Ka Nupepa Kuokoa, Volume LXV, Number 43, 28 October 1926 — Page 5

NUPEPA KUOKOA, HONOLULU, T. H. POAHA, OKATOBA 28, 1926 ELIMA


hoku, iluna o ka lepo aloha ou e Hawaii. E hoopoina anei kakou i ke alii Kuhio i moe aku i ka opu ana ole o ka honua, oiai oia, e paio ana iloko o na paia laahia o ka hale kaukanawai makua, no ka hoomau ana aku i ka olelo Hawaii, mai ka o'uia ana ae, mailoko ae o ke kanawai, a Wilikoki i kii ai, no ka pono ou e Hawaii Lahui. O keia mau mea apau la, ka kakou e kanana a e noonoo ai, me ka haawi pu ana iho i ke konane kulipolipo ana a kou lunaikehala, oiai he mau makahiki kakaikahi wale no koe, pau ka pono ou e ke kanaka Hawaii; kaa aku ka hooponopono ana malalo o na lahui e, i hoolaupai iho i kou onehanau, a i hoolilo mai hoi ia oe, i na pua a Kakuhihewa ame na'lii pakahi o kela ame keia mokupuni, i kuewa maluna iho o na papalina aloha o kou aina. Ano, e ala e ka I ame ka Mahi; e holono a e na'u i ka pono oiai ka la e kau ana; mai kakali a hoapaapaa, o hala ka puulena i Hilo, o hapapa i ke ko'a i'a ole, e loaa ai ke mele kaulana a ia 'lii, i moe aku i ka poli a Kane. Mai noho mai hoi oe i ka nahoa, me ka opu lokoino he aloha ole, oiai, ke kumu pikake imua ou, a i wahi hoi e mau iho ai ke ala o kou mau kuono, e alawa ae, a e alawa iho, ia Kinikake Opio, i kuhikuhipuone a i makaula wehewehe a hooko kanawai, nou ame a'u a ne ka hae Hawaii i welo a i emi iho, mai ke kulanakauhale-poo aku, o Hawaii aina ame kona mau makaainana. E hele aku i ka la 2 o Nove-maba, a i ka pahu baloka, ku noonoo, i ka ulu e hele kaapuni nei me ka hoomanawanui, i ka pii ana a ka la, a i kona napoo ana aku, i kahi e hooluoluia ae ai, o ka pololi i loaa a i piha olo kona lua o ka inaina; o waele i kou kihapai, oiai, ka ua e kau ana, o pau ole auanei mamua o ke kulu ana iho; e huli mai ou alo iaia nei, a e ike iho hoi ia Kinikake Opio, ke pailaka wiwoole a ka Aoao Repubalika, no ke kulana makai nui, e olelo ia nei e kona hoa-mokomoko he opiopio; e hoomanao ae i ka Ohu, e noho nei i kapena no ka moku, a e hoomanao pu iho i kona eleu a makaukau i ka huli ana i ka lakiku ame ka loniku, e pololei ai ka holo ana a ka waa, ana, i hoopomaikai iho ai i kona mau aialo ame ka lehulehu pa, mamua o kona waiho ana iho, i ke kuono i noho hulipahu ia, eia. Aia ka hana a ka opio la. He lei poina ole ia no'u! ARCHIE E. KAHELE. Mahope o ka kaa ma'i ana o Mrs. Maggie Kapoina Dandridge, ka makuahine o Mrs. J. K. Mokumaia, ua pauaho mai la oia i keia ola ana ma ke kakahiaka o ka Poalua nei i ke 77 o kona mau makahiki.	MAI HOOLOHE I NA OLELO HA- KUEPA! I ka Lunahooponopono o ka Nu- pepa Kuokoa; Aloha: — E oluolu oe e hookomo iho i keia mau wahi ma- puna leo oi ike mai ai na kini oiwi Hawaii o ko lakou aina aloha. Aikena ka hoi i na hana kalaiaina o keia mau la e hoino ana ae haehae ana i ka moho Elele Repubalika Victor Kaleoaloha Houston, a kakou no apau e lohe nei, a e ike nei ma- lako o na Nupepa o ke kaona nei. Ka mua o na olelo hakuepa a kohu- ole e pili ana no ka inoa o keia elele "Kaleoaloha." Wahi a na De- mokalaka, he inoa apo wale mai no keia a mai ka puu opala mai. Ea, uwoki! E nana mai no kakou ke ola nei no kekahi poe kahiko o ka aina i kamaaina i ke alo alii, a i ike, a i lohe na ko Kamalii Ruth Keliikolani i hookau a haawi aku i keia inoa "Kaleoaloha-o-Kapuaiwa" maluna o keia keiki i kona wa bebe, i ka manawa a kona makuahine i hoi mai ai me kana kamaiki i ko ka- kou aina aloha nei. He Hawaii hoi kona makuahine ma ke koko, a i laweia e hoonaauao, a na noho ma- lalo o ka malu o ka Moi Kameha- meha V, Kapuaiwa. Aole i lawa iho la keia mau hoino like ole i ka Elele Kaleoaloha, aka huli mai la ka nupepa namu New Freedom o Okatoba la 22, ka waha- olelo hoi o na Demokalaka, ma ke- kahi o kona mau kolamu, a pehi mai la i ka Elele Alii Kuhio e moe la i ka moe kapu o Niolopua, ma Mau- naala, e