| | HAINA O KELA MAU MOE-
UHANE, ALOHA LAIE. Mr. Lunahooponopono, Aloha:—
Kupaianaha maoli keia haina. E
na haipule o ke Akua a holopuni
o Hawaii, ke hookomo nei a'u i
ninau penei: Ua hewa anei ke
Akua e kuaiia o Laie i aina mau
oa no na hoahanau. A i ole o na
hoahanau anei.
Ua haiolelo hope ae o Neff ma
Laie, penei noia; " I ko'u kau i
noho peresidena ai ua maopopo ia'u
he 500 ka awelika bapetiso i kela
ame keia makahiki; aole hoopono-
pono, aole okiia a ke ulu pu nei
ke kikania me ka palaoa, ke waiho
nei au na ko'u hope e hooponopono."
Nana pono mai ka poe i komo
iloko o ka halelaa, aia ilaila ka
hewa hanaino i ka Uhane Hemo.
"O ka poe e paa ana i ka oihana
kahana, e pono e malama, me ia
oihanakahuna wale no e komo ai i
kona aupuni. Hookahi pule ae ma-
mua keia hoike moe uhane i pili
loa ia Laie ame ko Honolulu, i ka
poe iloko o keia ekalesia o Iesu
Kristo wale no."
I na i'o ana pela o Laie, a pehea
o Ierusalema i ke au o Iesu Kristo.
Wahi a Iesu i kana mau haumana,
"Aole e kau kekahi pohaku maluna
o kekahi pohaku, kona hale ka hale
la i hooliloia i ana no aa powa,
ke kulanakauhale nani malalo iho
o ka la, auhea ia i keia la. Auhea
pu kela wai o Siloana, ka puu o
Kali wali, kona mau pa nani? Aole
ia i keia la. A pehea pu ana o
Laie.
Ka ke Akua kupaianaha hoike i
ka aina e lewa ana i ke kai iloko
o elua wale no wahi ohana, e ka
ehuehu aaa i na ekekeu no ka mo.
kupuni o Hina. Ua lawa au i keia,
noonoo mai oukou. Kahuku aloha,
J . K. APUAKEHAU,
NA LUNANUI HOU O KA EKA-
LESIA O KANAANA HOU. Solomon Hanohano, Lunahoopono-
pono o ka Nupepa Kuokoa, Aloha
oe:— E oluolu oe o hookomo iho
ma kekahi wahi kaawale o kau nu-
pepa i na inoa o na luna nui o ka
Ahahui Hooikaika Kristiano C. E. o
ka ekalesia o Kanaana Hou i ko-
hoia ma ke Sabati Iulai 4, 1926.
Na Lunanui, William Kahua, pe-
residena; Mrs. Henrietta Naiapaa-
kai, hope-peresidena; Mrs. Rose Ku-
nukau, kakauolelo; Mrs. Lydia Ber-
telmann, hope-kakauolelo; Mrs. Mi-
riam Kahua, puuku; Mrs. Miriam
Kahua, elele o ka C. E.; L. A. Ka-
nae, Hoa-kuka,
Komite Haipule;—
GEO. WITTROCK,
J. K. KAINUWAI,
GEO. KUHAUPIO,
Komite Kiai ma Komite Hoounau:—
MRS. NAIAPAAKAI,
MRS. KEALOHA,
MRS. KUHAUPIO.
