Ka Nupepa Kuokoa, Volume LXV, Number 12, 25 March 1926 — Page 6

Page PDF (1.56 MB)

View this newspaper issue

Learn more about this Article Text

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA NA NUHOU KALAIAINA

ME NA NUHOU O KA MANAWA

AOAO NO NA MANAO PEPA
SOLOMON HANOHANO LUNAHOOPONOPONO

NUPEPA KUOKOA, HONOLULU, T . H. POAHA, MARAKI 25, 1926.


	HOOHANOHANOIA KA HOME O NA MEAAI HAWAII E NA MAKUAHINE O KA HUI MANAWALEA O NA POOLA. E kuu Solomon Hanohano :— E oluolu mai oe ame kou mau kela o kou moku au e noho kapena nei no kela poomanao e kau ae la i ike mai ka lehulehu i na mea e hanaia nei ma kahi i hoikeia ae la. Ma ka la hope o kela mahina aku nei, ka hora umi-kumamalua ia, komo ana ka makuahine pelekikena ame na lunanui, a pela hoi me na lala iloko o ko lakou aahu makalike, a imua o ka'u aliiwahine ame ka pihoihoi oia i kahea mai ai ia'u oiai au ma ka rumi kuke ia ma- nawa e lawelawe ana i na meaai. A i kuu hele ana mai a ike ia lakou iloko o ko lakou kulana ha- nohano, ame ko lakou lima e hoo- mohala mai ana o ke aloha oiai o ke kaikuahine i ke kaikunane, a lululima pumehana iho la me ke aloha oiaio, me na olelo hoolauna mai ko lakou makua pelekikena mai. E Mokumaia i hele mai nei ma- kou e ike maka i ka home o na meaai Hawaii, a e hoomaikai pu aku i kou hana ana i keia hana a e ai hoi i na meaai o kou papa- aina a makou apau e akoakoa nei imua ou no ka hoohanohano ana i keia home. Ua piha maoli ko'u puuwai i ka hauoli, oiai o ka mua loa keia o ka hiki ana mai o kekahi hui me ko lakou kapa piha, a hoohanohano i keia home, a na mea apau e nana mai ana, oiai ua piha ka rumi olalo ia manawa. Ua hoi aku lakou ma ka rumi ma- luna oiai, nae na piha no, aka ua loaa no ko lakou rumi, a i ka pau ana o ko lakou ai ana, a i ko lakou iho ana mai, a ku iho la ma ka puka, he aai hoi kau o ko lakou aahu e koino ana, a haupu ae la au i keia wahi kanaenae o ka huikau o Kapuukolo. Auhea wale oe e ke kualau, E ka ua nuhele ma ka moana. Hoike ae oe i kou nani, I ka malamalama oi kelakela, Olapa ka uwila ma ka hikina, A ka punohuula e nee mai nei. He ui oukou i ka'u ike, I ka lipine ulaula kau umauma. E kala mui, ua pakika loa aku la. I ka hoi ana ae a loaa ka mea oiaio, o ia no keia oiai lakou o ku ana malalo pono o ka puka mo ko lakou kulana kapukapu, aia hoi maluna pono o ka pio o ka puka e kau ana keia mau huaolelo: E Kipa Maloko, o keia ka mea nana i hooku'i mai i ko'u waihona noo- noo a hoomaikai aku la ia lakou no ko lakou hele ana mai e hoohano- hano i ka home o na meaai Hawaii, oiai he wahi kauwa wale iho no a'u, a pela hoi me ka poe apau e lawelawe nei. Nolaila o ka'u pule e hoonuiia aku ka holomua ame ka ikaika o ko ou- kou hui, owau iho no me ka haahaa. J. K. MOKUMAIA. KA HOIKE HUI O NA KULA SABATI