olelo ana he molowa (in- dolent) ke Alii a ua oi aku na mea i hanaia i ke kau o Jarrett (Haa- lilio) e holo ana mamua o ko ke Alii wa. Ke waiho aku nei keia maka- peni nau e na oiwi Hawaii e nana iho i keia mau olelo hookano i ke Alii Kuhio, ka mea nana i hooikaika i wahi e hoona ai kona lahui, o ia hoi ka lepo e ku ai ka wawae ma- luna o ko kakou aina aloha, o ia hoi keia bila hoopulapula. E ala e na oiwi o Hawaii nui o Keawe, ka moku kunu i ka hikina a ka la; E ala e Maui o Kauia, na hono kapu o Piilani; E ala o Molokai nui a Hina, E ala e Oahu nui a Kakuhihewa, E ala e Kauai o Manookalani, E ala e Niihau i ka mole o Le- hua. Mai hoolohe i na olelo hakuepa a hookano e hoea aku ana imua o oukou, aka e ku a maloeloe a e koho i nei moho Elelo Victor Kaleoaloha Houston. Mai hoohewahewa i nei keiki-he Hawaii ma ke koko. Me ka oiaio, Kalani Kiekie. OIWI HAWAII. HE HOOMAIKAI NUI. I ka lehulehu mana koho baloka o Hawaii nei, welina wale: — Ua ike au aole au e hiki kino aku ana imua o oukou na mana koho o kuu Paeaina aloha no ka haawi ana aku i ka'u mau hoomaikai palena ole no na baloka nui a oukou i haawi mai ai ia'u, ma ke koho wae moho i hala aku la, nolaila, e ae oluolu mai ia'u ma ke alahele e lohe ai oukou na ka uunu lawe lau oliwa e hoike aku i ka'u hoomaikai piha a e hoonui aku i ka la 2 o Novemaba i ka oukou baloka no ka oukou kauwa nei. Ke aloha pumehana ia. WM. P. JARRETT. 6434— Oct. 28.	E KOHO IA A. L. CASTLE (KA- KELA) I LUNAKIAI Ua pomaikai maoli ka aoao Re- pubalika i keia makahiki ma ka lilo ana o Alfred L. Castle (Kakela Opio) keiki a W. R. Castle i moho no ke kulana lunakiai. Ua noho hana oia no ka Apona Elima ma- loko o ka Hale o na Lunamakaai- nana, a no ka Mokupuni o Oahu nei maloko o ke Senate, e hana ana ma ke ano he lunahoomalu no ke komite hookolokolo maloko o ka Hale ame ke Senate, nolaila na kamaaina oia ma na hana ahaolelo. O Alfred L. Castle ka makuakane o ke Kanawai Uku o na Limahana. malalo olaila i ukuia aku ai ka uku- hana o na limahana he 36,000, ma ka Mokupuni wale no o Oahu nei. a ua uku aku na hui ma kahi o ka $2,000,000, ma ke kuike i na lima- hana i hoehaia, oiai nae malalo o ke kanawai kahiko, aole e loaa ke- kahi mea i ka hapanui o keia poe. O keia kae kanawai makai o keia poe kanawai kokua nui mai i hooholoia ma Hawaii nei no na papa o na kanaka hana. He loio o Mr. Castle, hanauia a hanaiia ma Honolulu nei, a ua hiki ke hilinaiia no ka hana ana mai i na mea maikai maloko o ka Papa o na Lunakiai, elike me kana i hana ai maloko o ka Ahaolelo. HOOLAHA I NA MANA KOHO E noho ae ana ka Papa Hoopaa- inoa o na Mana Koho o na Apana 4 ame 5 ma ke keena o ke kakau- olelo kulanakauhale a kalana, ma- ka la 29 ame 30 o Okatoba; a ma ka la 1 ame 2 o Nov. no ka hoopo- nopono ana i na hewa, haule a mau hewa e ae paha e pili ana i na pa- painoa pili oihana o na mana koho. (Kakauinoaia) SAM F. CHILLINGWORTH, Lunahoomalu. 6434— Oct. 28. HOOLAHA LULU MANAWALEA Ke hoikeia aku nei ka lohe ma keia i na lala apau o ka Ahahui Hoonaauao o na Hawaii, e uku koke mai i na Uku Manawalea no ko ka- kou mau hoahanau i haalele mai i keia ola ana o hookahi dala ame kenikeni ($1.10) pakahi no keia mau hoahanau, Mrs. Jennie Kalei- kini, Mr. George Kini, Mrs. Annie Mana, ame J. K. Naiwi, a e haawi ae i keia mau dala manawalea apau ia Mrs. Sarah Smythe, ke kakau- olelo ohi dala o ka ahahui. MRS. LILY KAHAULELIO. Kakauolelo Moolelo o ka Ahahui Hoonaauao o na Hawaii. 6434— Oct. 28; Nov. 4. Nupepa Kuokoa No ka makahiki (one year). ...$2.50 O na Dala ame na Hoolaha apau e hoouna pololei mai i ka ADVER TISER PUBLISHING CO., LTD. wale no, P. O. Box 3110, Honolulu T. H. 217 Alanui Moi, ma Waikiki o ke Alanui Alakea; ka Nupe- pa Advertiser. Entered at the Post Office at Ho- nolulu, T. H., as Second Class Mat- ter. SOLOMON HANOHANO, Luna- hooponopono. CHARLES S. CRANE, Luna Nui


