Ka Nupepa Kuokoa, Volume LXV, Number 43, 28 October 1926 — Page 1
| | ||||||||||||||||||||||||||||||||||||||||
| | Nupepa Kuokoa KE KILOHANA POOKELA NO KA LAHUI HAWAII | | ||||||||||||||||||||||||||||||||||||||
| | Ka Nupepa Pookela o na Nupepa Hawaii | | ||||||||||||||||||||||||||||||||||||||
| | Hoopukaia i na Kakahiaka Poaha Apau | | ||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | BUKE LXV-HELU 43 NUPEPA KUOKOA, HONOLULU, T. H. POAHA, OKATOBA 28, 1926 NA HELU APAU 6434 | |||||||||||||||||||||||||||||||||||||||
| | ||||||||||||||||||||||||||||||||||||||||
| | MAKE ELUA MAU PILIPINO MAMULI O KE KIANA PAUDA Pa-hu ke Kiana Pauda Oiai e a Ana ke Ahi no ke Koala ana i na i'a—Make ka Ekolu o na Pilipino Mahope Mai ma ka Halema'i | | ||||||||||||||||||||||||||||||||||||||
| | KOHU OLE NA KU-E A NA DEMOKARATA IA HOUSTON — Hoakaka ka Loio Kuhina Lymer i Kona Ma- nao Kanawai no ke Kupono o Victor Kaleo- aloha e Paa i ke Kulana Elele Lahui | | ||||||||||||||||||||||||||||||||||||||
| | HE LEKA HAMAMA I NA KANAKA O HAWAII NEI | | Halawai me ka Make Ulia he Kaikamahine Hooku'iia Oia e ke Kaa Oto- mobile me ka Nui o na Poino Maluna Ona HIKI OLE KE ALO AE MAI KELA POINO MAI Loaa ka Poino i ke Kamaiki me ka Ike Aku no o Kona Makuahine Ponoi Mamua pono mai o ke alanui o kona home, ma ka Helu 65 Alanui Dowsett, ma ka hora ewalu a oi o ke kakahiaka o ke Sabati aku la i hala, i hooku'iia ae ai he kaikamahine o Jane Worrall ka inoa a nona hoi na makahiki he ehiku wale no e ke kaa otomobile o hookeleia ana e Shigetaro Matsuo, a no ka nui o na poino i laau aku maluna o kela kaikamahine i make ai oia mahope mai. Ma ka moolelo pokole e pili ana i kela ulia poino, e paani ana ka kela kaikamahine ma ka aoao o ke alanui me kekahi popoki, ua kahea aku la kona makuakane iaia e hele mai imua ona, mamuli o kela leo kahea, ua holo mai la ke kaikamahaine uuku mai kekahi aoao mai o ke alanui, no kahi e loaa mai ai kona makuakane, me kona aloalo ana nae, mahope o kekahi kaa lawe hau e ku ana n. i ke alanui. I ka oili ana o ke kaikamahine uuku ma kekahi aoao o ke kaa lawe hau, o ka manawa hookahi no ia i oili mai ai o ke kaa otomobile o Vivian Dwyer, e hookeleia ana e Matsuo, a hooku'iia mai la ke kamaiki e kela kaa. me ka hilu ole ke alo ae, mai ka halawai ana me ka poino. Aole no he ikaika loa o ka holo ana o ke kaa'i kela manawa, eia nae aole e hiki i ke kiakaa he hoalo ae i ka holo ana o kona kaa ma kahi okoa, oiai aole oia i ike mai i kela kaikamahine, ahiki i ka oili ana ma-mua pono o kahi a kona kaa e holo aku ana. Ua hoopaaia ke kaa me ka hikiwawe, a ua hookauia hoi ke kaikamahiane poino ame kona makuakane maluna o kela kaa, a laweia aku no ka halema'i o na poino ulia, a mailaila ae no ka Halema'i Moiwahine. Ua nui maoli na poino i kau aku maluna o kela kaikamahine, o ia ka haki ana o kona mau lima ame na wawae, a ua naha pu hoi ke poo. a mamuli o kela mau poino nui, i make ai oia ma ka hora ekahi a oi