Ka Nupepa Kuokoa, Volume LXV, Number 28, 15 July 1926 — Ke Aloha Ana i Imi Ai A I OLE He Kaao No Ora Buruka Ka Nohea Ka Hoapaonioni i ka Ipo Hookahi-Ka Halawai Ana me na Hoao he nui-ke Kupaa i ke Aloha Hookahi-Ka Lanakila Ana i ka Manawa Hope. [ARTICLE]

Ke Aloha Ana i Imi Ai A I OLE He Kaao No Ora Buruka Ka Nohea Ka Hoapaonioni i ka Ipo Hookahi-Ka Halawai Ana me na Hoao he nui-ke Kupaa i ke Aloha Hookahi-Ka Lanakila Ana i ka Manawa Hope.

iSohe maila oia i ke alapii i ke kuuia ana aku ilalo, a oiai ua maa iho la kona mau maka ia manawa i ka pouli, ike mai la oia i ke aka o ke kanaka i ka lele ana iho ilalo mailuna iho 0 ka pa a holo aku la i kahi ana e ku mai ana. "E i ala, hele mai/ wahi a ke kanaka o ka hawanawana ana aku," ua pakele mai la kaua i nei manawa, a iloko o na minuke elima i koe e palekana loa ana kaua. Koa maoli no oe, aka nae ua puka e mai nei nae oe mamua o ka manawa." "Owai oe?" wahi a ka ninau mai a Ora, "mai kuhihewa mai oe ia'u o ka mea au paha e noonoo la." Neenee loa mai la ke kanaka a kokoke i ua o Ora a haka pono mai la kona mau maka i na maka o Ora no ka nana pono ana mai ua kuhihewa io paha oia, a i mai la, "aole ka oe o Emma. Alaila owai oe, e kena mea komohewa?" "He kaikamahine au i laweia mai e kekahi kanaka lapuwale 1 hoao e hoopoino ia'u, eia nae, aole i hookoia aku kona makemake mamuli o ko'u holo ana mai nei a pakele mai iaia mai, a mailoko mai hoi o kela hale oka poe pupule. He kaikaikamahine noonoo maikai no au elike me oe, a i ole elike me Emma au i kuhihewa mai nei." "Halepupule I" i nui mai ai ka leo oua kanaka la. "E olelo mai ana ane oe he hale kela no ka poe pupule e hoopaaia ai?" *Pela ka mea oiaio, elike me ka'u i hoomaopopo ai. "Aole ka keia he hale kula no na kaikamahine?" i ninau mai ai oia. "Pehea ka oe i maopopo ole ai o kou wahi hoi keia e noho nei ?" "Ea, he keu aku a ka mea kupanaha, alaila ua kuhihewa au, aka mai noonoo hou aku oe no ia mea, aole i aumoe loa i nei manawa nou e hoi aku ai i kou hale. Hele pu mai me a u a na'u e hoopakele aku mai keia poe ino mai no ka mea ke ike nei au me ka ike maopopo ole aku i kou helehelena he pio oe na kekahi kanaka me ka manao kolohe e hoopoino ia oe." H« maikai keia mau olelo a ke kanaka a Ora e lohe mai ana, eia nae, aole no i nele ka ulu o ka hoohuoi iloko ona, o nei kanaka pu no paha auanei kekahi e pahele aku ana iaia a komo hou aku no oia iloko o ka pilikia elike no me ka Kalaka o ka hana ana mai iaia, a e ole wale no kona holo ana mai iaia mai pakele ai oia mai kana umii mai. "Nana Lani e hoopomaikai mai ia oe," i namunamu iho ai 0 Ora me ka lohe ole mai o ke kanaka, oiai nae, ia manawa like ke naka wale la no kona kino i ka ua o ka piha i ka makau no ka hopena aku ana i maopopo ole, ke puni hou oia i ke pahele. • He kanaka opio keia e kamailio aku nei iaii p«la kana hoomaopopo mai ma kona leo a ma ke ano no hoi o kana hana, aiaila alakai