Ka Nupepa Kuokoa, Volume LXV, Number 22, 3 June 1926 — MAKE IA KAMAAINA KAHIKO O HAWAII NEI [ARTICLE]

MAKE IA KAMAAINA KAHIKO O HAWAII NEI

Iloko no o ka maikai o kona ola kino, me na hoailona ole o ka ma'i maluna ona, i pauaho mai ai o Ernest Kopke i keia ola ana ma kona hom© ma ke alanui o Makiki, ma kā hapalua o ka hora eono o ke kakahiaka o ka Poaha aku nei i hala. Ma ka auwina la no o kela Poaha i i malamaia ai kona anaina hoolewa, me ke puhiia ana o kona kino i ke ahi, a ma ka hapalua o ka hora elima o ke ahiahi o ka Poalima ae, i kanuia aku ai ka lehu, ma ka ilina mauka ae nei o Nuuanu. Me «kona ohana no o Mr. Kopke, ma ka paina ahiahi, o ke ahiahi o ka Poakolu aku, a ma kela po, i ikeia ai ke ano maikai ole o kona ola kino, a ma ke kakahiaka nui no o ka Poaha ae, i haalele'iho ai ka hanu ola i kona kino. Ma kona manawa o ka make ana aku la, ua piha iaia na makahiki he kanahikukumamalua me na mahina eha me na la keu he iwakalua. Ma

Kelemania kon» wahi i hanauia ai, i ka umi-kumamawalu o kona mau makahiki i hoea mai ai oia i Hawaii nei, me kona noho ana no ka mahiko o Lihue,. Kauai, ma ke ano he luna, a mahopo mai, i lilo ai i kokua, wiliki noloko o ka halewili. MahOpe mai, ua noho hana oia maloko o ka hale hanahao Honolulu, a no ka hoomahuahua ana i kona makaukau ma nai ike pili mi-

kini, i holo okoa ai oia i ke kula ma Amerika; a ma Eelemania, a iaia i buli hoi mai ai uo Honolulu nei, ua hoomau no oia i ka noho hana maloko o ka hale hanahao, ahiki i kona hookohula ana mai i wiliki poo no na mahiko o Lihue me a mailaila mai, no ka mahiko o Ewa; ahiki i kona hoi hou ana e hana me ka hui hana-» liao Honolulu, TJa waiho iho oia mahope nei, i | kana wahine, me ka laua mau keiki, e kanikau aku nona.

No ka poe e uku ana i ka auhau wai, malalo o ke ana mita, no ka manawa e pau ana ma ka la hope o ka mahina o Mei aku nei i hala; ua hoounaia aku ka hoiko i kela poe e ke keena wai o ke kulanakauhale, no ka uku ana mai i ka auhau, i keia manawa, mahope aku 0 ka mahina o lune, e kauia ana 1 umi pakeneka uku ka'ulele maluna o ka huina auhau kaa ole i uku ole ia.