	KA HOONAAUAOIA ANA AME KE KULANA O KA MOHO MAKAI NUI DAVID L. DESHA. I ka nui lehulehu o ka mokupuni o Oahu: — Oiai ka ua e haloku ma- kawalu ana i kekahi po, a e ku'i ana hoi ka hekili, owaowaka ana ka uwila, i oili mai ai he kamaiki i ka la 22 o Aug. M. H. 1887, i keia ao, a hanu ae la i na ea huihui o nei ola honua ana. A oiai kona luaui makuahine e moe ana mahope iho o ka puka ana aku o kana pu- olo, lohe aku la na hiapo o ke ka- maiki, he pokii hou ko lakou, a na ia nuhou hoohauoli i hoakoakoa mai i ka nui ohana, e ike a e milimili iho, i ka uhane laahia a ka Mea Nana oia i hana, i hoohua a i hoo- puka mai ai i keia ao. A oiai no keia hua mohaha e pili ana i ka umauma o kona ma- kuahine, hoea mai la o D. W. Na- pihaa, o ka waikau o Keanae, a nonoi mai la i kona mau makua, nana ka moopuna, ka mea hoi i hiki ole iho i ka makuahine ke au'a, oiai, he koko iloko ona, no ia nei, a mamuli o ia kumu, opeope ae la na wahi paolo e lawa pono ai o ka lei ame kona makuahine, no Keanae ka ihu o ka moku, (Aole no Alika) no ka hooko ana i ke noi a ke kupunakane, a no ka hoo- laupai pu ana no hoi i kona kakela ame na kaha o ia kaikuono. Ilaila aku, heaia iho la ka inoa o David L. Desha, a i ka hele ana keia a piha na mahina he eono, a iloko hoi o ka ehaeha ame ka wai- maka he hui e hakoi mai ana, mai konu makuahine mai, i ike i ka ehaeha ame ke aloha ia mea he keiki, haalele aku la oia iaia ihope, a hoi mai la i ka Ua Kukalahale l ka pii ana ae o na makahiki o keia kamaiki ahiki i ke kupono ana uu ka imi naauao, komo aku la oia i ke kula ap"- o ia apaapaa, a i ka eiwa o na makahiki, mamuli o ka holomua o kona ike, a ma-kaukau i hooiaioia mai e kana ku mukula, a mamuli pu o ka ia ne noi, i hoihoiia mai ai o Desha i Honolulu nei, a komo uku la i ke kula o na keiki opio o Kamehameha, kahi hoi e o nei o keia luau olelo kauluna a ka mea nona ia inoa: "E hele ka elemakule ame ka luahine a moe i ke ala, aolo mea nana e hoopoino." Pehea, eia anei ke mau nei ke o ana o keia mau olelo aloha a ka moi, no ka pono ame ka pomaikai o kona mau makaainana? Aole Heaha ke kumu o ka mau ole aua Mamuli o ka piha o ka aina i na lahui e. l. Mamuli o na hana maikai ole a na keiki a kakou e ike nei me ko lakou mau maka ponoi, iloko o na hale kiionioni. 2. O ka hookuuia mai, mai na kula mai o kakou, oiai no, e imi naauao ana, a mamuli o ke kaupalena a ke kanawai e i ana, he umiku Limalima makahiki, kekahi no hoi o na kumu e poino ai. 3. A o ka hiki ole i na poo o ka oihana hooko kanawai i noho loihi K.) ii." ''i-i'--!' '- i kanhope aku la, i ka imi ana i na alahele e malu ai o ka 4. Mai ke kula o na opio mai, a ke kula o na keiki nunui o Kamehameha, a i ka makahiki 1905, puka mai la o Desha me ka maikai,	a iloko no o ia makahiki, haalele iho la i kona aina-hanau no ka ipu- ka gula o Kaleponi, no ka hooma- huahua