Ka Nupepa Kuokoa, Volume LXV, Number 24, 17 June 1926 — NA HANA HOOPULAPULA MA MOLOKAI [ARTICLE]

NA HANA HOOPULAPULA MA MOLOKAI

Ua ike pono aku nei ka poe makaikai i ka noho ana o na ohana Hawaii ma na aina hoopulapula ma Molokai; ua loaa i pu ka ike i ke kulana o ka aina, ame na meakanu; hookahi' mea a lakou i lokahi ai, o ia no na hoailona o ka holomua, ma kela hana hoopulapula iloko o keia mau makahiki pokole o ka. lawelaweia ana o ka hana hookuonoono malalo o ke kanawai hoopulapula. Elike nae me na aina hookuonoono apau o ka wai ke kumu nui o ka holomua, e lilo i hana, na ko kakou ahaolelo kulōko, ame ko kakou elele i ka ahaolelo lahui, ka hooikaika mau ana c loaa he mau hooponopono ahaolelo, e hiki ai ke loaa ka w?ii no kela mau aina hoopulapula, he kumu hooi aku ia i na manao hoohoihoi iloko o kakou, ka poe e kau mau aku nei na maka. no ka holomua o keia hana. Ua hoea mai i ka manawa no ka uku ana i ka hapamud o na auhau waiAvaipaa, e pau ai ka uku ana me ka ukupanee ole, ma ka la 20 o keia mahina, kaa aku mahope o kela manawa, e kauia mai ana he kaki paku'i o umi pakeneka maluna o ka huina holookoa i uku ole ia o ka auhau; nolaila mai hoopaneenee, e ka poe he mau auhau waiwaipaa ko lakou, ma ka hele koke ana ae e uku i ko lakou mau auhau i keia mau la; o lilo auanei ka hoopalaleha ana, i kumu e hooiia aku ai ka pilikia. ♦+* Ua hala aku nei ke koho lunanui ame ke koho elele, a na kalapu Repubalika, ma ka pule i hala, o ka na kalapu Demokarata koe, ma keia pule ae, a komo aku na aoao kalaiaina o kakou, iloko o na hoomakaukau ana no ka hoouka kalaiaina kuloko. e h'oea mai ana no ko kakou ahaolelo a no ka ahaolelo lahui; aole no hoi e nele ka loaa o na makaukau i na aoao kalaiaina pakahi, no ka hooili ana aku i na ahewa ana maluna o kekahi aoao, no na mea i hanaia e ka ahaolelo, me ka manao pela iho la e loaa ai ka lanakila o na moho ma ka pahu baloka. Ina aia iloko o Senatoa Arnold ame Senatoa Charles H. Rose ka manaopaa e holo aku laua i mau moho no na kulana oihana iloko o ke aupuni kulanakauhale a kalana o Honolulu nei, alaila he mea maikai no laua ka waiho mua ana i ko laua kulana o lilo auanei ko laua paa ana i kela kulana, i pohaku e ai, ke ku aku imua o na mana koho baloka, \ ka wa hakoko e hoea mai ana. Ku ka paila o na haina no ka nane laau hele pu me ke kfrnaka a keiki o ka pali kapu o Keoua e waiho nei ma keia keena; he niau haina lalau wale no nae, o ke kumu no' ka hoomaopopo ole no ike kaona, kahi i kukuluia ai oka nane. He laau maoli no ka mea i makemakeia, aole he laau hoopilipili; 0 ua laau la ea, aia i ke ahe a ka makani e loaa ai, a he hele pu nae me ke kanaka. Ekolu i'o no mau poohina ana, o ka poe c hoao ana e Jiuli i ka haina o keia nane a ke keiki o Kona, 1 kau a mea o ka pohihihi maoli o ka haina.