o ka auwina la o kela la. O ka mea ku i ke aloha ma kela poino, aia ka makuahine o ke kamaiki ma Amerika kahi i kakali mai ai o ka hoea aku o kana kane me ka laua mau kioki, no ka mea ua hoolala o Mr. Worall e haalele iho ia Honolulu nei ma nehinei aku la, ua hiki ole nae, ma o keia haawina l;." .'naha i ili mai maluna ona. EONO KAA I AIHUEIA LOAA HOU NAE ELUA KAA Maumaua na hana aihue kaa maloko nei o keia kulanakauhale, i kela ame keia manawa, me he mea la e hakilo mau mai ana ka poe aihue. ma na wahi pouliuli, a i ka manawa a na ona no lakou kekahi mau kaa e kaawale aku ai, o ko lakou manawa iho la ia e holo mai ai a kau maluna o kela mau kaa, a holo aku no na wahi like ole o ke kulanakauhale nei, a lakou i makemake ai. Ma ka Poakolu o ka pule aku nei i hala, i waihoia a'e ai na hoike i ka halewai, no ka aihueia ana he eono mau kaa otomobile, eia nae ho elua o kela mau kaa i loaa mahope mai. Ma ka hora ehiku a oi aku o ke kakahiaka o kela Poakolu, he kaa otomobile Ford, ka i lilo i ka aihueia mai ka alanui Sheridan aku. Ma ka hora umi o kela la no, ua lilo aku la he kaa kalaka Ford i ka aihueia mai ke alanui Kula aku; ma ka hapalua hoi o ka hora elima o ke ahiahi ana iho, i lilo hou ai he kaa Ford mai ke alanui Uniona aku. Ma ka hapalua hoi o ka hora ehiku o ka po ana iho, i aihueia ai he kaa otomobile mai ke alanui Lunalilo aku, a mamua o ke kani aua o ka hora umikumamalua o ka po ana iho, i lilo hou ai kekahi kaa; eia nae ua loaa hou no kela kaa, i kona ona, pela hoi me kekahi kaa okoa aku, he makai ka mea i loaa ai ia kaa. No na kaa otomobile elua i loaa hou ai, aolo he mau poino i ikeia maluna o kela mau kaa, k.e wale no ka pau ana o ke gesoline, o ke kumu paha ia o ka haaleleia ana e ka poe aiahue a loaa aku ai ma na wahi o ka haaleleia ana | | ||||||||||||||||||||||||||||||||||||
| | Kakoo o laukea i ka Moho Elele a na Repupalika Hoakaka Oia no ka oi Aku o ke Kupono me ka Ma- kaukau o Houston MAKEE LOA OIA NO KA HOLOMUA O HAWAII Makemake Oia e Kohoia ka Elele ma ka Aoao e Loaa Ai ka Holomua Aole he mea maa ma Hawaii nei, ke kakooo ana o kekahi Demokarata ko'iko'i i na moho o ka aoao Repubalika; aka ua ikeia nae, ke kakoo ana o kekahi Demokarata, elike me Konela Curitis P. laukea, iloko o keia kau hoouka kalaiaina, i kona manawa i oili mai ai a ku iwaho, me ka hoakaka ana ae i kona manao, no ke kakoo ana i ka moho elele lahui Victor Houston, ma ka aoao Repubalika. No na makahiki lehulehu i kaahope aku nei, ua pili mau no o Konela C. P. laukea, me ka moho elele lahui o kona aoao kalaiaina ponoi iho a i ole ua noho hamau oia me ka hoakaka ele ae i kona manao i ke akea, no ka ninau elele, i keia kau koho baloka nae, ua huli mai oia a kakoo i ka elelo a ka aoao Repubalika; aole nae malalo o na kumu maikai ole, aka mamuli o kona manaoio, ma o ka aoo Repuba- lika wale la no, a ma o ka elele Repubalika la hoi i Wakinekona, e hoomauia ai ke kulana holomua o Hawaii nei. Ma ka manaoio o