O KA MOKUPUNI O OAHU. I kulike ai me ke kauoha a ke Kahu Kula Sabati Nui, Mr. S. K. Kahele, e malamaia ana ka Hoike Hui o na Kula Sabati o Oahu, ma ke Sabati la 28 o keia mahina no- laila, ua kaa iho maluna o ke Kula Sabati o Kawaiahao, ka hoomakau- kau ana no na mea e pono ai ka Papahana o ia la, a ke waihoia aku	nei elike me ia malalo iho, penei: Papa hana o ka Hoike Hui o na Kula Sabati o ka Mokupuni o Oahu, ma ka Luakini o ka Ekalesia o Ka- waiahao, Mar. 28, 1926, hora 9:00 a. m., i Ewalu minuke ka manawa o ka Papa hookahi. Himeni hui, 183, L. H. Pule pualu i ka pule a ka Haku. Na olelo hoolaha. Himeni hui; 110 H. A. N.. Na Papa Hoike o na Kula Sabati 1— K. S. Kawaiahao, a— Na bebe, e— Na Pokii, i— Na Opio. 2 — Papa o na Lunanui, 3— Papa Huiia o na Makua o Ka- waiahao, a Papa himeni o Kawaiahao, e Papa a Mrs. J. H. S. Kaleo, i Papa a Mrs. De Fries, o Papa a Mrs. A. Pascal, u Papa a Mrs. Kalua Pauole (makuahine) h Papa a Mrs. Ioela Kiakahi (makuahine) 4— Apana Kalihi Kawaiahao. 5 — K. S. o Hauula, 6— K. S. o Kahuku. 7— Apana Ekahi Kawaiahao, a Mahele Puaikalani, e Mahele Kaakaukukui, i Mahele Ala Moana, 8— Apana Kapalama Kawaiahao, 9 — K. S. o Ewa, 10— K. S. o Waianae, 11 — Apana Elua Kawaiahao, 12 — Apana Kunawai Kawaiahao, 13— Apana Waikiki, Kawaiahao, 14 — Hui Kaahumanu, 15— K. S. o Makua, 16— K. S. o Waikane, 17 — Apana o Maemae, Kawaiahao, 18 — Hui Kamehameha, 19 — Lulu Dala o ke anaina. 20 — Papa o ke Kahu ame na Luna, 21 — Apana Pauoa, Kawaiahao, 22— Apana o Kamoiliili, Kawaiahao 23-K. S. o Kaneohe, 24 — K. S. o Waialua, 25— Papa Oihana Makai, 26 — Apana Maunakiekie, Kawaia- hao, 27 — Apana Kekaha, Kawaiahao, 28— K. S. o Waiawa, 29 — Papa Ohana Kaeo, Kawaiahao, 30— Hui Oiwi Wahine Hawaii, 31— Hui Kalama, 32 — K. S. Kaumakapili, 33 — Apana Makiki Kawaiahao, 34 — Apana Manoa, Kawaiahao, 35— Hui Ka Hale o na Alii o Hawaii, 36 — Hui Hoonaauao a Magoon, 37— K. S. Kalihi-Moanalua. 38 — Papa Poola, Kane ame Wahlle, 39 — Papa Kela-moku, 20 — Apana, Palolo, Kawaiahao, 41 — Apana Kaimuki, Kawaiahao, 42— Na Keiki Hanau o ka Aina, 43 — Na manao paipai, 44— Himeni Hookuu, 110 L. H. 45— Pule hookuu, Rev. Akaiko Akana. O na pomaikai apau ma keia Hoi- ke Hui o na Kula Sabati, e holo aku no ia no na hoolilo o ka hoo- ponopono hou ana i ko kakou lua- kini o ka Ekalesia Makua o Kawai- ahao, ma ka aoao o ke Kula Sa- bati nona ka huina hoolilo i koe, he $12,000.00. Nolaila, ke noi alo- ha aku nei i na Kula Sabati, na Ahahui, na Papa Kula Sabati, na makamaka ame na hoaloha, no ke alulike ana mai i keia hana nui. "Owai ka mea e hoopiha i kona poholima no Iehova i keia la. O ka mea i makaukau a i piha i ke aloha me ka lokomaikai. JAS. H. S. KALEO. Lunahoohana o ke Kula Sabati o Kawaiahao. Honolulu, Maraki 22, 1926.


