Ka Nupepa Kuokoa, Volume LXV, Number 28, 15 Iulai 1926 — HALA IA KEIKI KAMAAINA O KA MAKANI KAILIALOHA. [ARTICLE]

HALA IA KEIKI KAMAAINA O KA MAKANI KAILIALOHA.

E Mr, Lunahooponopono o ka Nu* pepa Kuokoa, Aloha oe:—E oluolu mai i kekahi kolamu kaawale o ka kakou hiwahiwa, no ka'u puolo waimaka, nona ke poomanao maluna ae, o kuu pine kau umauma, Mr. Kaikala Opunui, ua wehe mai i ka pili a maua, ua Hlo i ke au a Kahewahewa, ua hoohewahewa ia'u ame na leialoha a maua. Ua hanauia mai kuu mea aloha mai ka puhaka mai o Opunui kona papa ame Mrs. Pipo, kona maeōa ma Kipahulu, Maui, nei, ma ka la 28 o Augate A. D. 1864, a 'iaia i moe aku la i ka moe kau a hooilo, ua piha iaia na makahiki he 61 ame na mahina he 9 ame na la he 23 o kona hanu ana i na ea hu'ihu'i 0 keia ola honua ana, a hoi aku la ma kahi mau o na mea apau, a waiho mai la i ka puolo waimaka na'u ame na leialoha a maua e kaniaa aku ma keia ka'e o ka muliwai eleele o ka nuiko mau loa. ae la ka wanana a ka Buke Nui. 0 ka mea i hanauia e ka wahino, he hapa kona mau la, a ua piha i na popilikia he nui. Ua hoohuiia maua ma' ka berlta maemae ka mare gula eka Bev. J. K JoBeph ma Kipahulu, Maui nei, ma ka la 28 o Augate A. D. 1887, a o ka piha ana hoi ia o ko maua mau la i koe 38 makahiki 9 mahina ame na la 23. 0 na hua ohaha i loaa mai ko maua mau puhaka ftai, he 8 mau keikikane 9 .mau kaikamahine ame 17 mau moopuna. Ua loihi no ka hoomailo ana a ka ma'i maluna © ,kona kino, a ua huliia no hoi ke ola ma na ano apau> ua ko ole nae ia mau upu ana, ua hoi no ka lepo i ka lepo, hoi no .ka uhane me ka mea nana 1 hana mai. He kupa a he kamaaina oia no ka makani Kailialoha nei, a hoa uhaiahok) pu no'u ame na leialoha a maua he mau keikL He mea ole ke anu hu'ihu'i o ke kuahiwi, na kualono, me kona mau mapunawai, e owe malie ana i ka w lelau pali, ame na lae kahakai o na aekai aloh'a o ua aina kaulana nei, e laulele' ana i wahi e pono ai ka noho āna, oiai ka hune ame ka nele e uhai mau ana i na wa apau. Aloha ke kane ka hoa pili o ka wahine, i ka pili iho la no ia a moku ana ke kaula gula o ka berita maro. Pololei no ka Buke Nui, 4, he elua mau mea ma ka waena, laweia kekahi, a koe no he hookahi. He elua no hoi maua ma kahi moe, laweia aku la kua pine kau umauma, a hookoeia iho la au. E hoomaik.iiia kona inoa Nana no i hana mai, a Nana no i kii mai la a 1 iili aku. Ua hoomoeia kona kino lepo ma ka pa ilina o Geo. K. Kahalulu. 'Ke haawi aku nei makou i ko makou hoomaikai a nui 1 na makamp 1 • ame na hoaioha i komo mai e auamo pu i ko makou mau kaumaha ame na luuluu, ame ka lakou makana pua. Me ke aloha i ka Lunaliooponopono ame na keiki limahei o ka papapa 'i. 0 makou iho no, MRS. H. KAIKALA, MRS. A. SEBRERO, MRS. MARY 8. KAIKALA MRS. ANNIh AH FAT, MRS. E. KANAHAI, MR. SAM KAIKALA, MAS. JOE KAIKALA, MAS. TOMMY KAIKALA, MAS. KAIKALA, GEO. K. KANALULU. Kipahulu, Maui, lune 24, 1926.