ana ae i kona ike ma ka- malama ana i ka buke. I ka makahiki 1907, huli hoi mai a no ka aina a komo aku la i ke kula o Punahou, kahi a Mr. Dilling- ham i kii aku ai iaia, no ka hoi ana aku me ia e haua ai, ma ke ano, he opio lawelawe a hope malama buke o ko keena alahao. O kekahi mea kupanaha i loaa i keia opio, o ia no, kona hooikaika ana e uku i kona uku-kula me ke kaukai ole i kona mau kahui"-— ii a makua paha, a i kela ame keia manawa e hoomaha ai o ke kula, e hoi ana oia me kona mau mea na iaua oia i hanai, a hele aku la e kumakahiki, i wahi e piha ai o na ekeeke i ka iliili, no ka hoomau ana aku i ka imi naauao ana. I kona hoomaka ana e hana, o ia hoi, ka hooko ana i ke kanawai a Adamu ame Ewa i uha'i ai, ma- muli o ke kau ana mai o ka Haku ia kanawai maluna o laua ame ka- kou pu, Ua hoolilo aku nei opio i kona mau kahuhanai, i mau lei- kahiko nona, e hooko ana hoi i keia kanawai e i nei: "E malama oe i kou makuakane kou makuahine, i loihi ai na la o kou ola ana ma keia honua, a ke Akua i haawi mai ai ia oe." Ahiki mai i keia la, aole i lilo kona mau makua iaia, ma ka hoo- naauao ame kekahi mau mea e ae, aka, mai iaia ponoi ae kona pono, a o ia imi pauaho ole ana la, ka mea e hiki ai ia kakou ke ike iho, i ke kulana o keia moho makai nui. Ea, auhea mai oe, o ke keiki na- auao, hoohauoli aku oia i kona ma- kua, a o ko keiki hupo, hoouluhua aku oia i kona makua. Aole anei he haawina o keia ano iloko o kou lalau? Aole anei oe ea, e ka ma- kua e, e hauoli i ka ike aku i kau keiki, e pii ana i ka mauna a ilu- na o kona piko, kukuku ae la oia, i kiahoomanao nou, no ka hoomau ana aku i ke o ana o kou inoa, oiai ou mau la, e iho, a e napoo aku ana i ke kumu pali. He hewa anei ka ike aku i ke- kahi pua o kou mahinaai i owaka ae me ka nani a hiehie nui, e noho mai ana i ka noho, nou ame a'u a no ka nui lehulehu o na kini o kona onehanau, e haulani ana. He alahele noeau anei ka hoao ana e pakaha ae i na liko huika maikai e ulu ana iloko o kou kihapai, oiai, he hookahi o lakou, he pali ke kua a mahina ke ano, ke leha aku i kona oiwi kino. E hoopapau no anei kakou i ke kumulaau i ulu loihi i kahi hookahi no umi-kuma- maono makahiki, oiai, ua poino ke- kahi o kona mau lala. E ako anei kakou i ka wekiu o ke kumu pi- kake, oiai no, e ulu mahiehie a e nohea ana no, kona ala. I ka nana aku, me he la, aia he manaolana e loaa ana i na mana koho baloka, mai keia opio mai, a ina he oiaio ke kaona o nei mele, alaila, e hookoia ana ka mea e upuia aku nei, mai iaia mai: "Ea, ina he wahi hunahuna aloha kou i ka opio, e na'i pauaho ole nei i ka pono o kona mau makaainana i ka po ame ke ao, aole anei e hiki no hoi ia kakou, ke hooluolu aku iaia, oiai he ewe i puka a i ulu ae iloko o ka aina, i molia ai ou mau alii ame na kupuna a i laweia aku hoi mai ia kakou aku nei; e welo nei ka hae