	LILO NA AINA O PALOLO ME KAHALA MA KE KUAI Elike me ke kulana holomua loa o ka nee ana o na hana apau imua iloko o keia manawa, pela no ka oni mau ana o na hana hoopuka- puka waiwai imua, no ka mea, ilo- ko o ka pule aku la i hala, i hoo- liloia aku ai he 180 eka o ka aina ma ke Kiekiena Wilhelmina ame ke Kiekiena Kahala, ma ke kuai, no ke kumukuai o $330,000. O ka hui Fidelity, ka mea nana i hoolilo aku . i kela mau eka aina nui, ma ke kuai, i kekahi hui o na kanaka lawelawe oihana o keia kulanakauhale, ma o ka Pacific Trust Company la. Mahope iho o ka mahelehele ana aku- i kela mau eka aina mahuahua iloko o na apana he eono haneri, no ka noho ana aku o na kanaka, e hooliloia ana he huina dala ma- huahua loa, ma ke kukulu ana i ke- kahi luawai hooki'o ka hana ana i na alanui, ame ka hoolako ana i na kukui uwila. Oiai ke ulu nei ke kulanakau- hale i keia manawa, ke nana o aku nei na kanaka hoopukapuka wai- wai, o kela kekahi o na hana pono loa, e papalua iho ai, a pakolu pa- ha na pomaikai e loaa ana, iloko o keia mau makahiki kakaikahi e nee aku nei, i ka poe i kuleana i keia mau eka aina. HE WAHI MEA NO KA'U IA OE. E noho mai ana ka hui nui o ka paeaina ma Kalihi ma ka pule mua o Aperila 2, 3, 4, a ma ka po Poaono ana paha na hana hookuku a na opio, na haiolelo naauao, na himeni, ua hookani pila, a ma ka po o ke Sabati e pau ai na hana ano nui, a hookuu, o ia ka mea maamau. Hookuuia no Molokai ame na Ho- no, e ko Kahuku e hoi aku ana, nona keia mele malalo iho nei: Aia i Molokai kuu iwa, Na mokupuni eha, Hanohano no o Maui, I na Hono a Piilani; A ka Lae o Kalaau, Oni ana kau mamua O ka oi no o Maui, E ku haaheo nei. Kilakila Haleakala, i2PphiwH ku hookahi, Ke oni nei na Hono, Hoaleale malie, I na kaei anu, Ka moana Pakipika, O ka oi no o Hawaii, Kaulana o ko ao nei, Haina mai ka puana, Aia i Molokai kuu iwa. KAHUKU AINA LEWA Ma ka hora umi-kumamalua o ke awakea o ka la apopo, Maraki 26 ka la hanau o ke Keikialii Jonah Kuhio Kalanianaole, o akoakoa ae ana na hoaloha ame na makamaka o ke keikialii i hala, ma ka ilina o na alii ma Mauna Ala, Maemae no ka malama ana i kekahi anaina hoomanao no kona la hanau, e he- luheluia ae ana kekahi o na hana kaulana a ke Keikialii Kalaniana- ole i hana ai, i kona wa o ola ana, ma ia manawa. Ma ka auwina la o ka Poalua iho la, la 23, i halawai ai kekahi Ke- pani me ka ulia mamuli o ka haule ana mailuna mai o kekahi kapu-wai nui a lakou e hana ana, a ua opa puia oia mawaena o kela kapuwai ame kekahi kua laau nui, a haki ekolu o kona mau iwiaoao, ua hoi- hoi kokeia aku oia no ka Halema'i Moiwahine, a ua make koke no oia ma ka hora 6:25 o ia ahiahi. HOOLAHA KUAI O KA HOOLI- MALIMA AUPUNI Ma keia ko haawiia aku nei ka hoolaha akea ma ka hora 10:00 a. m., Poaha, Aperila 29, 1926, ma ka puka mamua o ka Hale Kalana, Lihue, Kauai, T. H., malaila e kuai hoolilo ia aku ai ma ke kudala akea i ka mea koho kiekie loa malalo o na manao o ka Pauku 73 o ke- Kanawai Kumu o Hawaii a o na Ka- nawai Hooponopono Hou ia o Ha- waii 1925, ka Hoolimalima Laula o ka aina aupuni mahope ae nei: Apana 6, Kuea G, na Apana Taona o Kapaa, Puna, Kauai nona ka iliaina o 15,110 ka- puai kuea, oi aku a emi mai paha. E kaa ka hoolimalima e hooliloia aku ana malalo o na kumu aelike apau ame na kulana o na Hoolima- lima Laula Aupuni i hoopukaia e ke Keena o ke Komisina o na Aina Aupuni. E kaa ke kuai maluna ae malalo o na kulana mahope ae nei: A. Manawa o ka hoolimalima: 15 makahiki mai Iulai 3, 1926 aku; B. Uku hoolimalima haa: $350.00 o ka makahiki, e uku hapa-ma- kahiki mua ia; C. E uku ka mea o lilo ai ma ka haule ana o ka hamare i ka hoolimalima o na mahina mua eono, hui pu me na hoolilo apau o ka hoolaha ana ame ka hoomakaukauia ana o ka hoolimalima i oleloia. No ka hoakaka aku i koe e ninau ae ma ke keena o ka Hope-akena Mr. J. M. Lydgate Hale Kalana Lihue. Kauai, a i ole ma ke Keena o ke Komisina o na Aina Aupuni, Hale Kapitala, Honolulu, kahi o ke kii palapala aina o ka aina e hoo- limalimaia aku ana ame ke ano o ka Hoolimalima Laula e waiho nei, a e ikeia ai. Hanaia ma Honolulu, maloko o ko Keena o ke Komisina o na Aina Aupuni, i keia la 23 o Maraki, A. D. 1926. C. T. BAILEY. Komisina o na Aina Aupuni. 