Ka Nupepa Kuokoa, Volume LXV, Number 31, 5 ʻAukake 1926 — Page 6

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA, NA NUHOU KALAIAlNA
ME NA NUHOU O KA MANAWA

AOAO NO NA MANAO PEPA
SOLOMON HANOHANO, LUNAHOOPONOPONO

NUPEPA KUOKOA, HONOLULU, T. H POAHA, AUGATE 5, 1926


	HALAWAI ME KA MAKE I KA WA I HALUE AI MAI KE KUMULAAU IHO He keiki Pako o 12 makakiki, a nona ka inoa o Sam Pang ka i haule mailuna iho o ke kumulaau Palama ana o ka pinana ana ma ke alanui Buckle Lane, ma ka auwina la o ka Poaono o ka pule aku la i hala, a ua lilo kona eha mauwale ana i kumu nona e make ai, maloko o ka Halema'i Moiwahine ma ka hora 4:30 o ka wanaao Sabati nei. He elua kela mau kieki e paani ana, o kela keiki i make aku la ame kekahi o kona mau hoaloha o Henry Shinye ka inoa, o lana like ka i lalama aku iluna o ke kumulaau palama. l ke kapeke ana o ko Pang wawae ua haule iho la oia iluna o ke alanui helewawae kauaoao konakalika paakiki malalo pono iho o ke kumulaau, a o kona poo ka i pa mua i ka papa pohaku paakiki a waawaa kona poo, halu na lima a elua, a owiliia ko opuupuu wawae a kapakahi i kahi e, elike me ka hoike a ka Makai Karratti o ka hoihoi ana ao i ka halewai, ka mea nana i ninaninau pono i keia ulia. He kaikamahine uuku o 11 makahiki, a nona ka inoa o Matilda Solomon, no Puuloa ka i halawai like me keia ulia hookahi ma ia la	no mamuli o kona haule ana mailuna mai o ke kumulaau manako ana o ka lalama ana mai k.,; .; ^ he 40 kapuai ke kiekie a i' ; ^ , ka lepo paakiki Ua laweia mai oia a ka halema'i o na poino ulia, a mahope o ka lapaauia ana ua hoihoi loa ia aku no ka halema'i o na Kamalii ma Kauikeolani Aohe ka he koikoi loa o kona eha a o ola ana no oia, elike me ka hoike o ka loaa ana ae E haawiia ka mahalo a nui i ke Kapena Makaikiu Kellett ame ko- na mau paalalo no ka ninaninau ana ahiki i ka maopopo ana o ke keiki nana l hookani kolohe ae i ka hoailona pauahi a i lilo ai ia hana kolohe i mea e molia ia ai ke oia o kekahi makai. Ma ka Poakahi, Poalua ame ka Poakolu o keia pula ae, e hoomaka ana mai ka hora 8:30 a. m., a ka hora 12 m., e ninaninauia ai ka poe noi laikini loio, he ewalu poe i ko- mo ae ka lakou mau noi, a iwaena o ia poe hookahi he Kepani. O C. S. Stephens ke kokua lunahoohana o ka Hui Kaa Uwila ma-mua ka i hookiekieia ae i lunahoohana no ia hui ma kahi o Alexander Pratt i hoomahaia mai ka hana aku ma ke ano he mea ohi ana i ka ukuhoomau, mahope o kona noho hana ana me ia hui no na makahiki he 25 i hala.


