| | Ke Aloha Ana i Imi Ai A I OLE He Kaao No Ora Buruka Ka Nohea Ka Hoapaonioni i ka Ipo Hookahi— Ka Halawai Ana me na
Hoao he nui— ke Kupaa i ke Aloha Hookahi— Ka
Lanakila Ana i ka Manawa Hope. Ua lolohi loa oia e hana aku ai i kekahi mea, hookahi wale
no hana i koe o kona nana a ike aku i ka mareia mai o kana
kane me Sibela, a o ka lilo ana ia o kana aloha mai iaia aku.
He kumulaau ke ku kokoke ana malaila; hele aku la a ku
ma ia kumulaau a hina aku la ihope, a ke lohe aku la oia i ka
halulu mai o na kapuai wawae o na lio e kauo mai ana i ke
kaalio a Horeki ma e kau ana, ahiki i ke ku ana iho mawaho
mai o ka halepule.
O na kanaka ana i kamailio aku ai mamua iho, aia wale no
maluna ona ko lakou mau maka kahi i haka pono mai ai; ke
lohe aku la no oia i ka hawanawana ana ae o kekahi kanaka
i kekahi i ka i ana ae:
"Ua ike no anei oe i kekahi wahine opio ui mamua elike me
la e ku mai la?"
"Aole Ia," wahi o ka pane a kekahi.
"U'i maoli ka helehelena o kela wahine opio."
"Ae, o ia hoi ka'u e mahalo nei, ui maoli oia. Aole i loaa
ai ka hapalua o ko i ala ui i ka wahine e mareia ana i nei
po ke hoohalikelike mai. He wahine ui no kela wahine e ma-
reia ana i nei po, aohe nae e loaa mai ko i nei ui."
"Eia nae, iloko o kona ui ke nana aku aohe anei ou ike aku
i ka haikea loa o kona helehelena; i ka'u nana aku me he
mea Ia ka hoi e maule iho ana oia i kekahi manawa."
"Kilo no ka hoi kou mau maka, wahi a kekahi kanaka. E
Hale, e nana aku paha oe iaia i nei manawa la, he pu pana-
pana kana e paa mai la iloko o kona lima !"
Ua huki ae o Ora i kana pu panapana a e paa ana iloko o
ona lima ia manawa me ka makaukau paha e hoolele aku i
a elele a ka make i kona enemi, ina e loaa ana iaia he mana-
wa kupono.
"Ae, ke ike aku nei au ia pu. Ea, he manao anei ko kela
wahine e pepehi i kekahi mea i nei po?"
"Ua lohe au he kanaka paakiki o Horeki ma kona manao
he kanaka hiki ole ke hoopuhiliia aku, elike me ke ano o ka
oe koko kiekie a waiwai," wahi a kekahi kanaka me ka luli-
luli ana iho o kona poo.
"He kupanaha no ke noonoo iho," wahi a ke kanaka mua,
kona manaka ana a haalele i kela kaikamahine ui, iua o kaaa
loha mua kela, a lilo aku Ia i ka mea okoa. Ea, ua nalowale
ku la ua wahi kaikamahine la!"
"Koho malie, aole ia he hana na kakou ka nana aku ia wahi
kaikamahine ame kana mea e hana aku ana. Heaha ko ka-
kou kuleana i kana hana, e nana iho no kakou ia kakou iho
Eia hou, heaha ka kakou mea i ike nona? Eia ae na mea mare
ke holo mai nei!"
No ka hoea koke ana mai o na mea e mareia aku ana poina
loa ae la i keia mau kanaka ka noonoo hou ana no ka wahine
malihini ui, i emi hikiwawe loa aku la iloko o ka malu o na la
au mahope loa aku.
