Ka Nupepa Kuokoa, Volume LXV, Number 33, 19 August 1926 — He Hukilau ma Waialua no na Malihini Alii E Hoea Ana na Hooilina o ka Noho Kalaunu o Suedena no Puaena MA KEIA POAHA KELA HANA E MALAMAIA AI E Ukali Ana Kekahi Poe Ko'iko'i o Honolulu Nei ma Kela Huakai [ARTICLE]

He Hukilau ma Waialua no na Malihini Alii

E Hoea Ana na Hooilina o ka Noho Kalaunu o Suedena no Puaena

MA KEIA POAHA KELA HANA E MALAMAIA AI

E Ukali Ana Kekahi Poe Ko'iko'i o Honolulu Nei ma Kela Huakai

Xo ka hoikeike ana i kekahi o | na lawai'a ano nui loa a na Hawaii | 0 ke au kahiko, ahiki wale mai no 1 keia au e nee nei, a no ka hookipa ana aku no hoi i ke Keikialii Gusta£ Adolf o Suedena ame ke Kamaliiwahine Louise, ma kekahi ahaaina luau, e malamaia ao ana he hukilau e ka Ilamuku Amerika Oscar P. Cox ma Waialua, i ke ehukai o Puaena, ma ke awakea 0 keia la. Mahope iho o ka lawai'a hukilau, kela lawai'a e huliamahi ae ai na kamaaina ame na malihini, ma ka huki ana i ka lau ame ka upena, e hookipaia aku ai na malihini hanohano me ko laua mau hoahele ma ka ahaaina.luau e hoomakaukauia ana, e Mr. ame Mrs. Cox, no ka hanohano o na malihini. Mawaho ae o na hooilina o ka noho kalaunu o Suedena ame ko laua mau ukani -pilikino; ua kono pu ia ke Kamaliiwahine Kawananakoa, ke Kiaaina ame Mrs. Farrington, ke Kanikela ame Mrs. C. J. Hedemann, Mr. ame Mrs. W. F. Dillingham, ka Lunakanawai Federala W. T. Rawlins, Mra. Rawlins ame ka laua kaikamahine, ka Loio Amerika Sanford B. D. Wood ame Mr. ame Mrs. J. B. Thomas o Waialua. Ma ka po o ka Poalua iho nei, ke mau malihini hanohano na howilina alii o Suedena, na Kiaaina ame Mrs. Farrington, ma kekahi paina 1 haawiia ae ma Wakinekona Hale, he paina i hoea pu ae ai kekahi ■goe ko 'iko 'i a hanohano o keia kulan&kauhale, me ka hoohalaia o kekahi n«inawa "o kela po, ma ka hoolohe ana i na kalapu himeni, i hoea ae' no ka hoohanohano ana i kela anaina. Aole he hana nui e ae a na kaukaualii o Suedena mahope iho o ko laua huli hoi ana mai nxj keia kulanakauhale, mai ka laua huakai makaikai aku «ei no Hawaii, o ka hele no i ka auaukai, ka keenalu ame ka pakaka waa mawaho ae nei o Waikiki, a ke hele holoholo mai no ke taona nei, e hele ana maloko o na halekuai, no ke kuai ana i kekahi mau mea a ko laua noonoo i hoohihi nui loa ai.