6404— Mar. 25: Apr. 1.	Nuhou Kuloko Eia o Mr. E. K. Kaaua o Hoo- kena, Kona, Hawaii i ke kuianakau- hale nei i keia mau la, a wahi ana, hookahi hana nui e noonooia mai la e na kanaka o Kona Akau ame Kona Hema o ia no ka hookipa ana aku i na hoa o ka Ahahui Paeaina o na Ekalesia Ahahuina ma Kailua, iloko ae uei o Iune. Hoea mai la ka lohe i keia keena, i ka nui o ke kuaki o na alakai o na papa himeni hookuku, no ka ulo- lohi loa o ka himeni hookuku a Rev. Poai, aohe hoounaia aku o na kope ia lakou, i hiki ai ke a'o koke ia mai, no ka hookuku nui o na papa himeni ma Kailua e hoea mai ana iloko o Iune. Eia ka haleaina o na meaai Ha- waii o Mokumaia ke holomua loa nei i keia manawa, me ka paamau o ka manawa o Mr. Mokumaia ma ka hoomakaukau ana i na meaai no ko- na haleaina, aole e hiki iaia ke hoo- hana i kona kaa otomobile, no ka halihali ohua ana. No ka hoohana ana aku i na loina ano hou loa, o ka malama ana i na moohelu oloko o na. keena oiha- na, i hoea mai ai ka Lunahoomalu S. M. Spencer o ka papa lunakiai o Hawaii ame ka Lunakiai Julian Yates no keia kulanakauhale, no ke kukakuka pu ana me ke komisina moohelu waiwai. Ma ka Poakahi iho nei i halawai ae ai lakou no ke kamailio ana maluna o kela ku- muhana. Mamuli o na mea hookaumaha i kona noonoo, i lawe okoa ae ai kekahi Kepani nona ka inoa o Na- kamoto, o ke alanui Lunalilo i kona ola iho, ma ke kakahiaka o ka Poa- kahi iho nei, ma ke ki ana no iaia me ka pu panapana a make. Ma ka Poaono aku nei i hala, i hoea mai ai ke komisina o ka Lu- nakanawai Kaapuni John R. Desha, a imua o ka Lunakanawai Kiekie Antonio Perry ma ke kakahiaka o ka Poakahi iho nei, i lawe ae ai oia i kana hoohiki oihana, no kona kau hou o ka paa ana i ko kulana lunakanawai no ka aha kaapuni ekahi. Mamuli o ka loaa ana o ke kui- kahi o na manao, i hooholoia ai, ma ka la 14 o ka mahina ae nei o Aperila, e hooloheia ai ka hihia o ka Puuku Kulanakauhale D. L. Conkling no ka hewa Iawe i ka waiwai i haawiia aku nana e ma- lama. Ma ka mokuahi Haleakala o ka haalele ana iho ia Honolulu nei no Hilo, i huli hoi aku ai ka Rev S. L. Desha no Hilo, mahope o ka hoohala ana i kekahi mau la pokole ma keia kulanakauhale, no ko anaina hai- pule hoomanao o ke Keikialii J. K. Kalanianaole, ma ke Sabati iho nei. Ma ka Poalua iho nei, i piha ai na makahiki o ka noho mare ana ia Mr. ame Mrs. W. O. Smith, i ke kanalima, me ka malamaia ana ae o kekahi paina hoomanao ma ko laua home ma kela la. No ke kau ole ia o kekahi kukui ulaula mahope o ke kaa o kekahi Kepani ke kumu o ke alualu ana aku o na makai ahiki i ka loaa ana o kela Kepani, eia nae he ekolu galani okolehao o ka loaa ana aku maluna o kona kaa, a paa mai kela Kepani i ka hopuia ma ke kakahi- aka iho nei nei o ka la Sabati, no ke ku-e i ke kanawai hookapu wai- ona. HOOHANOHANO MAU NA MA- KUAHINE KAU LEI. E kuu Solomon Hanohano: — E oluolu hou mai oe ame kou mau keiki huki pe'a, ina he rumi kaa- wale kekahi o ko'u makemake e loaa aku na mea oiaio o ka nee ana o ka home o na meaai Hawaii, nolaila ua hiki ole ia'u ko alo ae i ka hoike ana ae i ke akea i na mea oiaio e kau ae la maluna. Mai ka hemo ana o keia home ahiki i keia manawa, e ike mau ana au i keia mau makuahine i na hora o ke kakahiaka, a i na hora o ka aina awakea. Kekahi e haawi mau ana i na manao maikai a hoolana pu mai, o kela kulana Hawaii oiaio o ka makua i ke keiki e puka mau ana keia olelo aloha kakahiaka nui oe e Mokumaia. Mai ke ku ana o keia home ahi- ki i keia manawa aole la ha'o i ko lakou maka, ua hala aku ko'u wahi hulu makua a o lakou nei ka poo na lakou e pani ma ia makalua, a o ka'u pule e hoomauia ko ka kou hui ana i na manawa apau. Owau no me ka han haa. J. K. MOKUMAIA.


