Ka Nupepa Kuokoa, Volume LXV, Number 36, 9 September 1926 — HAALELE MAI IA HAOLE KAMAAINA O HAWAII NEI [ARTICLE]

HAALELE MAI IA HAOLE KAMAAINA O HAWAII NEI

Ma ka hora eha me iwakalua miliuke, o ka hora eha, o ka wanaao o ka Poakolu a ao ae ka Poaha o ka pule aku nei i hala, i pauaho mai ai o Jameg A. Kennedy, ka peresidena a lunanui mua o ka hui mokuahi holo piliaina, i keia ola ana, ma kona home ma ka huli Koolau aku nei, o keia mokupuni, e kokoke ana i Laie, a ma l>a hapaliia o ka hora eha o ka auwina la o ka Poaha ae, i hoomoeia aku ai kona kino lepo, mauka ae nei o ka ilina ma Nuuanu. He ma'i puuwai ka ma'i nana i hoopokole ae i ke ola ana o keia hoak>ha kahiko o Hawaii nei; ua make oia me ka hikiwawe loa iloko o ka maluhia, me ka maikai no o kona ola kino, me na hoailona ole 0 ka ma'i maluna ona. Ma kona haalele ana iho i keia ola ana, qa waiho iho oia mahope nei i kana wahine kane-make ame ka laua mau keiki ekolu, ho mau keikikane ame hookahi kaikamahine. Ua hanauia o James A. Kennedy ma Sekotia, ma ka la 28 o Novcmaba, 18ō2 r nolaila ma kona manawa 1 make aku la, ua piha iaia na makahiki he kanahiku-kumamakolu ame na mahina ewalu, ame na la keu he iwakalua-kumamahiku. Ua hoonaauaoia oia ma na kula o kona aina hanau, a iloko no o kona mau la o ke kanaka opio, i hoi ae ai oia a noho ma Kapalakiko, no na makahiki ewalu. Ma ka manawa e noho lunanui ana kona kaikuaana i make mua, oia o Charles C. Kennedy no ka mahiko o Waiakea, i holo mai ai oia no Honolulu nei,' me ka noho hana ana no ka hale hanahao Honolulu. No na makahiki he iwakalua, kona noho ana he lunanui no ka hale hanahao a i kona w-aiho ana aku i kela kulana, ua kohoia oia i poo nui no ka hui mokuahi holo piliaina he kulana ana i paa ai no na makahiki lehulehu, ahiki i kona waiho ana aku i kela kulana, he elua wale ae nei no makahiki i hala. Uoko o ke au e noho lunanui ana o James A. Kennedy, i lawe.laweia ai na hana ano nui iloko o ka hui mokuahi, pela hoi ke hou ia ana o na mokuahi nunui, e holoholo nei i keia man.wa ma na kai o Hawaii nei.