| | Ke Aloha Ana i Imi Ai A I OLE He Kaao No Ora Buruka Ka Nohea Ka Hoapaonioni i ka Ipo Hookahi— Ka Halawai Ana me na
Hoao he nui— ke Kupaa i ke Aloha Hookahi— Ka
Lanakila Ana i ka Manawa Hope. Ia Kalaka i hele mai ai a ku mawaena ona ame Horeki no
ke keakea mai i ko Ora hui me Horeki, he hoolohe wale no
ka Ora hana, aia nae kona mau maka hulili maluna o ua o
Kalaka kahi i haka pono loa ai me ka piha loa i ke konakona.
"Aole e lilo ana kena pu panapana i mea hooiaio no ka he-
wa o kena wahine," wahi a ua o Kalaka, eia nae, iloko ona
iho ia manawa, aohe rumi no ke kanalua iloko ona na Ora
no i ki mai, aka, e imi ana nae oia i kumu no Ora e lawe ko-
ke ia aku ai iwaho i ole ai o Ora e huai pau ae i na hana ino ekaeka loa a ua o Kalaka i hana ai iaia. "Aole ia o ke kumu wale a maua e manao iho ai no kona
hewa,'' i pane mai ai na kanaka elua i ua o Kalaka me ka aka-
aka ana mai. "E hookaawale aku oe ma kahi e i hele aku ai
maua imua!"
"Ku aku pela ihope a mai nee mai i hookahi kapuai imua,"
i papa aku ai ua o Kalaka. "Owau ka hoaloha o Horeki, i
lohe mai olua, a ke hoike aku nei au imua o olua, malalo wale
no o kekahi kumu e hiki ai e loaa aku ia olua ke kaukani dala
makana. oia keia ina aole olua e hoao ana e hoohaunaele i ke-
ia anaina."
"Pela anei?" i ninau mai ai kekahi o na kanaka elua, ma-
muli iho la o ka pii ana ae o kana wahi kai.
"Ae, pela ina e hoolohe ole mai ana olua i ka'u, ke hai mua
aku nei au me ka oiaio loa ia olua, e nele ana olua. Lawe
koke aku i kena wahine iwaho alaila kakali mai ia'u o ka oili
aku. E hoea aku ana au maloko o hookahi minuke. Lohe
olua?"
Aole i noho nanea wale o Ora iloko o keia manawa o kona
pilikia, elike me ia i hoikeia ae nei, nolaila ua hikiwawe loa
kona ike i nei mau hana a Kalaka e kipakupaku nei i na kana-
ka e lawe koke iaia iwaho, i ole e loheia kona leo a e hoike
ole ia ae hoi ka ua o Kalaka mau hana ekaeka loa i hoao ai e
limanui iaia.
Ua maopopo koke no ia Ora ko Kalaka manao he makema-
ke oia e hoihoi hou aku iaia e hoopaa iloko o kela hale i hoopaa
mua ia ai oia, i lilo hou ai oia i paahao nana, nolaila, aole oia
e haawipio wale ana iaia iho, me ka hooikaika ole ma kona ao-
ao i mea nona e palekana ai, ke hiki nae hoi.
"O, no'u iho, aole loa au e neeu aku ana mai keia wahi aku,"
i pane mai ai o Ora me ka nui maopopo o kona leo, me ke koa
a i like loa hoi kona ano me he moiwahine la i piha i ka ma-
na ia manawa. Aole loa au e hele aku ana iwaho, a no ka
mea, aohe o'u hewa iki ma ko'u aoao a'u e ike nei, a ke koi
nei au me ka ikaika he makemake au e halawai aku he alo
a he alo, kamailio aku a kamailio mai, me Horeki Buruka,
kuu kane-mare!"
"Lawe aku i kela wahine iwaho me ka limaikaika ina aole
oia e ae ana e hele aku," i nui aku ai ko Sibela leo. O Kalaka
pu kekahi i komo pu me ia ma keia manao ma o kona hawa-
nawana ana ae i na kanaka e lawe ia Ora iwaho me ka lima-
ikaika.
