Ka Nupepa Kuokoa, Volume LXV, Number 35, 2 September 1926 — Page 6

Page PDF (1.45 MB)
Nupepa Kuokoa
KE KILOHANA POOKELA NO KA LAHUI HAWAII
AOAO NO NA MANAO PEPA
SOLOMON HANOHANO, LUNAHOOPONOPONO
NA MOOLELO HOONANEA, NA NUHOU KALAIAINA
ME NA NUHOU O KA MANAWA
NUPEPA KUOKOA. HONOLULU. T. H. POAHA, SEPATEMABA 2, 1926
AOLE HE MEA LEALEA KA HOLO MOHO ANA
O ka holo moho ana no na kulana kohoia e ka lehulehu, he kuleana ia a ke kanawai i haawi mai ai i kela ame keia makaainana, i loaa na hookupono ana, elike me ia i hoakakaia ai ma ke kanawai.
Ma ka ike i loaa mai ia makou, iloko o na makahiki lehulehu i kaahope aku nei, iloko o na hana kalaiaina, aole he hana maalahi ka manao ana no kekahi mea e holo moho, koe wale no a maopopo iaia kona kulana ikaika me ke ohohiaia, pela hoi kona kulana ulakolako ma kona ola ohana ana.
He nui a lehulehu wale o na moho e alualu nei i na kulana oihana, i hoomaopopo ole i na pilikia ame ke ko'iko'i o na hana i kau aku maluna o lakou, ma ke ku ana aku imua o ke kalaia mokomoko kalaiaina.
Ma ke ano he moho e alualu ana no kekahi kulana oihana, e konoia mai ana kela ame keia e auamo i kona mau hoolilo ponoi iho, a ina no ka lawe ae o na alakai o na aoao, i na ko'iko'i o ka hooponopono ana ame ka hoohana ana aku i ke ano o ka hoouka kalaiaina, alaila e konoia ana kela ame keia moho, e haawi ae i kekahi huina dala, no na hoolilo o na halawai kalaiaina, he haawina ko'iko'i a kaumaha i hiki ole i kekahi mau moho ke auamo, mamuli mai o ka nele ame ka pilikia
o ka noho ana.
Aole he olelo ana no ka poe i lako, a he mau hana ano nui ka lakou e lawelawe ana no na ukuhana maikai; aka no ka poe i nele, a i hemahema maoli ko lakou noho ana, no lakou ka keia pepa e hoonaauao aku nei, no ke kupono ole o ko lakou manao ana e holo moho.
Ina no ko lakou kohoia a puka no na kulana a lakou i alualu aku ai, alaila ua makepono na hooikaika ana apau, e hoihoiia mai ana ko lakou mau hoolilo, a e uku pono ia mai ana hoi ko lakou luhi; aka, ina no ko lakou lanakila ole ma ka pahu baloka, alaila ua papalua iho ko lakou poho ame ka pilikia.
Ua nui a lehulehu maoli na moho o kela ame keia aoao kalaiaina pakahi, e alualu nei i na kulana, o ka oi Ioa aku, no ka ahaolelo kuloko, mamuli o keia nui loa, e kauliilii ana na baloka o na mana koho, aole no nae he hewa o ia, pela wale no e hoopauia ae ai na manao kuhihewa o kekahi poe, i uluhia na manao holo baloka iloko o lakou, me ka nana mua ole a malaelae ke alahele no ko lakou lanakila.
AIA HE LIKE OLE NUI ILOKO O KA OIHANA MAKAI
Ina he mau loli ano nui kekahi i ikeia iloko o ka hookele aupuni kulanakauhale, iloko o na makahiki elua i kaahope ae nei, alaila o ka oihana makai o Honolulu nei, ka oihana i ikeia kona loli ae no ka maikai ame ke kulana lawelawe oihana.
