Ka Nupepa Kuokoa, Volume LXV, Number 22, 3 June 1926 — HOOHOALOHA ME NA KEIKI AUAUKAI O WAIKIKI AE NEI [ARTICLE]

HOOHOALOHA ME NA KEIKI AUAUKAI O WAIKIKI AE NEI

Iloko o na la a William B. Leeds e hoohala ana ma Honolulu nie, |ie kana*ka opio waiwai o kanaha miliona dala kona waiwai, aole ona hoopilipili wale aku me ka poe waiwai, a kuonoono o keia kulanakauhale, aka me na keiki auaukai ma Waikiki oia e hui mau ai, me ka haawi ana i mau paina hoohauoli, no kela poe keiki, a no ka hoohauoli ana no hoi kekahi iaia iho, ame kona mau hoa. Ma ka manawa a kela kanaka onamiliona, i haalele iho ai ia Hobolulu nei, ma ka Poakolu o ka pule aku la i hala, ua hoea ae kela mau hoaloha ona o Waikiki, no ka uwapo, a hoohiwahiwa aku' iaia me na lei 0 na ano like ole, ka mea malihini 1 kekalu kanaka waiwai, na ka poe ilihune oia e hoohiwahiwa aku i na lei. Nui ka poe lalawai o keia kulanakauhale, pela me na ahahui, i hoouna aku i na palapala kono .iaia, no, ka hoea ae ma kekahi mau paina, i haawiia no kona hanoliano, aole nae hookahi o kela maū palapala kono, ana i apo aku ai, aka i kela ame keia lq, e hoohala mau ana oia iwaena o ke anaina o na kanaka opio o Waikiki. Ma ka aoao no hoi o kela poe keiki opio, e hele pu ana lakou me ka malihini i ka auaukai, e haawi ana i mau aha hoohauoli nona, a hookahi no ko lakou ai like ana, ma kekahi haleaina, me kona hoi ole maloko o ka Hokele Moana e ai ai. No ka lilo loa o kela kanaka waiwai me na keiki o Waikiki, aole oia i ike i ka Pali o Nuuanu, no hoi i holo kaapuni ia Oahu nei; a o ia nae kana o ka olelo ana ae, akahi no oia a ike maoli i kona piha i ka hauoli mamuli o kona hui pu ana me kela poe keiki auaukai, nolaila aole ona noonoo no kela hele ole ana ona e makaikai ia Oahu nei. Hookahi nae ana m<*a i hooia »ifii ai i kona mau hoaloha opio, e liuli hoi hou mai ana no oia no Honolulu nei, ma keia makahiki ae, a ma ia huakai e holo pu mai ai oia me kona oliana, me ka hooka'ulua iki an a iho no kekahi mau pule loihi maanei nei, mamua o ka huli hoi hou ana aku no kona home ma Amerika.