	KA AELIKE PILI I KA WAIONA. Ua hoopukaia ae e ka Akena Hookapu Waiona John Bar- rett ma ka pule aku la i hala kekahi manao, no ka hanaia ana o kekahi aelike mawaena o kona keena ame ke keena o ka Ilamuku Amerika Oscar P. Cox, no ke ano e hopuhopuia aku ai ka poe ku-e i ke kanawai hookapu waiona, e hoea mai ai i ka wa e kaa ai ka waiona malalo o na luna oihana fede- rala. Ua ikeia ka pololei ole o kela manao ae la, mamuli o ka hoike okoa ana ae o ka Ilamuku Amerika Cox i ke akea, aohe aelike ana i maopopo i hanaia mawaena o kona keena ame ko ka Akena Barrett; o ke Kapena Makaikiu John Kellett kekahi i hoole pu ae, i ka hanaia ana o kekahi aelike o kela ano me ia ; ina pela i'o ka mea oiaio, alaila hookahi mea mao- popo loa ke koho aku, he aelike hoonuinui wale iho no kela ma ka aoao o John Barrett, i kaana like ia ai na mahalo, no na hana hopuhopu waiona i hookoia e ka Ilamuku Amerika Cox, mawaena o laua; aole hoi e kaa wale no na mahaloia i ke keena o ka ilamuku Amerika, a hapa ka mahaloia o kona keena, ke keena i ili mai ai ke ko'iko'i o ka hooko ana i ke kanawai hookapu waiona. No na hana hopuhopu waiona a ka Ilamuku Amerika Cox, i hooko aku ai iloko o na la kakaikahi wale ae nei no i hala, aole ia no ke kaili ana mai i ka mahaloia, mai ia John Barrett mau a mai kona poe kanaka mai paha, aka mamuli no o kona ike iho, he hana ia i pili loa aku i kana oihana, ma ke ano he luna oihana federala ; a o kona kikoo ana aku no ke kumu i kahe mai ai o ka waiona, mamuli no ia o kona manaoio ana, pela wale no e hapa ai ka loaa ana o ka waiona, i ka poe hakihaki kanawai. Aole a kakou mau mea ano nui i ike ai, mai ka manawa i hoea mai ai o John Barrett no Honolulu nei ahiki i keia ma- nawanawa, koe wale no ka hopuhopu ana o kona poe kanaka, i ka poe kuai waiona, ka hana no i lawelawe mau ia mamua aku o kona hoea ana mai, a e hooko mau ia nei no e na makai i keia manawa. Ina ma na wahi puhi rama na kanaka oloko o ke keena hookapu waiona e hookolo ai, a e hapa mai ko lakou noonoo nui ana maluna o na wahi e kuaiia nei, a e inuia nei o ka waiona, he mea oiaio loa, e hapa mai ana ka loaa ana o ka waiona ma keia mua aku; aka o ke kii ana ma na lala wale no e pa'ipa'i mai ai a koe no ke kumu, e mau ana no ka omu'o ae o na lala hou, me ka ikaika o ko lakou ulu ana aku ; e hele lanakila ai kela poe hakihaki kanawai, malalo ponoi o na ihu o ka poe e hooko nei i ke kanawai. Ina i makee o John Barrett, i ka mahaloia aku o kona inoa, alaila e hoouna aku oia i kona poe kanaka, a i ole e komo maoli aku oia ma na wahi apau, e kau ai ka weli i ka poe puhi rama; aole hoi o ka inoino iho o ka manao, no ka hana ana o kekahi luna oihana federala okoa aku, i ka mea oi ae, mamua o kana i hana ai. E NAAUAO KAKOU E PONO AI. Ke ike pono nei kakou, i ka pilikia mawaena o ka meia ame na hoa o ka papa lunakiai o ke kulanakauhale . a kalana o Honolulu nei i keia mau la, a ma ka lakou mau oleloike imua o ka aha, no na hihia o kekahi mau lunakiai, aohe a kakou mau hoohewahewa ana, no ke ku kaokoa loa o kekahi puulu mai kekahi mai, me ka hoao ana e ili aku na ahewa ana maluna o kekahi poe, a e kaa ka mahaloia maluna o ke- kahi poe. He oiaio ka kekahi mea i hoakaka