No ka manaoio loa o na kanaka he hoaloha o Kalaka no
Horeki a ma o Kalaka wale la no e loaa ai ka uku makana ia
laua, ua hilinai loa laua i ka Kalaka mau olelo, a ua nana ole
iho la hoi i ka Ora ku-e ma kona aoao, me ka nana ole i ko
Ora pali ke kua a mahina ke alo, ke ku a ka wahine u'i, he
he nohea hoi a ka lehulehu e nana mai ana me ka hookani
i kona ui me ka minamina pu iaia, no kona hoao ana e
pepehikanaka.
Hopu ino mai la na kanaka i na lima o Ora, elike me ia e
nanaia iho ai i kekahi kanaka pupule a i ole hana karaima ino
loa paha, a e makaukau ana laua e kauo aku ia Ora iwaho
a eia nae, me kahi ikaika uuku i loaa ia Ora ua huki mai la
oia i kona mau lima a kahea mai la me ka leo nui:
"E Horeki! E kuu Horeki aloha, o ka nanamaka wale ma
no ka kau aohe hele mai e kokua ia'u?"
Ua hele pu aku keia mau olelo a Ora me ke aloha, me he
wai huihui loa la hoi e hookena aku ai i ka makewai o ka mea
makewai, ua like hoi keia mau olelo me he pahi oilua la i oki-
oki aku la i ka puuwai o ke kanaka opio, ua wawalo hele ae la
hoi ia mau huaolelo me he kupinai la ma na paia o kahi hale
pule uuku, he mau huaolelo a kekahi o ka poe i lohe pono
hiki ole ai ke hoopoinaia mahope mai.
I ko Horeki lohe pono ana aku i kekahi mau olelo a Ora
huli mai la oia mai ia Sibela mai, oiai ia manawa ia Sibela ko-
na alo e kulou iho ana, a ninau mai la i ke anaina;
"Owai la ka mea i kahea mai nei i kuu inoa."
''Aohe mea hookahi i kahea mai nei ia oe, ua lohe hewa pa
ha kou mau pepeiao," i pane hoopunipuni mai ai o Sibela, no
kona makemake ole e hoikeia aku ia Horeki ka mea i kahe
mai ai iaia. "O, e Horeki, nui ka hui o kuu aoao, e opa ma
hoi oe," wahi a ua o Sibela.
He mau hana akamai wale no keia a Sibela, i lilo aku ko Horeki noonoo iaia a pau ka noonoo ana ae no ka Ora kahea.
Eia nae, ua maopopo loa ko Horeki lohe no ka Ora kahea a ke
kanioeoe mau la hoi ia mau huaolelo i kona mau pepeiao, no-
laila ua lohe ole iho la oia i ka uwe hoopunipuni a Sibela.
"O, e Horeki hoi, nui loa ka hui o kuu aoao!" i kuwo okoa
ae ai o Sibela me ka hoopunipuni.
No ka hiki pono ole ia Horeki ke ike mai pii okoa ae la oia
a ku iluna o kekahi noho, a nana mai la ma kahi e puuluulu
nai ana o ke anaina kanaka, i hiki ai iaia ke ike mai i ka hele-
helena o ka mea nona ka leo.
Iaia i nana mai ai no kekahi manawa ua ike mai la oia i ke-
kahi kii nana i hoohaku'i i kona naau e ku ana mawaena o elua
mau kanaka lima huluhulu, a e huli pono aku ana hoi o Kala-
ka mamua o Ora.
"O, o Hete Lesili !" wahi ana; me ka mama e hiki ana i ko-
na mau wawae ke lawe aku iaia, a oiai hoi kona puuwai ua
piha loa iho la i ke aloha ia manawa no ka wahine opio nona
ka helehelena ana i ike ole ai i kekahi ui elike me ia mamua
ma kela po ana e hoomanao ana, holo aku la oia a apo mai la, | mahope o kona kahea ana aku, "Eia au ahiki aku, e Hete
Lesili!
Ia minuke pau loa ae la ko Sibela eha hoopunipuni, a ia Ho-
reki i holo aku ai, hahai aku la oia mahope ona, me ke kauo
pu i kona makuakane mahope aku ona.
Ua ike o Sibela ua hiki mai ka manawa a oia no hoi keia,
keia, nona ame kona hoapaio e hakoko ai no ka mea e lilo
ai ke kanaka a laua like i aloha ai.