aku la oia ia Ora me ka hoeipuka ole mai i mau huaolelo hope, ahiki i kahi o ke kaalio i hunaia ai mahai o ke alanui, a kokua -mai la i ua o Ora ma ka pii ana aku a kau iluna. Alaila pii ae la ua kanaka la a kau ma ko Ora aoao a hopu aku la i na kaulakaohi, a hoomaka aku la no hoi na lio e holo me he mēa la ua hauoli no ka hele koke ana mahope o ke kakali ana no kekahi hora a oi, a ia laua e' holo la ke lohe mai la laua i ke kahea aku a kekahi mau leo o ka poe kiai o ua hale la, ua mamao loa nae laua ia manawa. "Ō ka mea hiki wale no i kela poe i nei manawa o ka hokio mai ia oe," i akaaka mai ai ke kanaka opio. "O, pehea la e hiki ai ia'u ke hoakaka aku i ko'u mahalo nui ia oe, a no ka mea, ina aole oe he pio au noloko o kela hale i nei manawa me ka maopopo loa? "Ma kou kamailio hou ole ana aku i kekahi mea no ia pilikia oiai ua lanakila mai la oe, a i ole, ina he makemake kou e hoomaikai mai ia'u no ka'u mea i hana aku ai nou, e hoike mai oe ia mahalo ou ma o kou kokua ana mai ia'u ma kekahi hana. Pehea la ia?" 4 "Ina he hana hiki ia'uke kokua aku ia oe ua makaukau au no ka hooko ana aka, ina e ike aku ana au he hana ia e hookomo hou aku ai ia'u iloko o ka pilikia elike me keia i hala aku la, aole au e ae aku ana," i pane ae ai o Ora. He akaaka ka pane ma ko ke kanaka aoao no ia mau olelo a Ora, me he mea }a o ka manao iloko ona no kana mea e hana aku ana ka mea nana i hoopiha iho la iaia i ka hauoli. "Malia paha ua loaa no ka mnao koho iloko ou he hana hoomahuka i kekahi kaikamahine nona ka inoa o Emma a'u i hoike mua aku nei ia oe, -a he koho pololei loa ia au, ma kahi nae o ko'u komo aku i ke kahua o ka halekula o na kaikamahine ua komo hewa aku nei au i kela hale au i olelo mai nei he hale no ka poe pupule, no ka like loa hoi o kela hale me ka halekula o na kaikamahine ko'u mea o ke kuhihewa ana, eia ka aia ma kekahi wahi o ke alanui a kaua e holo aku nei ia halekula. "Alaila. heaha kau hana i manao ai la na'u e hana aku nou i" 1 ninau ae ai o Ora. "He hana maalahi loa. Ua nui ko'u makemake no kela kaikamahine no Emma, a no ka nui o ko'u makemake ua hoouluhua mau ia mai ko'u noonoo a ua loaa ka manao ia'u e kii a e hoomahuka malu aku iaia. "Ua makemake au e mare me īa a ua hele aku no hoi au imua o kona mau makua a nonoi aku la no' ko laua ae mai e mareia maua, eia nae, ua hoole mai na makua, no ko laua ike mai he kanaka ilihune au, a he kaikamahine walwai hoi kela, nolaila i kuu noonoo ana he mea makehewa ke kali ana a aeia mai pela au i manao ai, e kii maoli no a kaili iaia mailoko mai oke kula ina e hiki ana. Ua manao na makua o Emma no ke dala wale no ko'u kumu o ka makemake ana e mare me Emma oiai nae, aole no īa dala ko u kumu o ka makemake ana iaia, no kona u'i a no kuu a oha wale no iaia. "Alaila, oia anei kau hana i manao ai na u e hana aku nou o ke kii ia Emma a hoowalewale iaia ma kekahi ano i mea nou e hui ai tne ia?* !