	Nuhou Kuloko Malalo ae nei o Aala Paka, ma ka hora elua o ka auwina la o keia Sabati iho, Augate 8, e noho ae ana ka halawai a ko kalapu Demokarata o ka mahele umi-kumamalima, apana elima, ua makemakeia na lala apau o kela kalapu e hoea ao ma ia halawai. Eia hou mai no ua nane wahi ka puniu a Z. P. K. Kawaikaumaiikamakaokaopua, ke puka aku ne ma keia helu o ke Kuokoa, he nane hoohaehae i na keiki laeula ma ka huli nane apuni o Hawaii nei He $250 ka hoopai a ka aha federala o ke kau ana mai maluna o Yuen See, ka wahine Pake kua waiona a naua na keiki eha, ma-hope o kona ae ana i kona hewa ma ka Poakahi nei. O ka la 28 o Iulai i hala ka o loa aku o ka la wela ku i ka ikiiki maloko o Honolulu, o kona ana wela he 86 degere a o ka haahaa loa he 70 degere ma ka la 6 o ia ma hina. E malama ae ana ke kalapu Demokarata o ka mahele 20, apana 5 he halawai, ma ka home o K. K Christ, ka peresidena o ke kalapu ma ka Helu 1431 Alanui Colburn, ma ka hapalua o ka hora ehiku o keia ahiahi Poaha, Augate 5, 1926 a ua makemakeia na lala apau o ke kalapu e hoea ae ma ia halawai. Eia no ka Rev. D. P, Mahilahila o Kalaupapa, Molokai, ke hoohala nei i kona mau la hoomaha ma keia kulanakauhale, a ina aolo e loaa na ake'ake'a, alaila e huli hoi aku ana oia no ka moku o Hina, ma keia mau la aku e hoea mai ana. Ma ka wanaao o ke Sabati aku nei i hala, i pauaho mai ai o Mrs. Ben Mahoo i keia ola ana ma ka home o kona mau makua Mr. ame Mrs. Joseph L. Kukahi, ma Kaimuki ae nei, mamuli o ka loaa ana i kekahi ma'i ikaika loa no ka manawa pokole, a ma ka Poa lua nei, i malamaia ae ai kona ana ina hoolewa, a hoomoeia aku kona kino wailua ma ka ilina o Kawai ahao. Eia o Charles H. Rose, ke hoomaka e nei no l keia manawa, i ka haha ana iwaena o kona mau hoaloha, no kona kulana ikaika, e holo aku ai he moho no ka oihana makai o Honolulu nei, no ke ku-e ana i ka Makai Nui Trask, ma ka aoao Demokarata. Ma kei'a puka ana aku o ke Kuo- koa ma ka Poaha e puka mai ana, Augate 12, e hoopukaia aku ai ka hoolaha koho baloka wae moho" no na luna oihana kulanakauhale a ka- lana o Honolulu nei. E alawa ae e na makaainana koho baloka o ke Kalana o Kauai, i ka hoolaha hoopaainoa a ke Kakauolelo Kalana J . Mahiai Kaneakua, e puka aku nei ma kekahi wahi o keia pepa, no na wahi ame na manawa a ke kakauolelo kalana e hoea aku ai ma na apana lehulehu no ka hoopaa ana mai i na inoa, o ka poe kupono i ke koho baloka. Nui na palapala noi holo moho, i laweia e kekahi poe o Honolulu nei, eia nae, he kakaikahi loa na palapala noi holo moho, i waihoia ae i keia manawa me ke Kakauolelo Kalauokalani, pela hoi na palapala noi holo moho no ka ahaolelo i waihoia ae me ke Kakauolelo Raymond C. Brown. No ka hooko ana aku i ke kanawai Sabati, e papa ana a e hookapu ana i ko kuaiia o kekahi mau waiwai ma na la Sabati, ua lilo hana ma ka aoao o ka oihana makai, ka makaala ana i na halekuai ma na wahi apau ma ke Sabati iho nei, a ua ikeia ka paa ana o na puka, o na halekuai apau, ma-hope aku o ka hora umi o ke kakahiaka o kela la. He elima ka nui o na pauahi ma ka po o ke Sabati aku nei i hala, o ka hoikeia ana ae i ka oihana kinaiahi, a ma ka huliia ana, i ikeia ai, he mau pauahi kela apau, i oili ae, mamuli o ka hana a ke- kahi keiki kolohe, me ka paa nae o kela keiki i ka hopuia.	