HALAWAI HUI O NA KALAPU

HOLOMUA.

Ke kuahauaia aku nei na lala apau loa o na Kalapu Holomua o kela ame keia mahele koho, e akoakoa ae ma ke keena kikowaena o Kale Anola, kihi alanui Papu ame Kalepa, i ka auwina la Sabati, Okatoba 31, 1926, hora ekahi.

He mau manao ano nui, ke hoikeia ana ma ia la. E hele mai na lala apau loa!

CHAS. N. ARNOLD.
Peresidena.
6434—Oct. 28.

I kuu mau haku makaainana o Kauai Manokalanipo, na lakou i hoohanohano mai ia'u, me ka heluna baloka kiekie loa, ma ke kau koho baloka wae moho aku nei i hala, ka mea nana i hoolilo mai, wau kekahi o na moho lunamakaainana ma ka paa baloka Repubalika, no ke koho baloka laula o No-

vemaba 2 ae nei e hoea mai ana; ke haawi hou aku nei au i ka'u hoomaikai kiokio me ka mahalo palena ole ia oukou apau, mailoko mai

o kuu puuwai, a ke nonoi hou aku
nei no au ia oukou me ka manao
kui'o, e hoomau mai ia hilinai ana
a oukou maluna o'u, ma ka hooi ana
ae i ka heluna o ko'u mau baloka

i keia kau; a ke loaa ia'u ka hae o
ka lanakila, ma keia Poalua ae,
alaila ke hooia aku nei no au imua

o oukou, e lawelawe no au i na
hana apau maloko o ko kakou aha-
olelo, maluna o ke ana o ke kaulike
ame ka pololei; e hoolilo ana ia'u
iho i kauwa i na manawa apau na
ka lehulehu, me ka nana ole
ma ka ili, a. ma ko kulana paha.

Ua hanania au ma Kauai, nei, ua holoholo pu me kuu mau hoaloha Hawaii o na la kamalii ame kuu lahui ponoi; nolaila ua pipili paa loa kuu noonoo no na pono ame na pomaikai o ko '--'--. aina hanau, a'u no e hooia hou aku nei imua o na mana koho apuni o Kauai nei, no oukou, a no ko oukou mau pono, ka hikimua o ko'u noonoo, a mahope aku owaho. .

A hoea mai i keia Poalua iho, ho mai i ka lei mokuhana o ka lanakila no ka oukou kauwa nei!

CLEM GOMES

(Kalemi Komo)


