Ka Nupepa Kuokoa, Volume LXV, Number 22, 3 June 1926 — MAI HOOHEMAHEMA I KO KAKOU KULEANA. [ARTICLE]

MAI HOOHEMAHEMA I KO KAKOU KULEANA.

Ma ka po o keia Poaha, i kulike ai me ke kuahaua pili oihana a ke komite kuwaena Repubalika e noho ae ka halawai a na kalapu Repubalika apuni keia teritore, no ka wae ana i na lunanui o kela mau kalapu no keia mau makahiki elua e nee aku nei, a no ka waiho ana ae i'na inoa o na elele, e hele aku ai i ka ahaelele hana kahuahana, iloko o ka mahina o lulai e hoea mai ana. Ma ke ano he Repubalika, he hana na kela ame keia Repubalika oiaio, ka hele ana ae ma kela halawai, no ke komo pu ana aku iloko o ka wae ana i na kanaka kupono, na lakou e.lawelawe i na hana o ko lakou mau kalapu iho, no na makahiki elua hoea mai ana; pela pu hoi ka wae ana ae i ka poe kupono, no ka ahaelele hana kahuahana. I wahi e kaa aku ai ka hookeleia ana o na hana o na kalapu Repubalika iloko o na lima o ka poe kupono, ka poe i hiki ke hookauia aku na hilinai ana, a na Repubalika, no ko lakou makaukau, ka hoopono, ame ka makee i ka pono laula o ka lehulehu ame ka aoao kalaiaina, pela 5 aku ai ko lakou pono, e hoea a£ ma keia halawai, aol e om. uuhemahema me ke kakali aia « a hoea maoli mai i kahi o ka hoouka kalaiaina, o ka wa ia e noke ai i ka walaau, he walaau waiwai ole nae, no ka mea ua hala ka wa waiwai o na walaau o kela ano. Mamuli o ka loaa oie o na manao makee iloko o ka poe kupono a ko'iko'i o ka aoao Repubalika; a he hookohukohu Repubalika wale iho no ko lakou ma ka inoa, pela iho la f kohoia ai he heluna nui o ka poe kupono ole i mau lunanui no kekahi mau kalapu; aole nae no kela poe ia hewa, a no ka poe paha na lakou i koho aku i mau lunanui; aka o ka hoohemahema ma ka aoao o ka poe kupono, a maikai maoli, o ke alahele iho la ia i kaa aku ai ka hoohana ana i kela mau kalapu, malalo o ka poe kupono ole. Ina aole i lilo kekahi poe i mau lala no na kalapu mamua aku nei, oiai no nae he poe Repubalika wale no, e lilo i hana na kela poe, ka hele ana ae e kakau i ko lakou mau inoa, maloko o na buke inoa o ko lakou mau kalapu iho; ua hoea mai i ka manawa e ku okoa mai ai imua, a hookahi ka hana like ana, no ka aoao kalaiaina, aole o ka hookohukohu Repubalika wale iho no, ; ma kahi nae o ka hana, he poe enemi no ka aoao kalaiaina a lakou e ku nei. O ke koho liou ana i na luiianui no na kalapu, pela ke koho ana i na elele no ka ahaelele hana kahuahana kalaiaina, he hana liope aku ia, o ka hana mua loa, ma keia po Poaha, o ia no ka wae ana ae i na inoa no na kulana like ole; nolaila o keia kekahi o na po ano nui loa; ma ka hoea ana ae auanei a ka nui o ka poe kupono, pela no e waeia ae ai ka poe kup\Dno, aka ina lakou e noho aku ana ma na home, a o ka poe piepiele kalaiaina ke hoea ae ana, hookahi no a lakou mea nui, o ia ke kaa o ka hoomalu ana o na kalapu, iloko o ko lakou mau lima, i hooko mau ia ai, na hana a lakou i lawelawe mau ai iloko o na kau hakoko baloka apau. O na elele kekahi i ka ahaelele hana kahuahana, e pono no e loaa na kanaka kupono, na kanaka laula o ko lakou noonoo, aole o ka poe i nele me na manao kuokoa no lakou iho, a i loaa ka' ike me ka hoomaopopo i na ninau ano nui, i pili aku i ko kakou hookele aupuni kuloko.