He mea ole iaia ko Ora lilo ana i wahine-mare na Horeki;
o kona noonoo wale no ia manawa aohe o Ora i maopopo i
ona kulana maopopo he wahine-mare oiaio oia na Horeki,
ohe no hoi he manao iloko ona o Ora ame ka moiwahine
Aigupita a Horeki i ike ai hookahi no kino.
Mahope o kona kahea ana aku ia Horeki no ke kokua ana
ho iaia, he manawa ia no Ora i piha loa iho ai i ka inaina, a
wale iho la no iloko ona, "Heaha la kona kumu o ke aloha
na i ke kanaka ana i aloha ai?"
Aole o Sibela i manaoio ua aloha o Ora ia Horeki a pela hoi
Horeki ia Ora, aka o keia ka manawa ana e maopopo ai
ko laua nei aloha kekahi i kekahi.
Ia Horeki e hele mai ana a e palepale mai ana hoi i na
kanaka e kuku ana iluna mamua o kona alahele, ke ninau iho
la o Ora iaia iho, he aloha io no anei ko Horeki ia'u?
Ua nui a lehulehu wale na noonoo e ulu mau ae la iloko
o kona poo me he ao la e maalo ae ana a nalo aku oiai oia e
ku ana kakali no ko Horeki hiki mai imua ona.
Ua maopopo ia Kalaka, oiai oia pu kekahi e ku ana mamua
aku o Ora, ua nui ko Horeki aloha ia Ora, nolaila ua ulu mau
ae la ka manaolana pono iloko ona i ko Horeki manawa e hui
ai me Ora, aole loa he manawa no laua e hookaawale hou
ia ai, no ia kumu ua piha loa iho la oia i ka ukiuki ia Ora no
kona hoea ana mai malaila ma ia po.
"E Ora," i hawanawana iho ai o Kalaka ma kona pepeiao,
"e makaala loa oe no kau mea e kamailio a e hana ai. O kuu
aloha nou ua nui ia mamua, o ko Horeki Buruka; ke hoohiki
mua aku nei au imua ou e lilo ana oe na'u, a na'u wale no.
Eia hou, e noonoo iho oe i ka nui o kana pauaka a hoohaahaa
me ka hoowahawaha pu ia oe, ina e maopopo aku ana ia Ho-
reki na mea oiaio a pau e pili ana nou, oia hoi kou auwana
hele i ka po me na kane e ae!"
O keia ka Kalaka mau olelo pelo ia Ora me kona manao
he mea ia e loli ai ko Ora manao, me ka noonoo ole iho o ua
o Kalaka no kana mau hana hoopilikia ia Ora, a oia paha ke- kahi kumu o ko Kalaka makemake ole ana ia Ora, a e hui hou
me Horeki, o huaiia aku na hana hoopilikia a ua o Kalaka
imua o Horeki.
"O, ke kanaka ino lapuwale haalele loa, ke kanaka koaka;
hele oe ma kahi e!" i pane kikoola mai ai o Ora me ka ma-
ka'u ole. "O oe ke kanaka a'u i konakona loa ai, a ke kau-
oha aku nei au ia oe e hoomamao koke mai a'u aku, no ka mea,
aohe o'u makemake e lohe hou aku i kau mau olelo pelo, me
kuu ike maopopo no o oe ke kanaka nana au i hoopaa aku
i kela halepaahao."
Huli aku la ko Ora mau maka i kahi e me ke kokoe o kona
mau maka no kona piha loa iho la i ka hoowahawaha, a ua
lilo hoi ia mau olelo a Ora o ka pane ana mai me he pahi oi-
lua la i houia mai i ka puuwai o Kalaka.
Oiai o Ora e ku ana kakali o ka hiki aku o kana aloha hoea
aku la o Horeki a nana pono aku la i kona helehelena, me
ke kilohi ana mailuna a lalo no ka hooiaio ana iloko iho ona
o kana aloha io no ia me ka hoohewahewa ole. MOKUNA XXXI.— Hopuhiliia ka Mare. "O, e Hete, Hete Lesili, heaha kau hana maanei? No keaha
keia mau kanaka e paa nei ia oe me he mea la ka hoi he paa-
hao oe?"
