| | Ke Aloha Ana i Imi Ai A I OLE He Kaao No Ora Buruka Ka Nohea Ka hoapaonioni i ka Ipo Hookahi — Ka Halawai Aha me na
Hoao he nui — ke Kupaa i ke Aloha Hookahi — Ka
Lanakila Ana i ka Manawa Hope. Ma ke aumoe o ka po nei, a i ole ma ka wanaao paha o keia
kakahiaka, o kekahi o ka poe e helewawae ana maluna o ke
alahao me ka hiohiona e hoike ana ua pilia kona kino e na
huila o ke kaaahi a ua palahe. He hana paakiki ke koho polo-
lei ana iho i kona inoa ame ka ike maopopo ana iho hoi i kona
helehelena, no ka mea aole lihi helehelena aka nae, ua loaa iho
la iloko o ka pakeke o kona lole he apana pepa, a ma ia apana
pepa i maopopo ai kona inoa. O ka mea pono mua a'u e hoike
aku ai he lole o ke ahiahi kona e komo ana, he helehelena hauli
kona, a aia ma kahi o ka umikumamahiku kona mau maka-
hiki ma ka hoomaopopo iho.
"O ka apana pepa a'u i hoike ae la mamua he palapala ho-
ike ia no ka mare ana he mau la kakaikahi wale no mamua
aku ka loihi. Ua nahae ia pepa iloko o elua apana, me he mea
la iloko paha o ka manawa e aumeumeia ana e kekahi mau
mea. O ka inoa o ke kahunapule i hoikeia maloko o ia pala-
pala o Rikeke Berenatere, a o na inoa o na mea i mare o Ho-
reki Buruka ame Ora Malo.
"Malia he kanaka hou aku no paha kekahi ma kela inoa
Horeki Buruka elike me kou, a he kaikamahine okoa aku no
kekahi ma ka inoa o Ora Malo aka, mamuli o kuu manao ana
o oe no ua kanaka la pela au e hoouna aku nei i keia leka ia oe.
Aohe komo mare ma ka lima o kela wahine i make. Me ka
awiwi Ioa. Keoki Dikekona." Koronero.
"Manao Poina: — E kali au a loaa mai kekahi olelo mai ia
oe mai mamua o ka ninau hou ana aku."
Mahope o ka noho hoola'i ana me na manaolana poho no
kekahi mau minuke lehulehu, ku ae la oia, a hookomo aku la
i na leka a pau iloko o ka ume, a oili aku la iwaho, me ka ho-
ike ole aku i kekahi o na kakauolelo aole oia e hoi hou mai
ana i ke keena ia la.
"Ma kona helehelena ke nana aku i ua haku nei o kakou,
me he mea la aohe ona manaolana i koe no kekahi mea ana i
manao ai e loaa ana,'' wahi a kekahi kakauolelo o ka i ana aku
i kekahi.
"Ua loaa ka ia ike ia oe nona, e kuhi ana au owau wale no
la ka i ike aku ia mea ma kona helehelena," wahi a kekahi o
ka pane ana mai.
Ua akamai maoli ka Sibela paani ana i kana pepa hahau
mahope o ko Ora kaawale ana mai ka hale nani aku o na Le-
sili a e ikeia ana ka oiaio ia akamai ona ma o ko Horeki hoi
hou ana aku imua ona iloko o kona halawai ana me ke kau-
maha.
No Horeki oia i noho ai ma ka home, a i kona ike ana mai
ia Horeki e hookokoke aku ana i ka hale, holokiki mai Ia oia
ilalo mai ka hale mai maluna me ka haalulu, no ka mea me
Wa manao kaumaha oia e noho ana ia manawa no ko Horeki
hoike aku iaia ua loaa hou o Ora.
I ko Horeki hui ana aku me ia haawi aku la i ka leka iaia
no kana heluhelu ana iho, aole nae oia i nana pono aku i ka
helehelena o ua Sibela, no kona manao ana iho malia e ike aku
ana oia i kekahi hiohiona e hoohauoli ia ae ai oia ma ka mea
e pili ana i ko Sibela manaoio maoli e pili ana no Ora.
