Ka Nupepa Kuokoa, Volume LXV, Number 11, 18 Malaki 1926 — E HOOPAKELE I NA KEIKI MAI KE ANU MAI. [ARTICLE]

E HOOPAKELE I NA KEIKI MAI KE ANU MAI.

Xui wale ka poe i manao he wahi ma'i liilii loa ke anu, o na makuahine kekahi i noonoo ole no ke kupilikii ke loaa ka lakou poe keiki i ke anu. He mea ano nui loa ke anu, o ka oi lo ano na bebe. He mea pono e kiai makaala loa ia na keiki opiopio. I ka wa e loaa ai kekahi mea i ke anu e ahewa koke aku ana oia i ka makani, a no ka pulu ana paha i ka ua, i ka wa ino. He hapa wale no keia no ke kumu. Ua loaa mai ke anu mai na anoano ma'i mai. Aia mau na anoano iloko o ko kakou mau waha, ka ihu ame ka puu. Aole no paha he hoopilikia mai o keia mau mea ia. kakou i ko kakou Ava ola maikai, aka ina e loaa ia lakou he wa e uHi ai e loaa ana kakou ika ma'i. O keia ke kumu « pono ai e loaa na ai maikai he nui i na kamalii, nui ka ma* nawa hiamoe, me ka hoopakele ana mai ka makani ikaika mai ame ke kawa-u. E loaa i kau poe keiki ka ea oluolu ame ka holoholo iwaho oka la. E hookaawale no hoi ia lakou mai ka poe ma'i mai, o ka oi loa aku, mai ka poe mai i loaa i ke kunu ame ke anu. He mea maalahi ka malama ana i na keiki liilii e loaa ke qla maikai mamua o ka hoola ana ia lakou mahope 0 ko lakou ma'i ana.