Mamua o ko Ora pane ana mai, ua pili mai la o Sibela maa-
lea a piha hoopunipuni ma kona aoao, me ka piha i ka manao
lili, a i mai la :
"Ke paa nei keia mau kanaka iaia no ka mea he wahine
pepehikanaka oia. E nana aku no hoi oe la i ka pu panapana
e paa mai la iloko o kona lima; me kela pu panapana i hoao
mai ai oia e lawe i kuu ola a ua ko ole nae ia manao lapuwale
ona!"
"He hoopunipuni kena mau olelo a ia nei, ma ke ano ulia
wale no i kani mai nei keia pu, aole ma ko'u manaoio maoli
e ki mai iaia a make; ina he manaoio ko'u no ka lawe i kona
ola he wahine make keia maanei i keia po, a no ka mea, aole
loa e hala ana ka poka o keia pu mai ka inu ana aku i ke koko
o kona puuwai."
"Aohe oiaio o ka ia la e imi mai la i kumupale nona," wahi
a Sibela me ka aa o na maka; "ma kela po ana i holo malu
mai ai mai kela ohana maemae mai no kona hui pu ana aku me
ka poe lapuwale, ua hoike ae oia i olelo paa he oi aku kona
makemake e pepehi mai ia'u a make mamua o kona ike ana
mai ua mare au me oe e Horeki Buruka !"
Haikea ae la ko Ora helehelena ia manawa, a pane mai la:
"O, he hoopunipuni ino loa kena mau olelo au!"
I ka ike ana aku o Sibela i ke anoe o ko Ora helehelena ala-
ila ninau mai la:
"E Horeki, ke ike aku la no anei oe i kona helehelena i
nei manawa? Aole hiki iaia ke hoole mai i ka oiaio o kana
mau olelo i hoike ae ai, he mea makehewa nana ka hoole ana
mai, a no ka mea he hoike ma ko'u aoao i lohe pono i kana
olelo ana. O ka makai i hele mai ai e hopu iaia ka i lohe pono
i kana mau olelo, a ina no kona laweia mai e hoike i kana
mau mea i lohe ai ma ka manawa oia nei e hookolokoloia ai
e hooiaio mai ana oia i ka'u."
"Aole pono oia e hookolokolo," i hawanawana iho ai o Ka-
laka ma ka pepeiao o ua o Sibela. "Ina no kona hookolokolo-
ia e puka ae ana kona inoa pololei a oiaio, a ia manawa e
hoike ae ana o Horeki o kana wahine-mare ponoi oia la, a
no ka mea, ua aloha iaia. Aohe anei ou ike aku i ke ano hoo-
maopopo mai o Horeki ma kona mau maka iaia e nana pono
mai la iaia?"
He mea oiaio ia e hoopihaia iho ai i ka ukiuki. Ua ikea-
maka aku o Sibela i ko Horeki nana ia Ora aka nae, aohe i
maopopo loa ka ike iaia ia manawa o kana wahine. no ia i
mare ai a kaawale koke no iloko o ka manawa pokole.
Ia Ora i hoomaopopo iho ai no ka Sibela mau olelo hoo-
weliweli haikea loa ae la kona helehelena, eia nae ua kamailio
mai la no oia me kamalie loa me he mea la aohe i hoopihoi-
hoia aku kona noonoo, me ka piha loa nae o kona naau i ke
konakona ia Sibela a ia Kalaka pu.
"He oiaio, ua hoopuka aku au i kela olelo hoomaka'uka'u ia
oe ma kela manawa, mahope iho o kou hoao ana e hana ma
na ano apau e hoopoino mai i kuu inoa ame kuu kino pu, a ia
manawa hookahi no hoi ua hooikaika pu oe e lilo aku ke aloha | o Horeki, ke kanaka a'u i aloha ai ia oe mai a'u aku."
"Alaila, ua aloha io anei oe ia'u?" i kamailio iho ai o Ho-
reki iaia iho me kahi leo liilii loa.
"Lawe koke aku i kena wahine ma kahi e!'' i nui mai ai
ko Sibela leo me ka piha loa i ka inaina, a no ka mea, ua
ike iho la oia me ka maopopo loa e hoao mai ana kona hoa-
paonioni i ka ipo hookahi e lilo o Horeki iaia, a ua maka'u
oia no ko Horeki lilo mai iaia aku.
