Ka Nupepa Kuokoa, Volume LXV, Number 35, 2 Kepakemapa 1926 — AIA HE LIKE OLE NUI ILOKO O KA OIHANA MAKAI. [ARTICLE]

AIA HE LIKE OLE NUI ILOKO O KA OIHANA MAKAI.

Ina he mau loli ano nui kekahi i ikeia iloko o ka hobkele aupuni kulanakauhale, iloko o na makahiki elua i kaahope ae rci, alaila o ka oihana makai o Honolulu nei, ka oihana i ikeia kona loli ae no ka maikai ame ke kulana lawelawe oihana. Me ka Makai Nui David Trask ma ke poo o kela oihana, ua jkeia na loli ano nui loa, aole wale no, ma ke ano o ka hoolianaia ana o ka puali makai, aka ke ano kekahi o ka maheleheleia ana o na keena hoopaa lawehala; ka weheia ana he mau -waihona kokua a hoopakele i na makai, iloko o ka manawa o ka pilikia ame ka poino, a maluna ae o na mea apau; ua makeeia ke kulana lawelawe oihana o na makai; me ka hookoia aku o kela oihana me ka hoopilimeaai ole. Xo na makahiki elua i kaa ai ka hookeleia ana o ka oihana r.iakai o Honolulu nei, malalo o ka Makai Nui Trask, a no na makahiki lie umi-kumamaono, i kaa ai malalo o Charles H. Kosc. Ke alualu like nei keia mau kanaka a elua, e loaa ka waeia T?o ke kulana makai nui; ua ili iho ke ko'iko'i maluna o na Dcmokarata, ka wae ana ae i ke kanaka a lakou i manaoio ai, x:a lawelaweia aku kela oihana me ke kui'o, o ke ano kanaka makua. He mea maa iloko o na manawa hakoko kalaiaina apau ka ike ana aku i kekahi poe, e holo moho ana 110 na kulana oihanā, ka lululima ana me ka poe .apau e loaa aku ana ia lakou, ma na alanui, kela poe no, e halawai mau ana me lakou ma na manawa mamua aku, me ka ike ole iho i ka hoa kanaka. He keu no paha ke kupaianaha oke ano oke kalaiaina! He haawina keia i ikeia ma na wahi apau, no ka mea pela wale no e loaa mai ai na haloka o na mana koho, aia a hoohana i ke akamai ame ka maalea. HEia na Kepani i loaa ia lakou ka pono makaainana Amerika, ke lioeueu mai nei i na Kepani opiopio apau e hele ae e hoopaa i ko lakou mau inoa, iloko o ka buke o ka poe kupono i ke koho haloka. Ina aole e loaa ia kakou na manao makee i keia pono, elike me ia i loaa i na Kepani, alaila e hoea mai ana i ka la, e kohoia ai na Kepani ma na kulana oihana e paaia nei e na Hawaii ame na Haole i keia Ia; koe wale no a hoo* neleia aku kela poe Kepani i ka pono koho baloka, ma kekahi mau hooponopono ahaolelo e hanaia mai ana, i wahi e noho mana ole ae kela lahui ma ka ninau koho baloka. Xui ka poe e hoomaoe nei, i ka mea nona ke alalauwa e ku mai nei iloko ae nei o ke awa, a ma na apana kuaaina o kekahi mau mokupuni, mamuli no o ka maa o na Hawaii, he i'a wale no kela i pili i na alij( o Hawaii nei. Hookahi no pane maopopo loa, he i'a hoolawa keia i ka lehulehu, ina no ka loihi mai o ke ku ana e ha'o ae ai kekahi kuai ana i na i'a pipii launa ole o na makeke. Ninau mai la kekalii mea i keia keena, no ke kupono ole.ia C. H. Rose, e holo ku-e ia David K. Trask, no ka mea he mau Demokarāta no laua. Eia no ka mea pololei, o ka moa i maa i ka hoopunana maluna o kana mau hua, lili loa kela moa, ke lilo na hua i ka pelehu. , t +++ Hookahi moho lunamakaainana Kepani e holo mai nei mai H&waii Hikina mai i keia kau; iloko o elima makahiki ma keia hoj>e aku, e pa-umiia ae ana ka nui o na Kepani e alualu mai ana i na kulana oihana iloko o ko kakou mau hookele aupuni kuloko.