Ka Nupepa Kuokoa, Volume LXV, Number 12, 25 Malaki 1926 — KA AELIKE PILI I KA WAIONA. [ARTICLE]

KA AELIKE PILI I KA WAIONA.

I a hoopukaia ae c ka Akena Hookapu \\ aiona John Barrett ma ka pu!e aku la i hala kekahi inanao, n6 ka hanaia ana o kekahi aelike mawaena o kona keena ame ke keena o ka Ilamuku Amerika Oscar P. Cox, no ke ano e hopuhopuia aku ai ka poe ku-e i ke kanawai liookapu waiona, e hoea mai ai i ka wa e kaa ai ka waiona majalo o na luna oihana federala. Ua ikeia ka pololei ole o kela manao ae la, mamuli o ka hoike okoa ana ae o ka Ilamuku Amerika Cox i ke akea, aohe aelike ana i maopopo i hanaia mawaena o kona keena ame ko ka Akena Barrett; o ke Kapena Makaikiu John Kellett kekahi i hoole pu ae, i ka hanaia ana o kekahi aelike o kela ano me ia; ina pela i'o ka mea oiaio, alaila hookahi mea maopopo loa ke koho aku, he aelike hoonuinui wale iho no kela ma ka aoao o John Barrett, i kaana like ia ai na mahalo, no r.a hana hopuhopu waiona i hookoia e ka Ilamuku Amerika Cox, niawaena o laua; aole hoi e kaa wale no na mahaloia i ke keena o ka ilamuku Amerika, a hapa ka mahaloia o kona keena, ke keena i ili mai ai ke ko'iko'i o ka hooko ana i ke hookapu waiona. Xo na hana hopuhopu waiona a ka Ilamuku Amerika Cox, i hooko aku ai iloko o na !a kakaikahi wale ae nei 110 i hala, aole ia no ke kaili ana mai i ka mahaloia, mai ia John Barrett mai, a mai kona poe kanaka mai paha, aka mamuli no o kona ike iho, he hana ia i pili loa aku i kana oihana, ma ke ano he luna oihana federala; a o kona kikoo ana aku no ke kumu i kahe mai ai o ka waiona, mamuli no ia o kona manaoio ana, pela wale no e hapa ai ka loaa ana o ka waiona, i ka poe hakihaki kanawai. Aole a kakou mau mea ano nui i ike ai, mai ka manawa i hoea mai ai o John Barrett no -Honolulu nei ahiki i keia manawa, koe wale no ka hopuhoj)u ana o kona poe kanaka, i ka poe kuai waiona, ka hana no i lawelawe mau ia mamua aku o kona hoea ana mai, a e liooko mau ia nei no e na makai i keia manawa. Ina ma na wahi puhi rama na kanaka oloko o ke keena hookapu waiona e hookolo ai, a e hapa mai ko lakou noonoo nui ana maluna o na wahi e kuaiia nei, a e inuia nei o ka waiona, he mea oiaio loa, e hapa mai ana ka loaa ana o ka waiona ma keia mua aku; aka o ke kii ana ma na lala wale tjo e pa'ipa'i mai ai a koe no ke kumu, e mau ana no ka omu'o ae ona lala hou, me ka ikaika oko lakou ulu ana aku; e hele lanakila ai kela poe hakihaki kanawai, malalo ponoi o na ihu o ka poe e iiooko nei i ke kanawai. Ina i makee o John Barrett, i ka mahaloia aku o kona inoa, ilaila e hoouna aku oia i kona poe kanaka, a i ole e komo maoli aku oia ma na wahi apau, e kau ai ka weli i ka poe puhi rama; aole hoi o ka inoino iho o ka manao, no ka hana ana o kekahi luna oihana federala okoa aku, i ka mea oi ae, mamua o kana i liana ai.