"Uwoki! Mai hoao kekahi e lawe aku i kela wahine mai
keia wahi aku!" i komo koke mai ai o Horeki e keakea, a ua
lilo hoi kona leo i mea mana a hooloheia e na kanaka e paa
ana ia Ora. "Ua hewa anei oe no ke ki ana mai i kela poka,
e Heie?" i ninau iho ai o Horeki.
"Aole o Heie ka inoa o kela wahine opio!" i nui ae ai ko
Sibela leo me he ulili noho kahakai la. "He kaikamahine haa-
haa loa kela i hanauia e na makua ilihune loa a he mea komo-
hewa hoi me ke kuleana ole i ka home o kekahi ohana kiekie
o Nu Ioka nei," wahi hou a Sibela, me ka hele ae la o kona
mau maka a lilo i ke kua, i ka ua mea o ka piha loa i ka ina-
ina.
"Aole au i hewa," wahi a ka Ora pane no ka Horeki ninau,
me ka haka pono o kona mau maka onaona ia Horeki, me
he mea la e noi okoa mai ana me ka haahaa loa no kona hoo-
kuuia aku, a me he la no hoi aohe ona nana, ina he manaoio
wale no ko Horeki iaia.
''Ma ka puka aniani mawaho mai o keia halepule au i ku
mai nei a nana mai iloko nei no ka ike mai i kou mama me
ia la. Emoole lohe ana au i ka hihio o ka poka ma kuu pe-
peiao, a elike me ka hoopuiwaia ana o na mea apau maloko
nei no ko Sibela nei ku ana i ka poka pela no me a'u, ke noi
ae nei au i na Lani e lilo mai i hoike no'u he oiaio wale no keia
mau olelo apau a'u e olelo aku nei."
"Pela no ko'u manao, a ke manaoio nei au i kau," wahi a Ho-
^ki o ka i ana aku.
"E manaoio kakou apau i ka ia nei i olelo mai nei na ke-
kahi mea okoa aku kela poka i ki mai nei a ku o Miss Hawuda,
aole na keia wahine opio," i kokua mai ai o Kalaka, eia nae,
me ka hooikaika wale no oia ia manawa e uumi la i kona ina-
ina kohu ole.
"Aka, no kona pono he mea maikai no e ninaninauia oia
e kekahi lunakanawai, i hiki ai e hookuuia mai a e kaawale loa
ae ai hoi na hoohihia apau maluna ona."
"Ua pololei kau, e Kalala i olelo ae la," i loheia aku ai ka
leo o ka lunakanawai Hawuda ka makuakane hoopilimeaai
o Sibela; "aole hookahi kanaka maloko o keia rumi e make-
make ana a e manaoio iho aole i pili ka hewa i keia wahine
opio nana i hana i kekahi karaima ino loa; ua hoopoinoia ke
ola o kuu kaikamahine, nolaila he mea pono e ninaninauia ko
ia nei hewa a hewa ole. Ma ka hoomaopopo iho o na mea apau
e manaolana aku ai kakou no ke kokua mai iaia nei ua huli
ku-e mai apau loa iaia."
"Aohe pili iki o ka hewa ia'u a he wahine hewa ole loa au,"
pela ka Ora o ka pane ana mai, me ka hapai ae la i kona poo
a kau iluna e ikeia mai ai oia he wahine i hana ole i kekahi
karaima o ia ano.
"He manaolana ko'u e hooiaioia mai ana pela, aka nae,
ke poina ole nei no ia'u kau hana hewa oia kou komohewa ana
ae iloko o ka ohuna Lesili me ka maopopo ole o kou pili ia
ohana," wahi a ka lunakanawai Hawuda.
No keia mau olelo a ka lunakanawai nana pono mai la ko
Ora mau maka ia Horeki i mea nona e ike mai ai i ko Horeki
manao ua eha paha oia i na olelo a ka lunakanawai, a aole
paha. '
Aohe kanalua ma ko Horeki mau maka i kana ike mai;
hookahi wale no mea ana e ike mai ana ua manaoio loa o Ho-
reki i kana mau olelo aole nana ka poka i ki mai ai a ku o Si-
bela, o ke aloha ame ka manao huikala oia wale no na mea
ana e ike aku ana.