I ka manawa a Ora i huki ae ai i ka pu panapana mailoko
ae o kona pakeke ua lou ae la ka hamare i kona lole a nahae
ia wahi i Iou ai i kona manawa i holo ai, a nolaila ma kekahi
wahi okoa oia e waiho ai ia pu. No ia kumu oia i wehe ae
ai ia pu mai kona pakeke ae, a ua huna hou iho la maloko o
ke opi o kona lole, oiai nae me ka ike a maopopo ole oia e hana
ia manawa, a no ka mea o kona uhane a pau aia i kona mau
maka, oiai oia e ku ana a nana aku me ke akenui e ike aku i
ka helehelena o kana aloha.
He mau kanaka ke kamailio ana mamua mai o kana wahi
o ka emi hou ana aku, aohe nae lakou i ike mai iaia, a ina no
paha ua ike mai no lakou, aole no paha e noonoo mai ana nona.
E noke ana no hoi ia mau kanaka i ke kamailio no Siela
ame kona makuakane he mau mea waiwai a hanohano, a laki
no o Horeki Buruka i ke koho ana ia Miss Hawuda i wahine
nana.
"He kanaka puni wahine maoli no o Horeki Buruka," i
pane ae ai kekahi kanaka.
"Ae no hoi, no ka nui no hoi paha o kana dala ke kumu o
kona hana ana pela, e ku hoi ka hana ia kakou la pela, ka
poe ilihune. Aka eia ka'u e hoike aku ia oukou, aole loa au
e lawe ana iaia i hunonakane na'u. me ko'u nana ole i ka nui
o kona waiwai."
"No keaha hoi?"
''No keia kumu aole o'u makemake i ke kanaka e makemake
ana e mare me ka hikiwawe oiai no nae kana wahine mua
alaila mare aku i wahine hou, aohe mea hoahewa aku iaia."
"Alaila, he wahine mua no nae kana i mare ai, oia anei kou
manao?" i ninau ae ai kekahi wahine a Ora o ka lohe ana mai.
"Ae, a me ka make ole o ia wahine ana ke makaukau mai
nei nae oia no ka mare aku i wahine hou nana i nei -po. Ke
ola mai nei no kana wahine!"
"Pehea oe i maopopo ai?"
"Aole owau wale no ka i maopopo aka, o ka poe a pau i hele
ai e ike i ka he o kela wahine i kanuia ai maluna o ke kiekie-
na, Aia ke waiho la ma kela wahi he he makamaka hou loa,
me kekahi pohaku poo ma ke poo o ka he, a maluna o kela
pohaku poo, ka pohaku hoomanao, ua kakauia ka inoa o ka
wahine-mare a Horeki Buruka, o kona inoa nae ua poina iho
la ia'u, aole nae ia o kana wahine.
"Pehea i maopopo ai ia oe he he makamaka hou loa kela?"
"Owau hoi kekahi mea i kokua i ka eli aha i ka lua kupa- | pau, pela au la i maopopo ai. He ikemaka ko'u aohe he lohe
mai."
I ka lohe pono ana mai o Ora i na olelo a keia kanaka, huli
aku la kona alo i kahi e me ke kani ana iho o ke uhu a ninau
iho la. He wahine mua io no anei ka Horeki, a ua make oia
he mau pule kakaikahi wale aku nei no i hala? Alaila oia
anei kona kumu o ka hoao ana e hoopoino i ko'u inoa? O ia
anei kona mea i haalele ai ia Hete Lesili me kekahi mau hua-
olelo o ke aloha mai kona mau lehelehe mai, a holo aku la oia
mai iaia aku?
A ua huna oia i ka he kupapau o ka wahine ana maloko o ka
pa halepule uuku o kuaaina i hiki ole ai i na hoaloha kiekie a
hanohano ona ke ike i kahi mea e pili ana. no ia wahine, a i
ole ai hoi e kamailioia aku kona mare hikiwawe loa i ka elua
o kana wahine?
O! No keaha la i nakii kaakoluia ai kona puuwai a paa loa
ke aloha no Horeki M Buruka? No keaha la hoi oia e kolo
aku ai a kokoke loa ma kahi e ike lihi aku ai oia i na maka
o kana aloha, o ka ike lihi wale aku no ka hoi la he ma'u ia
oiai ke kaalio e maalo ae ana mamua. aku ona?
