Ka Nupepa Kuokoa, Volume LXV, Number 33, 19 August 1926 — POMAIKAI KE AUPUNI MAMULI O NA DALA I HOAIEIA [ARTICLE]

POMAIKAI KE AUPUNI MAMULI O NA DALA I HOAIEIA

Ma ka hoakaka a ka Loio Kuhina Lymer, ma ka Poalima aku nei i hala, o na dalā. i hoaieia aku, i ka poe hookuonooiK», e ka papa komisina hoāie, aole ia he mau dala, auhau, aka he mau dala ia i hookaawale ia ae no, mai na loaa laula mai o ke aupuni, o ka hopena nae i ikeia ma o ka haohknaia ana o kela 'mau dala, o ia no ka loaa o na pomaikai nui i ke aupuni. O ka haawina o hookahi haneri kaukani dala i hoakaawaleia ai i kinohi, no ka hoaie ana aku, i ka poe hookuonoono, ua hoihoi hou ia mai ia, a ua paku'iia aku hoi i kela huina he mau dala mahuahua hou ae, ahiki i ka piha ana o ka huina o $750,000 i keia la, he huina i loaa mai, ma o na aina i hooliloia aku, a mai na uku panee mai o na dala i aieia, a i uku hou ia mai. Ua hoakaka hou ae ka Loio Ku* hina Lymer, o na dala i aieia mai e ka poe hookuonoono, aole ia i holo pololei aku ia lakou, aka no na hana hou wale no maluna o ko lakou mau aina, ma kela ano iho la, ua hoopomaikaiia aku ke aupuni, ma ka hoopiiia ana ae o ka auhau 0 na aina. Mawaho ae o kela pomaikai pili 1 ka auhau, wahi hou a ka Loio Kuhina Lymer, ua hoaieia aku na dala, me na waiwai hoopaa kupono, e laa na kuleana ame na aina hookuonoono, eia nae o ke kuleana hapalua wale no o ka poe hookuonoono i na aina liookuonoono, ka i hoopaaia ano moraki. No na moraki apau i hanaia, me ka uku ole ia mai o na dala a ke aupuni, aole i poho iki ko ke aupuni aoao; a ma kahi x> ke kana-•kolu-kumamaono poe i uku piha mai i ko lakou moraki.