Me ka mahalo nui ia oe. Owau
iho no ne ka haahaa,
MRS. ROSE KUNUKAU. HOOLEWAIA AKU KA PAKE
I KIIA AI ME KA PU O kekahi o na anaina hoolewa eehia loa i malamaia ma ka auwina la Sabati iho nei, maloko o ka halekupapau o Silva ma ke kihi o na alanui Nuuanu ame Kukui oia no Yuen Akai, ka luua nui o ka Nupepa Pake Liberty News i kiia ai a make ma ke ahiahi Sabati o Iulai 4 e Lau Tong maluna o ke alanui Hokele, a mahope o ka pau ana o ke anaina haipule i laweia aku ai kona kino a hoomoeia maloko o ka Ilina o na Pake mauka o Manoa. O kekahi kela o na huakai hoolewa loihi i ikeia maloko o Houolulu, aneane 500 mau kaa otomobile i komo ma ia huakai hoolewa. Mal ke alanui Kukui mai ka hoomaka ana o ka huakai e iho i kai ma ke alanui Nuuanu a huli ma ke alanui Hoi, a ma ke alanui Moi a ke alanui Manoa, a hoea i ka ilina ma ko Awawa o Manoa. O na makai mokokaikala mamua loa o ka huakai no ka hookaawale ana i ke alanui a mahope aku ka Bana Hawaii a ne kekahi poe himeni o na Pake me ka hookani ana i ke mele kanikau. I ka hoea ana mai o ka makamua o ka huakai ma ke kihi o ke alanui Nuuanu me Moi aole hiki i ke kaa uwila ke holo no kekahi mau minuke ahiki i ke kaawale ana o ka huakai, a no ekolu kuea ka paa ana o na kaa uwila mai ke alanui Nuuanu ahiki i ke alanui Papu, a pela pu ma ka aoao Waikiki aku o ke alanui Papu, no na kaa uwila mai Waikiki mai e holo mai ana ao ke kaona. HAPPY HOME SONG. Kilakila Happy Home i ka iuiu, Ia homa noao mau ia e na manu, Ia ee ka beauty no ia home, Ka helu ekahi me ke onaona, E upuia ia uka e ke ala, I ka lawe a ke aheahe kehau, Wehiwehi wai ana o Ilanawai, Ke ala onaona a o ia wao, E kuu Bela o ka po la'ila'i, Ke hoolale mai nei e ke kiu, Hookahi kiss dew drop he mau ia, O ka Bela o ka po mahina lailai, Hoi mal kaua e kaanoi la, Kuu pua miulana pili me a'u, He manu no ia i ka iuiu, Opuu rose lani kuu hoa ia, Hainaia mai ana ka puana, Elima no pua lawa e ka lei, Hakuia e KANEOHE. | HAINA NANE. Mr. Lunahooponopono o ka nupe-
pa Kuokoa, Aloha oe:— Ina he wa-
hi rumi kekahi o ka nene lawe mea
hou a kaua, alaila no'u ia wahi rumi
no ka'u haina nane, o ia hoi kahi
laau kupaianaha a ke keiki o ka
pali kapu o Keoua, kuu wahi laau
bele pu me ke kanaka.
Haina, PUUWAI. O keia puu-
wai, he laau keia i kamaaina i ua
Hawaii apau, o ia no hoi ka laau
hele pu me ke kanaka, a loaa no
hoi i ke ahe a ka makani. Penei
i loaa ai i ke ahe a ka makani,
o ka puuwai iloko o ke kanaka
o ia ka mea loaa i ke ahe a
ka makani, mai na puka ihu aku,
pela i kohu ai keia wahi hooheno
ana:
Ahi wela, mai nei iloko, i ka
hana a ke aloha, konikoni lua i ka
puuwai.
Ka manao nei au e puehu liilii
ana paha ka pali o Keoua i ka
poka a ke aumokukaua o Pelekane.
Ina ua hala hu ka ike o Nelekona
alaila no ke aniani hoonui ike
ole.
Me ka haahaa,
KEIKI O KA MANU LELE O
NIU PAIPAI Halahu loa io mai la no ka lele
ana o ka poka a ka mokukaua Pe-
lekane aohe i ku i ka puuwai e eha
konikoni ai no ka nawaliwali o ke
aniani hoonui ike. Huli hou ia mai!
-L. H.