KA HALAWAI MAKAHIKI A KA AHAHUI PAIONIA Ma ka hora 7:30 p. m., o ka po Poaha, o ka pule i hala aku la, Iulai 29, i malama ae ai ka Pioneer Building & Loan Association Ltd., o Hawaii, he ahahui kokua a hoaie dala i ku maloko o Honolulu no na makahiki he 36 i hala, i kana halawai makahiki maloko o ke keena halawai o ka Ahahui Kalepa o Honolulu, mamuli o ka haawi lokomaikaiia ana mai o ia keena halawai i ka ahahui Paionia no ia po. O ka Peresidena Sylvester Phillip Correa ma ka noho. O Mr. Dease ke kakauolelo. Hoomaluia ka halawai a hoomaka ka nee ana o na hana imua. Ka hana mua oia no ka hoike ana mai a na luna mua i ka lakou hoike makahiki. No ka ke kakauolelo hoike ua pau mua i ka hoomakaukauia a ua paiia maloko o na apana pepa, a ua haawiia mai ia hoike piha i kela ame keia lala i akoakoa aku ma ia po, a mamuli o ko noi i kokua a i aponoia ua waihoia aku ia hoike ma kahi o na palapala. Ua pau mua keia hoike i ka nana a aponoia e ka lunahooia. Na ka Peresidena Corra i heluhelu mai i kana hoike makahiki mo ka piha pono. Maloko o kana hoike iloko o na makahiki he 36 o ke ku ana o ka ahahui ua pu mau ae ka ulu ana ame ka holomua o ka waiwaiio o ka ahahui mai ka $100,000 kona kumuwaiwai ahiki i ka aneane loa e hapa miliona i keia la, a iloko. o ia mau makahiki ua lehulehu na lahui i kokua a i hoopomaikaiia aku, ua loaa na home o kekahi poe, ua hoopauia aku na pilikia aie o kekahi poe e keia ahahui, he mau hana e hoike mai ana i ka malama ia ana o ka hana o ka ahahui me ka hoopono. Ma-muli o ke noi i kokuaia ae ua waihoia aku keia hoike ma kahi o na palapala. Koho Ana i na Lunanui Hou Ua hoomaalahiia ka hana o ke koho ana i na Iunanui hou mamuli o kekahi noi i waiho ia ae a i kokuaia, o ia hoi, o na Iunanui mua no ke kohoia, a e noi ia aku ke kakauolelo e huki ae i hookahi baloka no lakou apau. Ua hookoia keia noi ma ka huki ana o ke Kakauolelo Dease hookahi baloka. O na Iunanui mua oia no ka Peresidena S. P. Correa, i noho peresidena ai no ia ahahui no na ma-kahiki eha i hala, Mr. Wolters ame Mr. Dease, o lakou no ka i koho hou ia i mau luna nui no koia ma-kahiki e nee aku nei. Koho Ana i ke Komite Lunahooia ne elima mau inoa i waihoia ae e na hoa no keia komite, a mailoko ae o keia elima ekolu e kohoia. Mahope o ke aponoia ana e pani ka waiho inoa ana i hoomaka ai ke koho ana, a eia na keonimana i kohoia me ko lakou mau huina baloka: Mr. Kaulia, 38 Mr. Borthwick, 31, Mr. McIntosh, 28. Kukala mai ka noho ua koho ponoia na keonimana i hoikeia ae la. Ua haawi koke mai na keonimana apau i ka lakou mahalo no ko lakou ko-hoia ana, a e lawelawe aku ana lakou apau i ka hana i hookauia aku maluna o lakou me ka ewaewa ole. Na ka Peresidena Corra i kukala mai, a i kokua pu ia mai e ke kakauolelo Dease, e nee ae ana ka Hui Paionia no kona keenahana hou mai ke alanui Kalepa ame Papu ae a i ke keena Helu 924 ma ke ala nui Betela ma ka la 16 o Augate nei, a e hoomanao na lala apau. He mau manao paipai mahope iho mai ka Puuku Wolters, mai, Mrs. Naopala, a mai ka peresidena mai na manao hope loa, me ka paipaiia a oiai aohe hana i koe ma ke pakaukau ua muia mai a ua kokuaia e hoopanee i ka halawai a ua hoopanee ia ma ka hora 9 p. m., ponoi, ne ka hauoli o na mea apau, O kekahi ia o na halawai maikai, a holomua o na haua a maluhia i malama ia. HALA O KAINANA HIRAM MA KELA AO Ma ka hora umi-kumamakahi o ka po o ka Poalua o ka pule aku nei i hala, i pauaho mai ai o Mrs. Hiram, i kamaaina i ko ke kulanakauhale nei poe, o Mrs. Elizabeth Kainana Pualu Hiram, i keia ola ana, ma kona home ma ke alanui Makee, Waikiki ao nei. Ua hanauia oia ma ka la 22 o une, 1853, nolaila ma kona manawa haalele iho ai i keia ola ana, ua pilia iaia na makahiki he 73, Ma ka auwina la o ke Sabati aku nei i hala, i malamaia ai kona hoolewa, mai ka hale waiho kupapau mai o M. E. Silva.