"E Horeki," i pane mai ai o Sibela, mahope o ko au helu-
helu ana i ka leka, "heaha kau e hana aku ana?"
"Ka'u e hana aku ana? O ka hele koke aku no hoi ilaila i
nei manawa me ka hookaulua ole."
"Iaa no kou hele owau pu kekahi e hele," wahi a S ibela.
''Ua kauohaia ka mea malama hale o ko makou wahi e makau-
kau mau e hookipa aku i kekahi o kaua, ina no ka hele aku.
Ae, e hoike aku au ia papa i nei manawa e hele ana au no ke-
kahi hana i ole au e haohaoia." Aohe o Horeki i papa aku i ua o Sibela e noho i ka hale, no
ke kumu ke ike iho la oia ia manawa e lilo ana ko Sibela hahai
ana iaia i mea kokua mai iaia iloko o ia manawa kupilikii.
Nolaila haawi aku la oia i kona mahalo, a he manawa pokole
loa ma ia hope iho aia laua iluna o ke kaa e holo la no kahi
o ka leka i hoounaia mai ai.
O kahi o laua i laki ai ma kela holo ana o Keoki Kike-
kena, ka mea nana i kakau mai i ka leka, a o ke koronero no
hoi, ke akena oia no ka Lunakanawai Hawuda, ka makuakane
o Sibela ma Burukedela; nolaila ua maopopo ia Sibela kona
wahi i noho ai, a ua hiki hoi iaia ke lawe aku ia Horeki a hoea
ilaila me ka hakalia ole.
He mau minuke kakaikahi i hala ae mahope o ka hora 12
hoea aku la laua i ka hale o Dikekona, ke koronero, a e ku ana
laua ma ka lanai malalo loa ma ka manawa o kekahi mau kai-
kamahine o ka oili ana mailoko mai o ka halehana a e hoi awi-
wi ana no ko lakou mau home.
E paa ana ko Horeki lima ma kahi o ka hao e hookani aku
ana, a e nana aku ana hoi oia i na kaikamahine e oili mai ana
me ko lakou mau lole hana me ke ano hoohenehene ia lakou
no ka haahaa loa o ko lakou mau aahu, a ia manawa hopu
ino mai la oia i ka lima o Horeki, me ka nui o ka hanu no kana
ike ana aku i kona enemi.
Ua ike oia ia Ora Malo e ku mai ana mamua pono aku ona,
a halawai ae la ka ike a ko laua mau maka kekahi i kekahi,
he mea hikilele no hoi ia i ua o Sibela. MOKUNA XXIV— He Wahine Opio i Hoopihoihoiia O ka ike ana aku ia Ora Malo e ku mai ana mamua aku ona
me kona helehelena nani, i ka manawa i manaoioia ai ua make
oia maluna o ke alahaka, he puupuu hoohikilele kiekie loa ia
ia Sibela Hawuda ia manawa e hiki ole ai iaia ke alo ae.
Ua lilo kona pihoihoi loa i kumu no Horeki e huli koke mai | ai e nana iaia, a iloko o ko Sibela kunahihi aneane loa oia e
kuhikuhi aku ia Ora ia manawa, eia nae, iaia i manao ai e hana
pela ua ike aku la oia ia Ora e nana aha i kahi e, a ua kunihi
ae la oia i hiki ai i kekahi kaikamahine mahope aku ana ke
hele mai. Na kekahi mea hihi he honekakala, i huna ae ia Horeki ame Sibela mai ia Ora mai, ma ka Ora wahi e ku ana he malaelae loa e hiki ai ia Sibela ma ke ike aku iaia me ka hoohewahewa ole. ." . . Ua maopopo ia Horeki ke kumu o ko Sibela kunahihi ia manawa no kona ike ana aku ia Ora i ke ku mai, a he manawa pokole loa ma ia hope iho huli mai la ko Sibela alo ia Horeki, o ke kua ia Ora, a me ka leo e manaoioia aku ai he ehaeha kona no ka lohe ana ua make ke kaikamahine i mai la: "Ua piha au me ke kaumaha i ka noonoo ana ua make ke kaikamahine, eia ka ke ola nei no oia, o ka lono i hoikeia ae ai no kona make ana aohe oiaio, malia he kaikamahine okoa aku la no paha kela i make. ai." Ua maopopo ia Sibela o ka noonoo