NA HIHIA OKI-MARE ILOKO O
IUNE. Iloko o ka mahina o Iune i newa aku la he kanakolu-kumamaono mau hihia okimare i haawiia aku ke apono ana a ka aha a ka Lunakanawai John R. Desha ame ka Lunakanawai E. K. Massee, o ka hapanui na ka Lunakanawai Desha mamua o kona holo ana aku no kona hoomaha o ka makahiki ma Hawaii. He 41 ka heluna nui o na hihia okimare i hookomoia ae ia aha, he kanakolu-kumamaono nae i haawiia aku na apono ana, elua i hooleia a he ekolu i hoopau waleia. He 246 ka nui o na hihia okimare e ku ana ma ka la hope loa o ka mahina o Mei, a ma ka la hope loa o Iune he 266, he 20 ka oi hou ae maloko o na la he 30, elike me ka hoike a ke kakauolelo o ia aha, David Bent Jr., o ka hoopuka ia ana ae ma ke akea. No ka pepehi hoomainoino o na kane i ka lakou mau wahine he 11 mau kane i hookaawaleia mai ka lakou mau wahine mai, a no na wahine hanaino hoi i ka lakou mau kane he eha mau wahine i hookaawaleia mai ka lakou mau kane aku; hookahi hihia okimare i aponoia no ka moekolohe o ka wahine, hookahi oo ka haalele o ke kane i kana wahine, a no ka haalele o ka wahine i kana kane he ekolu. He 16 i aponoia ka hooko ana no ka malama ole o ke kane i ka wahine. Ma na lahui i hookaawaleia o ke kanawai elike iho ia me malalo nei: No na lahui Europa, he 14; na Hawaii ame hapa-Hawaii, he 5; Pake, 1; lahui Paele, 1; Pilipino, o; Kepani, 9. HE PANE I KA MAUI NEWS. I ka Nupepa Kuokoa, Aloha oe: — E oluolu mai oe, e ahonui mai i keia poomanao, "He pane i ka Maui News," o ka la 12 o Iune, e olelo ana he leia mai a'u aku e koi ana i ka papa lunakiai o ke kalana o Maui, e uku mai i $10.00 o ka mahina no ko'u pilikia i ka noho ana i ka aina hoopulapula o Hoolehua me Palaau. Ke hoole nei au i ka oiaio o ka hoolaha a keia nupepa, o ka mea oiaio, o ia keia, he lota hoakaka ka'u i ka papa lunakiai, no ka loihi o ko'u hana ana malalo o ke aupuni kalana o Maui, he 26 makahiki a oi, ina paha he mea ia e loaa ai ka ukuhoomau. No keaha la ka mea huli pono ole i ka mea oiaio alaila hoolaha ae i ke akea. He mea nui ka inoa maemae o ke kanaka. He mea oiaio he hoomanawanui no ka noho ana o keia aina, aole hoi elike me ka keia nupepa e olelo nei, ua noi aku au i $10.00 e uku mai ai o ka mahina o kekahi hana haahaa loa keia. Eia kekahi ua hoolaha ae no keia nupepa mamuli o ka hoike a kekahi haole, i ka holo hope o na Hawaii hoopulapula ma Molokai nei, no keaha la i huli pono ole ai keia nupepa i ka mea oiaio, ina paha ua pololei a pololei ole. I hoike aku au i ka mea oiaio, eia he mau iona lehulehu o ia ipu haole ame ipu ala ame kekahi mau meaai e ae ke hoounaia nei i ke kulanakauhale o Honolulu, o ka mea e kakau nei i keia leio, kekahi mea ipu haole, ipu ala e hoouna nei e ninau i ko Komisina R. M. Duncan. Nolaila, e o'u mau hoa Hawaii apuni keia Teritore, e ike mai oukou i na hana a lakou nei, o ka'u e noi nei, e wae kakou i mau senatoa ame na lunamakaainana kuokoa e pono ai na aina hoopulapula i keia kau e hiki mai ana. Ua makaukau na aina hoopulapula i ke senatoa ame lunamakaainana e koho no keia kau. Me ke aloha nui ia oe ame ua keiki o ka papapa'i, MOSE MAKAIWI, SR. | HE HOALOHALOHA NO MISS EDITH HOMELA KUPAU. Mr. Solomon Hanohano, Aloha
oe:— E oluolu mai hoi kou ahonui
i kekahi wahi kaawale o ka hiwa-
hiwa a ka lahui no kekahi o ka
maua mau lei i aloha nuiia, i haa.
lele loa mai i keia ola ana a waiho
iho la ia maua kona mau makua, ke
kupunakane a me na pokii e u aku
mahope nei nona me ke aloha pau-
mako.
Ua hanauia o Miss Edith Homela
Kupau, ma Haleaukai, Kanepuniu,
Waianae, Oahu i Dekemaba 26, 1914,
a hele loa aku la ma ka la 30 o
Mei 1926, i ka hora 11:30 a. m.,
imua o maua na makua a me ke-
kahi o na pokii, oiai ke kupanaka-
ne ma ka luakini. Ua hoomoeia
aku no oia ma ka ilina o ka ekale-
sia o Waianae, ma ia ahiahi no hora
5:30 p. m.