"Ae, ke ae hoi paha oe,' wahi ake kanaka. "Ua hut au me Emma maloko o ka hale o kona hoaloha ma ka po aku la i hala, a ma ia manawa a maua i hui ai i hoolala ai maua no kela holo mahuka ona i nei po. E hele mai ana oia ahiki i ka pa o ka halekula a malaila oia e loaa aku ai ia'u, alaila lawe aku iaia noluna o kekahi moku a'u o ka hoolimalima ana mai kekahi o kuu mau hoaloha, a maluna o ia moku maua e holo aku ai ahiki i kekahi wahi, a malaila ae a ke kulanakauliale, kahi e mareia mai ai maua." "A, ke maopopo aku Ia kou manao ia'u/' wahi a Ora. "Eia nae ua nui ko Emma.makau no kekahi pilikia e kau mai ana maluna ona, a ua hoole mai oia i kona hele pu ana me a'u aia a he wahine opio pu kekahi e hele pu me ia alaila oia ae, i loaa ka kona hoa oluna oka moku e holo pu ai. Ke ike mai la anei oe i ka hana a'u i makemake ai- la nau e hana mai no'u ?" "Ae, ke ike aku la au, a ua pono oia ma ia manao ana ona." "Ke hauoli nei au no kou manao ana pela, no ka mea, he manao ia ou e koi aku ana ia oe e kokua mai ia'u ma keia hana hoomahuka," i pane ae ai ke kauka. "No na hana P°no ua makaukau mau au e haawi aku i ka'u kokua aka ina he hana hewa e hookomoia aku ai au iloko o ka pilikia maanei no au hoole mua aku ia oe." "Aohe a'u mea e ae e nonoi aku ai ia oe, o keia wale no; no ka hiki ole ia'u ke koi aku i kuu kaikuahine e hele pu mai me a'u, a oiai ua loaa iho nei hoi oe, a oiai hoi ua maka'u pu au.o hoole mai auanei o Emma i ka hele ana me a'u me kekahi lede ole e hele pu ai me.ia, pela au e noi haahaa aku nei ia oe e kokua mai ia'u no keia hana i mea e holopono ai kuu makemake. He makemake au ia oe e hana ma kahi o kuu kaikuahine. E ae ana anei oe?" Hookaulua iho la o Ora i kana pane ana mai, a no kona pane koke ole ae, hoomau aku la no ke kanaka i kana olelo ana i ka i ana ae: "Aohe keia he hana nou e pilikia ai, e manao pu iho oe, he uku panai maikai loa ia au e hana mai ai no'u no ka hana maikai hoi a'u i hana aku ai nou ahiki i'kou hookuuia ana mai la mai kela hale mai." "No keaha ka hoopunipuni aku iaia? No keaha no hoi ka mea hoike pololei ole aku iaia no ke ano o ko kaua hui ana a hele pu aku ai kaua?' "Alaila o koti manao anei o ka hoike aku no ia Emma no na mea apau i hana ia a o ke kumu hoi o ko kaua*hm ana? O, aole paha oe e moeuhane iho ana no kekahi mea o ia ano ina e ike iho ana 'oe i kona mau ano he kaikamahine lili loa oia. He kaikamahine oia i ike ole i na hana o keia ao a he makau wale me ka hopepe kona. elike me kamalii, a no ka nui o ka lili ina oia e ike iho ana aole oe he kaikuahine no'u, e piha koke ana oia i ka huhu a e hoole koke mai ana oia i kuu makemake. E oluolu oe e ae mai a e manao mau iho oe he kaikuahine oe no'u, a o Polola kou inoa." Aohe maopopo ia Ora kana mea e kaniailio aku ai, e ae aku paha, a i ole e hoopunipuni paha, aka o ka maikai loa e hoole loa#aku. laia e noonoo la ke nalu nui la oia iloko iho ona he hana maikai a ku ole i ke aloha kona lioole ana aku i ke noi a ke kanaka i haawi mai la i kana kokua iaia a pakele ana oia mailoko mai o ka hale pupule, oiai nae, he hana maalahi Wale no hoi keia e hana aku ai no ka pono o keia kanaka. He hana wale no ia no ka manawa pokole, pela kona