Ka Nupepa Kuokoa, Volume LXV, Number 12, 25 March 1926 — E WAIHO ANA I KA HANA O KE AUPUNI [ARTICLE]

E WAIHO ANA I KA HANA O KE AUPUNI

Ma ka piha ana iala o na makahiki he kanaono, iloko o ka mahina ae nei o Augate, e waiho aku ai o A. V. Gear, i kona noho poo ana no ke kulana bila haawina no ke teritore; me ka holo aku o kela kulana ia James W. Lloyd, ka mea a ke kiaaina i hookohu aku ai iaia, mamua o kona holo ana aku nei no Wakinekona. Hookahi kumu nui o ko Mr. Gear makemake ana e kaa aku na hana apau o kona keena, maluna o na poohiwi o kona hope, i hiki ai i kela hope ke hoomakaukau i kana hoike, a waiho aku imua o ka ahaolelo e noho*mai ana i keia makahiki ae. laia e waiho aku ai i ka hana 0 'ke aupuni, e loaa ana iaia he uku hoomau, no ka mea ua noho hana oia malalo o ke aupuni no na makahiki ho iwakalua-kumama-hiku, a oiai he eono haneri me iwa-kalua-kumamalima kona uku, malalo o keia kulana ana e paa nei 1 keia manawa; e loaa ana no iaia kekahi uku 'hoomau maikai loa; ma kona nianawa e kaawale mai ai mai na hana mai o ke aupuni. Wahi nae a Mr. Gear i olelo ae ai, he mau hana no kana e lawelawe aku ana ke waiho i na hana o ke aupuni, aole nao o'a i hoakaka ae i k 0 ano o kela mau hana.