Ua nui no na la i noho hoomana-
wanuiia eia iloko o kona mau eha-
eha ahiki wale no i kona pauaho
ana mai. He mea nui loa oia i ka
ohana apau; aia me ia ke kulana
akahai, ka haahaa, ka hoolohe a me
ka oluolu. He kakauolelo oia no
ka Ahahui Hooikaika Kristiano no
na pokii o Waianae, a ua lilo kona
mau ano maikai apau i mea e hiki
ole ai ke hoopoina koke ia iho.
Ma Honokohau, Maui, kona wahi
i holoholo ai i kona mau Ia opiopio
loa, a o na makua i ike iaia, aole
no e nele ana ka hu ae o ke aloha
nona, a pela pu no me na makua
e noho ana ma Wainee, Lahaina,
Maui.
Ma Waianae nei oia i hoonaauao-
ia ai a he haumana oia no ka papa
4; oia kekahi o na haumana holo-
mua a no ka nawaliwali ua hiki
ole iaia ke hoomau aku ahiki i
kona moo ana aku la. Auwe ko
aloha e
He pili mau oia mo kona kupuna
iloko o ua hana haipule, a ina no
kona ola, oia ana kekahi o na ma-
kuahine maikai loa, aka, pehea hoi
e hiki ai ke paa mai, a no ka mea,
Nana no i hana mai a Nana no i
lawe aku la, a o Kona makemake
no ko hana ia.
Aloha no na wahi apau a maua
i hele ai me ka lei a maua, a i
koia la ua hakahaka iho la ke keena
6 o na lei a maua.
Nolaila e hoomaikaiia ka Makua
Mana Loa, a ua Kona aloha e hoo-
mama mai i na mea apau iloko o
ka luuluu, a Nana no e halihali
aku i na kaumaha apau mai o ka-
kou aku apau.
Me ka haahaa.
MR. & MRS. L. KUPAU.
me ka ohana. HOOKU'IIA HE KEIKI E KE
KAA ME KA NUI O KA EHA He kaikamahine uuku o 6 maka-
hiki nona ka inoa o I. Morikami,
ka i hooku'iia aku e ke kaa oto-
mobile o kalaiwaia ana e kekahi
mea i maopopo ole ka inoa, maluna
o ke alanui Waialae, ma ke alo mai
o ka hale kiionioni ma Kamoiliili
mamua iki iho o ka hora 9 o ka
po Sabati nei, a aia ia kaikamahine
maloko o ka halema'i o na kamalii
ma Kauikeolani kahi i waiho ai
no ka lapaauia mai me ka nui o
ka eha.
O ka hoi koke ana mai uo o ia
kaikamahine mai ka halekii onioni
mai o Kamoiliili a e hele pu ana no
ma ka aoao o ka makuakane, a e
hoi ae ana mai kekahi aoao o ke
alanui a i ka aoao makai ma kona
manawa o ka hooku'iia ana mai a
hina ilalo a pilia kona kino e na
Imiia o ke kaa.
Me ia ike maopopo iho no o ke
kalaiwa o ke kaa i ka hooku'iia
ana o ke kaikamahine a hina ilalo
a piiia e na huila o kona kaa, ana
no e iko iho ana aole e nele ka eha
o ke kaikamahine, aole oia i ku iho
a haawi i kokahi kokua, ua hoo-
nui loa aku la oia i ka holo o ko
kaa, eia nae, ma kekahi oleloia, ua
ike maopopo aku ka kekahi poo e
hele ana mahai o ke alanui ia ma-
nawa i ka helu o ia kaa, a ina pela,
he pupu ae koe o ke kai o ke ko-
lohe i ka halewai, aohe nae he mea
i lohe ia no kona paa ana ae i ka
hopuia.
NA MAKE.
Naia Pekelo, ma ka Halema'i
Moiwahine, Iulai 6.
Hannah Mahuna, ma ka halema'i
o na Kamalii, Iulai 6.
John Roger Silva, ma ke alanui
Kula, Iulai 7.
Cecilia Kahiona Sabaino, ma Ala
Moana, Iulai 7.
Elizabeth Anohi Kapeamu, ma
Kohala, Iulai 7.
David Ernest Todd Jr. , ma ka
halema'i o na Kamalii, Iulai 8.