noonoo iho, nolaila ae iho la oia e.alakaiia e ka mea hoopunipuni me ka nana ole aku i na hopena e oili mai ana ana i maepopoole aku. "Ina pela ua pono," wahi a Ora, mahope o kona nalu ana iho no kekahi manawa. "Owau ke lawe ma ko Polola wahi no kekahi ihanawa pokole, me ko'u ike iho no nae he hana hoopunipuni ino loa ia, a i ko olua manawa e pau ai i ka mareia, ea, alaila haalele aku au ia olua a hele aku no kahi a'u e makemake ai." "O, me ka mahalo, mahalo a nui ia oe!" wahi o ka pane a ke kanaka me ka hauoli, "nolaila, i nei manawa he mea pono ia oe e ike aku i kuu inoa o Reginala Geresona au, e kapa mai no nae oe ia'u o Regi, ma ka hoopokole ana \ kuu inoa, a e kahea mau aku no hoi au ia oe o Polola, aole au e noi aku ana ia oe eJioike mai i kou inoa pololei o hana auanei au i' kekahi hana kuhihewa ma ka hea lalau ana i kou inoa." No ka maikai loa o na olelo pelo a ke kanaka, kona hoike mai rio hoi i kona mau ano oluolu apau, ke noho la o Ora me ka nanea, me ka ulu ole ae o kekahi manao makau iloko ona no ka hopena, a ke akaaka o Riginala a hookahi kona akaaka pu ana aku me ia. "Ua pono kau i olelo mai la, e kahea mau aku au ia oe o Riginala no kekahi mau hora kakaikahi wale no nae ahiki i ka pau ana o ko olua mare," i pane aku ai ua o Ora. "A oe 110 hoi o Polola," a nee ae Ia ke kanaka i ka akaaka. "He mau hoapaani like kaua mai ko kaua manawa kamalii loa mai. Alia, he jj*akalua-kumamakolu o'u makahiki i nei manawa la, a ma kou leo a'u e lohe aku nei aole i hiki aku kou mau makahiki ilaila, pela ko'u manao." "He umi-kumamahiku no o'u mau makahiki," i akaaka aku ai o Ora. "Pela no ko'u manao. Eia nae, he leo kamahao maoli no kou i ka'u hoolohe aku, he aneane like loa me ko kekahi pila, a he mea hauoli no hoi ia no'u ka loaa ana i ko'u kaikuahine hookama ka leo maikai loa. Ma ko'u manao aole i like ka ui 0 kou helehelena me ka ui o kou leo." "No keaha kou mea o ka manao āHa, pela?" "O, e lili koke iho ana no o Emma, me kona nana ole mai 1 kou lilo ana he kaikuahine no'u a kaikuahine ole paha." I ko Ora lohe ana aku i keia naka e wale ae la no kona wahi kino. Ua ike oia me ka maopopo nona iho he ui a he milolii a miomio io no kona leo. Aole lHki iaia ke alo ae i ka hoomaopopo ana iho no ia mea imua o na maka o ke kanaka e nana mai ana iaia, a ke jnakau mua iho la oia no keia hana a ka hoaloha hou ona. "Mai oi loa aku ka pono ina aole au i loaa i nei kanaka, a ina hoi aole au iae mua aku nei i kona manao. Ke ike mua aku nei au i'ka pilikia o keia hana. Ke lawe pu nei au i ka pilikia me a'u." "E oluolu oe e hookuu mai ia'u e hele ma ke alahele a'u e koho ai. Nonoi aku oe ia Emma e hui ae me a'u ma kekahi manawa okoa aku, i kou manawa e lawe ae ai i ko kaikuahine oiaio ia Polola me oe." He akaaka ka pane a ke kanaka no ia mau olelo ana, no ka mea ike koke iho la no ke kanaka i ko Ora piha i ka makau oia kona kumu o ke noi ana ae. "Aole, aole," wahi ana, "aole au e hookuu aku ana ia'oe elike me kau noi, ua ae mua mai nei oe me kou manao oiaio; a eia hou ua hiki mai la hoi kaua i kahi o ka halekula, o ke kii wale aku no ka hana i koe a hookau mai ia Emma iluna nei o ke kaai"