Me ka Makai Nui David Trask ma ke poo o kela oihana, ua ikeia na loli ano nui loa, aole wale no, ma ke ano o ka hoo-hanaia ana o ka puali makai, aka ke ano kekahi o ka maheleheleia ana o na keena hoopaa lawehala; ka weheia ana he mau waihona kokua a hoopakele i na makai, iloko o ka manawa o ka pilikia ame ka poino, a maluna ae o na mea apau; ua makeeia ke kulana lawelawe oihana o na makai; me ka hookoia aku o kela oihana me ka hoopilimeaai ole.
No na makahiki elua i kaa ai ka hookeleia ana o ka oihana nakai o Honolulu nei, malalo o ka Makai Nui Trask, a no na makahiki he umi-kumamaono, i kaa ai malalo o Charles H. Rose.
Ke alualu like nei keia mau kanaka a elua, e loaa ka waeia no ke kulana makai nui; ua ili iho ke ko'iko'i maluna o na Demokarata, ka wae ana ae i ke kanaka a lakou i manaoio ai, ua lawelaweia aku kela oihana me ke kui'o, o ke ano kanaka makua.
He mea maa iloko o na manawa hakoko kalaiaina apau ka ike ana aku i kekahi poe, e holo moho ana no na kulana oihana, ka lululima ana me ka poe apau e loaa aku ana ia lakou, ma na alanui, kela poe no, e halawai mau ana me lakou ma na manawa mamua aku, me ka ike ole iho i ka hoa kanaka. He keu no paha ke kupaianaha o ke ano o ke kalaiaina ! He haawina keia i ikeia ma na wahi apau, no ka mea pela wale no e loaa mai ai na baloka o na mana koho, aia a hoohana i ke akamai ame ka maalea.
Eia na Kepani i loaa ia lakou ka pono makaainana Amerika, ke hoeueu mai nei i na Kepani opiopio apau e hele ae e hoopaa i ko lakou mau inoa, iloko o ka buke o ka poe kupono i ke koho baloka. Ina aole e loaa ia kakou na manao makee i keia pono, elike me ia i loaa i na Kepani, alaila e hoea mai ana
i ka la, e kohoia ai na Kepani ma na kulana oihana e paaia
nei e na Hawaii ame na Haole i keia la; koe wale no a hoo-
neleia aku kela poe Kepani i ka pono koho baloka, ma kekahi
mau hooponopono ahaolelo e hanaia mai ana, i wahi e noho
mana ole ae kela lahui ma ka ninau koho baloka.
Nui ka poe e hoomaoe nei, i ka mea nona ke alalauwa e ku mai nei iloko ae nei o ke awa, a ma na apana kuaaina o kekahi mau mokupuni, mamuli no o ka maa o na Hawaii, he i'a wale no kela i pili i na alii o Hawaii nei. Hookahi no pane maopopo loa, he i'a hoolawa keia i ka lehulehu, ina no ka loihi mai o ke ku ana e ha'o ae ai kekahi kuai ana i na i'a pipii launa ole o na makeke.
Ninau mai la kekahi mea i keia keena, no ke kupono ole ia C. H. Rose, e holo ku-e ia David K. Trask. no ka mea he mau Demokarata no laua. Eia no ka mea pololei, o ka moa i maa i ka hoopunana maluna o kana mau hua, lili loa kela moa, ke lilo na hua i ka pelehu.
Hookahi moho lunamakaainana Kepani e holo mai nei mai Hawaii Hikina mai i keia kau; iloko o elima makahiki ma keia hope aku, e pa-umiia ae ana ka nui o na Kepani e alualu mai ana i na kulana oihana iloko o ko kakou mau hookele aupuni kuloko.
Ie mua ma ka home nei, e ka Rev.
W. Kamau, ahiki i ka hea ana mai
o ka leo aloha o ka bele o Liliuo-
kolani e hele mai, e hoi mai oe
ma ko luakini au e hoomanao ai no
kou la Sabati, a moo aku oe ma
ka poli puanuanu o ka honua, a hoi
aku no kou uhane i ka mea nana
i hana mai, oiai o ke kanaka i
hanauia, e ka wahine he hapa kona
mau Ia, ua piha i na popilikia.