	Nuhou Kuwaho CALCUTTA, Iulai 20— Ua hoomaka hou ka haunaele i keia la mawaena o na kanaka Mahomeda ame na Hinedu. Hailukuia me ka pohaku kekahi huakai hookahakaha a na Mahomeda, me ka hoohaunaeleia o kekahi anaina a na Mahomeda e akoakoa ana. Hookahi kanaka Mahomeda i pepehiia a make, a he eiwa i eha koikoi loa. Lehule-hu hoi na Hinedu i eha a he haneri o lakou i hopuia. NOGALES, Ariz., Iulai 21— E hoakaka ana ka lono kelekalapa i loaa mai ianei malalo o ka laina o ka la o ke Kulanakauhale o Mekiko e panikuia ana na halepili Kakolika apau maloko o Mekiko ma ka la l o Augate. VIENNA, Iulai 21— Hookahi ha-neri poe i make i hoikeia mai ianei iloko o ka manawa e pa ana ka ma-kani ikaika ame na kuaua koikoi ma Rugove, Serebia. He kanaha mau kino i loaa aku i nei manawa LAREDO, Tex., Iulai 22— He kanakolu-kumamalima mau wahine virikina Kakolika i hoea mai ianei mai na wahi lehulehu like ole mai o Mekiko i a'e aku ma o ka mokuna aina maanei i keia la. wahi a la-kou he lehulehu hou aku e ukali mai ana mahope o lakou maloko o na la hou aku elima. MEKIKO, Iulai 22— E nele holookoa ana o Mekiko nei i na kahunapule Kakolika ma nei mua ko-ke iho mamuli o na kanawai pili hoomana o ke aupuni. O ke Kahunapule Silverio Reyes, he kahunapule o ka halepule Carmen, ka i wanana ae i keia la i kona manawa e hoike ana i kana oleloike maloko o ka aha apana maanei. Ua hoakaka ae ia kahunapule, o na kahunapule Mekiko i aeia ma ke ka-nawai e hoomau aku i ka lakou hana ana, ua haalele mai i ke au-puni i nei manawa, a ke hoomakaukau mai nei kekahi poo no ka haalele iho. NOGALES, Ariz., Iulai 22— O ka Nupepa EI Norte, maloko o kekahi lono kelekalapa malalo o kekahi la ma ke Kulanakauhale o Mekiko, ke hoakaka ana e panikuia ana na halepule Kakolika apau maloko o Mekiko ma ka la l o Augate. MANILA, Iulai 22— Ua kukala akea aku ke Kiaaina-Kenerala Leonard Wood i keia la o ka lono lauahea o hoakaka ana e haalele ana oia i kona noho kiaaina ana no na Mokupuni Pilipine he hoopunipuni loa, he mea ia i noonoo a i kauoha ole ia mai. LOGRONO, Sepania., Iulai 23— Pakele ma ka apua ke ola o ke Kapena Gallarza, ke kanaka i lele ai me ka holopono loa mai Maderika aku a i Manila, i ka manawa o ka mokulele ana ame kekahi ohua e kau ana i haule iho ai ma Puerto Pipueras. Aohe i eha ke Kapena Gallarza, a ma. ke kaa otomobile oia i laweia aku ai i Maderika ma-hope iho. O ka lima o kana pailaka ka i haki a o kekahi ohua aku ka i eha liilii. Ua nahaha loa ka mokulele. DALLAS, Texas., Iulai 24— Ma na hoike koho baloka mua i hiki mai he mau baloka ka oi liilii o Dan Moody mamua o Miriama Fer- guson, no ke kulana kiaaina ma- loko o ka aha wae