"A ina oia e ike tnai ana ia'u a komo iho ka lili iloko ona, a no kona huhu e hoole mai ana oia i kou makemake, pehea iho la?" wahi a Ora o ka .ninau ana ae. "E hoomanao oe/maluna o keia mea nui ke kaukai ana i kou hauoli ame kou hoohokaia." Nee hou ae la ke kanaka i ka akaaka no nei mau olelo a Ora, a ke ike iho la no hoi o Ora i ke kumu, a i mai la: "Mai makau oe; a no ka mea, aole i oi aku kou ui mamua o Emma e lili mai ai oia ia oe no kou ui ona; aole no hoi oia e manao iho he ipo oe na'u mahope o ko u hoike ana aku iaia he kaikuahine oe no'u, a o Polola kou inoa." "A, pehea ia ua ike mua no anei oia ia Polola? I kona ike ana mai ia'u aole au o Polola e oleloia mai ana oe ame a u pu i ka hoopunipuni?" "Aohe oia i ike mua ia Polola; ua kapa mau ia o Emma oia ke kaikamahine ui loa iloko o ko lakou ohana/ "E hana aku oe elike me kona makemake," i namunamu liilii iho ai o Ora. "Ua aumoe loa keia manawa e haalele iho ai au ia oe, koe wale no a ae mai oe e hele aku au." I "Hamaul" i hawanawana mai ai ke kanaka. "Ke lohe aku nei au i kona leo. "Owau no keia e Emma! Hupo maoli au i kuu haalele ana aku nei i ke alapii i kela wahi o ka hale pu- | pule e pili Ia me ka pa, i lawe pu ia mai nei ka pono loa,'aka, ua hiki hope loa keia noonoo ana iho la. E hui aku ana au me oe iloko o na minuke pokole loa. Eia pu me a'u o Polola. 1 Kaihailio aku hoi oe e Polola ia Emma!" < Lohe aku la o Ora i ka akaaka o Regi me ka hauoli e uumi ! wale la no, hookahi hoi ko Ora akaaka pu ana aku a i aku la: | "Eia au iluna nei o ke kaalio kahi i noho ai e kali aku ana j ia oe e Emma o kou hele mai," i kahea aku ai ua o Ora. j MOKUNA XIX—Ke Aloha no ke Kuaiia Ana Mai. "O, ke hauoli loa nei au!" i lohe'aku ai o Ora i kekahi leo kaikamahine o ka i ana mai. "Ua loihi loa ko'u manawa o ke kakali ana iho nei nou e Regi, a ua ku a uluhua maoli iho nei, a ua manao iho nei au e hoi iloko o ka hale. Ihea oe kahi i lohi loa ai? Manao anei oe e Polola he hana pono ia na'u e hana ai o ko'u hoi aku me ke kakali ole, e Polola?" ]\lamua o ka-hiki ana ia Ora ke pane aku, ua pinana mua aku la o Reginala maluna o ka pa. | "Aha!" wāhi a Ora i noonoo iho ai. "No keaha no la hoi au i komo ole aku ai iloko o na lima o ke kanaka a'u i aloha ai? O, e Kuu Horeki hoi, no keaha la oe i kumakaia ai ia'u? Owai kekahi kaikamahine i oi aku ke aloha ia oe mamua o'u? Uhu! He liilii loa kō ua o Ora manawa i uwe iho ai me ia noonoo, no ka mea ua loaa ajvU la ia Reginala kekahi mea e hiki ai ke kokua ia Emma ahiki i kona hemo ana mai mawaho o ka pa. . Me ka hoohewahewa ole ua piha o Emma i ka haalulu ia nianawa no ka piha i ka makau 110 kona loaa pono mai e ma* huka ana, a i ka hiki ana mai o ua o Enima ma. kahi o ke kaalio e ku ana haawi aku la o Ora i kona mau lima iaia no ke kokua ana iaia ma ka pii ana mai iluna o ke kaa, me kona apo ana mai iaia'iloko o kona mau lima, a kamailio iho la me na olelo hoomalielie i kona noonoo. Mahope ko Reginala pii ana mai a kau iluna o ke kaa, a he minuke ma ia hope iho aohe manawa kupono hou no Emma e hiki ai ke hoi hou aku iloko o ka halekula ke hao la ka Mikioi lilo i Lehua, a ke puliki la hoi kona mau lima ia Ora, me ka ha'uha'u uwe me he kaikamahine la i piha loa i ka makau. 