Konela C. P. laukea, ua loaa ia Houston, ka ma-kaukau piha ma kona ano he elele mai Hawaii aku nei, e hana ai me ka holopono loa ma Wakinekona, no ka pono o keia teritore. li'.',' kii. p'o u o ii-LiOukoa. O keu; te- ritore, wahi hou a Konela laukea, ua hoea mai i ka manawa a Ha-waii nei, e hoouna ai i kekahi elele i ka Ahaolelo Lahui, no ka mea o ka ninau pili auhau dute, kekahi ninau nui e hapaiia mai ana ma keia kau Ahaolelo ae, o ka hoemi ana iho i ke ana auhau, me ka nana ole i kona uuku, e lilo ana ia i mea hoopilikia i ka holomua o Hawaii nei. Wahi hou ana, ua hoea mai i ka manawa a ke teritore o Hawaii nei, e hoouna ai i kekahi elele i ka Ahaolelo Lahui i pili me ka aoao e ku ana no ka palekana, aole hoi no kekahi mea i waiho aku iaia iho malalo o ka loina o ke ana auhau dute no ka loaa aupuni wale no. MAI KOHO KAKOU IA M. PACHECO! I ka Nupepa Kuokoa; Aloha kaua: — Heluhelu iho la au i ka moolelo o na haiolelo kalaiaina, o ka po o ka la 25 o Okatoba nei mai ka aoao Demakarata mai, he ku maoli i ka hoohaahaa me ke kupono ole. Haiolelo ae la o Pacheco, kekahi moho Demokarata e alualu nei i ke kulana lunakiai, e hoohaahaa ana i ka moho paahae o ka aoao Repubalika Victor Kaleoaloha Houston penei: "Mahope iho o ka la 2 o Novemaba, e loli ana kona inoa. I keia mauawa o Kaleoaloha, mahope iho o ka la koho baloka, o Kaleomake." E ka lahui Hawaii e, e ae ana anei kakou i keia moho Demokarata e hoohaahaa ia kakou, na Hawaii. Ano la e aokanaka mai kakou! E ala, o ku a maloeloe, a e koho me ka manao lokahi ia Kaleoaloha, a e waiho malie aku i keia moho waha lepo ame kana moho e painuu nei, i kauhale. E hoike ae kakou i ke akea, he lahui makee, kakou i ko kakou inoa maikai me ka inoa maemae, aole hoi e lanakila mai B,. kanaka waha lepo o keia ano e wahaa ai ia kakou. E hoike kakou i ko kakou manao lokahi mo ke kupaa ame ko aloha oiaio ma ke kapae loa ana i ka inoa o Pacheco mailoko aku o ko kakou noonoo, a hoea mai i keia Poalua ae, o hoike ae ia kakou imu!. o ke ao holookoa he lahui makee ka lahui Hawaii? ka inoa maikai. E -lMpae loa i ka inoa o Pacheco, mai koho iaia, i kumu nona o ike iho ai, aole kakou na Hawaii ' make-make i na olelo pelapela e lanakila maluna o ka oiaio. Na ka Makua Lani uo e malama a e haawi mai i ka lanakila kamahao ia Victor Kaleolaho Houston. Ko hoike e mai nei no na lani i na hiona no ka lanakila kamahao e loaa ana i ka aoao Repubalika ma keia Poalua ae. Ma ke kupaa ko kakou ikaika a lanakila! HAWAII OIAIO. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | | | ||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| |
| | ||||||||||||||||||||||||||||||||||||||
| |
| | ||||||||||||||||||||||||||||||||||||||
| | ||||||||||||||||||||||||||||||||||||||||