I ke kaalio e holo ae ana aohe oia i ike aku ia Horeki no
kona hoowahawaha no iaia o kana wale no o ka ike ana aku
o Sibela e noho ana ma ka aoao o ka makuakane.
Haalele iho la oia i kana wahi o ke ku ana a hele awiwi
aku la no kahi e hiki ai iaia ke ike aku ia Horeki i kona ma-
nawa e lele iho ai ilalo mailuna iho o ke kaa no ka hele ana
aku noloko o ka halepule.
Iaia i hele aku ai hookui aku la oia i kekahi wahine o ka
huli ana mai e kamailio me ka huhu iaia, a hookaawale aku
la iaia ma kekahi wahi me ka hikaka o ia hele ana aku ana.
Eia nae, aohe o Ora i nana aku iaia; nihi aku la oia a ku
ma kahi o kekahi mau opu nahelehele i ole ai oia e ikeia mai,
a nana aku la mailaila aku.
O ka poe apau i kamaaina na helehelena iaia aia malaila
ia manawa, oia hoi ka Lunakanawai Hawuda, o Sibela, Ka-
laka ame Horeki. Ua ike aku la oia ia lakou apau, eia nae
maluna wale no o Horeki kana haka pono niau ana. I kana
nana aku iaia ua emi mai kona kino a he kaumaha hoi kona
helehelena i kana ike aku, alaila akaaka wale iho la no oia
iaia iho no kona haupu ana ae no kekahi mea.
Aole i liuliu loa ke ku ana iho o kana poe e nana aku ana
komo nui aku Ia a pau iloko o ka halepule, a o na hoaloha
o na mea e mareia aku ana i konoia aku no ia mare, a he poe
hoi kekahi iwaena o ia poe i hoahewa a i namunamu no hoi
kekahi poe no ko Horeki mare koke, oiai o ka make ana aku
la no ia o kana wahine mua, aohe i nalowale aku ka ulaula o
ka lepo, mare hou no i ka lua o kana wahine, lele iho la mai-
luna iho o ko lakou mau kaalio a komo nui aku la iloko o ka
halepule.
Mahope iho ua ae mai la ke kanaka malama halepule e ko-
mo aku na mea apau iloko o ka halepule, oia ka poe e noho
kokoke mai ana ma ia wahi; o Ora hookahi wale no koe e
pupue ana mawaho, hookahi lima e kaomi ana i ke kapalili
o kona umauma, a e paa ana hoi kekahi lima me ka haalulu
i ke kuau o kana pu panapana, me ke kakali e loaa i manawa
kupono nona e hoinu aku ai i ka poka o kana ilio pulu i ke
koko o kona enemi. MOKUNA XXIX.— Ka Mare Hoopunipuni. Ma ia po aohe manawa i ikeia aku ai ko Sibela haaheo a hauoli no kona lanakila ana mamua elike me ia nia ia po o ko laua mare ana maloko o kahi halepule uuku. O ka papahana ana ame Edega Kalaka i hoolaia ai ua hanaia me ka holopono, me ka loaa ole o kekahi akeakea. Ma keia mareia ana o laua aole ia o ke ano a Sibela i makemake mau ai, e mareia laua ma ke akea a ma ke ano hano hano loa hoi, me ka malamaia o kekahi papa ahaaina nui, a e konoia aku ua hoaloha he mau haneri e hele mai ia ahaaina mare, a no ka mare ana me keia ano iho la ua lilo i mea hoehaeha i kona noonoo, eia nae, ua hoolanaia ae no kona noonoo me ka piha pu i ka hauoli, i kona manawa i noonoo iho ai o kana mea nui wale no e nana iho ai oia ko Horeki Buruka lilo ana iaia. O keia mare o laua i aneane loa ke kahunapule e hooko mai i kana apana hana aole ona makemake e ike mai ke ao holookoa, elike me ke ano o ka mare ana i iini mau ai, a no ka mea he mare hoopunipuni