nui o Horeki no Ora ka mea nana. e hoopoina aku i na mea e ae mai kona noonoo aku, a ua pololei o Sibela ma ia manao ana pela, no ka mea, i ka manawa i maopopo ai ia Horeki haalele aku la oia i ka hao ana e paa ana a haule iho la i ka puka. i ke kani ana aku o ka puka i ka hao ana o ka haalele ana aku oili mai ana kekahi kanaka, a ike koke mai la no oia ia Sibela ia manawa, no ka mea ua maopopo kona ike iaia, a haawi mai la i kona aloha. He lunakanawai hoomalu oia, a na Sibela i hoolauna mai iaia ia Horeki ma ke ano oia ke kanaka nana i hoouna ae i ka leka e pili ana no Ora Malo. No ka makemake o ia lunakanawai e hooluolu mai i ka noonoo o ke kaikamahine a kekahi o kona mau hoaloha maikai loa, hoomakaukau koke iho la oia iaia iho no ka hele pu ana nie laua nei. "He oiaio, o ke kino o kela kaikamahine i make ai aole maanei," wahi ana, "aia iloko o kekahi hale uuku i kai ma kahi kokoke aku i ke alanui kaaahi. He liilii loa na mea i kamailioia no kela kaikamahine maloko o kahi kauhale uuku, o ke kumu i ole e piha mai ia wahi i na kanaka. . No ka piha kaumaha loa o Horeki, a he haikea loa hoi kona helehelena ia manawa, me he kanaka ma'i la, aohe mea hiki iaia ke kamailio mai. Ua. piha kona waihona noonoo me na manao Iike ole no Ora elike me kana o ka ike ana aku iaia. Me ka hamau loa oia i hele pu aku ai me ka lunakanawai ahiki i kahi hale uuku kahi o ke kino make o ke kaikamahine e waiho ana. . . "Aole paha he mea pono ia oe e. komo aku iloko o ka hale, a no ka mea, o ka hiohiona au e ike aku ana o kela kaikamahine he mea hoehaeha loa mai i kou noonoo," wahi a Dikekona i pane mai ai. Ua komo like aku la lakou iloko o ka hale a ike iho o Sibela i ka waiho o ia kaikamahine a ano e ae kona helehelena. He wahi olelo e hoike ana i kona kaumaha ka mea i puka ae ma kona waha a kau mai la i kona lima ma ko Horeki lima a hawanawana mai la: "Aole hiki ia'u ke hookuu aku ia oe e hele b oe wale no. Ua maopopo ia'u ka nui o kou aloha iaia, a oiai he oiaio ko'u lilo i hoaloha nou aole au e ae aku ana ia oe e hele hookahi," i ka manawa keia mamua ae o ko lakou komo ana aku iloko o kahi hale. Alakai aku la ka lunakanawai ia laua a komo iloko o kekahi rumi uuku, kahi o ke kino o ke kaikamahine make ulia e waiho ana iluna o kahi moe uuku, i uhiia a paa i ke kihei, a me ka malie loa ka lunakanawai o ka hele ana aku a wehe ae la i ke kihei. I ka. hemo ana ae o ke kihei hooho ae la o Horeki i kekahi leo e hoike ana i kona manaonao. Ua manaoio loa oia ia manawa aia oia imua o Ora ia manawa, no ke kulike loa o ka helehelena o ke kaikamahine make me ko Ora . Leha wale aku la no o Sibela i ke kino o ka mea make, ke kiei iki ana aku mahope iho i mea e maopopo ai iaia o kona enemi io no oia. "O ko Ora lole keia," wahi ana o ke komo ana ma ke ahiahi hope ana e noho ana ma kona home." "Ua maopopo iho la anei kou ike i kona helehelena?" i ninau mai ai o Dikekona. I loaa ai ia Horeki ka ike maopopo a e ike iho ai hoi i kekahi hoailona e hooiaio mai ai o Ora ia kino make, haka pono loa iho la kana nana ana ma ka helehelena, a i ae la: "Aohe hiki ia'u ke ike maopopo iho i kekahi mea e hoike ae ai o Ora Malo keia kino make. "Aole keia oia," wahi