0 ka makau wale ana iho no hoi paha la ua pakele mai la lioi a ke lawe la ke kaa iaia no kahi o ka moku. Ke kuupau la ka lio i ka holo iloko o kela pouli no kekahi manawa ahiki i ke kaohi ana mai o Reginala, i kona manawa 1 ike aku ai ia Toma, a kahea aku la: "Halo, Tomal E hele ana oe ihea?" "I ka auwana ana ma ka honua," i pane mai ai o Toma. "Ke ku mai la no anei ka moku e kakali?" "Ae, e holo ikt aku oukou i mau i-a i koe ma ka hema a e ike aku ana no oe i ke ku mai." Kukulu iho la o Reginala i ke kaa malaila a kii mai la ia Emma ame Ora a hookuu aku la ia laua ilalo, a hēlewawae nui aku la no kahi o ka waapa e ku mai ana m ake poo o kahi uwapo uuku. ' O kona kokua aku la no ia i na lede opio ahiki i ke. kau ana aku iluna o ka waapa, a i kahi waapa e puhiia aku ana e ka makani mahope maloko o ke awa, a e hoe pu ia ana hoi e kekahi mau kanaka 'elua, lohe maiMa laua i ka holo o ka lio me kahi kaa a lakou i kau mai ai. "E Polola, pehea la kou manao, he maikai no anei keia hana a'u e hana nei ?' i ninau ae ai o Emma. "Pehea, he aloha no anei oe i Reginala nei me ka oiaio?" i ninau aku ai o Ora me kahi leo liilii. "Ae, ua aloha au iaia, ina aole ia haawina i loaa ia'u aole loa au e ae ana e holo malu mai kela kula mai. Ina he mea oiaio ia, o ia hoi, aohe i like kona aloha ia'u e like me ko'u aloha iaia, alaila heaha aku ka'u hana hope ?" I "No keaha kou mea i kanalua ai i kona aloha ia oe? Nana ponoi no hoi oe i kii aku la a lawe mai, he hoailona ia no koila aloha," i hawanawana aku ai o Ora e lohe ole mai ai o Reginala. ! "Eia hoi paha ma ka olelo mai a kekahi poe he muhee ka oia, he i'a holo-lua, ua ike oe i ka manao o ia oleJo, he loli wale, i keia la he makemake a he aloha, a i ka manaka ana iho i ka apulu kahiko, e piikoi hou aku ana ka manao i kekahi mea oi ae o ka ui, aka naū ia e ike nou iho no ka mea o oe ka mea pili mau me ia iloko o na la a pau o kona ola ana. "Pehea la oia i kau nana aku, he kanaka kupaa a oiaio no anei oia o ka manao? Ua haulehia mua no aiiei oia i ke aloha,. i kekahi poe kaikamahine ae mamua o'u a aole paha? No'u iho, aohe wahi ao eleele nana i alai ae mawaena ona ame a'u, o ia hoi ke aka o kekahi wahine okoa aku. O, e make ana kekahi wahine okoa aku ia'u ke ike maopopo aku au ua kaili aku oia i ko Reginala aloha mai a'u aku." "No ke ano pouliuli i nei manawa aolie hiki pono ia'u ke ike aku i kou helehelena, a eia nae, ua olelo mai no o Riginala ia'u he ui loa ka kou helehelena, ina pela, o ka popo lehua iho la no ia e pili ai na manu, o ke aloha oiaio ke kepau e paa ai, i ka'u hoolohe aku i ka'na olelo mai ua make loa oia i ke aloha haanipo ia oe," i pine aku ai o Ota. "Ae, ua ike nō au ia aloha ōna ia'u, aka, no nei manawa wale no paha, aia nae ko'u hooiaio iho a ike aku au i kona mau lima e hoopuni mai ana ia'u a hoopili aku i kona poli. Eia nae ua hoomaka'uka'uia mai au e na moolelo a ka poe i kamailio mai ai ia'u e pili ana nona, a eia hou, he kaikamahine uuku a ano naaupo no hoi au me ka nawali o kahi kino. Ina he like ko'u ikaika me ka hilinai i ko'u pono iho elike me oe, he mea okoa loa ia. Aqle au i maopopo i kou helehelena,