wale no keia, aole oia e lilo ana i wahine mare oiaio na Horeki ke kanaka ana i aloha ai, aka i mea ia e hookoia ai ka laua papahana i hoolaia ai me Kalaka. He ano hana hookahaha aku i ka lehulehu ke ike maopopoia ae, aka nae, o ia wale no ke ano hana e lilo koke ai o Horeki iaia a mahope e imi hou aku ai oia i kekahi alahele okoa i mea e mareia ai laua a ku i ke kanawai. Ia Sibela ma maloko o ka halepule, hookahi ana manawa o ka leha iki ana ae ia Kalaka a minoaka iki iho la, e hooiaio aku ana ia Kalaka lapuwale ua holopono ka laua papahana a mahope iho huli ae la e nana ia Horeki, me he mea la e olelo iho ana iloko ona," o oe hoonanauha no hoi, e paa ana oe i ka nakiiia i nei po." Ia Ora e hakilo aku ana mawaho o ka halepule no na mea apau e hanaia mai ana maloko, ua ike aku oia me ka maopopo i na mea apau, aole no hoi i hoopunipuni mai ka ike a kona mau maka iaia; haikea maoli ko Horeki helehelena i kana ike aku, me ke kaumaha pu, no kona noonoo ae paha no ka wahine ana i make ai a i ole no kekahi mea e ae paha. O keia mare ona me Sibela aole no kona makemake io moali aka i ka minuke hope loa ua makemake loa oia e haalele iho i na kanaka apau maloko o ka halepule a e holo aku oia iwaho no kekahi manawa, i loaa mai ai kekahi ea huihui o ka po i kona helehelena. O kona mau noonoo ia manawa aole maluna o kahi he maluna 6 ke ahua, aka aia maluna o na helehelena o elua mau kino kanaka, he mau kanaka no laua na helehelena i huikau i kona noonoo oia no o Ora Malo ame Hele Lesili. I kana noonoo iho aole o Hehei Lesili ame Ora Malo he mau mea kaawale, hookahi no kino a ma na inoa ku kaawale kekahi mai kekahi ae, a ma ka helehelena ua kulike loa ko kekahi me ko kekahi. Ua hooloihiia ka mare koke ana o Horeki ma mamuli o ka lolohi loa o ka hiki ana mai o ke kahunapule, he kahuna-pule, he kahunapule elemakule, i ka wa i hoea aku ai ke kaalio no ke kii ana aku iaia aohe oia i makaukau no ka hele ana mai. No ia lolohi loa o ke kahunapule ua lilo wale kekahi ma-nawa ia lakou ma ke kamailio ana oiai e kakali ana. I ka hala ana o aneane he hapaha hora paha, aia ae la kekahi kanaka: "E i ae hoi ha ua kahunapule nei ke hele mai nei; "ua ku- | hihewa nae oia, aole o ke kahunapule, he wahi keiki i lawe mai i kekahi leka na Kalaka a ua kuhikuhiia aku la o Kalaka a haawi aku la ke keiki i ka leka iaia. Ia wehe ana ae a ua o Kalaka me ka helehelena me he mea aohe ona noonoo nui no na mea i kakauia maloko, aia ko Sibela mau maka maluna ona, ka mea i huipu me ua o Kalaka no kekahi mea, aohe nae i hoike aku i ke kumu o kona ehaeha ana. I ua o Kalaka i wehe ae ai i ka palapala, leha mua ae la oia ia Sibela, eia nae, aole hiki ia Sibela ke ike mai i kona manao o ia leha ana aku la iaia. Ia manawa makemake loa iho la o Sibela e hoea koke mai ke kahunapule, no ka mea, aia iloko ona kekahi manao nana i hoomaka'uka'u mai la iaia. Hakilo loa mai la oia i ko Kalaka helehelena me he mea la e hiki ana no iaia ke ike mai i kekahi