moho Demokara- ta o keia la. KAPALAKIKO, Iulai 25— Ua ku mai ianei ka moku heihei a Walter Horner, ka Poinsettia, ma ka hoonoenoe poeleele ana iho o keia la. Ma ka la 4 o Iulai ka haalele ana aku a ia moku ia Honolulu ma ke ano oia kekahi i komo pu ma ka heihei mai Honolulu a Kapalakiko nei. Ma kona manawa holo he 21 a. O ka Poinsettia ke kolu o ka moku heihei hope i komo pu l ka heihei i hoea mai la i ka pahuhopu. NU IOKA, Iulai 26— O William Dwyer, ke poo o ka hui kuai rama hooiaioia mai nona ka waiwaiio $400,000,000, ua ahewaia oia no ke ku-e i na kanawai hookapu waiona a ua hoopa'iia elua makahiki hoopaahao me ka uku pu i ka $10,000 hoopa'i. O E. C. Cohron, kona hoahui, oia pu kekahi i ahewaia a ua hoopa'i paahaoia elua makahiki me ka uku pu i ka hoopa'i dala o $5,000. O kekahi poe e ae i hoopa'iia ae ai ua hookuuia lakou. NASAY, Bahamas., Aug. 1-O ka heluna o ka poe i make i ka makani i keia la. i maopopo i hoike ia mai aole nae na na luna aupuni he 126. a he 400 i nalowale. Hookahi ha- eri mau waapa i piholo, a no ke oho ma na waiwai i koho ia aia ma kahi o ka $8,000,000.	NUI KA POE I MAKE I KA WAIKAHE MA IAPANA I kulike ai me kekahi lono kelekalapa o ka loaa ana mai i Honolulu nei mai Tokio, lapana mai, ma ka Poaha aku la i hala, Iulai 29, ma kahi o ka ekolu haneri ka nui o ka poe i pau i ka make, a i nalowale paha i ka waikahe, o ka holapu ana ae maloko o Niigata. Ma kahi o ka ehiku haneri me kanalima hale i lilo i ka wai, a ma kahi o ka 8000 i uhi pu ia e ka wai. Ma kahi o na haneri kaukani eka i paa i ka laiki, i hoopoinoia e ka ua nui o ka Poakolu, ka mea nana i hoala mai i ka waikahe. Ua halana pu ia ka wai o ka muliwai Shinago ahiki i ka hu ana ma kapa, ka mea i hiolo ai na aina, a i piholo ai na kanaka iloko o ka wai. Nui ka poe i holo aku noluna o na kaupoku o na hale, me ka uwe ana o na wahine ame na keiki, e kahea ana i na kokua. Ma na hoike i loaa mai, ke hoomau la no ka haule ana o ka ua. Lehulehu na kino i ikeia aku e lana ana iluna o ka wai. O ka poe keia maloko o kahi o ka wai halana, ua holo noluna o na puu i wahi e pakele ai ko lakou mau ola. Na kekahi puali o ka poe kokua, i lawe mai i ka ai ame na laau lapaau, me ka lawa ole no nae, a he lehulehu ka poe i noho me ka pololi. Ua pio na kukui uwila ma ka hapanui o na kauhale, a ua hiki ole ke hoohanaia na uwea kelepona. Ma Nassau, Bahamas, Iulai 29, ua oi aku mamua o hookahi haneri poe i pau i ka make ma ke piholo ana iloko o ka wai, a ua hiki aku hoi ma kahi o ka $8,000,000 ke poho o na waiwai, a ma kahi o ke 75 mau waapa i piholo, mawaena o ka Poakahi ame ke aumoe o ka Poalua mai, oiai ka makani ino e pa ana me ka