a Sibela o ka nalu ana iho; "o ke kino paha o ka moiwahine Aigupita ; he kulike ole loa ka helehelena o nei wahine opio me ko Ora i ka nana iho, aka e hookuu aku au ia Horeki e noonoo mau iho o ke kino make keia o ka wahine ana," i noonoo iho ai o Sibela. "Eia keia mau apana pepa, e nana iho oe, he mau apana no kekahi palapala mare i loaa iho ia'u iloko o kona lole, "pela ka lunakanawai o ka pane ana mai. Lalau aku la o Horeki ia mau apana pepa me ka lima e haalulu ana, a no kekahi manawa kona nana ana iho me ka hiki pono ole iaia ke ike iho i na olelo i kakauia maloko. I kona ike maopopo ana iho ua hoopau loa ia ae la kona kanalua. O ka palapala mare io no ia o laua i mareia ai me Ora e ke kahunapule Kikeke Benatere, a o ka wahine e moe ana o kana wahine-mare io no oia. . Elua mau mea na laua i hoike mai, ka lole a ka mea make e paa ana ma kona kino ame ka palapala mare i loaa ai iloko o ka lole, oiai nae, o ka lole keia o Ora i laweia mai ai e Pole Gere a i holo mahuka mai ai no ka manao e mare me Paulo, make e nae, au e ka makamaka heluhelu e hoomanao la. "O, e kuu aloha," i uwe iho ai o Horeki, me ke kukuli ana iho ma ka aoao o ka wahine make e waiho ana; "no keaha no la oe i Haalele ae al ia'u? No keaha koe i hilinai ole mai ai me ka manaoio ole maluna o'u? Alaa ko kaua kaawale la, aole nae e hoonahaia ana kuu puuwai!" Paa ae la koha mau lima i kona poo me ka luliluli ana iho no ka piha loa i. ke aloha kuhihewa o Ora ia e moe ana. "E oluolu oe e haalele mai ia maua o maua wale no maloko o keia rumi no keia manawa," i noi ae ai o Sibela i ka lunakanawai me ka hawanawana; o kona oili aku la no hoi ia iwaho me ka palua ole aku i ke kamailio ana iaia me kona ehaeha pu no ka mea i make a no ka ike pu mai hoi ia Horeki Buruka i ka helelei o na waimaka. Ina no ka hoike ae o Sibela i ka mea oiaio e lilo ana keia haawina kaumahe o nei mau minuke i mea hoopau ae i na luuluu, eia nae, uumi malie loa no oia iloko ona; he hiki loa iaia ke hoike ae nana i hookomo i ka palapala mare iloko o ka pakeke o ke kaikamahine make, aohe nae he puai wahi leo ae, a no ka mea, i hana bia ia mea i kumu no Horeki e manao iho ai ua make io o Ora, i mea e lilo ai o Horeki iaia. Iloko o keia mau minuke o ka ehaeha aohe wahi waimaka | kahe iho ma ko Sibela mau maka, a no keaha no la auanei
oia e uwe iho ai aole keia o Ora, he kaikamahine okoa loa ana
i ike mua ole ai.
He mau minuke maikai Ioa keia ana e kanu iho ai i ka hau-
oli iloko o ko Horeki naau i hooluliluliia, ma o. kona hoike ana
iho o Ora Malo ame Hete Lesili hookahi no kino elua nae
inoa. Mamuli o ka hauli o ka helehelena o ke kaikamahine
i make e hiki ai ia Horeki ke ike iho aole o Ora ke kaikamahine
i make e waiho ana, a ma ka mea oiaio aia no o Ora ma ke-
kahi wahi e hiki ai ia Horeki ke koi aku iaia e hoi mai, ua
hamau loa nae. oia aohe hoike ae.
He hoowalewale ikaika loa keia ia Sibela e hamau loa oia,
a ua hiki ole no hoi e kaawale aku ia manao huna mailoko
aku ona aole no kona nele i ke koi a kona lunaikehala e hoike
ae, aka ab ka lili mai, a ua lilo ka lili iloko ona i kumu akeakea
iaia mai ka hoike ana ae i ka mea ia Roreki, e hoopauia ae
ai hoi ko Horeki kuhihewa.
