Ka Nupepa Kuokoa, Volume LXV, Number 12, 25 Malaki 1926 — KA HOIKE A KA LUNAKAWAI DESHA NO NA OPIO [ARTICLE]

KA HOIKE A KA LUNAKAWAI DESHA NO NA OPIO

Uoko o ka mahina o Feberuari i hala, ua oi aku ke ino ame ke kolohe o na keikikane mamua o na kaikamahine, elike me ia i ikeia maloko o ka hoike o ka aha hookolokolo a ka Lunakanawai Desha, no ia mahina o ka hoopukaia ana ae. Ia mahina he 34 mau keikikane ame elima mau kaikamahine mailoko ae o 39 mau keikikane ame ehiku mau kaikamahine i laweia ae imua o ka aha a ka Lunakanawai Desha, ma ke ano h e mau keiki hookuli, lalau a piha kolohe. Hookahi keikikane i hookuuia. He 30 mau keikikane i kaa aku malalo oka hoomalu ana. Hookahi kaikamahine i kaa aku malalo o ka malama ana a kekahi ohana, a he elua mau kaikamahine i kaa aku malalo o ia hoomalu ame kamalama ana a kekahi home, elike me ka hoike a Ellen Dwight Smythe ke kakanolelo o ka aha. He eha mau keikikane i hoopaaia aku maloko o ke kula a'ohanalima ma Waialee a he elua mau kaikamahine lalau i hoopaaia aku maloko o ke kula a'ohanalima o na kaikamahine ma Kamoiliili. No na lahui ame na hapa i loaa mai ai o na keiki oia keia: Pake, 3 keikikane; Pilipino, 3 keikikane; Hawaii piha, 4 keikikane ame elua kaikumahine; hapa-Hawaii, he 10 mau keikikane ame 2 leaikamahine; a no na lahui e ae he 6 onau keikikane a hookahi kaikamahine. Ma ka la 1 o lanuari i hala he hihia i pau ole i ka hooloheia ke ku ana no 4 mau keikikane anie elua mau kaikamahine, ' a ma ka la 28 mai o Feberuari, no S mau kei&ikane ame 4 kaikamahine. Uoko o keia mahina o Maraki he eha mau kaikamahine i laweia mai mamua o 'ka aha a i hoopiiia mai he mau kaikamahine lakou e kaukai aku ana i ko lakou ola ia hai. He elua i hoakakaia ae he mau kaikamahine e ola ana mauiuli o ka hai malama mai, hookahi i hoihoi ia aku malalo o ka malama ana a kekahi ohana, a hookahi i hoihoiia aku i kekahi home. He mau kaikamaliine Hawaii keia a elua. Ma ka la 31 o lanuari he elua mau keikikane amo 9 mau kaikamahine i hoopiiia ae he mau keiki e kaukai ana i ko lakou ola ia hai, a ma ka 28 mai o Feberuari he elua mau keiki hou ame 11 kaikamahine i hoopiiia ae no ko lakou kaukai aku i ko lakou ola ia hai.