I ka wa o ka huakai hoolewa i hiki aku ai i ka halepule, oiai kona mau hoa maka hanohano e kali ana i kana huakai hope, ua malama hou ia ke anaina haipule e ka Rev. W. Kamau, a i himeniia mai e ka papa himeni, o ka ekalesia ame ke anaina.
Na olelo hoalohaloha i kekahi keiki hanau o ka aina U. S. Marshal O. P. Cox. Wehewehe ohana i ka Rev. W. Kamau me ka leo pule a hookuu na hana ma kona home lua.
Ke haawi aku nei au i ka'u hoo-maikai me ka aloha nui i ka poe apau i komo pu mai mo a'u e kanikau ai i na hora o ka luuluu ame ke kaumaha, no kuu kane aloha i haalele mai ia'u.
Ke hoomaikai aku nei au i ka Ahahui Hooikaika Kristiano, Ka Onohi o na Kai ame Ka Ahahui Mothers ame Teacher's Club, Liko Lehua no ke ku kiai ana me ke aloha i ka po ame ke ao, e hoopuni ana i kona kino puanuanu.
Ke hoomaikai hou aku nei no au i kona mau hoahanau a hoapaahana iloko o ka ke Akua mau hana; pela pu no hoi i ka makua kahu Rev. W. Kamau, ame ka makuahine, ko Waikane mau kahu ka Rev. P. D. Kellett ame ka makuahine, ka lunahoomalu o na Kula Sabati o Oahu nei, O. P. Cox, me kau lei hiapo, ko Wahiawa, ame Kauakukalahale, na pali hauliuli o ke Koolau, ahiki mai no hoi ia oe e Waialua, aina kupolua i ka Ia'i, ua puni ka moku e Kakuhihewa i ka la hookahi, nolaila keia hoomaikai nui a'u e pahola aku nei mai kuu puuwai aku, pela pu no hoi i ka oukou mau makana pua o na ano like ole, ame na makana wa-hi leta; e oluolu e lawe aku i ka'u hoomaikai me ke aloha, o ka Haku pu no me kakou apau.
MRS. VICTORIA K. KUKEA,
i ame ka ohana. Aug. 17, 1926.
HE HOOMAIKAI.
Mr. Lunahooponopono o ke Kuokoa, Aloha:—E oluolu kou ahonui e haawai mai i kekahi kowa kaawale o na kolamu o kau pepa no ka makou hoomaikai piha i ka poo a pau i haawi mai i ka lakou mau kokua ma ka la hanau o ka makou kamalei, Moses Mito, a i ka poe hoi apau i laulima pu mai ma na hana e pili ana i ka papa ahaaina, a na ke Akua i piha i ke aloha ame ka lokomaikai e kiai, hoomalu, a e hoopomaikai ia lakou apau a e oluolu ka poe a pau i hoomaikai ia e lawe aku i ka makou mau hoomaikai. Ke hoomaikai mua aku nei i ka lunahooponopono no ka ae ana mai i kowa iki no keia. I Na makou no me ke aloha, S. MITO, MRS. S. MITO, M. K. KAHALEWAI.
NA MARE.
Albert K, Funn ia Clara S. Ching, Aug. 14.
J. B. Lunusden ia Elizabeth Kapela, Aug. 24.
NA HANAU.
Na Mr. ame Mrs. Joseph Laanui, he kaikamahine, Aug. 17.
Na Mr. ame Mrs. Robert Alex Chang, he keikikane, Aug. 24.
Na Mr. ame Mrs. George P. Moss-man, he keikikane, Aug. 27.
Na Mr. ame Mrs. Robert Apau, he kaikamahine, Aug. 27.
Na Mr. ame Mrs. William Kealoha Akana Jr., he keikikane, Aug. 27
Na Mr. ame Mrs. Victor K. Mokulehua, he kaikamahine, Aug. 29.
NA MAKE.
Mary Kuaana, ma ke alanui Perry, Aug. 26.
