Ka Nupepa Kuokoa, Volume LXV, Number 22, 3 June 1926 — MOOLELO NO LAIEIKAWAI KA U'I HELU AKAHI O PALIULI I KA UKA O PUNA. [ARTICLE]

MOOLELO NO LAIEIKAWAI KA U'I HELU AKAHI O PALIULI I KA UKA O PUNA.

MOKUNA X. (Kakauia e Z. P. K. Kawaiuoumaiikamakaokaopua.) (Hoomauia.) Ia |uanawa a kona kaikuahine muli loa e hapai ana i keia leo kaukau imua o Aiwohikupua, alaila, ua hoomaeeleia ka naau o ko lakou kaikunane i ke aloha kaumaha no kona kaikuahine. No ka nul loa o ke alolia o Aiwohikupua i ko lakou pokii, lalau mai la a hoonoho iho la iluna o kona u-lia, a uwe iho la. Ia Kahalaomapuana e kau ana i ka u-ha o kona kaikunane, kena ae la o Aiwohikupua i na hoewaa, e hoe ikaika; ia manawa ua hala hopo loa kekahi mau kaikuahine. La lakou e holo ana, alaila, ua pono ole ka, manao o Kahalaomapulna i kona mau kaikuaana; a iaia e uwe ana no kona mau kaikuaana, ia manawa kona noi ana aku ia Aiwohikupua, - e hoihoi iaia ihe koua mau kaikuaana; aka, aole no he maliu mai o Aiwohikupua; "E Aiwohikupua," wahi a kona kaikuahine, " aole au e ae e lawe oe ia'u owau wale no, ke ole oe e lawe pu me ko'u mau kaikuaana; ka mea, ua kahea mua .ae no oe ia'u i ko kakou wa i Paliuli, alea, aole au i ae mai, no kou lawe ia'u ow< r .u wale n'o." No ka paakikl loa o Aiwohikupua aolo e hookuu i kona kaikuahine, ia manawa, lele aku la o Kahalaomapuana mailuna aku o ka waa a liaule iloko o ke kai. Ia manawa hoopuka aku la kona kaikuahine i olelo hope ma ke niele, penei: "Ke hoi la oe a ike aku, Ike aku i ka maka, f I ka maka o na makua,

AloLa aku i ka aina* I ka nui ame na makamaka, Ke hoi nei au me ou pokii, Me o'u kaikuaana hoi-e." MOKUNA XI Iloko o keia kaukau hope loa a Kahalaomapuana ua hoopihaia ko Aiwohikupua naau -i ke aloha nui; a kahea ae"la oia e hoemi hope na waa, aka, ua hala loa o Kahalaomapuana ihope, no ka ikaika loa 0 ka holo ana o na Tyaa; a i ka wa i huli hope ai na waa e kii hou 1 kona kaikuahine, aole nae i loaa. Maanei e waiho iki kakou i ke kamailio ana no Aiwohikupua, e pono e kamailio hou no kona mau kaikuahine; alaila, e kamailio no Aiwohikupua. Ia manawa a Aiwohikupua ma i haalele aku ai i na kaikuahine ma Honolii, a lawe pu aku i ia Kahalaomapuana; nui loa iho la ke aloha, ame ka uwe ana no ko lakou kaikaina, ua oi aku ko lakou aloha ia Kahalaomapuana, mamua 0 ko lakou aloha i ko lakou mau makua, ame ka aina. Ia lakou no nae e uwe ana, ho* ea mai ana o Kahalaomapu&na ma ka pali mai, alaila, na hoopauia ka naau kaumaha o kona mau kaikuaaina; a hui ae la lakou īpo ko lakou kaikaina a ha'i aku la oia 1 kana hana, ame ke kumu o koha hoi ana mai, elike me ka mea i | olelo mua ia ae nei ma keia mokuna. A pau ka lakou kamailio ana no keia mau mea, kuka iho la lakou i ka pono o ko. lakou noho ana, a hooholo ae la lakou e hoi hou lak'ou i Paliuli. Mahope iho o ko lakou kuka ana no lakou iho, hāalele lakou ia Honolii, hoi aku la a uka o Paliuli, ma kahi e kokoke aku ana i ka hale o Laieikawai, noho iho la la- [ kou maloko o na pu-ha laau kokoke i malaila. | No ko lakou makemake loa e ike ia Laieikawai, hoohalda mau lakou i kela la keia la, a - nui na la i j hoohalua ai, aole lakou i ike iki no ka lakou mea e hoohalua nei, I no ka mea, ua paa mau ka puka | o lea hnle i pa la apau; a no i mea, kukakuka ae la lakou i mea e ike aku ai lakou ia Laieikawai, a nui na la o ko imi ana i mea e ike aku ai no ke aliiwaliine o Paliuli, at>le loaa iki. Hoko o kela mau la, kuka o lakou, aole i pane iki ko lakou kaikaina, a no ia mea, olelo aku kekahi o kona mau kaikuaana: "E KahalaomapHana, o makou wale no ia e noonOo nei i mea no kakou e ike aku ai ia Laieikawai, aōle nae he loaa; malia paha, aia ia oe kekahi mea e hiki ai, e olelo ao oe." "Aole," wahi a ko lakou kaikain.i.. "E ho-a kakou i ahi ma kela po keia po, a e oli aku ka hanau mua, alaila, i ka muli iho, pela a pau kakou, i liokahi no olioli ana a ka mea hookahi ma ka po, alaila, ia'u ka po hope .*„oa; malia paha o lilo ka a-a niau ana a ke ahi i na po apau i mea no ke alii e uluhua ai, alaila, e nana ia kakou, alāila, pela paha -kakou e ike ai ia Laieikawai." , Ma keia olelo a Kahalaomapuana, ua pono ia olelo imua o lakou apau. I ka 'po mua ho-a ae la lakou i ahi, a ia Mailehaiwale ke oli ana ia po, elike ine ka lakou hooholo like ana; a i kekahi po mai ia Mailekaluhea, pela mau lakou i hana ai a hala na po eha, aole nae i loaa iā Laieikawai ka hoouluhuaia, ua lohe no nae ke aliiwahine i ke oli, a ua ike no hoi i ka a-a mau ana a ke ahi; a heaha la ia mea i ke aliiwahihe. I ka elima o ka po, o ia ko Kahalaomapuana po, o ka hope loa no hoi ia;. ho-a iho la ke ahi, a ma ka waenakonu o po, hana iho la o Kahalaomapuana ho pu la-i a hookani \aku la. Iloko o ia manawa, akahi no a komo iloko o Laieikawai ka le'ale'a no kela leo 'e kani nei, aole nae i hoouluhuaia ke aliiwahiiie; a ma ka pili o k'e ao, hookani hou" aku la o Kahalaomapuana i kana pu la-i elike me ke kani mua ana, alaila, ua lilo iho la ia mea he mea le'ale'a loa no ke alii. No ka uluhua o Laieikawai, kena ae la oia i kona wahi kanu e hele e nana i kahi i kani mai ai keia mea kani. Ia manawa puka ae la ua wahi kahu nei o ke alii iwaho o ka halealii, a ike aku la i ke ahi a ua poe kaikamahine nei e a-a mai ana, hookolo aku la oia ahiki i kahi o ke ahi e a ana, ma ke kaawale nae keLi. kalii i ku aku ai me ka ike ole mai o lakou la iaia nei. A ike keia, hoi aku la a ia Laieikawai, ninau mai la ke alii. Ha'i aku la kalii kahu i kana mea i ike ai, mamuli o ka ninau a ke alii. "la'u i puka aku ai mai ka hale nei aku, ike aku la au he ahi e a-a mai ana; ko'u hele aku nei no ia ahiki, a ma ke kaawale ko'u ku ana aku, me ka ike ole mai o lakou la ia 'u. "Aia hoi, ike aku la au he mau kaikamahine elima, e noho ana apuni ke ahi, he mau kaikamahine maikai- wale no lakou apau, ua like wale no lakou apau, na like wale