Samuel K. Kahuna, ma ka Hale-
ma'i Moiwahine, Iulai 11. NA MARE. William F. Thomas Jr., ia Helen N. A. Rosa, Iune 8. Robert Pila ia Tshiko Yanagihara, Iune 30. M. R. Douglas ia Clara Helen Boster, Iulai 2. Adolph Avilla ia Emily Benson, Iulai 4. David I. Kamai ia Agnes Tong Kui Kong, Iulai 7. M. J. Haraguchi ia Annie Zablan, Iulai 10. Sylvester Apiki ia Victoria K. Kane, Iulai 10. Jacob K. Maka ia Henrietta Mahuiki, Iulai 10. | KA HIMENI HOOKUKU O KA AHA PAEAINA MA KAILUA, KONA, HAWAII. Mr. Lunahooponopono, Aloha nui: —E oluolu mai oe i kekahi waki kaawale o ke Kilohana Pookela, no kekahi mau manao hoakaka no ka himeni hookuku o ka Paeaina i meleia iho nei ma Kailua, Kona, Hawaii. Mamuli mai o ka nui o na manao hoohalahala a nema i ka olelo hooholo a na lunakanawai eha, Mr. Gabriel Wela ko ka mokupuni o Hawaii, Mr. W. E. Saffrey ko na mokupuni huiia o Maui, Mr. Peter Kaeo ko Oahu, ame Charles Keahi ko ka mokupuni o Kauai, e ahewa ana i ka pololei ole, i ala mai ai ka manao o kou meakakau nei e hoakaka ae iloko o ka nupepa, i ike mai ai ka lehulehu i ke au nui me ke au iki. 1. O keia himeni hookuku he nui na hoailona, a aia ma ka hoomaka ana, aoao ekahi (l) o ka pepa himeni na hoailona; Allegro Moderato me pp. Ma ka aoao ekolu kau hou no ka hoailona pp, a ma ka aoao eha kau hou no ka hoailona pp. Heaha ka manao o keia mau hoailona? Allegro Moderato, awiwi kupono. PP, very soft, (nahenahe loa.) Ehia papa himeni i hooko i na manao o keia mau hoailona. He ekolu wale no, a o kekahi o lakou ua nahenahe loa ko Kauai, a ukali aku o Pukaana, Kona; me ko Molokai. 2. Aia ma kekahi mau wahi e ae o keia himeni koia mau hoialona penei: <, f<, >, p, ff , rit e dim, allegro, cres, rit-e-dim-ad lib, a tempo, Piu Mosso, f >: O ka ninau, ua maopopo anei i na alakai himeni apau ka manao o kela mau hoailona ae la mamua, aole paha. Ma ka hoomaopopo aku he ekolu papa himeni i pololei ke mele ana mai; a o ka hapanui aole, ma ke mele ana mai, ua hauhili ka ai a kawelea. 3. He aolo kekahi o keia himeni e hoomaka ana ma ka aoao ekolu io ka pepa himeni, a e pau ana ma ka aoao ewalu, i ka pau ana no o ka himeni. O ka manao maoli no i hookahi wale no mea nana o himeni. Ua lohe aku kou mea kakau ma kekahi mau papa himeni, he elua a he ekolu poa i himeni mai, o ia hoi: he hookahi no i hoomaka i kinohi, a pau no hoi kona aho, komo mai ana kekahi, a pau no hoi kona aho, komo mai ana ke kolu. Aole keia i kaulike, oiai he hookahi wale no mea himeni solo o kekahi mau papa himeni no ka manao no e hooko i ka manao o ia mea, solo. Oiai he himeni hookuku koia, he mea pololei maoli i hookahi wale no mea nana e himeni ke solo. 4. Time-Manawa. O ka hoailona manawa he 4/4 o ia hoi Four-Pulse-Measure, a i ole Quadruple. He pa-ha ka manawa. He loina (rula) ka malama ana o ka manawa mai ka hoomaka ana ahiki i ka pau ana. Ua ike aku kou meakakau i ka Pali o Kalalau o Kauai, kahi i hou hewa ai kekahi mau alakai himeni i ka lakou manawa. 