ikaika. Nui na ohana i hooneleia me na home, a ua hoopoino pu ia na oihana o ka lehulehu. Ua hoohanaia na moku apau e loaa ana, ma ka huli ana aku i na moku liilii mawaena o 150 ame 200. O ka hapanui o ka poe i nalowale, he mau luina lakou no kola mau moku. MA KAHI O NA MILI- ONA DALA KE POHO JACKSONVILLE, Fla.,— Iulai 27 —Me ka makani ikaika e pa ana me kahi o ka 100 mile i ka hora, i kipa mai ai kekahi ino nui ma na kapakai o Florida-lalo ma nehinei, a hala loa aku no na kapakai o ka Akelanika ma ka po nei, me ka waiho ana iho mahope o kona alahele, i kana mau hana hoopoino i na meakanu, ame na mea apau i ku mai imua ona. PALM BEACH, Fla., Iulai 27— Ma kahi o hookahi miliona a oi aku dala na poho i hanaia maanei e ka makani ikaika, maluna o na waiwai ma ka Aekai Palm Komohana, o ke kipa ana mai ma nehinei aku la, a ma keia la. Ma kahi o ke kanaha mau mokuheihei ame na waapa i hoopiholoia maloko o ka Lokowai Worth mawaena o na kulanakauhale elua. O na waiwai o huli pono ana i ke kai, ma k Ua mau wahi a elua ua nui na poino i loaa, ua hoopoinoia na uwea uwila apau. E hoakaka ana ke keena kelekalapa uwea ole Tropical no ka holopono ole o ka huli ana a ka mokuahi Gulf o Mekiko i ka mokuahi Ansaldo San Giorgio II, ka moku i hoike mai i ka poino ma ka po nei. Ua hoolele ke Gulf o Mekiko i ke kukui uwila ma kahi i ike hopoia ai ka mokuahi poino, aole nae he mea i ikeia aku no ka hopena o ka moku halihali ukana poino. Ma ka manaoioia, aia ma kahi o ke 30 poe maluna o ka moka halihali ukana, nona ka hoe i hemo, ke kumu o ka hiki ole iaia ke holo pololei. O ka nui o ka ino ma ka moana, ke kumu i hiki ole ai ke hoopakeleia kona poe luina, e kekahi mau moku okoa aku elua. HOAOIA HE KEPANI E HELE- WAWAE ANA E POWA Ia Rininoki Koizumi, he Kepani, o 62 makahiki e helewawae ana ma kahi mehameha loa o ke alanui Waiakamilo ma ka hora 9 o ka po Poakahi nei, o kona manawa ia i hahauia mai ai mahope e kekahi kanaka i maopopo ole iaia a moku ohope o ka ili poo a kaheawai ke koke, a na kekahi opu aloha i lawe ae iaia i ka halema'i o na poino ulia no ka lapaau ana mai ia wahi ona i eha mauwale ai. I kulike me kana moolelo o ka hoike ana ae i na makai, iaia e helewawae mai ana maluna o ke alanui Waiakamilo e hoea mai ai i ke alanui Moi ua kimoia mai la oia mahope o kona poo e kekahi mea me ka pohaku, iloko o ka lima o ka mea nana oia i pepehi mai me ka pohaku e paaia ana. I ka manawa i pa mai ai ke poo o Koizumi ua holo aku la ka mea kolohe, mamuli o ia holo ana aku i manaoia ai aole no ke dala ke kumu o ko Kozumi hoeha ia ana mai, he manao kolohe maoli no. Ke huli mai nei na makai no ia mea kolohe a powa paha.

