Ka Nupepa Kuokoa, Volume LXV, Number 22, 3 Iune 1926 — MAKE MAMULI O NA PALA-PU PAUAHI [ARTICLE]

MAKE MAMULI O NA PALA-PU PAUAHI

Ma ke kakahiaka o ke Sabati ak» la i hala, i holapu ae ai na alelo manamana o ke ahi, i ka lole o kekahi wahine opio, nona ka inoa o Mary Sharlōtt Prendrick, o ke alanui Hema, me ka mo'a ana o kekahi hapa o kona kino a mainuli o kela mau pala-pu i loaa iaia, i make ai oia maloko o ka Halema'i Moiwahine, ma ka hora eha. o ka auwina la o kela la no. Ma ka hoakaka a Mrs. K\ia, he mea e noho kokoke ana ma ka hale o kela wahine opio poino, na kela -wahine niaoli no ka i ninini i ka aila mahu maluna o kona lole, me ka hokuu ana aku i ke ahi e a mai, oiai ha makemake no oia e make. Ma ka olelo hoi a Willie Isenhour

he koa no Leilehua, a he ipo na kela wahine opio, ma ke ano ulia ka i a ai ke ahi i ka lole, aole i ho-a maoli e Mary Frendrick. No 'Willie Isenhour, ua mo'a kekahi wahi o kona kino i ke ahi, mamull o kona hooikaika ana e kinai i ke ahi, maluna o ka wahino opio; eia nae, aole i kukonukonu kona poino, aka ua lapaauia no oia maloko o ka halema'i o na poino ulia, me ka hoomamaia ana mai 0 kona mau ehaeha. O kā helehelena ame ka hapa maluna o ke kino o ka wahine opio ka i mo'a i ke ahi.; me kona hoihoi pololei. īa noloko o ka Hālema'i Moiwahine, a no ke kukonukonu loa o kela poino i loaa iaia, ua hiki ole i na kauka ke hoopakelē 1 kona ola, nolaila ua make oia ma ka auwina la o kela la.