na Kona i ke Kai Malino a Ehu, pula-

inaia mai ka milimili a kakou ma ka Ja koho baloka e hoea mai aoa. E Hamakua i ka makani pili lan-i, me Waimea i ka Ua Kipuupuu, hui pu mai me Kawaihae i ke Kai Hawanawana, o Kohala, i ka Makani Apaapaa hou mai ke aloha no Victor Kaleoaloha Houstori, ma keia Poalua iho, i elele lahui na kakou i Wakinekona. £ Maui o Kama, i ke ala o ka Roae Lani; me Molokai Nui a Hina, i ka Ulukukui o Lanikaula, hooleiia mai ka rose lani o ka lanakila no ka moho e hoinoia nei! E Kauai o Manokalanipo i ke ala o ka mokihana, a hala loa aku i Niihau i ka ulu i ka hapapa me ke ko eli o Halalii, eia mai ka elele ola na iwi, hooleiia mai i ka lei mokihana, ma keia Poalua ae. Nou e Oahu ka u\a leo hope; ua kaulana oe i ka paa o ka ilima; eia mai o Kaleoaloha he poa nau, he milimili na ka makua he hiialo na ke kupuna, haawiia iho ka papahi lei ilima o ka lanakila maluna ona, ma ka paha baloka ma keia Poalua e hoea mai ana. Ke haawi aku nei au i ko'u mahalo nui i ka Nupepa Kuokoa. Owau iho no . KAIKAMAHINE 0 KE KAONA ! Aunty no Kaleoaloha Houston.