Edward K. Olds, ma ka Halema'i Leahi, Aug. 27.
David Karratti, ma ke alanui Campbell, Aug. 27.
Maika Paiaina, ma ke alanui Kuilei, Aug. 28.
Benjamin Makia, ma ke alanui Kuke, Aug. 28.
Bebe Kanana, ma Kahaluu, Koolauloa, Aug. 28.
Heleloa Iliwaialani, ma ke alanui Kauluwela, Aug. 28.
Victoria Ululani Marino ma Kauikeolani, Aug. 29.
Moses Keheana (Jack Saffrey), Honolulu, Aug. 29.
Ma ka Poalua nei ka piha ana i
o ka iwakalua-kumamalima makahi-
ki o ke ku ana o ka hui kaa uwila
mai kona hookumuia ona mai a ua
hoomanao ae na luna nui o ia hui ia
la.
Eia na alakai o na aoao kalaiaina ke liuliu hoomakaukau mai nei i keia manawa, no ka hoonee ana aku
i na paio kalaiaina imua o na ma-
na koho, ma kela ame keia mahele
koho pakahi.
MR. CHARLES KUKEA
KUU KANE ALOHA, UA HALA,
UA NALO.
Ka lani kuu home e maha mau ai, Pokole, paa ole kuu noho maanei, No keaha e ohumu ke kau paapu
mai,
Na eha, na luhi, na kaumaha e!
Eia mai na anela, ke memele no'u
Memele, memele, ahiki i o,
Ma na puka mabela e ku ka poe
maikai,
A mele aloha no ko'u puka ana
ae.
E Mr. Lunahooponopono, o ke Kuokoa:—E ae oluolu mai hoi oe, i kekahi wahi rumi kaawale o na kolamu o ka hiwahiwa a ka lahui, no ka'u walu puoio waimaka e kau ae la maluna; o Charles Kukea, Kukalanihooilimoku, ua hala ua nalo, i ke ala hoi hou olo mai ihope nei, aloha wale!
Ma na hora ahiahi o ka la 17 o Mei, 1926, i niau palanehe aku ai ka uhane o kuu kane aloha, ilo-ko o na minuke pokole wale no, me na kukai olelo maikai ana no mawaena o maua amo ka maua wahi moopuna, aka i ka hora o ka pilikia i hiki mai ai, ua hea aku la ka leo
o ka maua moopuna ia M. Silva i
kokua no maua, a hoea koke mai no,
eia nae aohe manaolana i loaa mai
ia maua, me he powa la i ka po
ka hiki ana mai o ka make, a o ka
pau ae la no ka ia o kuu kane
aloha. He ma'i puuwai ka ma'i
elike me ka ike a kona kauka
pili kino, H. Wood, no na makahi-
ki loihi no i hala hope ae nei, ua
hele no oia e ike i kona kauka i
kela la, a olelo mai no ke kauka e
hoi oia e moe.
O kona onehanau keia, he kupa, he kamaaina no keia aina po i ka ehu, a ke kai, i Waialua nei no ka poina a ke kai, he leo ko Ewa e hoolono, e eia ua lono la nou, mai ka uka a ke kai, he lono kaumaha, lono kumakena, lono luuluu, aloha welenia i ka houpo, aloha wale no
i nalowale iho nei.
Ma Kaulamua, Kamooloa, Waialua, oia i hanau ai mai kona luaui makuakane Kahele Kukea ame kona luai makuahine Helen Punana Kaulanui i ka mahina o Iune 8, 1865, a i ka piha ana iho la o kona mau la ma ka honua nei he 60 makahiki 11 mahina ame 9 la a hele aku la i kana huakai heleloa, o haalele iho la i kona luaui makuahine i ko 84 o na makahiki e kaniaa mau aku nei nona mahope nei.
Ma ke kula o Kahehuna oia i hoonaauaoia ai, ahiki i kona puka pono ana mai, a hoi mai a ma ka poli o kona luaui makuahine.