AOHE KANALUA I KOE NO KA HOOKOHU OIHANA

Mamuli o ka hoopuka ana mai nei o ka aha kiekie, i ka olelo hooholo, e pili ana i ka hoohalahala a Jonah Kumalae, e ku-e ana i ka olelo hooholo a ka Lunakanawai Kaapuni Par-sons, o ia ke kakoo ana mai o ka aha kiekie, i ua olelo hooholo la a ka Lunakanawai Parsons, ua hoauheeia aku na manao kanalua apau, a ua hoopauia ae no hoi na pohihihi, no ke ku ka mana ole, ke aponoia ana o Jonah Kumalae, i hoa no ka papa o na lunakiai; elike me ka moolelo, o kona hookohuia ana ame ke aponoia ana, malalo o na loina alakai a ka Meia Wilson.

O ka hookohu ana i kekahi mea, i panihakahaka, no kekahi
hoa o ka papa lunakiai, he pono ia a ke kanawai i haawi ma
ai i ka meia; a ua kaa aku hoi ke ko'iko'i o ke apono ana
kela hookohu oihana maluna o ka hapanui o na hoa o ka papa

Ke hoakaka maopopo nei kela olelo hooholo a ka aha kie
kie, o ka hoopaaia ana aku. maloko o ka moolelo o ka papa
ua koho kekahi mau lunakiai, ma ka aoao ae, oiai nae aole
kela mau lunakiai maloko o ka halawai a ka papa, i ka wa
kaheaia ai ko lakou mau inoa, ua lilo ia hana i mea mana ole
a o ke koho ana aku a kekahi o na lunakiai, e makemakeia ana
e hoopiha no na wahi i hakahaka, no ke apono ana i ka hoo-
kohu oihana o kona kokoolua, oiai nae, aole i mana kona hoo-
kohuia ana elike ae la me ia maluna; ua pili ole ia koho ana
i ka mana; a ua kuleana ole o Jonah Kumalae ame Kim Ak
Ching, e paa i ko laua kulana i hookouhia aku ai he mau hoa
no ka papa o na lunakiai.

Ua kakooia ka olelo hooholo a ka Lunakanawai Kaapuni
Parsons ma na ano apau, nolaila aole he mea a ka lehulehu
koe e hoohewahewa iho ai, no kahi i kupono ai e hookauia
aku na ahewa ana no keia hana hemahema.

O na inoa o Jonah Kumalae ame Kim Ak Ching, ka i kaualakoia aku iloko o na aha hookolokolo, me ka hoopukaia ana mai o na olelo hooholo e ku-e ana ia laua; e kaawale na ahewa ana aku a ka lehulehu e pono ai, mai ia laua ae, a e hookauia aku na ahewa kiekie ana maluna o ka Meia Wilson, me na hoa o ka papa i paa malalo o kana alakai hewa ana.

No keia hemahema ko'iko'i loa i hanaia e ka meia, ame kekahi mau hana e ae ma kona aoao, nana i hoala mau mai i ka pioo iloko o ka papa o na lunakiai, he mea pono, e hoonohoia ae i kanaka oi aku o kona kupono, a makaukau, ka naauao ame ke kuokoa ma ke poo o ka hookele aupuni kulanakauhale

E HAAWIIA NA MAHALO KIEKIE ANA.

Mamuli o ka hopuia ana o Kalani Kanehaku, e ke Kapena Makaikiu John Kellett, me ka ae okoa ana ae o kela kanaka opio, oia ka mea nana i hookani mai i ke kahea hoailona pauahi hoopunipuni, kela kahea pauahi, i make ma'uwale ai ka Makai George Macy, Jr ., oiai oia e hooko ana i kana oihana, ua hoike mai ke Kapena Makaikiu John Kellett, i kona makaukau ame ke akamai ma ka hookolo ana i kekahi o na hihia pohihihi loa.

Aole nae ma kela hihia wale no ka mahalo e haawiia aku ai iaia, aka ma ka noke ana kekahi i ka niele ia John Kamika he keiki opio nana i puhi kolohe i kekahi mau hale i ke ahi ma ka po o ke Sabati iho nei, ahiki i kona ae okoa ana ae aole wale no, oia ka mea nana i puhi kolohe i kela mau hale i ke ahi, ua huai pu ae oia, i na hana puhi kolohe ana i lawelawe ai iloko o na mahina i kaahope aku nei.

Ma na hihia ano nui a pohihihi i ikeia o na manawa ae nei I hala, ua hoike mai ke Kapena Makaikiu John Kellett, i kona kupono me ka makaukau ma kana oihana; e mahaloia ai oia ame ka oihana makai o Honolulu nei.