"E pono e laweia aku keia wahine opio ahiki i ka hale o
ka lunakanawai a hoopaaiaia malaila ahiki i ke kakahiaka o
k ala apopo," i koi ae ai o Kalala me ke kali ole. "E haawiia
iaia na mea apau nana ma na ano apau, me kona malama mai-
kai loa ia. a no kona pono, e nana mai kakou ua paa oia i ke
kiaiia e makau ole iho ai kakou."
"No ke kumu hea kou komo ana mai e hokai?" i ninau ae
ai o Horeki ia Kalaka me ka helehelena huhu.
"I hana iho la hoi au i keia no kou pono, aole no kekahi mea
e ae." i pane ae ai o Kalaka.
''E Horeki, mai manaoio oe i ka Kalaka," i nui mai ai ko
Ora leo. "He hoaloha hoopunipuni kena, ua hoao oia e kuma-
kaia ia oe! Mai hilinai iki oe iaia no hookahi sekona!"
"E na kanaka, hookaawale koke aku i kela wahine mai nei
aku," wahi a ka lunakanawai Hawuda me ke koikoi o ka leo
o ia kauoha ana mai. "O ka Kalaka manao i hoakaka ae nei
oia ka manao maikai. Lawe aku iaia i ka hale o ka lunakana-
wai a hoopaa aku iaia malaila. Hoopau pono aku i ka hana
e pili ana i ka mare a hookuu ae i keia anaina."
Ua paa ko Ora manao aole e hoike aku i kona ku-e, no ka
mea, ua maopopo iaia o ka hana ana aku i kekahi mea o ia
aohe waiwai e loaa ana a e oi aku ana ke ino mamua o ka mea
kupono.
Aka nae, i kona manawa i lohe aku ai i na olelo makona a
ka lunakanawai, a ike pu iho la no hoi e kaawale hou aku ana
o Horeki, kana aloha mai iaia aku, i ka manawa ana i ike mao-
popo iho ai ua aloha mai no o Horeki iaia, alaila huli mai la
oia me ka helehelena i hoehaehaia a e noi mai ana hoi i ka
Horeki kokua aku iaia ina e hiki anai i ka i ana mai :
"E kuu Horeki, he mea pono anei e hookaawaleia mai au
mai ia oe mai elike me ka Lunakanawai Hawuda i olelo mai
nei?"
No kekahi minuke ko Horeki ku ana me ka pane ole mai,
me he mea la ua hoohamauia aku kona leo. Alaila huli ae la
oia e nana i ka lunakanawai a i aku la me ka leo nui moakaka.
"He mea pono ia'u e aeia mai e kamailio me kela Iede o
maua wale no no kekahi minuke. E ka Lede, hele ae ma o,
a e oluolu na mea apau e hookaawale aku ma kahi e no kekahi
manawa."
He ano ha ko Horeki leo ia manawa, eia nae ma kona hele-
helena ua hoike mai ia i ka paa o kona manao no ka hooko
aku i kana mea i noi ae ai.
Hopu koke ae la o Sibela i ka lima o ka makuakane me ka
haalulu o kona lima a i ae la :
"E papa, aole pono ia Horeki e aeia aku e kamailio me kela
lede. E papa aku oe mamua o kona hooko ana aku i kona
manao !
I ka lohe an aaku o ka makuakane i mai la ia Horeki : "Aole
pono ia oe e kamailio aku i kela lede, a no ka mea he pio oia
na ke kanawai, a ua ike no oe aohe ou kuleana e komo ae ai
e keakea i ka hana a ke kanawai. Ma kou ano he loio i ike
a i kamaaina i ka manao o ke kanawai aole pono ia oe e komo
wale a keakea mai!" | Alaila huli mai la o Ora e nana ia Horeki a kakali iho la
me ka ninau iloko iho ona, heaha ana la ka Horeki pane no
na olelo papa a ka lunakanawai, a oiai oia e nana pono mai
ana i ko Horeki helehelena ike mai la oia i ka pii o ka ula
ma kona mau papalina a pane aku la:
"He pololei ia mau olelo au e ka lunakanawai i olelo mai
nei, aka nae, ua poina oe he kuleana ko kela ame keia lawe-
hala i hoopiiia mai no kekahi hewa karaima e hoolohe mai
ai i ke ao aku a kona loio. Owau kona loio ina e ae ana oia a
koho mai ia'u i kokua nona."