Iloko o keia luuluu o Horeki no kona ikemaka iho i ke kino
o ka mea make ana i kuhihewa loa ai o Ora kana aloha, hoo-
kahi wale no mea hiki iaia ke hana mai o ka hoonana mai
ia Horeki elike me ka hiki iaia, oiai nae, aole no nae i nele loa
kona aloha, kona ike iho i ko Horeki noke i ka uwe.
Oiai oia e ku iho ana a nana ia Horeki iloko o kona ehaeha
nui, kulou iho la oia a hookomo iho la i kona lima iloko o kp
Horeki, a paipai iho la i ke kua me kekahi lima ona, a i iho
la me ka leo nahenahe loa e hoonana iho ana, a pane iho la :
"E Horeki kuu aloha, aole au e papa aku ana ia oe aole
e uwe, no ka mea ua ike au i ka nui o kou kaumaha, a no ka
mea no hoi he wahine ui maoli no oia, a ua nui no hoi kou
aloha iaia. O ka'u wale no e hauoli nei oia no ka loaa ana
he manawa no'u e kaana pu ai i ke kaumaha me oe."
"O, he uhane maikai a lokomaikai maoli kou, e kuu aloha!"
i pane ae ai o Horeki, no kona pa ana iho ina olelo maikai
a Sibela ; alaila huli ae la kona mau maka e nana ia Sibela,
a hana aku la hoi ko Sibela mau maka i kahi e, i ole ai
o Horeki e ike ae ma kona helehelena i ka meahuna iloko o ko-
na naau. Akamai no ka mea kolohe.
Ua akamai loa o Sibela i ka paani ana i kana mahele hana
kolohe, nolaila aohe mea iki a Horeki i hoomaopopo koe wale
no ka nui o ko Sibela aloha iaia ke kumu o kona kumakena ana
mawaho, koe nae oloko hana nui. Ua loaa iaia ka manao ku-
hihewa aia oia imua o ke alo o ka mea hiki ole ke hookaawa-
le mai iaia aku.
"E Horeki, ua ike iho la hoi oe iaia, nolaila e pono oe e
hookaawale mai keia wahi aku," i pane iho. ai ua o Sibela,
aneane e hoike iho i kona. lanakila ana ma kona leo, no ka
mea oia kana mea e noonoo nui ana ia manawa o ka hoihoi
hou mai i ko Horeki noonoo a pili iaia.
"E hele kaua e holoholo i kauhale aku nei, no ka mea, e la-
weia ae ana no hoi oia ilaila, a o na mea apau e hanaia iho
ana nona ea na kaua ia e hana. Aloha maoli au ia Ora Malo !"
wahi a Sibela hoopunipuni.
"Alaila, e huikala ana anei oe ia Ora?" i ninau ae ai o Ho-
reki me ke kahaha nui iloko ona. .
"Aole keia he huikala ana iaia, aka he manao mihi. Pehea
e hiki ai ia'u ke nana aku i kela po ana ame oe i hana mai ai
i kekahi hana ino loa ia'u, kela po ana i kaili aku ai ia oe, kuu
mea aloha mai a'u aku, a nele au ia mea he inaina? .
"E Horeki," ua piha oia i ha manao hoopihoihoi he nui iaia
ia manawa," aole biki ia'u ke hoomalu ia iho ia manawa. No
Ora ua make oia a ua laweia aku hoi kekahi hoaloha oiaio a
oluolu loa mai a'u aku a'u e minamina nui nei. O! heaha la
ka'u mea e kamailio nei?" .
"E Sibela, o kou lohe pono aku keia aole au e hoao ana e
hoopunipuni aku ia oe. He oiaio loa ua aloha au ia Ora, a
ina ke Ola mai hei no oia i nei manawa, e hahai aku ana au
mahope ona ahiki i na welau o ka honua. Aka, ua ike iho au
i ko'u hewa no ka haalele ana ia oe a lilo aku kuu aloha iaia,
a o ko'u hoopa'i eia ia maanei," me ke kuhikuhi ana iho i
ke kino o ke kaikamahine make ana i kuhihewa ai o Ora.