5. Ma ka aoao eha, ma ke solo, "E lanakila ai ko ke ao nei, ke hilinai aku iaia," he hookahi wale no papa i pololei ka himeni ana, a ie elua i aneane aku; o ka nui iho ua paewa ka nihoniho. c 6. Ma ka hapa hope o ke solo aoao ehiku ame ewalu, he hookahi papa i pololei maoli ka himeni ana e elua i aneane aku, a ma ka hope loa (e — o lai) ua like ole na papa apau loa oiai, aia he hoailona ume (hold) O, a ma ka huamele hope loa na hoailona ume (hold me swell O, na kela a me keia alakai e paa i ka ume elike me kana i makemake ai, a ma kahi o ke swell (pii mai ka uuku a nui, a iho hou mai a uuku) a ma keia wahi ka hoopau ana o na leo me ka maikai a kaulike. Ua ili no ke koikoi maluna o ke alakai, ka loihi kupono o ka manawa e pii ai a iho mai me ka makai ame ka pau like ana. 7. Ka moakaka o na huaolelo mai ka hoomaka ana, ame ka u'i o ka himeni ana ahiki i ka pau ana, ne ka malamaia o ka manao o na hoailona apau loa, ka manawa o ka himeni ame na huamele like ole, ame ke mele pu ana mai e loaa ka uhane, (spirt) o ka himeni, pela iho la e ikeia ai ka makaukau piha o na alakai himeni. Ma ka hoomaopopo aku ua hana maoli no na papa himeni apau, a ua mele mai kela ame keia papa elike me kana i manao ai o ia ka u'i ame ka helu ekahi, a he like ole ka u'i ke hoolohe aku, aka nae hoi, he himeni hookuku keia, he mea pono e himeniia me ka pololei loa elike ne ka manao o na hoailona apau Ua, i hui pu ia me ka u'i o na leo, i kulike ai me ka manao o na helu o na pakeneka a ke komite himeni i hooponopono ai. Elike me na hoakaka ae la ma-luna, pela na lunakanawai a kaupaona ai me ke akahele loa, a e kau ai i na pakeneka i kupono maoli i ka uhane o ka himeni, ame na hoai-lona like ole, elike me ia i meleia mai e na papa himeni like ole. O ka ninau nui, ua lawa pono anei na makaikau piha (Musical Qualifications) i na lunakanawai i kohoia no ia hana, aole paha. Mai ka hoomakaia ana o nei mea he hookuku himeni ahiki iho la i keia kau o ka Aha Paeaina, aole wa e ae i ikeia ai ka hoohalahala a nema akea ia o ka olelo hooholo a na lunakanawai elike me keia. I | ka la hope i noho ai ka Ahahui
Kula Sabati i hoopuka ae ai kekahi
mea ike himeni i keia mau olelo,
"Na lunakanawai hupo ike ole."
oiai e noonooia ana na na Aha Mo-
kupuni like ole e koho ka lakou
mau lunakanawai, aole na na alakai
himeni.
Aole paha i hupo na lunakanawai
apau, aia no he mau lunakanawai
kaulike. O ka pilikia aia ao ma
ka hooponopono ana, o ia hoi, e
kakau na lunakanawai eha i ka la
kou mau pakeneka, a o ka hana
wale no a ka lunahoomalu, P. D.
Kellett, o ka houluulu, a kau i na
pakeneka hope loa, a hoolaha ae
i na helu like ole.
Ua ikeia iho nei a kekahi luna-
kanawai, ua haawi aku i ka papa
himeni o kona wahi ponoi, me ka
nana ole ina ua hewa ka himeni
ana, he 100 pakeneka, a i kekahi
mau papa himeni o kekahi mau mo-
kupuni he 43 ame 40, oiai no nae,
o ia mau papa himeni ua hooko
i ka manao o na hoailona. Pehea
keia ano lunakanawai. Wahi a ke-
kahi lunakanawai kaulike i olelo
ae ai, "Rotten! Rotten!!"
Ma ka Advertiser o Iulai 1, ua
ike iho kou meakakau nei, he 40
pakeneka o Kauai i haawiia, ai e
ko Oahu lunakanawai, eia no ka
hoi keia pauaka lalau.
l na kau ae nei l hala, ua waeia
he mau lunakanawai ike himeni a
kupono, a he kaulike maoli no, aka
o ka pilikia ua manao kekahi mau
alakai himeni e lilo ia lakou ka helu
ekahi i na wa apau, a i ka loaa ole
ana, kuhi aku la ia mea i pilikia ai,
a nolaila aole i makemakeia ia poe
i lunakanawai.