ae ai, no ka hoea ana mai i ka manawa e lawe kaokoa ai na makaainana, i ka mana iloko o ko lakou mau lima, a wae ae i ka lakou mau moho ponoi no na kulana oihana kulanakauhale, me ke kapae ana i na aoao kalaiaina ma kuono, mamuli o ke ku a hoowahawaha maoli i ke ano o ka lawelaweia ana o na hana o ke aupuni; o ka hiki ana nea ke hooko aku ia manao, he mea pohihihi no ia, oiai na aoao kalaiaina kuloko o kakou e ku nei, me ke kaa ana na na aoao kalaiaina kuloko e wae ae a e koho aku i na moho e holo ana no na kulana oihana. Aole he pilikia o na aoao kalaiaina; aia ka pilikia maluna o ka poe i kohoia aku ai, no ka lawelawe ana mai i na hana no ka pono o ka lehulehu; nolaila, ua lilo na pilikia a kakou e ike nei i keia mau la, i mau haawina a'o maikai loa na ka- kou e lawe mai ai a malama, ma ke kapae ana ae i ka poe a kakou i ike maoli aku ai no i ke kupono ole, a koho aku i poe kuokoa, a i poe makaukau maoli, me ke kupono, o lakou ka poe na lakou e makaala mai, i na hana o ke aupuni; aole o ka puulu o ka poe loea kalaiaina, ka poe i hoopaaia malalo o na loina o ko lakou aoao kalaiaina iho. Ke pii mau nei ka ulu ana o keia kulanakauhale i na mana- wa apau, elike me na mea oiaio i ikeia no Kalihi, Nuuanu, Wai- kiki ame Kaimuki. I keia mau la iho nei, i lilo mai ai na aiha ma na kiekiena o Palolo ame Kahala ma ke kuai i kekahi hui hoopukapuka waiwai; o keia kekahi hoike oiaio loa, no ka papalua iho o ka nui o keia kulanakauhale, ke hala he mau makahiki mahuahua ma keia hope aku. Mamuli o ka nele o na wahi kiekie o Honolulu nei i ka wai, pela ka nui o ka maloo e pahola nei ma na wahi apau, i ulu ae ai ka manao iloko o kekahi poe o keia kulanakauhale, he o aku ka pono ia Kaualoku Kauahikaua e hawanawana koke aku i kona akua, e hoawiwi mai i ka haule ana mai o ka ua i pau ae ai keia pilikia e pahola nei maluna o na kanaka. E ole ka Ilamuku Amerika Oscar P. Cox e komo aku e ho- puhopu i na wahi puhi rama, me ke kokua ana aku o ke Ka- pena Makaikiu John Kellett iaia, akahi no a ala mai ka hia- moe o ka Akena Hookapu Waiona John Barrett, me ka hoo- maopopo ana, o ka unahi wale no o na hana hakihaki kanawai kana o ka hoomaneoneo ana i na la aku nei i hala, a koe no ke kumu o ka waiona e kahe mai ai. O kela kaha keokeo loihi i kauia ma ke kihi o kekahi mau alanui o kela kekahi o na mea maikai loa i hanaia, no ka hoo pakele ana i na kaa mai ka hooku'i ana, a no ka hoawiwi ana i ka holo ana o na kaa ma na kihi alanui, kekahi o na pilikia nui i ike mau ia, mamua aku nei. Maluna o na ninau pohihihi apau, e loaa no na buke no na haina o kela mau ninau, ke hele ae ma ke keena waiho buke o ke aupuni. .	HAINA NANE. Mr. Lunahooponopono Anoai hou kaua:— Eia no i ka ehu kakahiaka, owala no ke kiwi o kuu wahi pipi Bogotohon; i ka ike ana iho la no i ke kae'ae'a o ka pali kapu o Keoua, me kahi laau hele pu me ke kanaka. Loaa i ke ahe a ka ma- kani. Heaha no hoi ka olelo pololei ole iho, loaa i ka welelau lima, eia no ke kaona o ko nane; a nau no ia e nana maikai mai, i ka paeaea ana a kamalii, ma ke kelepona. He aloha kuu puu ohai, Ioaa i ka welelau lima, Elima kai a'u i ike, Ma ka moana mai o ka hema, Hemahema no oe i ka'u ike, Ka wai kau mai i