hopena poino maluna ona ma kona heluhelu ana mai i kona helehelena. Ike maopopo mai la ola i ka loli ana ae o ko Kalaka helehelena a keokeo pu, ike pu mai la oia i ka palua ana iho o ka Kalaka heluhelu ana ia leka, a i ka pau ana hookomo koke iho la iloko o kona pakeke, alaila hoomaka aku la ka holoholo ana me he mea la e hoonana ana i kona manao pilihua mamuli o kana mau mea o ka heluhelu ana. Ua ike o Sibela e hookokoke mai ana no o Kalaka iaia ma kekahi manawa ma ia hope iho, i hiki ai iaia ke hoike mai i kekahi mea hou e pili ana paha iaia a i ole i kekahi mea okoa aku paha. I ka ike ana o Kalaka ua makemake loa o Sibela e lohe aku i kekahi mea mai iaia aku, alaila hele mai la a ku ma kona aoao a hawanawana mai la me ka leo liilii loa: "Ua pakele o Ora a ua holo mailoko mai o kela hale ona i hoopaaia aku ai!" "Pela ka mea oiaio?" "Ae," wahi a Kalaka. Ua like ko Sibela haalulu ia manawa me ka lau laau e puhiia mai ana e ka makani, noonoo iho la oia ina o ke kumu lolohi o ke kahunapule ame kela pakele ana mai o Ora he pili kekahi mea i kekahi. Eia nae, ia manawa aia ia ae ana ke kahunapule, a e hele awiwi loa mai ana oia noloko o ka halepule. "Auhea oia?" i ninau koke aku ai o Sibela. No Ora ka manao o kana ninau. "Aohe au i ike iaia. Ua hana oia a aloha kekahi o na kiai o kela hale iaia, a na ke kiai i kokua iaia ma ka hoomahuka ana mai. Ua kiia ia kiai e na kiai e ae, eia nae, no kela kaikamahine ua holo mai oia me ka lawe ana mai i kekahi pu panapana me ia." "Pela ka mea oiaio?" i ninau hou aku ai o Sibela me ke pihoihoi loa o kona noonoo ia manawa. "Ae, pela ka mea i hoikeia mai ia'u." Aohe maikai o ko Sibela noonoo ia manawa, a ke au wale la no na maka i o a ianei. "O, e Sibela, mai nana mai oe elike me kena, o kumakaia oe ia oe iho," i pane aku ai o Kalaka me ka leo nui. "A no keaha hoi, malia eia oia ma kekahi wahi maanei i nei manawa, o kona komo mai no ia a ki mai i kana pu, a owai la o kakou ke ku a ke make ana," i pane aku ai o Sibela. "Malia pela, aka nae aohe o'u manao e hoea mai ana oia i ianei. E hoawiwi kakou aia ka pono o ka pau koke ae o ka mare." "Aohe i maopopo ia Ora he wahine-mare oia na Horeki, a ina no kona ikeia aku owau ka mea mua loa e hookaawale aku ana iaia ma kahi e ma kekahi ano hana. Mai maka'u oe, e hoolana i kou manao," i pane aku ai o Kalaka. "Ua hoohiki mai kela kaikamahine imua o'u he oi aku kona makemake e ike mai ia'u ua make mamua o ka lilo ana o Horeki i kane na'u," wahi a Sibela. "O, mai noonoo oe no ia mea, o Ora anei ke kaikamahine au e manao iho ai e hana mai ana oia i kekahi hana hupo loa o ia ano? O, aohe au mea e maka'u iho ai, aole loa! E hoolana oe i kou noonoo a mai maka'u!" "Ina o ko Ora makemake ia e hana mai i ka mea e make ai au, oia mua ka'u e pepehi aku ana a make," pela o Sibela o ka pane ana ae me ka hulili o kona mau maka. "Ua maopopo ia'u e hooko aku ana no oe ia manao, aka nae aole kela o ke ano kaikamahine e manaoia aku ai he hupo haalele