Ua mare i kana wahine mua o Mary Ioane, aole i loihi loa ko laua mau makahiki o ka noho pu ana a haalele mai no i na la opiopio.
Ua mare hou me Jennie Ahukinialaa Holi, ua hoohauoliia mai ko laua noho ana elua keiki, oia no o Daniel Kahele Kukea ame Charles Hasting Kana Kukea, a moe aku la ko laua nei makuahine, i ka moe kau a moe hooilo.
Iloko o Ianuari la 9, 1915, ua hoohuiia iho la maua e ka Rev. Step-hen W. Kekuewa ua uoho ia no e maua iloko o ke aloha pumehana, me na ohana apau imua o ko maua alo.
He luna alanui oia no na makahiki eiwa. Nana koia mau alanui haua hou ma na alahaka mai Waimea ahiki aku i Wahiawa, i ka wa
o kona lunakiai A. E. Cox, a i ka
makahiki 1912, ua waiho aku oia
i ka hana,
He kanaka puuwai aloha keia, oluolu, aole haku olelo wale aku i kona mau hoaloha, aole i ka ni'ani'a, aole i ka ohumu wale aku, elike no me ka haiolelo a ka mea hanohano U. S. Marshal, O. P. Cox, maloko o ka halepule Liliuokolani, a na waimaka o ka poe i piha i ke aloha e paa ole iho ai.
He kahu oia no kekahi ohana keiki makuaole, a kona kaikuaana i hala mua aku, ua malama maikai ia eia.
E ka Uhiwai o Kaala e, ame kou mau kualono, ka Liko Lehua o Puukapu ame Waoala, ka ohu o ke kuahiwi, lei hoohihi a ka malihini; ko papahi lei ilima, eia Ia ua mae, aohe moa nana e kui aku, ua hala oe ka mea nana e lei.
E ka Ehukai o Puaena e, aia paha me oe kuu aloha, ua walohia walewale au i ka hana a kuu aloha, e palukuluku nei i kuu houpo, me ka hooilo ua nui, hana eloelo i kuu lihilihi maka, aia la oe ihea i nalowale iho nei. Paoa wale i ke ala ka nahele o Halemano, he manao poina olo nou ke aloha ke hiki mai o uwe no au e! Ua malamaia kona anaina haipu-
Nuhou
Kuwaho
KIKAKO, Aug. 29—Maluna aku o kanakolu mau kanaka i eha, a he lehulehu oia poe me he la e make aku ana, ma ka manawa o kekahi kaa motor o kekahi laina pokole i hooku'iia mai ai e ke kaa uwila o ke kapakai hema a laweia aku no 70 kapuai ka mamao, He iwakalua-kumamalua oia poe aia ma loko o ka halema'i.
DALLAS, Texas, Aug. 29--Ma na hoike no Ue koho baloka i hoihoiia mai na kalana mai 246, me 100 i pau pono mai, ua haawiia ia "Ma" Ferguson ke kiaaina wahine he 247,100 baloka, a i ka Loio Moo-dy 469,182 baloka, ma ke koho baloka wae moho i malamaia ma ka la aku la i nehinei.
MANAGUA, Nicaragua, Aug. 29 —Ua hoike ae na koa kipi i keia la e kipoka pa-hu ia aku ana o lakou ke kaona o El Bluff, koe wale no a hookaawale mua aku na koa
o ke aupuni mai ke kaona aku ma-
mua o ka la apopo.
NU IOKA, Aug. 29—O Gertrude Ederle, ka wahine Amerika mua nana i au ke kowa Enelani a o ka mea hoi nana e paa nei ka mauawa mama loa i au ai a i paa ma ka moolelo, ua hoopaaia oia ma kona home i keia la mamuli o ke kau oha a kona kauka a hookipa ohaoha i haawiia nona mai ka manawa mai ona i hoi mai ai i Nu Ioka nei ke kumu i manaoioia no ia ma'i ana ona. Aohe koikoi loa o kona kulana ma'i.