Mamuli o ka hoike okoa ana ae o Kalani Kanehaku, oia maoli no ka mea nana i hookani i ka hoike hoailona pauahi hoopunipuni, nana i hookau mai i ka make maluna o ka Makai George Macy, Jr., ka hewa i hoounaia aku ai oia no ka hoopaa ana maloko o ke kula hoopololei o na keikikane, ahiki i kona oo ana ma ke kanawai, aole he hana paakiki ma ka aoao o ka oihana makai, ka hookolo ana aku mahope o ke kanaka, nana i hoolako mai i ka waiona i kela keiki opio, e pono ai. e hookau pu ia aku maluna ona, na ahewa ana, no kona ku-e i ke kanawai; pela me kona lilo pu i mea paahana no ka hookau ana aku i ka poino maluna o ka makai, a i ka pilikia hoi maluna o Kanehaku .

Piha kekahi mahele nui o na hoahanau o Kawaiahao i ka huhu, no ko lakou kapaia aku ma ka haiolelo a ko lakou kahu, no ka pili i ke kumulaau fiku hua ole; malia paha ua kupono i'o no ko lakou huhu ana; aka he mea maikai no nae ka huipa ke hoopapaia aku i kekahi manawa, he mea e loaa ai ka ike, aia kekahi mea oi aku, i makemakeia mai ai lakou, e hoikeike ae. Ina he mau laau hua ole i'o na hoahanau o kela ekaIesia, alaila aole i kaawale ae ke kahu mai na ahewaia aku, no ka mea ua ili iho maluna ona ke ko'iko'i o ka lawelawe ana aku i na hana apau e pa haneri ia ae ai ka hua ana o na laau fiku o kona ekalesia.

Oiai ke hookokoke mau mai nei ke kau koho baloka wae moho o kakou, ke hoeueu hou aku nei no keia pepa, i ka poe i hoopaa ole i ko lakou mau inoa i loaa ai ka pono koho i na moho, e hele koke ae e hoopaa i keia mauawa, aole o ka waiho a ku haiki, o lilo auanei ka hoohemahema, i kumu e mihi ai mahope aku.

Ua maopopo loa, ma o ka olelo hooholo a ka aha kiekie i hoopuka mai nei, ma ka hoohalahala a Jonah Kumalae, ua mana ole ka hookohuia ana ame ke aponoia ana o A. F. Clark, i hoa no ka papa lunakiai kulanakauhale, no ke kumu aole i loaa ka hapanui o na hoa o ka papa, no ke apono ana i kona hookohu; nolaila ua lilo kela hemahema a ka meia i hana ai, i kumu, e lilo ai oia i mea paaniia imua o Ben Hollinger ame kona mau hoa Repubalika; e waiwai ole ai ka hookohu hou ana mai i kekahi poe, no ka hoopiha ana i na makalua i waiho hakahaka o ka papa lunakiai i keia manawa, oiai aohe no he loihi i koe e kakali aku ai o ke koho baloka hou no ia, no na hoa o ka papa.

Iloko o na hana paani politika, he mea maikai no i ka Meia Wilson, ka maliu ana mai i ke komite kalana o kona aoao kalaiaina iho, ma na mea e pili ana i na hookohu oihana; aole nae pela ka mea i ikeia, ma ka halawai a ka papa lunakiai kulanakauhale o ka Poalua iho nei, ua hookohu ae oia i kana kanaka i makemake ai. no ke kulana Iunanui o ka oihana wai me sua o ke kulanakauhale ma kahi o C. J. McCarthy, me ke apono ole mai nae o ka papa i kela hookohu oihana; aole hoi i ke kanaka a ke komile kalana i makemake ai. Aole keia

he hoailona no ke kuikahi o na mana a elua, e hoea mai ai keia kuikahi ole i ka wa e lilo ai i hana pilikia. E akahele, he wa kalaiaina aku keia!

O ka hookuu ana aku o ka aha kaapuni a ka Lunakanawai Parsons i ka Puuku D. L. Conkling, mai kona hihia i hooma ae ai, o ia ka lawe i na dala o ka lehulehu, ma ke ano kolohe, mamuli o ka lokahi ole o na kiure maluna o kekahi olelo hooholo, aole ia he kumu e pili ole ai ka hewa iaia; aka pela iho la i ake loa ai kekahi poe, na ka papa kiure e hoolohe mai ko lakou hihia, aole na ka mea hookahi.