Ka Nupepa Kuokoa, Volume LXV, Number 11, 18 March 1926 — KA ILAMUKU COX MA KA NINAU WAIONA. [ARTICLE]

KA ILAMUKU COX MA KA NINAU WAIONA.

Iloko o na la kakaikahi -\vale aku la no o ka pule i hala, i hooko aku ai ka Uamuku Amerika Oscar P. Cox, i ke kana•wai hook-apu waiona, ma ka hoea kino ana aku me kona mau kokua," no na wahi e puhiia ana o ka waiona ma ka huli Koolau aku nei; a kaa mai la na.meahana puhi rama malalo o kona malu, ma kahi i loaa ole aku ai ka mea hakihaki kanawai, a paa mai hoi ka poe i loaa pono aku, e puhi rama ana, aole nae malaila wale ae la no pau kona hookolo ana mahope o ka puulu o ka poe puhi rama, aka ua loaa pu aku ia punana puhi rama mauka ae nei o Waialae, ma ka Poakahi iho nei. Aole' nae keia o ka manawa mua loa o kona hookolo ana aku mahope o ka poe hakihaki kanawai, aka, mai kona manawa mai no i lawe ae ai i ke kulana ilamuku Amenka, mamuli o kona manaoio ana, o kela kekahi o na hana i kau aku maluna o na luna oihana federala apau ma Hawaii nei. Eia no kā puali malalo o ka akena hookapu waiona o Hawaii nei ke hooko mai nei i ke kanawai waiona, o ka hapanui o ka lakou hooko ana ma na wahi e inuia ana o ka waiona, e kekahi puulu, a ma na ulia pomaikai wale no i hoea aku ai kela poe, no kahi e puhi maoli ia ana o ka rama. Aia he'like ole nui, ma kahi o ka hopuhopu ana i ka poe puhi rama ame ka poe kuai a inu waiona, a i ko ka Ilamuku Oscar P. Cix hookolo maoli ana aku mahope o ka meheu o ka poe puhi rama, a no na punana hoi o ka waiona; ua kikoo aku oia i ke kumu oiaio loa e hoea mai ai i ka pau an'a o ka loaa ana o ka waiona i na kanaka. Ina e maloo ana ke kumu o ka wai e kahe mai ai, he mea t>iaio loa, e nele ana na wahi e hooki'oia ai o ka wai; pela lio na mea oiaio loa e ikeia ana no ka waiona. Ke noke mau ia nei ka poe kuai waiona i ka hopuhopu i kela ame keia pule apuni ka makahiki, ke loaa mau nei no hoi ka waiona i kekahi heluna nui o na kanaka; aohe wahi mea a pau iki, a aole loa no ia e pau ana, ke ole e hoohuli hui na luna oihana apau i ko lakou noonoo, no na punana-o aia hana puhi rama apau; a hopu aku hoi i ka poe n?u lakou e lawelawe ana i kela hana hakihaki kanawai. Me na luna oihana federala e hooko pono ana i ka lakou hana; pela pu hoi na kanaka apau iloko o ka oihana makai, hooko pu ai i ke kanawai, ma. ke ano kui'o, aole loa he kanalua iki ke olelo ae, e hookauia aku ana ka weli maluna o ka poe puhi rama apau; a maluna oka poe kuai waiona, ka mea i loaa ole ia lakou i keia manawa. Aohe kumu nui e ae e lako nei kekahi mau wahi i ka waiōna, a e lako nei no hoi kekahi poe ia mea, mamuli no ia, o ka malaelae o ke alahele no ka poe puhi rama e lawelawe ai i ka lakou hana hakihaki a ku-e kanawai; aka nae, ina e laweia ae ana na keehina kuoo, a hooko aku i ke kanawai, ma ke ano, e 'hiki ole ai e nalo kela hana, alaila e hoea i'o mai ana i ka wa a kakou e olelo ai, e nehoalii mai ana ka maluhia ma Hawaii nei, a e konoiatmai ana ka poe puhi rama maanei nei, e huli aku i inau oihana hou na lakou e lawelawe ai. !