He minoaka ma ko Ora mau papalina ka haina mua no ka
Ora apono ia Horeki Buruka i loio nona, a me ka leo nui a
moakaka i pane mai ai oia;
"Alaila, i ka lohe ana o na mea apau i ka Ora pane ia ma-
nawa i pane ae ai o Horeki me ka hoihoi, a e hoike ana hoi i
kona lanakila maluna o na mea akeakea, "ke koi aku nei au
i ka pono o ke kamailio pu ana me ko'u haku no kekahi mau
minuke, no ka mea, he makemake au e lohe i kekahi mau ole-
lo mai iaia mai, a e lohe aku hoi oia i ko'u mau manao!"
No Sibela ia minuke ua piha loa oia i ka inaina, a mai holo
mai paha oia imua e kui ia Ora, o ka paa mua ana mai o kona
mau lima i ka hopuia e Kalaka, oiai ko Kalaka helehelena ia
manawa ua like loa me ko kekahi mea i make, a huli iho la o
hawanawana i na pepeiao o Sibela i ka i ana iho:
"Hookuu aku oe ia laua e kamailio pu no kekahi manawa
a mai hele aku oe e hokai wale! O ka oi aku o kau ame ka'u
kamailio ana o ka oi aku ia o ka Ora huai mai i na mea apau
imua o Horeki. Lohe oe? Mai kamailio iki aku oe, waiho
mai oe i na mea apau na'u e hana aku no kou ame ko'u pono.
Ke hoike mua aku nei au ia oe aole kela wahine e mare ana
me Horeki, no ka mea, he hana ka'u i hoolaia ai e keakea a e
alai ana hoi ia mareia o laua!"
"E Sibela," pela ka makuakane o ka i ana ae, oiai kona hele
helena ua hele ae la a keokeo pu i ka ua mea o ka piha loa i
ka inaina, "e hookaawale aku kaua mai keia kane aku a'u i
manao ai e mare. Ina owau oe olelo koke aku au iaia i nei
manawa e hele aku oia e huli i wahine hou nana ma kekahi
wahi okoa aku, aole o'u makemake oia ka'u hunonakane!'
Nana ae la o Sibela iluna i na maka o ka makuakane me
ke kiheahea o na waimaka ma kona mau lihilihi, he hiohiona
hoi ona a ka makuakane i hoehaehaia iho ai, a i ae la:
"E kuu makuakane, aole au e ae aku ana i kou manao a
no ka mea aole oe i maopopo i ka nui o kuu aloha nona e paila
nei iloko.''
"O, e kuu keiki, kuu keiki, iloko o keia hana ino a kela ka-
naka au e ikemaka aku nei e hoomau aku ana no anei oe i
kou aloha ana iaia?''
O ke kane anei kela au e paulele aku ai me ko ike aku no he
wahine mua ka ia la? Hoi mai kaua a e haalele koke i keia ha-
lepule me ka hookaulua hou ole iho."
I ka Lunakanawai Hawuda e kamailio iho ana ia Sibela,
hookokoke loa aku la o Horeki ia Ora ia manawa me ka lai
Iama o kona mau maka, me ka piha pu ona i ka manaolana
ka loaa hou ana iaia o kana mea i aloha ai. O ka poe e ae ma-
loko o ia hale hoomamao aku la ma kahi e me ka piha i na noo-
noo hookahaha, no ke ano kupanaha o ka lakou mau mea o
ka ike ana maloko o ka halepule ma kekahi manawa o ka ma-
lamaia ana o ka mare he hana i ike ole ia mamua elike me koia
e kekahi o lakou.
"E Hete Lesili," i hawanawana aku ai o Horeki, "aohe ^
maopopo heaha la keia ilihia kupanaha i kau iho nei mah ""
o'u, aka i kuu manawa i ike pono aku nei i kou helehelena
me he mea la i ka'u noonoo iho ua ike no au ia oe mamua ma-
loko o ka hale o ka ohana Lesili. Aole au e ninau aku ai.,.
ia oe no kou inoa, a i ole no kekahi mea paha e pili ana nou
o ka'u wale no i makemake ai e ike oia ka hoike ana aku imua
o ka lehulehu i ka mea oiaio iloko, no nae o ka pohihihi.