"O, aloha maoli au ia Ora !" me ke kuhikuhi ana ae.
"Ae, aloha no o Ora," i hoopili aku ai ka Horeki kamailio
ana mahope o kana, oia ka i manaoio loa o Ora ia e waiho mai
ana, aka no Sibela, aole ia mea iloko ona, aka, i mea no Ho-
reki e manaoio loa ai o Ora ia, e hooiaio mai oia ma kona aoao
e pono ai, i mea e hookoia ai kona makemake no ka lilo hou
o Horeki iaia.
"Aohe au i ike o ka manao uluahewa heaha la ka mea nana
i hookaawale ia'u mai ia oe mai, o ka'u wale no e ike nei o
ka noonoo wale ae no nona i nei manawa ua lawa ia e hoo-
kapaliliia ai kuu puuwai. Ke ike nei au" me ka hulili ana ae
o kona mau maka me he ahi la e lalapa ana. "Ua loaa ia'u ke
kanalua aole keia oia, i kuu manawa i noonoo iho la."
I ko Sibela lohe ana mai la i keia mau olelo holo ae la ke
anu iloko o kona puuwai, no ke kumu, ina ua loaa ia Horeki
kekahi kanalua he mea kaumaha ia no kona naau ; a i koke
mai Ia :
"Auwe, heaha ko kaua mea e kanalua iho ai? Hauoli maoli
hoi ha ina e hiki ana ia kaua ke hoihoi hou mai i kona ola.
Aka, heaha ka mea hooiaio oi aku no ko Ora make ana, ma
na hiohiona a pau a me na mea hooiaio e ae, e laa keia mau
lole ona a. kaua e ike iho la a pela hoi me ka palapala mare o
olua, ua manopopo loa e hoopauia ai na manao kanalua apau
oia no keia: O, aohe a'u kanalua hou ana iho!"
Kani iho la ka Horeki uhu a hoomau mai la kana kamailio
ana.
"Ke hooia aku nei au i kou manao, e Sibela, o kuu wahine
io no keia e waiho mai la. E Sibela o oe ka'u wahine i hoo-
palau ai, ua haalele aku nae au ia oe no ka haawi ana aku i
kuu inoa iaia ka mea e waiho oni ole mai la. E ae ana anei
oe e lilo hou na'u?
"E Horeki heaha kou manaoio?" i namunamu iho ai o Si-
bela, me ke kulou o kona mau maka ilalo, i ole ai o Horeki
e ike aku i ka hoihoi iloko o kona mau maka no keia nonoi
ana aku la a Horeki iaia e lilo nana.
"Aole au e olelo aku ana he aloha au ia oe, a no ka mea
ke koi mai nei ka oiaio ia'u e hoike aku au ia oe i ka mea
oiaio loa, o ke aloha apau iloko o kuu naau ua lilo ia Ora, ka
mea a'u i ike a i lia nui ai he manawa pokole wale no. O
ka'u wale no, e noi aku ia oe ina e ae ana oe e hoihoi hou ia
mai kela launa hoaloha ana a kaua mamua a'u hoi i hookaa-
wale aku ai me ka lokoino loa."
"E Horeki, o keia wale no ka'u e hoike aku ia oe, ua aloha
au ia oe, a no ia aloha no, elike me ia mai mua mai o ko kaua
hoolaunaia ana, oia mau no ahiki i nei manawa, no ia aloha,
ke ae aku nei au e lilo au i wahine nau."
Alaila holo aku la ua o Sibela a pili ma ka umauma o Ho-
reki a apo mai la no hoi oia. He hana ia ana i hana iho la
ana i manaoio ai i pili loa iaia imua o ka mea e waiho a make
mai ana. O kana mea wale no e makemake ana e ike ia wa | e hoapono mai ana anei ka uhane o ka mea i make iaia no
ia hana ana?