alea, ina he kane au e noi koke mai ana au ia oe i wahine." "O, mai kamailio mai oe i kekahi mea o ia ano, e noonoo ,ho oe nou iho ame kou noho ana o nei mua aku, a na u r,o ! oi ia e hookele aku i ko'u wahi waa, a maila o loaa no he lulu a poholo aū ilaila a loaa ka palekana," 1 pane aku ai 0 Ora me ka akaaka pu ana aku. Ma keia manawa ua pili aku la kahi waapa i hoeia aku a j e na kanaka a pili i.ka aoao o ka moku, a kokua mai la o R c . ginala i na lede ma ka hapai ana ahiki i ke kau ana aku o n* lede opio noluna o ka moku. Maluna o ka oneki ke kapena o ka moku e ku mai ana me kona papale kapu ma kona poo me ka makaukau e haawi mai i kona aloha ia laua. "Ke hookipaia mai nei olua maluna o ka- papahele o ka eneki o ka "Mikioi" me ke ohaoha loa a e hoi aku olua nol ko oka rumi ke makemake olua. E haawi ae anei au i ke kauoha i ka wiliki i nei manawa, .e Mr. Geresona?' i ninau ae aj ke kapena ia Reginala. ? "Ae, ke oluolu mai oe no ka mea, ua kau mai la hoi mak.r 4 . iluna nei o ka moku a ke haawi aku nei i ka mahalq nui a oe no keia lokoniaikai ou. Ua makaukau anei ka ruroi pena no na lede nei?" "Ae, he wahi makaukau no ia i na 'wa apau no ka hookipi ana aku i ka poe e ee mai ana iluna o nei moku," i pane mn ai ke kapena. He wahi kukui no ke a ana maluna o ka oneki a ke noonoo la o Ora nona iho heaha la ka kona mau hoa e noonoo ma? ana nona, nolaila me ka naau kaumaha oia i .ukali aku ai m&,hope o laua aWki i ka rumi kapena i piha oloko me ka makmalama. 0 Emma ka i iho mua aku o fakou ilalo, a ukali aku la o Ora mahope ona a o Reginala ka hope loa o ka iho ana aku, Ia lakou maloko o ka rumi lohe like aku la lakou i ke kani 0 ka bele kauoha a ke kapena i ka wiliki no ka hoomaka aiu e hoohana i ka enekini o ka moku. 1 ko Emma hehi ana iho i ka papahele o ka rumi huli koke mai la oia ihope e nana ia Ora, a i kona manawa i ike pono mai ai i ka helehelena ui o Ora, hooho ae la me ka mahalo a i mai la: "O, ui maoli oe! E Regi, aole hoi oe i kamailio mua mai ia'u he kaikamahine ui loa o Pololal" wahi ana. 0 Reginala kekahi 1 hoopihaia kona naau i ka mahalo no ka mea, o keia iho la no ka manawa mua loa a kona mau maka 1 ike pono aku ai i ko Orā helehelena, a nolaila ua hiki ole iaia ke pane mai i fta Emma mea o ke kamailio ana mai iaia. O kana hana ia manawa.o ka nana i ko» Ora helehelena * pela hoi i ko Emma a ke hoomaka Ia kona naau lolelua e hana iloko ona me na manao hou e ulu ae la iloko. ona. "E Regi, e nana pono mai paha oe la i ko Polola helehelena ui au i hoomaopopo ole ai mamua. Ke poina la no anei oe ia'u i ka minuke mua a'u i mohai aku ai 'ia'u iho no kou pono ?" "Pehea oe, e ke aloha i kamailio mai ai i kena olelo?" wahi ana, a iaia no e paa ana ia Emma iloko o kor» mau lima aia no nae kona mau maka maluna o Ora. "O ke kumu ncr ko'u kamailio mua ole aku ia oe no ko Polo* la ui oia no keia, ua pakela ae ko'u aloha ia oe mamua o na wahine ui e ae apau o ke ao." Huli aku la ko Ora maka i kahi e, 110 kona ike ana iho i ko ke kanaka hoopunipuni, a no ka mea 0 ka makamua loa ,no keia o kona ike pono ana mai i kona helehelena. Ke nalu la oia iloko iho ona, i ka manawa kupono mua loa e loaa ana iaia e hooikaika ana oia e kaaAvale mai a Reginala mai, i m nona e poina ai iaia