| | NO KA LELE HOU ANA MAI O KA MOKULELE I HAWAII NEI KA HANA E HOOLALAIA MAI LA WAKINEKONA, Oct 1.—No ka lele hou ana aku a kekahi mokulele mai Amerika aku nei a Hawaii ka hana i aneane e maopopo loao ina e holopono ana ka lele ana mai a kekahi o na mokulele e hoolalaia mai nei ma ka hapa hope o keia mahina, elike me ia a ke keena o ka oihana kaua moana o ka hoakaka ana ae i keia la. I kulike me ia a ke keena kaua moana o ka hoike ana ae he elua mau mokulele PN-10, he mau mokulele i hoonuiia ae mamua o na mokulele PN-9 i lele mua ai i Hawaii i ka makahiki i hala, e haalele aku ana ia Verekinia ma ka la 19 o Okatoba, a i ole mahope iki aku paha o ia manawa, me ka hoomaha ole, ahiki i Colon, Cuba, a ma ke kaei ao o ke Alawai, ma ke alahele mai o Cuba. O ka Lutanela Harold Barlett ka i hookohuia aku i pailaka nana e lawe mai i na mokulele mai Vere- kinia ae a ke alawai o Panama, me ekolu mau aliikoa e ae ame hookahi kanaka no ka hookele ana ia mau mokulele. O ka mamao e hookeleia mai ai ia mau mokulele he 1806 mile. Ua manaoia ua mau moku- lele la e laweia ai a hoea i San Diego. Kaleponi. Ina e ikeia ana ka holo- pono o ka lele ana mai a ia mau mokulele, alaila e hoomaka koke ia ana ka lele aku no Hawaii, o ia ka hana a ka oihana kaua moana e hoolala mai nei. Aohe i holopono ka lele mua ana a ka mokulele no Hawaii. He ekolu mau mokulele i hookaawaleia no ka hoao ana—elua mau mokulele PN-9 ame hookahi mokulele Moeing, poino ka mikini o ka mokulele hope. Aohe i hiki ae ka mokulele Boeieng i Kapalakiko i ka manawa kupono no ka lele like ana me na mokulele e ae, aohe no i lele iki aku. O kekahi o na mokulele PN-9 he mau hora kakaikahi wale no kona i ka lewa a haule iloko o ke kai mamuli o ka haki ana o ka laina aila. O ka lua o na mokulele a e hookeleia ana e ke Kapena John Rogers ua pau kona gasoline, ma kahi aneane e ike aku ai i na kapakai o Hawaii, a haule iho la iluna o ka ilikai, a no na la he umi ka holo ana aku maluna o ka ilikai a ma kahi he 15 mile ka mamao mai Kauai mai loaa i ka mokuluu R-4, a koloia ae a pae i Kauai. HE HOOMAIKAI PALENA OLE. I na hoaloha lehulehu, na maka- maka ka ohana no hoi, i ka Aha- hui Kamehameha ame ka Ahahui Hoonaauao o na Hawaii, na lima- hana o ka oihana kukeawa, ame ka lehulehu apau o ka poe i komo pu mal me a'u iloko o ko'u mau hora o ke kaumaha ame ka luuluu no kuu wahine aloha (Annie Mana i haale- le mai i keia ola ana, ma ka la 7 o ka mahina o Okatoba nei, ka poe hoi i haawi mai i ka lakou maka- na pua, no ka hoohiwahiwa ana iho i ke kino wailua o kuu mea aloha, a i ka'i pu aku ma kana huakai hoolewa, no oukou apau ka'u hoo- maikai piha, no ka oukou mau mea i hana mai ai no'u, a'u e poina ole ai iloko o ko'u mau la apau o ke ola ana ma ka honua nei. Ke nonoi aku nei au i ko oukou | | ||||||||||||||||||||||||||||||||||||||