MOKUNA XXV. Ma ka hora awakea o ia la no, hele aku la o Edega Kalaka,
me ka pihoihoi ame ka pio ole o ka noonoo, i ke keenahana
o kona hoaloha, Horeki Buruka, a i kona ninau ana aku i na
kakauolelo noha hoikeia mai la iaia ua hele aku o Buruka me
ka hikiwawe loa no kekahi wahi; mahope o kona heluhelu ana
i kana mau ieka o ka loaa ana mai ma ia kakahiaka, me ka
hoike ole mai i kana wahi i hele aku ai, me kona hoike ole mai
no kona hoi hou mai ma ia la ame ka ole.
"Ua loaa hoi kekahi meahou iaia," i namunamu iho ai ua
o Kalaka, a ulu mau ae la ka manao lili iloko ona no Horeki.
"E hele aku ana no nae au e huli iaia ahiki i kona wahi e loaa
aku ai ia'u. E kailiia ana o Ora e a'u mai iaia mai, ina no ia
he mea e make ai kekahi kanaka ia'u."
No ka nui o kona makemake e lilo o Ora Malo iaia e hana
aku ana oia ma ha ano apau ina no he hana ia e make ai kona
hoaloha iaia. O keia kona mau manao lapuwale haalele loa
e hana la iloko ona ia manawa, me ia maopopo no iaia ua
mareia o Ora e Horeki.
Ua ninau aku la oia i na kakauolelo i mea e loaa mai ai
kekahi hoike maopopo iaia no ka Horeki Buruka wahi o ka
hele ana, a oiai ua hoike mai no hoi na kakauolelo iaia i na
mea apau a lakou i ike ai nona, a ua maopopo no ia mau ka-
kauolelo he hoaloha pilipaa loa ua o Kalaka no Buruka, aohe
nae he mea maopopo i loaa mai iaia. .
Alaila haupu ae Ia oia no Sibela. Ua maopopo iaia aole
e nele ana ko Sibela maopopo no ka Horeki wahi i hele ai,
a no ka. mea, aole no i hoomamao loa oia mai a Horeki mai,
malia e hiki ana no iaia ke hoike mai i kekahi mea e pili ana
ia Horeki, a ina ua ike ua o Sibela, alaila e koi aku ana oia
iaia e hoike mai iaia no Horeki.
I kona hiki ana aku i ka hale o Sibela ma hoikeia mai ana
iaia e na kauwa ua hala o Sibela i ka hale o ka Lunakanawai
Hawuda ma kuaaina. No ka maopopo ole iaia o kahi o ia
hale o ka Lunakanawai Hawuda i ku ai, ua hoopohihihiia oia
i ka manawa mua, eia nae, a hala kekahi nuna wa iaia o ka
noonoo ana; akahi no a ala mai ka hoomanao iloko ona no ia
wahi.
"He mea pili anei kekahi mawaena ona ame Ora i holo ai
oia i kela wahi?"
He kokoke loa ka halema'i pupule ilaila, aole nae au i noo-
noo ia mea mamua. E holo ana au i kela wahi."
O kona hele no ia ahiki i ka hale hoolulu kaaahi a maluna
o ke kaaahi oia o ka holo ana, a aole no hoi i hala kekahi ma-
nawa loihi, hoea aku la i kahi ana i makemake ai, a maluna
o kekahi kaa otomobile oia o ka laweia ana aku ahiki i ka
hale o ka Lunakanawai Hawuda.
Aole oia i hoohakalia iho i ka hele pololoi ana aku ahiki ia
hale oiai aia me ia ka Sibela meahuna kahi i paa ai a ua pouli
nae ko Sibela noonoo no ia mea, a ma ko ua o Kalaka manao
aia ia meahuna a Sibela iloko o kona mana kahi i paa ai.
I kona hiki ana aku i ka hale, ninau koke aku la oia i na
kauwa no Sibela, a i ka hoikeia ana mai aia oia ilaila kii aku
la ke kauwa ia Sibela, a he manawa pokole iho mai ana oia a
hui me ua o Kalaka.
"O oe keia e Mr. Kalaka, pehea i loaa ai ka ike ia oe eia
au ianei?" i ninau mai ai o Sibela.
"I kou hale aku nei au kahi i ninau ai a na kekahi o na kau-
wa i hoike mai ia'u eia oe ianei, o ko'u holo pololei loa mai
nei no hoi ia no nei," i pane aku ai o Kalaka.