"Aole hiki ia'u ke manao iho ua hoomaopopo mai oe i ko'u
hoopohihihiia ma ka manao, eia nae, aia no kekahi mau mea
ma kou mau maka. pela hoi kekahi mea ma kou leo, pela hoi
ma ka nui o kou kino ame ke ano o kau oni ana e hoike mai
ana o oe no ka mea a'u i aloha ai, a o ka mea hoi i aloha mai
ia'u. O oe io no anei o Hete Lesili?"
"E kuu Horeki aloha, oia kau i olelo mai Ia," i pane mai
ai o Ora. He oiaio ua aloha au ia oe a oia mau no ko'u aloha
ahiki i nei minuke a kaua e hui nei. Ua aloha au ia oe me kuu
uhane a pau mai kuu manawa mua mai no i ike ai ia oe, a he
manawa loihi loa aku mamua o kou ike a hui ana me a'u.
"O kuu kuhihewa kiekie loa a i ole, o ko'u hewa koikoi loa
no paha o ia no kuu komohewa ana aku iloko o ka home o
Mr. ame Mrs. Lesili ma ke ano owau ka laua kaikamahine i
nalowale ai, a i bana au ia mea i kumu no'u e kokoke aku ai
ia oe. He kaikamahine ilihune au a he kanaka waiwai oe.
"Aole au i aa e hoike aku ia'u iho ia oe ahiki i ka wa a'u
e ike iho ai he wahine au i like ka waiwai me kou a ma ke-
kahi kulana hoi i like aku me kou. O ka'u e makemake nei
i keia manawa aole au i hana aku i kekahi hana hewa, aka
e ike mai oe i hana au ia no ka nui o kuu aloha ia oe, no ka
mea i ka'u nana iho ina aole oe e lilo ana ia'u e make ana au
no ka nui o kuu aloha ia oe."
"Heaha aku anei ka mea i koe ua lilo kuu aloha i aoe,
a nolaila o oe wale no ka'u wahine aole kekahi mea e ae; oia
ka'u e hoohiki aku nei me ka oiaio loa ia oe, "a hooki iho la
oia i kana kamailio ana, me ka makemake loa iho la e hopu
aku a hoopili mai ia Ora ma kona umauma, a me ka hooika-
ika wale no oia i kaohi ai iaia iho mai ka hooko ana aku
ia manao.
"Aole nae oe e mare ana ia Sibela?'
"O, aole loa!"
Alaila hoomanao ae la o Ora no kela he kupapau i kanuia
ai maluna o ke ahua, a ninau iho la iaia iho oiai oia e nana
mai ana i ko Horeki helehelena, ina e oiaio ana kona aloha
iaia i nei manawa; a no ka pau ole no o kona kanalua i mai Ia:
"E Horeki, e oiaio ana anei oe ma ka manao a e hooko io
ana anei oe i kau i hoohiki mai la?"
"E hooko ana au a o na Lani ko'u lunakanawai; elike me ka
oiaio o na aouli a kakou e ike mau aku nei pela ka paa o ka'u
hoohiki o ka make wale no ka mea nana e hookaawale ia kaua.''
"E Horeki, kuu hauoli mau loa, kuu ola hoi aia maluna o
kou oiaio ka u hilinai nui. O oe wale no na mea e ae apau ia'u,
aohe a'u mea nui e ae e noonoo aku ai. Ua hoike ae ko'u
lunaikehala ia'u he mea kupono ole nou kou hilinai a aloha
ana mai i kekahi kaikamahine ilihune elike me a'u eia nae,
ua kona mai au e ko'u lunamanao ponoi e hilinai aku ia oe
me ko'u nana ole aku i na mea akeakea ae he nui."
"Hookahi a'u ninau e ui aku ia oe a kaawale kaua no kekahi
manawa liilii wale no. Mai makau nae oe a no ka mea e hoea
aku ana au no ka hookuu laelae ana ae ia oe ma ke kakahiaka
o ka la apopo. Ma keia po e nana aku ana au no kou malama
maikai ia." (Aole i pau.) | |