| | PEPEHIIA HE WAHINE MA'I, E KA MEA AIHUE Oiai e waiho ana maluna o kona wahi moe me ka ma'i maloko o kona home ma kahi kokoke ana i ke Alanui Young ame ke Alanui McCully, i pepehiia ae ai he wahine Kepani nona ka inoa o Yoshimatsu Naka, o kekahi opio Hawaii, o ke komo aihue ana maloko o kona home, ma ke awakea o ka Poalima nei, a mahope iho o ka pepehi ana i kela wahine ma'i i hoomaka aku ai ke kolohe e holo, no kona palekana Ma ka hoakaka a kela wahine Kepani, oiai no oia e waiho ana i ka ma'i maluna o kona wahi moe, ua ike mai la oia i ke komo ana aku o kekahi opio Hawaii noloko o ka hale, mamuli o ke oki ana i ka uwea liilii ma ka puka. I kela opio ka maloko o ka hale, ua hoomaka aku la oia e kuekaa i na ukana apau o loaa aku ana iaia, ma ke ano aihue, aia no nae ka wahine ma'i ke nana mai la i ka haua a kela opio. I ka loaa ana aku nae o ka ike i ka mea aihue, he wahine kekahi o waiho mai ana iluna o ka moe, a ua lona pono hoi kana hana aihue, ua hele mai la oia a hahau aku la i ka wahine ma'i me ka pauku laau ma kona poo, a mu ka umauma, a no ka nui o kona eha, a no ka hoopakele ana ae no hoi iaia, mailoko mai o ka poino, ua noke okoa ne la ka wahine Kepani i ka uwa, na kela leo uwa, i kono aku i ka mea aihue e Lolo. Ua lohe mai la nae ka poe o noho kokoke mai ana i ka hale o ka wahine Kepani i kona leo uwe, a holo mai la lakou iloko o ka manawa kupono loa, i ike aku ai i ka holo o ka mea aihue, a iloko no hoi o ia ma-nawa hookahi, i hoounaia mai ai ka lohe i ka halewai, no ka hoouna ana aku i ke kaa maka'i, no ka lawe ana mai i ka wahine ma'i no ka halema'i. Ma ka halema'i o na poino ulia i nanaia ai kahi i eha o kela wahine, ua hele kona poo ame ka umauma a uliuli, o kela na wahi i hahauia ai i ka laau o ka mea aihue. Mahope iho o ka haawiia ana O kekahi laau, no ka hoomama ana ae i na ehaeha o ka mea poino, i hoihoi loa ia ni oia noloko o ka Halema'i Moiwahine, no ka lapaauia mai. No ka hookolo ana nae mahope o ka meheu o ka mea aihue, ua hoounaia aku na makaikiu, no ka huli ana i kekahi kanaka, i hoikeia aku ai ia lakou kona mau ano apau, elike me ia a ka poe na lakou i ike iaia, oiai e holo ana mai ka hale aku o ka wahine ana o ka pe-pehi ana. He mau anoano opihi mai Iapana mai no ke kanu a hooulu ana ma Ha-waii nei ka ke Dr. lshikawa o ka lawe ana mai maluna o ka mokuahi Taiyo Maru ma ka Poakahi iho nei a e hoaoia aku ana ka holopono o ia hana maloko o kekahi o na loko a Kuramoto. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | Me ke aloha ia oukou! Mailoko lilo mai o kuu. puuwai i puapua'i ae ai ka hoomaikai nui no ke aloha luaole a oukou i pahola mai ai imua o'u apuni keia mau mokupuni, kuu aina aloha, ilo-ko o na pule hahana o na hana kalaiaina a'u i hoohala ai me ka loaa o ka pomaikai o ka hui kino ana me ka hapanui o oukou. Ua piha loa au me ka manao mahalo no ka loaa ana ia'u o ka ikaika ma ka huakai kaahele ame ka hana haiolelo. O k:' ^h^^^ ^, wi nana '' hanwi mai i ka ikaika i ke kino, a ua hanaiia mai kuu uhane e ko oukou aloha nui. O kuu aloha no Hawaii nei, ua like ia me ko'u hapa, me ke koko o kuu makuahine Hawaii. O kuu aloha no ko kakou lahuikanaka nui, i lilo ai o Hawaii nei i hapa, a'u i noho hana aku ai me ka pauaho ole no aneane kanakolu makahiki, ua like ia me ko'u hapa me ke koko