DOVER, Enelani, Aug. 29—Ua nui ka paiia o Mrs. Clemington Corson no ka hana koa loa ana i hana ai a holopono i keia la mamuli o kona au ana maloko o ke kowa Enelani. Ua oi aku kona mahaloia mamua o ko Gertrude Ederle. Ua hele aku oia e au no ka manawa pokole
i keia la, a wahi ana o ka ololo
ana ae ua ike iho oia i kona olu-
olu maikai, aka nae, ua palua kana
hoike ana ae aole oia o au hou ana
no hookahi miliona paona.
HOUM, Alabama, Aug. 29—He umi poe i noho maloko o na kauhale o ka poe lawai'a ma ka Mokupuni Felicity i piholo a make iloko o ke kai iloko o ka manawa o kekahi ino nui ma ka Poakolu, oia ka lono i hoikeia mai ianei i keia la.
NEW ORLSANS, 29—O ka heluna o ka poe i make iloko o ka manawa e pa ana ka makani ikaika o ka pahola ana mai ma ke kapakai o Louisiana ma ka Poakolu he 19 me 12 poe i nalowale, he 9 i manaoia o ia heluna ua make. Ke huli mai nei ka poe kokua a hoopakele i lako me ka lole ame ka ai maloko o na aina haahaa a pohopoho no na kino oia poe.
HOOLAHA
HALE O NA ALII O HAWAII
(Ahahui Poo)
E malamaia ana ka halawai kumau o ka Ahahui e hoomaka ana ma ke ahiahi Poalima, Sepatemaba 3, 1926, i ka hora 7:30, ma ka hale halawai o ka Hui Moose, ma ke kihi o ke Alanui Hokele ame Bekela.
Ma ke kauoha a ka Iku Hai.
(Miss) LOUISE AKEO,
Iku Kau.
6427—Sept, 2.
HOOLAHA I KA POE PAA AIE
Ke haawiia aku nei ka hoolaha ma keia i ka poe apau ho mau koi ka lakou i ke KOOLAU AGRICULTURAL COMPANY, LIMITED, he hui Hawaii i hoopauia mamuli o ko kauoha kanawai a ka Puuku o ke Teritore o Hawaii ma ka la 16 o Iulai, 1926, o waiho mai i ka lakou mau koi i ka mea nona ka inoa malalo nei, ke Kahu Waiwai, ma kona koena me ka Alexander & Bald-win, Ltd., maloko o ka Hale Stangenwald ma ke alanui Kalepa, Ho-nolulu, T. H. maloko o na la he kanaiwa (90) mai ka la aku o ka hoopuka mua ia ana o keia hoolaha. a i ole e hoonele mau loa ia aku no. Honolulu, T. H. Sepatemaba 2 1926.
ATOINE R. IVINS,
Kahu Waiwai no ka poe paa aie
ame ka poe paa kuleana o ke
Koolau Agricultural Company,
Limited, he hui i hoopauia.
6427—Sept 2, 9, 16, 23, 30.
Nuhou
Kuloko
Ma ka hora umi-kumamalua o keia po Poaha, e paa ai ka puka no ka waiho ana ae i na palapala noi holo moho, no na hoa o ka ahaolelo kuloko, ame ka elele i ka ahaolelo lahui ma Wakinekona.
Ma nehinei i hoomaka ai ke komo hou ana o na kiiia aupuni apuni keia teritore, me ka nui o na hana a na kumukula, ma ka hoomaopopo pono ana i na haumana no kela ame keia papa iho.
Hele no na uwapo a piha i ka poe lawai'a alalauwa i keia mau po, me ka hapa loa mai o ke aki ana; o ka mea ia nana i hoemi mai i ka piha ma kekahi mau wahi.
He la kulaia aupuni ka Poakahi ao nei, ka La o na Limahana, e leleuwaki ana na limahana apau ma ia la, elike me ka maa ma na makahiki apau i kaahope aku nei.
