Ka Nupepa Kuokoa, Volume LXV, Number 35, 2 September 1926 — ONI NA KEPANI IMUA NO KA PONO KOHO BALOKA [ARTICLE]

ONI NA KEPANI IMUA NO KA PONO KOHO BALOKA

Malalo ae nei o Aala Paka, ma ka hapalua o ka hora ehiku o keia po Poahn, e malamaia ae ana he halawai akea, e na Kapeni i hanauia ma Hawaii nei, & i loaa hoi ia lakou ka pono makaainana Amerika, no ka hoeueu ana i na Kepani apau i hiki aku ko lakou mau makahiki, i kahi e kuleana ai lakou 0 Jtoho ba!oka; e hele ae e hoopaa 1 ko lakou maa inoa, oiai e bamama ana na buke hoopaa inoa o ka poe kupono-i ke Uoho baloka i hiki ai ia lakou ke koho baloka ma keia kan koho wae nioho e hoea mai ana. A[a kela halawai, e hoea ae ai kekahi mau alakai o na aoao kalaiaina, a hoakaka mai imua o na Kcpani opiopio, i ke ano o ke kalaiaina, pela hoi ka honkaka pu ana i ke ano o na r_>ao kalaiaina Kepuhalika ame Demokarata. E hoea ae ana o Victor S. Houstoa, ma kela halawai, me kona hoakaka ana niai iinua o kel.a anninn, i na loina alakai, i pili i ka aoao Repubalika, a o ka Loio S. C. lluber hoi, ka mea haiolelo, no ka hoakaka ana mai i ka aoao Demokarata. O Kiaaina Farrington ame ka Meia Wilson kekahi e hoea ae ana ma kela halawai, me ko laua kamailio mai, maluna o ka ninau makaainana ame ka hana a na makaainana, i pili i ka pono koho baloka. E noho hoomalu ia ana kela halawai e Clifton H. Yamamoto, ka lunahoonialu o ke komite hoopna inoa o na Kepani; a o ka Loio Wilfrcd C. Tsuki, kekahi mea haiolelo ma kela po, maluna o na ninau nui i £>ili i ka manao o ka halawai i kaheaia ai. E hoea pu ao ana he hui hookani pila ma kela halawai, pela hoi rae kekahi poe himeni, no ka hoonanea ana i ka lehulehu, me na liimeni kupono. Oiai he halawai kela i makemakeia »i na Kepani opiopio apau, i kupono i ke koho baloka, e hōea ae ma keia po; ua noa pu kela halawai i ka lehulehu, elike no me na halawai kalaiaina e ae apau i malamaia, a e malamaia aku ana ma kela amo keia wahi.