o kuu makuakane, ka mea i haawi holookoa aku i kona ola ana no kela hana. He nui ka mea a kela hana i haawi mai ai ia'u. Aole ma ka puka-a-maka maoli ana ae, aka ma ke ano he kahu malama no na kanaka o keia aina. ka poe na lakou i uku i ko'u hoonaauaoia ana ma ke Kula A'o Kaua Moana ma Annapolis, a i uku hoi i ko'u ukuhana mahope mai nei. I pana'i no keia kokua ua ike iho au i ko'u noho aie e pono ai au e hoike ae i ko'u makaukau elike me na kalena i loaa ia'u, a elike auanei me ka nee ana aku o na makahiki imua malia o hooiia ae ko'u kupono. O oukou ke kuleana i na hopena o keia a'oia ana. A no ke kumu elike me ia i nanaia mai ai e kekahi poe— a pela no hoi au i nana aku ai—he a'oia ana ia e oi ae ka waiwai e hooliloia no ko oukou pomaikai, ma o ka hana la a oukou i makemake ai e lawelaweia ma Wakinekona, ua konoia mai au e waiho aku ia'u iho ma ke ano he Elele na oukou i ka Ahaolelo Lahui. Ua hoomaopopo au i ke ko'iko'i nui o keia hana, a ua makaukau au e auamo ia mea me ka ikaika apau ame ka manao makee iloko o'u Pehea nae ke ko'iko'i o ka hana a ko oukou Elele, ua oi ae ke ko'iko'i o ka oukou hana, no ka mea ma o ko oukou mana pilipaa la e hiki ai ia oukou ke koho iaia. Ua noho au ma na aina lehulehu kahi i loaa ole ai i na kane ame na wahine kela mana, nolaila, pela au i nana aku ai ia mea ma ke ano he pono makamae loa a e hoohanaia ai me ka piha pono me ka naauao, ame ka hiipoi. Ua maopopo no ia'u ua ike oukou i ka mea iloko o kuu puuwai, i ko'u olelo ana aku imua o oukou, iloko o kela ame keia hora mahope iho o ko'u waiho ana aku ia'u iho no keia hana ko'iko'i hou, me he mea la ua pa hou aku ia'u ka lima palupalu o kuu makuahine e apo mai ana i ko'u lima, a e kau mai ana hoi ka lima nui, lokomaikai o kuu makuakane maluna o kuu poohiwi. Ua lohe aku au-a i ole e lohe aku ana paha—i ko laua leo kokua. O ka mea ia nana i hoolana ae ia'u a i hookomo mai i ka ikaika iloko o'u, kela ano no i ko laua wa e ola ana—a e hana mau aku ai. Me ke aloha, VICTOR KALEOALOHA HOUSTON. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | KA HUAKAI MAKAIKAI A NA KEIKI KULA NO HANAUMA MA NA KAA KALAKA Ua haawiia ae he kono i na keiki o na halekuai apau ame ko na kahua paani ka poe e hiki nua, e holo makaikai i ke Kaikuono o Hanauma maluna o na kaa kalaka nunui ma ka auwina la o keia Poaono iho, he huakai makaikai i hoolalaia e ke komite hoohauoli i na kamalii no kela ame keia mahina, a e hoomaka ana ka haalele ana i ka Paka Aala ma ka hora 1:15, me ka hoomaha liilii ana ma na kahua paani ma ke alanui Beritania a e akoakoa ana na kaa kalaka apau ma ke kahua o ke Kapitala ma ka hora 1:30. O ke Kaikuono o Hanauma kekahi wahi nani loa ma kela huli hikina o ka mokupuni o Oahu, a o ia no hoi kekahi hapa o ka paka ma Koko Head i haawiia ae e ka Bishop Estate i kahu no ka paka. Ma Hanauma he wahi maikai loa ia no ka lawaia ana, a no ka auaukai ana, a ee lilo aku ana ia ma nei mua aku i wahi pilia mau ia e ka