ka maka o ka opua. He aiwaiwa oe, he keiki hoopa- pa, no na lae makawalu o na Kona, aloha no ka iwi o Heneli, ina paha hoi oia keia wahi laau kupanaha, au eia nae hoihoi iho la no oe a ko pou ihu; nolaila aohe e ekolu poohina ana, hiki aku au imua ou mo kahi ko'ikahi, pau ou mau lima a'u i ke kalaiia. He aho hiloa ia, na ko'u ma- kuakane i a'o mai ia'u, i na la no e lei ana i ke pohue, a penei: Hoopapa iho la ko keiki uuku mo ke kanaka makua. Ohi ae la kanaka makua i na laau apau, aohe aau i koe, a hua a pane loaa ole, make e ke keiki. E pane ana, wahi a ke keiki, oaa auanei hoi ka oukou ka ke kanaka makua a loaa ole ka'u, a kukulu ae la kahi keiki i kana wahi laau, o ia no ka manamana nui o ka lima, hemo kahi ko'ikahi a kalai iho la no i kana wahi laau, o ia hoi ko laau e balala ho maiao. Ole laau ia la; ola aku la ke keiki a pehea ke kaikamahine o ka Ua Komaliu, e balala. Ke huli hoi nei a ua ahiahi, i ka ulu lanatana lau kalakala. SAIONALA, Lou hewa mai la na kiwi o Bogo- tohon i ka lanakana, a ke mama la ua wahi pipi nei i ka holo, i kau a mea o ke kalakala i na kuku ooi, aohe wahi mea a lihi Iauna aku i ke ao aina. Huli hou ia mai! — L. H. HAINA NANE. E Mr. Lunahooponopono o ke Kuokoa, aloha nui kaua: — E oluolu mai kou ahonui no'u hoi kauwahi kaawale o ka hiwahiwa a ka lahui, no ka'u haina o ka nane a ke kai- kamahine o ka ua Umemalia, o ia hoi: Kuu lau manu i ke kai, kuu lau manu i ka wai he ono ka lepo o keia mau lau manu a'u. Haina. He DALA. Kuu lau manu i ka lewa, kuu lau manu i ke kula, e okuu ana e o-i ana e kiei ha-lo ana, no ka ono o kela lau manu a'u loaa au ilaila. Owai au i ka mahele elua? Haina. DALA KINI, manu aeko. Ka manu e okuu ana, e o-i ana e kiei ha-lo ana i ka lau manu i ke poo o ke kanaka. Me ka lana o ko'u manao ua loaa pono aku la na lau manu a ke kaikamahine o ka ua Amemalie i ke kaikamahine, o ka heewai-pue- one, a Kona kaiopua i ka Ia'i, opua hinano i ka malia. Me na keiki o ka papapa'i ko'u welina, mo ka Lunahooponopono ko'u aloha nui. M. K. P. Kaahumanu Girl Ua poho wale mai la kou manao lana no ka mea, aole ilaila na lau manu a olua; aka eia iho no ke pili wale ae la ma kuono. Huli hou ia mai!— L. H. HAINA NANE. Mr. Lunahooponopono o ka Nu pepa Kuokoa; Aloha oe:— E noi aku ana au i kou oluolu, ina he koena kaawale kekahi o ka hiwa hiwa a kaua, no'u ia keena no ka haina o ka nane a ke kae 'ae 'a o ka pali kapu o Keoua, e i ana pe- nei: Kuu wahi laau hele pu me ke kanaka, loaa au i ke aheahe a ka makani. Penei au e loaa ai ke hoomaopopo oukou i ke kaona. O oe ka'u i lohe aku nei, Ma ke kelepona hui ai kaua, Na ka uwila la i lawe mai nei A loaa i ke ahe a ka makani. Ina aole maopopo ke kaona aole au e loaa ia oukou ekolu poohina ana. Haina. HAU. He hau ka laau hele pu me ke kanaka ma na wahi apau a ke ka- naka e hele ai, e hana ai, e le'ale'a ai; o ia ka hauoli. Hauoli ke kanaka i ka hele ma- kaikai, hauoli ke kanaka i ka paa o kona lima i ka hana, i ola nona me kona ohana, hauoli ke kanaka i ka nana i na le'ale'a like ole. Ina na kapeke ka haina maluna ae, mai ka haina e waiho la ia oe e Mr. L. H., oluolu e huikala mai. Ke haawi aku nei au i ko'u hoomai- kai ame ko'u aloha nui ia oe, na