no na ano, Uookahi nae o lakōu wahi mea uuku loa, a nana ka mea" kaui le'ale'a a kaua e lohe aku nei." A lohe ke alii i keia mea, olelo aku la oia i kona kahu. "E kii oe a kahi mea uuku o lakou, olelo aku oe e hele mai ianei, i hana īnai ai oia i kana mea huole'ale'a imua o kaua;" a no ke* ia olelo a ke alii, hele aku la kahi kahu ahiki i kahi o na kaikamahine, a ike mai la lakou i keia mea, lia'i aku la oia: •'He elele aū i hoounaia mai nei e kuu alii, e kii mai i kekahi o oukou elike me ka'u mea i manao ai e lawe; nolaila, ke lawo nei au i kahi mea uuku o oukou e hele e pu me kuu alii, elike me kana kauoha ia'u." Laweia aku la o Kahalaomapuana alaila, ua hoohauoliia ka naau o kona mau kaikuaana, no ka manao no e loaa ka pomaikai mahope. Ahiki aku la ua wahi kaikaina nei o lakou imua o Laieikawai, iaia nae i hiki aku ai a ka hale, wehe ae la ke kahu o ke alu 1 ka pulm o ka halealii, ia manawa, ua hoopuiwa koke ia ko Kahalaoiii.>puana manao, no ka ike ana aku ia Laieikawai e kau mai ana iluna o ka eheu o na manu. Elike me kona ano mau, elua hoi ' mau manu iiwipolena e kau ana hoi | ma na poohiwi o ke alii, e lu ana | lioi i na waiala lehua ma. ke poo o | ke alii; a no ka ike ana aku o Kahalaomapuana i keia mau mea, «• he mea ia imua o ke kaikamahine malihiiīl, a no ka nui loa o kona eehia, ua haule aku la oia i ka honua. I Hele aku la ke kahu o ke alii, u | ninau aku la: "Heaha keia e kaikamahine e moe neit" | kana ninau ana, alaila, ala ae la ke kaikamahine, a olelo aku la i ke kahu o ke nlii, me ka i aku: I "E ae mai oe ia'u e hoi au me o'u kaikuaaua, ma kahi i loaa ai au ia oe, no ka mea, ua eehia loa ia au i ka maka*u no ke ano e loa o kau alii." Olelo mai ]a ke kahu o ke alii, "mai maka'u oe, mai hopohopo, e< ku oe a e helo aku a komo e hame kuu alii elike me kana kauoha ia oe." "He niaka'u au," wahi a kē kaikamahine. A lohe mai la ke alii i ka laua walaau, ala ae la oia a. hea aku la ia Knhalaomapuaiia, alaila, ua hoopauia ko ko kaikamahine naau kaumaha, a komo aku la e launa me ke alii. '' I mai la o Laieikawai, "Nau anei kn mea kani le'ale'a i kani mai ai i kela po, ame keia pol" .. (Aole i pau.)