loa a e hana mai ana oia i kekahi hana naaupo, koe wale no paha," a hooki pu iho la o Kalaka i kana kamailio ana. "Koe wale no a aha?" i ninau aku ai o Sibela. "O ka'u i manao iho la, koe wale no a ua opulepule ia kona noonoo, a malia ua loaa io paha ia ano iaia mahope o kona hoopaaia ana aku iloko o ka halepaahao. Ua makaukau ke kahunapule ia manawa. a ua hiki ole ke hoomauia aku na kamailio ana me ka hoolohe ole mai o kekahi poe i ka laua mau mea e kamailio ai. Ua hoomaka mai la ke kahunapule i kana apana hana, he mare hoopunipuni e hauoli ai kekahi mea ma kekahi aoao, a he kaumaha hoi me ka ehaeha nui ma kekahi aoao. No kekahi manawa liilii aohe leo loheia; o ko ke kahunapule wale no ame na wahi leo liilii o ke kane ame ko ka wahine-mare e pane aku ana i na ninau a ke kahunapule. I ke kokoke ana e pau ka mare ana, alaila ike aku la oia (Ora) i ka hopu ana iho o Horeki i ka lima hema o Sibela a hookomo iho la i ke komo mare ma kekahi manamanalima. Ia manawa i lohe ia aku ai ke poha ana mai o ka pu panapana, nahaha ke aniani o ka puka aniani, a lohe like aku la ke anaina i ko Sibela leo i ka uwa ana ae, "Ua ku mai la au i ka poka!" He manawa ia no ke anaina i hoopihoihoi loa ia ai; kuku koke ae la na mea apau iluna a huli koke ae la e nana no kahi o ika poka i kiia mai ai me ke ake e ike aku i ke kino o ka mea nana i ki mai, me ka ike aku o kekahi poe i ka hookuu ana iho o Sibela i kekahi lima ona ma ka aoao a hina mai la iluna o na lima o Horeki. Ua wawalo ae la oloko o kahi halepule uuku i na leo o ke anaina, he kamailio ka kekahi poe a he uwa okoa ae no ho ka kekahi poe. Ia wa elua mau kanaka e ku ana kekahi ma ka aoao o kekahi a i nana aku hoi i ka mare ana o na opio, me na helehelena kahaha i nana aku ai a nana mai la kekahi i kekahi me he mea la e ninau aku ana kekahi i kekahi owai ka mea nana kela ki pu. O kekahi ka i pane ae, "Na kela wahine opio a kaua i ike mai nei mawaho e paa ana i ka pu panapana i ki mai nei." "Oia no ka mea mua a'u i noonoo iho la," wahi a kekahi O ko laua pii ae la no ia iluna o ka noho me ka ike ole ia ma e kekahi mea, oiai ua lilo loa ka noonoo o na kanaka maluna o Sibela, a hoomaka aku Ia e huli i ka halepule. Emoole lele iho la kekahi ilalo a huki iho la i kekahi mahope ona, a i mai la: "Hele mai; ua ike aku nei au iaia maloko aku o ke aniani e ku mai ana" mawaho. aku o ka halepule. Ma keia manawa ua manaoio loa o Horeki ua make loa o | Sibela, aka mahope o ka hanu wikiwiki ana ae o Sibela a hoala ae la a ku iluna, ninau iho la : "Pehea oe?" "Nana i ki mai nei ia'u me ka pu! Ua koho mua iho nei au e hana mai ana oia ia hana pepehikanaka maluna o'u, a ua hooko io mai la no hoi oia. Ua paa aku nei anei oia i ka hopuia?" wahi a Sibela o ka ninau ana ae. "Owai kau mea i kamailio mai nei nana oe i ki mai nei?'' i ninau iho ai o Horeki. "Owai ka inoa o ka mea au i hoohuoi al nana oe i ki mai nei? E hai mai, i huli aku ai makou iaia. "O, ka mea e loaa ai o kela mea nana i