poe makaikai ame ka poe e make make ana e hoonaha. Ma ka hora 6 o ia ahiahi e hoi mai ai na kaa kalaka me na kamalii no ke kaono nei. No na tikiki ukukaa, he 35, e loaa aku ana i na keiki mahina o na kahua paani mai ka poe aku no lakou na inoa malalo nei: Ma Aala, mai ia Mrs. Ben Oliveria aku; Mrs. aLng Akana, ma ke kiekiena Alewa; mai ia Miss Margaret Waldron aku, ma ka Paka Atkinson; ma ke alanui Beritania, mai ia Mrs. Rose Trevenon aku; a mai ka poe e ea i kohoia e loaa aku ai na tikiki ma na kahua like ole. | | ||||||||||||||||||||||||||||||||||||||
| | LAWE O PARSONS I KA HOO- HIKI OIHANA NO KA AHA KIEKIE Ma ka hora 2 o ka auwina la o ka ' -.'.i-i iho nei ka hoohikiia ana a '-- l ip'.nnia o ka Lunakanawai -.-'?$ F. Parsons i kokua lunakanawai kiekie ma ka noho i hoo-'-'"-.imakaia mamuli o ka make ana - - ?. Lunakanawai Alexander Lind- say Jr. Ma Auseteralia, he mau n .i^a kakaikahi i hala aku nei ma- (-, 'K- lunu k; kiekie ?-'--. James J. Banks, ka lunakaua- "-. .e lawelawe ana i ka hana ma !--.-, o ka Lunakanawai Kiekie An-' ':"' Perry i loohia i ka ma'i la ? -.'pu a i hoopaaia aku maloko o ^ a home. Mahope iho o ko ka Lunakanawai Parsons lawe ana i ka hoohiki i --'-;:- ai oia i kona inoa maluna o - . palapala hoohiki oihana elua, . -:- .hi kope o ia palapala hoohiki . - -^.inaia aku i ke keena hookolo- kolo ma Wakinekona a he hookahi . " -n aia ma ke ano he hapa no ka - -; ' o na hana o ka aha, a ua --'".- -a .-. ae ke kakauolelo e hoopaa -- - -ia buke moolelo o ka aha kie- '.; ^i aoao o ka lunakanawai 'w ..' wahi a ka Lunakanawai i"---' 'ame a'u pu, ke pahola aku "' -. , :& oe i na manao mahalo ^ - .-. k-ia aha." Maloko o ke keena o ka Luna- kanawai Banks i hoohikiia ai ka ''-kanahai Parsons, a mawaho ae ^ -i Lunakanawai Banks, o na luna- --mi o na aha kaapuni Frank -a3e ame Desha pu kekahi ame -. M- Robertson ka lunakanawai -- "- nua, Clem K. Quinn, ka lu- kanawai kaapuni mua, ka Loio " ina W. B. Lymer, ame na loio i l. Pelina-k, Clifton H. Tracy, M. " -"'-"MOI-, E. H. Beebe, Benj. L. " - A. G. Smith, Urban E. Wild, 5'-^ool, Hoon Wo Wong, A. '?;-. C. M. Hite, R. A. Vitou- " ^ W. Thayer ame ke kakau- ' /-.- aha kiekie Jas. A. Thomp- | | ||||||||||||||||||||||||||||||||||||||
| | ||||||||||||||||||||||||||||||||||||||||
| |
| | ||||||||||||||||||||||||||||||||||||||
| | ||||||||||||||||||||||||||||||||||||||||
| | son ame A. E. Restarick, ke kakauo- lelo o ka aha kaapuni elua. No ka lawe ana i ka hoohiki oiohana ma ke ano he lunakanawai kaapuni ma kahi o Parsons i hookiekieia ae, ua hoike ae o Cristy ma ka Poakahi nei ma kekahi o na la hope o keia pule e lawelaweia ai ia hana. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | oluolu apau, e lawe aku i keia hoo-maikai kuio, a ke kalokalo ae nei no hoi au i ko kakou Makua ma ka lani, Nana no e haawi mai i na hoomaikai oi ae mailuna mai, Owau iho no me ka luuluu, WM. MANA. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||