"He mea hookaumaha mai anei kekahi au i ko'u noonoo, a
i ole he hana anei ka'u i hiki mai la ianei i makemake loa ai
e ike ia'u?" he ninau keia a Sibela i ninau mai ai, no kona ma-
nao he mea pili paha kekahi i kona makuakane.
"Aohe mea i maopopo ia'u," wahi a Kalaka; "no Horeki no
au i huli mai nei, he manaolana ko'u e hoike mai ana oe ia'u
no kana wahi o ka hele ana." Hookaulua iki iho la o Sibela i
ka pane mai no ka mea, aole i maopopo iaia ka nui o ko Ho-
reki hilinai ia Kalaka, a no ia hoohakalia o Sibela i ka pane
mai, a ua o Kalaka e noonoo la e huna ana paha o Sibela ia
Horeki, koho koke iho la no oia aia no ilaila o Horeki.
"He nuhou hookaumaha noonoo anei kekahi au nana?" i
ninau mai ai o Sibela.
"Aole au i ike, he makemake wale no ko'u e ike i kona wahi
o ka hele ana mai nei, nolaila au i hele mai nei e huli iaia. Ua
maopopo ia'u ua nui kona kaumaha me ka makemake loa e
loaa kana wahine."
"Kana wahine!" i hoopili mai ai o Sibela me ka hoike pu
mai i kona pihoihoi.
"Mai huna oe a manao iho hoi e hoopunipuni mai ia'u. e
Miss Hamuda, ua maopopo ia'u kou ike no kona mareia ana
me Ora Malo, pehea la oe i hoohaohao iho la?" i pane aku
ai o Kalaka.
"Ae; ua maopopo io no au ia mea, a oiai no hoi ua ike pu
no oe, nolaila aohe waiwai o ko'u hookaulua ana iho i ka
hoike ana aku ia oe no ka hopena i ikeia. Ua make ia kana
wahine. Ua make oia maluna o ke alanuihao kaaahi ma ka
po nei mamuli o kona palahe ana i na huila o ke kaaahi."
"O, he lono kaumaha maoli ka hoi kau!" me ka inoino loa
o ko Kalaka helehelena ia manawa.
"Ua make!" me ka nui o kona hanu. "Ua make ma ka po
nei! O, he make weliweli maoli ka kela!" wahi hou a Kalaka.
"Ae; ua make oia, a aia kona kino make ke waiho mai nei
maloko o keia hale i nei manawa, no kona kaumaha loa."
Auwe, ua make! Hikiwawe no ka hoi! Make! O, he mea
hiki ole ia ke manaoioia iho. Aole anei i kuhihewa ia kela
mea i make o Ora ia?"
"Ke ike aku. nei au i kou kanalua loa ia mea me ke kupa-
naha loa, aka nae i mea e ikemaka ai oe a e hoopau ia ai hoi
kou kanalua ea e pono pe e hele e nana i kona helehelena i nei
manawa. Ua ike iki no nae oe iaia mamua aku nei?"
''E lawe aku oe ia'u, e ikemaka aku au iaia! O, e na Lani
me keia iho la anei ka hikiwawe o ka hopena o kona mau la
o ke ola ana? Auhea oia?"
Hapai ae la o Sibela i kona mau poohiwi iluna, a hoomaka
aku la ka hele ana mamua a hahai aku la no hoi o Kalaka ma-
hope ona ahiki i ko laua komo ana aku iloko o ka rumi e pili
kokoke mai ana, kahi o ke kino i waihoia ai.
"Aia oia ke waiho mai la. ma o," i pane ae ai o Sibela, "aohe
kanalua ana iho no kona helehelena a no kona inoa, oiai nae
ua inoino kona helehelena mamuli o ka palahe ana i na huila
kaaahi. Iloko o ka pakeke o kona lole i loaa ai ka palapala
mare o laua."
Me ko Kalaka puuwai e kau ana i kona kani ai i hele malie
loa aku ai pia a kokoke loa i kahi o ke kino make e waiho mai
ana a hapai malie ae la i ke kihei i uhiia ai ka helehelena
(Aole i pau.) | |