ki mai nei ia oe hoo- kahi kaukani dala ka makana!" i nui ae ai ko Horeki leo. Ma keia manawa aia na kanaka elua iwaho, a i keia lohe ana i ka Horeki kukala, he kakini kanaka i ukali aku mahope o laua, a no ka mea, ua maopopo loa maiwaho mai kela poka i kiia mai ai a aia no paha ka mea ki pu mawaho o ka halepule ia manawa. "Ua ui mai nei oe ia'u no ka inoa o ka mea a'u i hoohuoi ai nana au i ki mai nei, a ke hoike aku nei au ia oe ua maopopo no ia oe, o kela kaikamahine komohewa no hoi, o Ora Malo." "He haawina hoopakalaki maoli ka hoi keia ia oe! Owai Ia ka mea nana i hoolaia keia hana hoohalua e o'u ae i kou ola, e Sibela?" wahi a kekahi. Hawanawana mai la hoi kekahi ma ka pepeiao o ua o Sibela, me ka i ana mai : "Hamau, e nei hupo nui!'" Ia huli ana ae a ua o Sibela ike mai la ia Kalaka e ku kokoke aku ana, a no ka piha loa o ua o Sibela kaili i ka hai kane, i ka huhu ua hiki ole iaia ke ike iho i ka waiwai o kona noho malie, a e aneane loa ana oia e kamailio hou ae, hawanawana iho ana kekahi mea ma kona pepeiao, i ka i ana mai: "Aohe anei ou noonoo iho, ina e laweia mai. ana kela kai- kamahine iloko nei e lilo ana oe i mea poino? Ina aole oe i eha loa ea, e hoawiwi aku i ko olua mare ana, aia ka pono a pau koke ae; owau ke hele aku i ka puka a papa aku i kela poe aole e lawe mai i kela wahine iloko nei. No keia mau olelo a Kalaka, ka hoahui ona o ka u ohumu- humu ana, a i hoolaia ai hoi no keia mare kokeia o ua o Sibela me Horeki oiai nae ua piha Ioa oia i ka inaina, uumi wale iho la no, a huli aku la e nana ia Horeki me ka helehelena hoihoi. "Heaha la ka'u mea i olelo ae nei, e ke aloha? Ua maule ia paha au la ! Ua manao wale iho nei au ua eha au, eia nae, aohe la. E hoomau aku ke kahunapule i kana hana ahiki i ka pau ana i pau koke ae keia hana maanei." "Alaila aole io anei oe i eha?" i ninau iho ai o Horeki me ke kahaha nui iloko o kona naau. "He ike mai no nae oe i ko'u anoe?" i ninau ae ai ua o Si- bela me ka hoao ana iho e akaaka. "O kou anoe i na minuke, mamua iho nei ka mea nana e ho- ike mai ia u ua eha oe, a ei anae ke ninau mai nei oe ia u," i pane ae ai o Horeki. "Ua loaa oia ia makou!" i nui mai ai ka leo o kekahi kanaka mai ka puka mai. Me ko Sibela nana ole iho kona eha huli ino aku la oia i kahi o ka leo o ka pa-e ana mai ma kahi o ka puka. Ua ike aku la oia me ka hoohewahewa ole i ka helehelena o ka wa- hine opio ana i hoowahawaha loa ai e ku mai ana, a e kana mai ana ma ke alanui o ka halepule no ka hoea mai i kahi laua e ku ana. MOKUNA XXX.— "Aohe O'u Maka'u ia oe." Ae, ua kauoia mai la ka wahine-mare ku i ke kanawai a
Horeki i hana hewa loa ia aku hoi, a kukuluia iho Ia iwaena-
konu o ke alanui o ka halepule, a aia wale no maluna o kona
helehelena ia manawa na maka o na mea apau. No Sibela
ia manawa ua piha loa oia i ka maka'u ame ka inaina pu. Ina
nei no ko Ora laweia mai a ku kokoke ma kahi a Horeki e
ku ana, owai la ka mea hiki ke olelo ae no ka hopena o ka mea
e hanaia ana?
