Ka Nupepa Kuokoa, Volume LXV, Number 24, 17 Iune 1926 — Hoihoiia ke Kino Lehu ma ka Halealii Haawiia na Hoohanahano ana a ke Aupuni i ka Lunakanawai Dole KUIO KE ALOHA O KA LEHULEHU NONA Hoomoeia Aku Kona Kino Lehu ma ka Aoao o ka Wahine ma Kawaiahao [ARTICLE]

Hoihoiia ke Kino Lehu ma ka Halealii

Haawiia na Hoohanahano ana a ke Aupuni i ka Lunakanawai Dole

KUIO KE ALOHA O KA LEHULEHU NONA

Hoomoeia Aku Kona Kino Lehu ma ka Aoao o ka Wahine ma Kawaiahao

Me ka nana ole ia no ka makemake ole o ka Lunakanawai S» B. Dole e malamaia he hoolewa hoohanohano nona, na lawe ae poo o ke aupuni teritore i ke ko'iko'i o ka haawi ana aku iaia, i kekahi hoolewa hanohano, ma ka wehe hamama ana i ke keena kalaunu oloko 0 ka halealii kahiko, a i lilo hoi i keia manawa, i hale mana hooko, 1 walii e waiho ai o kona kino lehu, ahiki i ka laweia ana aku, no ka hoomoeia ma ka ilina o Kawaiaho. Elike me na mea i hooholoia, a i hoolalaia mawaena o na. poo 0 ke aupuni ame ka ohana 0 ka Lunakanawai Dole, mahope koke iho 0 ke kani ana 0 ka hora umi-kuma* makalii 0 ke kak&hiaka o ka Poalima nei, i na pu hoi he umi-kuma* maiwa e kahi ana mai ka Papu Shafter mai, ua laweia mai la ka lehu 0 ke kino o ka Lunakanawai Dole, maluna o ke kaa otomobile e Charleg Dole, oiai na haneri o na haneri o na kanaka, e ku mai ana e nana me na helehelena 0 ke kaumaha ma na wahi apau e hiki ai ia lakou ke ike mai i ka pahu i wailioia ai 0 ka lehu. Ia Mr. Charles Dole, i lele mai ai mailuna mai 0 ke kaa otomobile, me ka hapai ana i ka ipu lehu 0 ka Lunakanawai Dole„ ua haawiia aku ke aloha o ka oihana koa, e Henry . iPo.qkley, v kja uknli. o ke V<sftiivF; «ne 'na koa kiai; me ka hookipa ana aku hoi o Kiaaina ame Mrs. Farrington, pela hoi ke Kakauolelo Kaymond p. Brown ame Mrs. Brown. Oiai maloko 0 ke keena kalaunu, i kaa aku ai ke ku kiai ana i ke kino lehu, malalo 0 ka*Ahahui o na Mamakakaua, me ka hoopuniia oloko 0 kela keena nui e na luna oihana kiekie 0 ke aupuni, na aliikoa 0 ka oihana kaua ame ka oihana koa, pela hoi ka poe hanohano 0 keia kulanakauhale. Mai kela manawa mai ka waiho ana 0 ke kino lehu 0 ka. Lunakanawai Dole, maloko 0 ke keena kara* unu, ahiki i ka hapalua o ka hora ekolu 0 ka auwina la, alaila ua laweia aku la no ka halepule 0 Kaukeano mawaho ae nei 0 Punahou, ka halepule i lilo ai ka Lunakanawai Dole i hoahanau. Elike me kekahi alii 0 ka nohoalii 0 Hawaii nei, oiai nae aole i loaa. ia pono i ka Lunakanawai Dole, ua nalia aku na makaainana ma kela Poalima iaia, me kela ano hiipoi; no ka mea, ua pii i'o aku oia a kau maluna o ka nohoalii o ka hoomalu aupuni ana; ke pani aku mahope 0 ka Moiwahine Liliuokalani; a 0 ke kanaka hoi, nana i jjrehe ae i ke alahele a halaelae, no na hopena a kakou e noho hauoli nei i keia la. I Mamua nae 0 ka hoea ana mai i ka manaw e laweia ai ke kino lehU no Kau keano Hou, ua haawiia he manawa no ahahui ame ka lehulehu e hoikeike ai i ko lakou manao makee nona, ma ke kaapuni ana i kahi 1 waiho ai 0 ka lehu, me he mea la, o ke kino maoli no o ka Lunakanawai Dole ke waiho mai ana maloko o kela keena. Maloko 0 ka Luakini Oiai ka huakai hoolewa i haalele iho ai i ka halealii, no ka Luakini 0 Kaukeano, a e hookokoke aku ana i ka halepule, ua hookaniia ka bele o ka luakini, pela hoi ka hOO- - pu ia ana 0 ka ogana, a mamua 0 ke komo ana 0 ka huakai iloko o ka halepule, i komo mua aku ai na hoa kahiko o ka Lunakanawai Dole, 0 ka puali kiai; i ukaliia aku e na kanaka i komo pu me ia, iloko hooponopono aupuni ana, mahope iho o ka hookahuliia ana 0 ke aupuni 0 ka Moiwahine Liliuokalani; oia 0 Lorrin A. Kakina, W. R. Kakela, John F. Soper, W. 0. Smith, C. P. laukea, ame Joseph Emekona. Mahope aku 0 lakou, i hookomoia aku ai ka ipu lehu noloko 0 ka luakini, me ka ukali ana aku o Kiaaina ame Mrs. Farringto&, ke Kakauolelo ame Mrs. Raymond C. Brows, ka Adimarala MacDonald, ke Kenerala Lewis, 6eorge B. Carter, na kanikele 0 na aupuni e, ma Hawaii nei, ame ka lehulehu aku o na hoaioha ame ka» poe makaikai. tJa malamaia ke anaina haipule^

malalo o. na hooponopono ana a ka Bev. Philip Swartz, a ia Kiaaina W. K. Farrington ame ka Bev. Akaiko Akana, na haiolelo ano nni, e pili ana i na ano ame kē ola ana o ka Lnnakanawai t>ole. Hahopr-t> ke anajna haipule maloko o Kaukeano Hon, i ka'i mai ai ka haakai hoolewa, no ka pa ilina o Kawaiahao, a malaila i lawelaweia ai na hana hope, me ka hoomoeia ana aku o ka lehu o ka Lunakanawai Dole, ma ka aoao o ka lehu o Mre. Dole, ma ka ilina hookahi.