a maluna o Ēmma wale no kona hilinai ame kona aloha, me kona makemake ole e lilo oia i mea hoohaunaele i na ipo e mare aku ana. "Ua poina oe e Emma, o ko Reginala kaikuahine hanau v n* | no au a e hoomanao pu oe o ka helehelena o kekahi mai ko | kekahi ae aole like okoa no ka helehelena o kekahi a okoa no j hoi ko kekahi, pela oe e ike mai la i ko maua like ole ma s k« koko wale no ka like. "Hoopunipuni o Ora ma keia olelo ani. j "No ka maamau oko Rcginala mau maka ika ike mai ia'ii i lilo ai au i mea pakua i kona mau maka, a eia no hoi kēkahi, j o kela ui elike me ia i loaa ia oe aohe ou makau ana iho no kekahi mea 110 ke kailiia aku o kau mea aloha mai ia oe aku. J No ko'u kamaaina loa ia Regi nei aohe o'u noonoo nui nOfit ! mamua o kekahi kanaka e ae a'u i ike ai." I Lamalama ae la ko Emma mau maka ia manawa, no ka mea, i ka Ora hoomaopopo iho he lili ko Emma iaia no ka ike pono ana māi i kona ui, a i ko Ora hoakaka ana aku a ike iho la o Emma he kaikuahine io ka oia no Reginala, hoopau ae, la r i kona manao kuhihewa, alaila pale ae la i ko Reginala lima.e apo aku ana iaia, a holo niai Ia e apQ ia Ora, a i mai la: - "E huikala mai oe ia'u" wahi ana. "Ina ua lilo ka'u maS( olelo i mea nou e eha ai. Aole au i ike i kekahi kaikamahine ui 'elike ,me oe, a laki 110 au i ka loaa ana he kaikoeke ui ko'u. I ko'u noonoo iho aole hookahi kanaka e nana mai ana ia m e nele ana ke aloha, elike me' ia a'u no e ike nei no'u iho. * "I-Ie wahi manao naaupo o ke ano lili'ka i ulu ae nei iloV6 o'u nou, a no ka mea, i ka'u noonoo iho aia no he manao hoohihi iloko 0 Reginala nou no ka-mea, i ka«manawa no a kona mau maka i kau ae ai maluna ou, aole au i ike i kekahi mtae ae ma kona helehelena o kela minoaka olifolu loa wale iia; O, e huikala mai oe ia'u no ko'u lili ana ma ke ano naaupol" "Aohe no ru niea e noonoo ino iho ai no'u, ano ka mea,\o. kuu aloha ua » mua ike kanaka okoa, ke kanaka hookakiwale no a'u i iho ai i ko'u aloha aua lilo hoi oia i mea na'u e hoomana aku ai i na la apau," i pane aku ai o Ora. " ' "Ke hoopau loa nei au i ko'u manao hupo, aole au e hana. hou elike me ia ka noono'o honua wale iho no ua lilo ko Reginala noonoo ia oe. E hoopaU loa ko-kaua kamāilio ana no keia mea, a e ae mai oe e wehe 'aku au i ko koloka." ' ' Mamua o ko Ora noonoo ana iho e ku-e aku ia noi ana'.a nana 110 e wehe ae i kona koloka, ua wehe muaia ae la ke pihi omua e Emma a haule iho la ilalo, a ahuwale ae la ko Or* mau lole ana o ke komo ana ia ahiahi. "O, aole 1 kana mai kou ui iloko o kona aahu ahiahi ōu; e Polola," i hooho ae ai o Rekinala. 1 ko Emma lohe ana niai i kb Regina!a leo, emi a£u la oi» ihope me he mea la iloko o ke akaku kana mea e ike mai an» huli ae la oia e naha iaia, a hulili ae la kona mau ma ka no fc*' mea, ua hoaa hou ia ae la ka lili aine ka huhu wela iloko ona ia manawa. ■ Ke ike aku nei au la olua a elua ua hookahahaia aku leo olua mau noonoo i ka ike ana mai Ia ia'u iloko 6 ko'u aahu ahiah.; heaha iho la ka mea ano hou i maa o!e i ko olua miu a olua e kahaha īho ai; ua hele mai au me ka aahu a olua. e ike mai la iau > nei manawā, aole no hoi keia mau lole he mea hookahaha aku i ko olua mau noonoo." . (Aole i pau.)