Nuhou
Kuwaho

LADANA, Mar. 21—Ua hoikeia
mai ma ke kelekalapa he ola'i i
keia la maloko o Adalia, Asia Uuku.
He umi-kumamalima poe i make,
wahi hou a ia lono.

WAKINEKONA, Mar. 21—Ua hoi mai ka Peresidena me Mrs. Coolidge me ka laua keikikane John, i keia la mai Plymouth Vt., mai kahi a lakou i holo aku ai noi ka akoakoa pu ana aku i ka hoolewa o ka makuakane o ka Peresidena.

NU IOKA, Mar. 21—Ua make i kekahi kaa otomobile i keia la o Alfred F. Hamlin, ke kanaka i kaulana mawaena o na lahui he kanaka kahaku hale a he mea kakau moolelo kaulana ma ka manawa ana e a'e aku ana i ke alanui o ke kulanakauhale a hookuiia mai oia e ke kaa.

BUENOS AYERS, Mar. 21—Ua loaa ke kino make o ke Col. Carlos

Pereyra Rozas, i noho peresidena

ai no elua manawa no ka aha senate i keia la e lana mai ana ma ke alo o ka muliwai makai aku o Laplata. Ua nalowale o Rozas he

umi la i hala mailuna aku o kekahi

mokuahi o ka muliwai e holo ana no Monte Video.

MADRID, Mar. 21—O ke aupuni Sepania i kukuluia ae i keia manawa na hoea mai ia no ka noho ana no ka manawa i maopopo ole, wahi l a ke Kuhina Nui de Rivera o ka hoakaka ana ae ma ka manawa o kona launaia ana aku. "Aohe ma-kemake o ke aupuni i na hoololiloli kalaiaupuni," wahi ana.

PARISA, Mar. 21—Nui ka hopohopo o na kanaka heihei moku no ko Alfred J . Gerbault palekana, ke kanaka i holo aku ai maluna o ka moku oia hookahi walo no. Ua Kaalele iho kona moku heihei ia Galapagos elua mahina i hala aku a i nei manawa ua oi aku na la e hoea aku ai oia i Tahiti aohe nae he lono i loaa mai.

HAULE HE POHAKU NUI

ILUNA O KEKAHI HALE

I kekahi lua liilii (cesspool) e hoo-
pa-huia ana ka pohaku ma ko ala-
nui Umi-kumamaha ma Kaimuki ma
ka Poaono aku la i hala ua lele
mai la kekahi pohaku nui o aneane
elima haneri paona ko kaumaha, a
kau pono iluna o kaupaku o ka
hale o Mrs. Kaaikaka ma ke alanui
Umi-kumamakolu a puka kaupoku

o ka lanai.
Mawaho ka o Mrs. Kaaikaka o

ka lanai kahi i noho ai iluna o ka noho paipai a e hoomoemoe ana

i ka bebe; i ka wa i haule iho ai
ka pohaku iluna o kaupoku ua pu-
iwa loa oia me ka piha pu i ka
maka'u, a holokiki aku la iloko
o ka hale, he mau iniha wale no
ka ka mamao o ke kaikamahine
kauwa mai kahi mai o ka pohaku
o ka haule ana iho iluna o ka
honua, ina no kona pa iho ia po-
haku ina ua loaa kekahi poina.

keiki o kou papapa'i ko'u welina.
Me ka haahaa,

M. H. KA PUA O KA ILIMA.
Waiahole.

Ae, ua kapeke loa mai la kau
haina, no ka mea, aole o hauoli he
laau. Huli hou ia mai!—L. H.

HAINA NANE.

Mr. Lunahooponopono o ke Kuokoa; Aloha pumehana kaua:—Eia hou mai no au me ka haina nane a ke kaikamahine o ka ua Komaliu.

Kuu lau manu i ke kai, kuu lau
manu i ka wai, he ono ka lepo o
keia mau lau manu a'u, o ka mea
apiki nae aole au e loaa ilaila.
Haina. PUA I'A.

Kuu lau manu i ka lewa, kuu lau manu i ke kula, e okuu ana, e o-i ana, e kiei ha-lo ana no ka ono l no o keia mau lau manu a'u loaa au ilaila. Owai au i ka mahele elua.

Haina. PUA-KO, O ia ka inoa o ua kaikamahine nei o ka ua Komaliu.

Nele manu hoi ia la; me ka lana o ka manao ua loaa pono aku la ka inoa o ke kaikamahine o ka ua Komaliu. Ke huli hoi nei ke kaikamahine o ka wai uina o Namolokama, ua ahiahi.

Me na keiki o ka papapa'i ko'u
aloha. Me ka Lunahooponopono
ko'u good bye.

NA LAE HALA O NAUE I
KE KAI.

O ka uuina wale no me ka nakolokolo o ka wai o Namolokama ka i loheia ka halulu, aohe wahi mea a lihi launa aku i ka lau manu a ke kaikamahine o ka ua Komaliu. Huli hou ia mai!—L. H.