Ma ka la 25 o ka mahina ae nei
o Sepatemaba e weheia ai ka hoike-
ike fea teritore mawaho ae nei o
ka paka Teritore , ma ke alanui Ka-
pahulu, ma Waikiki.
Ma ka weheia ana o na koho no ka hana ana i ke alanui o elua mile mawaena o Waialua ame Kawaihapai ma ka Poaha aku nei i hala,
i ikeia ai o ka Hawaiian Contrac-
ting Company ka hui haahaa loa
o kana koho; nolaila he mau pule
kakaikahi wale no e kakali aku
ai, o ka hoomaka no ia o ka hana
ana i kela alanui.
No ka hoolako ana ae i na helu no na kaa otomobile ame na kaa mokokaikala, no ka makahiki 1927, ua lilo ka aelike i ka American Fac- tors, no $3791.50, ke koho haahaa loa.
Ma ka la 1 o Sepatemaba nei, i kaa ae ai ka hoohana ana i ka makeke kuai pipi, ma ka Makeke Kulanakauhale, ia Mr. George Ah Nee, ka Iunanui hou o kela makeke.
No ka nui o na keiki opio pipili mau ma na hale pahupahu o keia kulanakauhale, e lilo ana i hana ma ka aoao o na makai o na keiki kula, ka hakilo ana i na hale pahupahu ma keia mua aku.
Ma ka Poalua iho nei, i piha ai na makahiki he iwakalua-kumamalima o ke ku ana o ka hui kaauwila ma Honolulu nei.
No ke koikoi o ka haule ana iho a ka ua ma ka po Sabati iho nei mauka o ko kuahiwi ua piha na kahawai o Kalihi, Manoa ame Palolo
i ka wai, a ua piha hoi na luawai
hookio Helu 1, 2 ame 3. No ka
luawai hookio Helu 4 he 28 kapuai
ka hohonu o ka wai, a no ka Helu
5 he 18 kapuai.
Ma ka la i nehinei ka hoomaka ana e weheia na kula aupuni o ke teritore no keia makahiki kula, a ua koho wale na luna kula o na apana o Honolulu ame ko na kuaaina e hiki aku ana ma kahi o 30,800 mau haumana ma ka mokupuni o Oahu maloko o na kula aupuni apau,
Ua hala aku ke poo o ka oihana hooko kanawai hookapu opiuma J. A. Manning no Kikako ma ka la i nehinei no ka lawe ana i ka hana hooko kanawai hookapu opiuma inalaila.
Elua mau hoopii okimare hou i komo ae i ka aha. kaapuni ma ka Poakahi nei, o ka piha ana ia o ke 54 i komo ae i ka aha no keia mahina.
He lono uweaolelo mai ia Mrs. Caroline Burk mai, ke kaikuahine o ke Kiaaina Frear, ka i loaa ae ia Walter F. Dillingham e hoakaka o ko Mrs. Frear kulana kupilikii loa mamuli o ka haki ana o kona wawae leina ame kekahi mau eha e ae maloko o kona kino, a pela hoi me ko ke kaikamahine Margaret, oia ka hakihaki ana o kona mau lima ame kekahi mau eha e ae, ua ikeia ka loli ana ae i ka maikai e hooana mai ai i ka noonoo.
He palapala noi ka i hookomoia ae e ke kupunawahine a kahuhanai
o Richard Smart, ke keiki onamili-
ona a ona hoi o ka Parker Ranch,
i ka aha a John R. Desha e haawi-
ia aku ke kauoha i ko Trent Trust
Co., e kuai i kaa otomobile nona na
lilo me ka lako apau $6000, a
ua apono ka aha ia noi.
E alawa ae e na lala o ka Ahahui ka Hale o na Alii o Hawaii i ka
hoolaha halawai i hoololiia e puka aku nei ma kekahi wahi o keia pepa, o ia hoi, ma ka hapalua o ka hora ehiku o ka po o ka la apopo,
Poalima Sept. 3, 1926 e malamaia ai ka halawai o ka ahahui, aole ma ka po o ka Poakahi ae nei, Sept. 6.