Ka Nupepa Kuokoa, Volume LXV, Number 24, 17 June 1926 — HAINA NANE. [ARTICLE]

HAINA NANE.

E ka Lunahooponopono o ke kuokoa; Aloha nui:—He wahi haina nane hoi ka'u, e waiho aku nei imua ou, no ka nane hoi a ke keiki o Kona; o ia hoi ka laau hele pu me ke kanakA, aia ka i ke ahe a ka makani e loaa ai. Kupanaha Ho paha ka laau a ke keiki o Kona kai opua; ka liele ka ia a ke ahe a ka makani ku iho la keia laau hookalakupua. E Mr. Lunahooponopono. Eia iho ka'u haina no keia nane. He HOOLAAU. Penei k» wehewehe pokole ana: Ia papa ame mama e. noho ana, olelo aku nei o papa, eia nei e hele ana au i ka holoholo; ninau mai nei hoi o mama, mahea kau holoholo, olelo aku nei o papa i kahi o mea ma. Ela ka pane a mama, ka o kaua pu no ke hele, a o ko laua hele no ia. Nolaila o ka v mauao o ia mamalaolelo a mama i olelo aku ai ia papa, 0 kaua pu no ke hēle, ma ka olelo Hawaii, he hoolaau. Aole nao i pili kahi wale no ia huaolelo, aka ua pili laula i na mea apau e koi mai ana e hele pu, a 1 ole ike mai paha kekahi he wahi i'a kau e paa ana olelo mai oia e oki hoi ka kaua i'a. Ho Hoolaau no ia. Ea pehea iho la keia wahi laau la aia wale no hoi keia i ke ahe a ka makani. > , Ina ua kulike keia haina me ka ke keiki o Kona, alaila ua pono, ina ua huhewa ko Kinau alaila no ke * panana ole. Mo ko aloha it£ oe o ka Lunahooponopono o ke Kuokoa a pela hoi na keiki o kou papapa'i. Owau iho no, j AEKAI 0 KULANA KA LAI Lahaina Maui. Ua nele i'o mai la ke Kinau i ke panana, no ka mea ua huhewa ae la a kau iluna o ka pukoa. Huli hou ia mai!—L. H. —