Ia manawa aohe iho Ia o Kalaka, a nona o Sibela e ninau
iho ana iaia iho ia manawa. Ua holo anei oia? No keaha
kona mea o ke kii ole ana mai ia Ora a lawe aku iaia ma kahi
e? Aia no ua o Kalaka malaila, ua holo pipika aku nae a huna
iaia iho iwaena o ke anaina; o ka ua o Kalaka mea e noonoo
ana ia manawa o ka lawe koke aku o na kanaka elua ia Ora a
kaawale Ioa.
"Lawe hou aku iaia iwaho!'" i nui aku ai ka leo o ua o Ka-
laka me ka piha i ka huhu i na kanaka elua na laua i Iawe mai
la ia Ora iloko o ka halepule. "Makemake anei olua e hoo-
haunaele ia keia anaina mare, a e hoolilo i keia anaina maikai
i mea hoopiolokeia? "Lawe koke aku iaia me ka hoohakalia
ole!" '
Aohe maopopo i na kanaka elua ka laua mea e hana ai ia
manawa, o ka hooko mai paha i ka Kalaka kauoha a i ole o ko
laua kakali paha a puka aku kekahi olelo mai ke anaina aku,
no ka laua mea pono e hana ai no Ora, a ia laua nae e aneane
ana e huli aku a hele me ka mau no o ko Ora paaia e laua,
kahea aku ana kekahi o ko laua mau hoaloha i ka i ana aku:
"Lawe mai olua aia imua o Horeki Buruka, oia ka mea i
maopopo i ka mea e hana aku ai no kena wahine. Ua kukala
ae nei o Horeki mamua aku nei he hookahi kaukani dala kana
makana i ka mea e paa ai o ka mea ki pu, a nani ia o olua na
mea i paa ai oia, e kakali iho olua mai ko olua uku makana no
ka paa ana o ka lawehala ia olua !"
I ka lohe ana o na kanaka i keia olelo, i aku la kekahi i ke-
kahi, "Auhea oe, aia ka hua o ke ola, e lawe io kaua iaia nei
imua o Horeki Buruka."
"Pehea i maopopo ai ia olua o keia ka wahine nana i ki
mai nei a ku o Miss Hawuda?" i ninau mai ai o Kalaka me Wa
piha loa i ka huhu, a hele koke mai la no e akeakea mawaena
o Ora ame Horeki, i ole ai o Horeki e ike ia Ora.
"Auwe! Aohe ka he ike mai ou mau maka mohaluhalu i
ka pu panapana e paaia nei iloko o ka lima o nei wahine?'' i
nui aku ai ka leo o kekahi o na kanaka na laua i lawe mai la
la Ora, a hoka wale iho la no o Kalaka.
O ko Kalaka makemake ia manawa e hookaawale loa ia
aku o Ora ma kahi e i hiki ole ia Horeki Buruka ke ike a hoo-
maopopo pono i ko Ora helehelena, o ia kona kumu o ka hele
ana mai e keakea a e ku mawaena o Ora ame Horeki.
Ia manawa hookahi ke hoao pu la o Sibela e keakea mawa-
ena o Horeki ame Ora ame na kanaka na laua i Iawe mai la-
ia Ora, me ka hoao pu e hana ma kekahi ano hoopunipuni e
hukiia aku ai ko Horeki noonoo iaia wale no ma o kona olelo
ana ae i ka nui iho la o ka hui o kona lima ma kahi i ku ai i
ka poka.
Ahiki i keia minuke aole hookahi huaolelo i puai ae mai ko
Ora waha, ua like loa oia me kekahi hipa e paa ana malalo
o ka mana o ka mea nana e ako i kona hulu. Iaia i kaiia mai
ai e na kanaka hana i hopu iaia aohe ana huaolelo i hoopuka
ae no ke kupale ana nona iho, aka nae, iloko o ia manawa apau
e noonoo ana oia no kana mea e hana aku ai ke uiia mai oia.
(Aole i pau.) | |
