Ka Nupepa Kuokoa, Volume LXV, Number 12, 25 Malaki 1926 — KUU HOME HOONAAUAO O MAUNAOLIWA, AIA I KA MAKANI APAAPAA AME KA AIKA HAAHEO O KOHALA, AKAU HAWAII [ARTICLE]

KUU HOME HOONAAUAO O MAUNAOLIWA, AIA I KA MAKANI APAAPAA AME KA AIKA HAAHEO O KOHALA, AKAU HAWAII

E oluolu mai e Mr. Lunahooponopono, i kalii wahi kaawale o na kolamu o kau nupepa, e kalahea a uwila koke ae oe, ma na paia lahelahe like ole o ko kakou nēi mau paemoku, i lohe a i ike mai ai na kini like ole o ka home hoonaauao, d kau kehakeha ae la ma ke i>oo o keia kolamu, ame na hoaloha pi^. ' Mamuli oka loho i loaa maopopo mai, ma o ke kumu poo la o keia kula, e paū ana ka hoonaauao laula ia aua o na opio wahine Hawaii o keia au hou e nee nei, i ka pau ana o keia makahiki kula, a he poe wae wale no ke noho mai ana ma keia mua aku; ua nui ka mi- | naminaia o keia puuhonua o na kail kamahine Hawaii, ke kiahoomanao ! hoi a ka Makua Kev. E. Bo»a i kukulu ai no ka pono a maluhia 0 na kaikamahine Hawaii, a o Miss E. Laiana ke kumupoo mua lofl. He nui a lehulehu na makuahine i komo a hoonaauaoia ma keia kula, e noho mai nei ma na wahi like ole o ko kakou nei mau paemoku ame ka lakou mau pua aku, a i ko lakou ike ana iho i keia hoike, ko'u manao, aole no e nele ana ke kani ilio o ke u, aloha a minamina, i ka home i hoonaauaoia ai, ame ka lakou mau kaikamahine aku. Mamuli o ia minaniina like, ua lawe ka ekalesia ame<% Kula Sabati o Kalahikiola a hooholoia ho kumuhana, e malamaia kekahi hana hoomanao a hoolaulea hope loa, i hui pu ia me na hana hoike Kula Sabati hapaha i Aperila la 25, A. D. 3926 nei, oiai, o ke Kula no o Maunaoliwa kekahi mahele o ko makou mau Kula Sa4ftti. Ua hooholo pu ia, e kahea aku 1 na makuahine Maunaoliwa apau, a i ka lakou mau pua aku, ina he mau hoomanao aloha i ka home hoonaauao o Maunaoliwa, a na makuahine mua ame na makunhine hou e noho nei i ke kula i keia tra, e hoouna mai i kau aloha ame kokua i ko makou Makua Kahu J. K. Woodward. E hoouna mai i ka wa kupono, aole e kali a kaunuku loa. Ke kono a poloai pu ia aku nei na makuahine ajne na opio Maunaoliwa npau, na makamaka ame na hoaloha pu, e hiki pu mai i ka la i hoikeia mamua ae nei, no ka hui aloha hauoli pu ana me na opio makuahine Hawaii hou o Maunaolii wa o keia makahiki. Ke kahea pu ia aku nei na Kohala apau, o Kohala Nui, Kohala Iki, 0 Kohala TJa Apaapaa, o Pili me Kalahikiola, na Puu haelelua, ku ana no na puu, o ke kanaka no ke liele ana. E hea mai ana, i ko kanaka e komo maloko, e hanai ai a hewa ae, e ka waha, eia no ka uku, ]a, he a-10-ha. Mai poina i ka hoouna pololei mai i kau kokua a kanaenae aloha 1 ka Makua Kahu Rev. J. K. Wood« ward. Mai paa ika leo, hoomohalaia e, aia e, a ©la e. 0 Aperila la 17 ka la hope kupono no na mokupuni e hoouna mai ai. Me oe e Mr. Lunahooponopono ama na keiki o kou papapa'i, ko makou adios, i awili pu ia aku me ka welina a i omau pu ia aku, e ko makou mahalo nui. KULA SABATI O KALAHIKIOLA Ma o ko makou komite la. K. K. K. N. Kohala, Hawaii, Mar. 17. 1926. TIETSIN, Mar. 21 —0 na pualikoa Kuominehun, malalo o ka mana 0 Pekini, ke hoi ae la me ka maopopo loa no Pekini mai ka akau a mai ka hema mai mamuli o ka hahai mau ia mai e na pualikoa a ka Ilamuku Chang Tsolin, ka mea 1 manao e haalelo mai ia Tientsin nex no ka hoolako ana mai i mau pualikoa no ka lele kaua ana mai i ke aupuni o Pekini. Maluna o na kaaahi na pualikoa Kuominehun e halihaliia uei no Pekini mahope 0 ke kai ana aku maluna o na aina 1 Wo i na lahui e me ka hao wale ana i na waiwai maloko o na kauhale liilii. He hana hoao e hoo-pa-hu i ke alahaka ma Kuych ka i hoopa-huia e na kanaka Amerika. Aohe poino i hanaia.