	HL .. . '. Ai KOIELE A :-.=. -" -1ANI L-OUI8E P0- .:%/, ii ^HIIE AHU ANA '.-.-. iii". e huli hui ----- lualai- l'nhiiHi, ka - li.!^ nii h'-i. uo Kuna - - ' Ka MIO nua aku iaia, ' ' -. --. l ma keia kulanakau- i". . . akukana he ehu muu --PO Kawaiahao, n oluna . ; ", no ka hoohiwahiwa . .. MIO na loi, a no ka hoi 4. -..ii na lipalao ohohia ame -. . konu mau hoaloha lohu- -'.-.-:. nei no iona huli hoi -. i'piiiopp (i ka nalo ana o i ''^ku. ii" ina mahina ." !'.; aku .-nia he kaa olo- li-..okaawaleia nona, uia '.ui ^ -ia hoohanohano ana i keia -ii'" H.-iwaii, a o hoea pu '- ^n hoi kona mau hoaloha nia ka uwapo no ka hui pu ;.-.'-: ka meahou i hoikeia m.? ko Kuokoa i hala, e - nia: ana o "Miaa Louiau '.n ka wehe ana aku he ---,- ahamele maloko o ka Ha- - - --- Pnn.-p5?. ma ka Poaha ame - - -.^.n n keia pule ae, o ia na 7--p .-i o N^nemaba. ".'.:: k n nua kola mau ahame- '. -- 3 h'^a elima o ke ahiahi, a - -a manawa kupono, e hooniau- ^ ;'-. : ni na hana keaka ame kii- -- - n-alp-ko o kela halekeaka. ' --ia mnlaln iho nei ka pa pa-	kuhikuhi o na himeni e meleia mai ana ma kana ahamele o ka la mua, he papakuhikuhi nae keia i hiki no ke hoololiia, ma ka hookomo ana i kekahi mau himeni okoa; a no ka la elua aku, he mau himeni Ha- waii ka hapanui, o kana mau himeni e mele mai ana. E mele pu mai ana oia ma keia mau ahamele, i kela himeni i lilo ai ka makana medala gula iaia, ma Los Angeles, iaia i komo ai iloko o ka hookuku himeni ana, me na puukani o na lahui like ole. E komo pu mai ana ka papa hime- ni o ka luakini o Kawaiahao, e kokua ia Miss Louise Pohina ma kana mau ahamele: PAPAKUHIKUHI. 1 — Una Voee poco fa ..... Rossini 2 — Elegie ........... Massanot Caro Nome .......... Verdi Lo! here the gentle lark ................ Bishop O! sleep why dost thou leave me ............ Handle Bell song (Lakme) . . . .Delibes HOOMAHA Kamehameha Waltz...Chas. King Haw'n Lullaby ......... " " Na Lei o Hawaii ........ " " Je veux vivre (Romeo and Juliet) ............ Gounod Goodby ........ ....... Tosti Villanlle ............ Dell Aepua Recitative and Aria (La Traviata) Verdi E Strano ................................." Ah Fors e lui ............................" Sempre libera ..........................."


	KOHU OLE NA OLELO HOINO- ^INO A NA nEMOKAEAIA NO K A LEO ALOHA HOU8'PON. .. "':-. ki Aoao Elua inau^ o:,.- o ko Alahukimoku Aino- -" makaala ana i ka hana a - ' '. nakala kamuela, ka mea na- "' apai aku iaia a i ke anuu " ' ^a e hiki aku ai i ka noho ' .-; nia no na auniokukaua o ke ' ::,- i pookela loa o keia ao. '-?%-. ao au ua lawa keia nia ko '^' ; aoao; aka, he hookahi wa- " -- 1 i koe, a he mea ano nui no. ko au a hoomaopopo aole - i kanaka Hawaii e ola nei, ioio ole anu u lii! ni ai olo una - hoike ana a ka Palapala He- '. He manaoio na kanaka Ha- "i : na kaula ame na kanaka na- ' -""- hoikeia iloko o ka Baibala. ^' n.uii o ka nianiaia ana o na "' -.a'-.i naauao o ke ao nei o ka '-- n ke Akua, na wae ae lakou " o- -okana '2l o Na kolomona,	oia ka mokuna hoike mai no na la hanau o na keikikane. Ua hoike mai o Houston o ka la 22 o Iulai, kona la i hanau ai. O ka la 22 no noi ko Wakinekona la i hanau ai. Ma ka pauku 22 o Na Solomona 21, eia ka mea i palapalaia, "Pii ae la ka mea naauao maluna o ke kulanakauhale o ka poe ikaika, Ho- ohiolo oia i ka ikaika a lakou i pau- lele ai." Pii ae o Wakinekona maluna o ko Beretania Nui mana, a hoohiolo oia i ka ikaika a na Pelekane i paulele ai, a kapa aku na kanaka Amerika iaia, Ka Makua o Kona Aina. Ke pii nei o Houston maluna o ke ala o ka pono ame ka oiaio, a e hoo- hiolo ana oia i ka ikaika a na De- mokarata i paulele ai, a e kapa aku ana na kanaka Hawaii iaia o Ka- leoaloha i Wakinekona. Aloha kaua, JNO. M. BRIGHT.