. Maloko pu o kela Advertiser o
Iulai l, i ike iho ai ka meakakau
nei, ua olelo ae o Rev. Poai, ka
mea nana i haku keia himeni hoo-
kuku, he ekolu wale no papa himeni
i pololei ka himeni ana, Kauai Ko-
nawaena, me Molokai. O ka polo-
lei ma kahi o Konawaena o Puka-
ana, Kona. Ua kuikahi me na hoa-
kaka a ka mea e kakau nei.
Ke manaoio nei au e wae mai
ana ua mokupuni like ole i mau
lunakanawai makaukau ma na ano
apau, a e a'o no hoi lakou i ka hi-
meni a paa na leo apau, a e hiki
ke lohe i ka hewa ame ka pololoi
i ka wa e himeni ai. I ka wa e
hui ai i Honolulu, he mea maikai
no e hui ae lakou a e himeni, aole
i ka leo hookahi wale no, aka i na
leo apau. A o ka mea e hewa mau
ana a e lalau ka himeni ana, aole
ia i kupono e lilo i lunakanawai.
Me keia mau hoakaka, ua lawa,
a na ka lehulehu e ike iho i ke au
nui me ke au iki.
Me ke aloha a nui i ka Lunahoo-
ponopono ahonui,
Kaua no a mau,
MOKUAIKAUA." HALA A MOE AKU LA IA KEIKI
HANAU O KA MALU
ULU O LELE. E kuu Solomon, Aloha a nui: —
E oluolu e hookomo iho ma kekahi
wahi kaawale o ke Kilohana Poo-
kela a ka lahui i ka puolo a ka
waimaka.
E na keiki hanau o ka aina e
ua moe, a ua hoi aku la e pili ma
ka poli pu anuanu o ka honua o
Ikaaka Waihoioahu, kekahi o na
keiki hanau o ka aina a kakou i
aloha nui ai. Ma kekahi mau mi-
nuke o na hora wanaao o ka la 7
o Iulai i haalele iho ai ka uhane
maikai a ka Haku aloha ana i
hiipoi ai ma ka halema'i o Kula
a waiho iho la i ke kino puanuanu
i kiahoomanao poina ole na kakou
na keiki o ka aina. Aloha wale!
Na ke kelepona i hai mai i keka-
hi o kana mau keiki aneane i ka
hora 1 p. m., a mai ke la keiki
mai i ka peresidena o ka Hui Hoo-
lewa o na Honoapiilani. Iloko o ka
imo ana a ka maka, haawiia aku
la ke kauoha e kii i pahu ma ka
hui hana pahu no ko kumukuai
$100.00, a haawiia aku la ke kau-
oha e ka peresidena au a i noho ai
he Iala ku maikai hoihoi iaia ma
Lahaina. He oiaio ma ka hora 4
p. m., kani mai ka bele o ka lua-
kini ana i noho aloha ai.
E na keiki hanau o ka aina e,
ua hala aku la ia keiki hee nalu
o na nalu hoi i ka muku hoi i ka
lala o Makila a waiho iho la ia
kakou, e u aku iaia, aloha no. Ane-
ane keia keiki hanau o ka aina i
na M. H. he 80, a waiho iho U ia
makou na lepo ponoi o Lahaina ka
ohana Makekau, me elua keiki o
na kahawai elua, oia Kailihou ame
Kalaluhi Kekahuna. Aia no he ku.
pa o keia aina, aia nae i Hilo, he
hoa auaukai pu me ka mea i moe
oia no kuu hoahanau, Kiwini. O
lakoa nei na keiki o Makila, a ma-
lia aia iaia ka moolelo nui o ke
keiki hanau o ka aina.
E Kiwini aloha nui, ua moe aku
la o Waihoioahu ma ka poli o ka
Haku ana i hoohiki ai.
He hoahanau noho maemae keia
iloko o ka ekalesia o Wainee nei
Ua lawa e kuu Solomon.
C. K. MAKEKAU.
Lahaina, Maui, Iulai 7. 1926.
Ma ka hapalua o ka hora 7 o ka
po o keia Poaono iho, Iulai 24 e uoho
ae ai ka halawai a ke kalapu De-
mokarata o ka mahele 12, apana 4,
ma ka home noho o Mrs. Lawelawe
e ku nei ma ke Alanui Hema ame
Kawaiahao, no ke koho ana i na
Iunanui o ke kalapu, pela hoi ke
koho pu ana i na elele, no ka aha-
elele Demokarata e noho mai ana,
ma ka la 26 o keia mahina. | |
