Ka Nupepa Kuokoa, Volume LXIV, Number 44, 29 October 1925 — Nuhou Kuloko [ARTICLE]

Nuhou Kuloko

Ma ka Poakahi iho nei, i noho ae ai ka halawai makahiki a ka ahahui o na wiliki ame ka poe pu-hi-ko o Hawaii nei, no ke kukakuka ana maluna o kekahi mau kumuhana ano nui, i pili aku i ke kulana holomua o ka oihana kanu ko ma Hawaii nei. No ka lilo o ke kiekie o ka Puo'a Aloha, i kumu like ole o na manao o kekahi poe ko'iko'i o ke kulanakauhale nei, i hoakaka ae ai na hoa o ka ahaolelo kuloko aku la i hala, ma o ka Peresidena Shingle la o ke senate ame ka Lunahoomalu o ka hale o na lunamakaainana, no ka lokahi ana o ka ahaolelo, e hooi aku i ke kiekie o kela puo'a mamua o na hale kiekie apau o Honolulu nei. O na makana a ka Ahahui Kalama i haawi ae ai no na mea hulahula oi aku o ke ohohiaia, ma ke ano o ko lakou mau lole e komo ana, ma ka hulahula i malamaia ma ka po aku nei o ka Poaono i hala, maloko o ka Halehui Phoenix, ua kaa ka makana helu ekahi ia Norman Markham ame Mrs. Kudith Moto, kona pakana, a ia Manuel T. Silva ame Mrs. Allie Dripchard kona pakana, ka makana helu elua. He meaono keia mau makana a elua, me ka loaa pakahi o ka meaono i na kane elua ame na wahine elua. He La no ka Oihana Kaua Moana ka Poalua iho nei, me ka hoohalaia ana o kekahi mau hora o ke kakahiaka o kela la, ma ka hoikeike ana o na mokulele ame na mokuluu, i kekahi mau hana hoopihoihoi noonoo, maloko ae nei o ke awa. Nui na leka ninau i hoounaia mai i keia keena no ke kumu i hoopuka ole ia aku ai na haina ninau Baibala a kekahi poe o ka hoouna ana mai, eia no ka haina, no ka hele no a kupa'i o na haina e waiho nei, a me ka hoopuka liilii wale no e hiki ai ke hoopukaia aku i kela ame keia manawa, elike me kahi kaawale o ka nupepa e loaa ana.

Mahope o ka hoohala ana i kekahi mau la lehulehu ma Hawaii nei, e huli hoi aku ai ka Lunamakaainana S. W. Dempsey o ka ahaolelo lahui ame kana aliiwahin e no Amerika maluna o ka mokuahi PereBidena Taft, ma keia la. Maiwaena mai o ka elima miliona hua oopu a Kauka Ishikawa o ke Kula Nui o Tokio, o ka law e ana mai me ia ma ka Poaono aku nei i hala » « waiho iho ana oia he elua miliona me elima haneri kaukani mau hua oopu, no ka hoolako ana ma na wai o Hawaii nei, a. o ke koena e lawe loa aku ana oia no Amerika. Mamuli o ka ae ana o ka poe e noho nei ma Kaakaukukui, aole e ku-e aku i ka hoopii kipaku a ke aupuni i hookomo ae ai iloko o ka aha hookolokolo ia lakou, i haawiia aku ai i eono mahina no lakou e noho hou aku ai, mamua o ke ku ana a hele mailuna aku o na aina o ke aupuni. I kulike ai me ka mea ana ua, o ke kuaua i haule iho ai ma ka po 0 ka Poaono aku nei i hala, pela ma Po o ke Sabati, kekahi mau kuaua ko'iko'i loa, i ikeia iloko o keia makahiki. No ka piha loa no o ka nupepa 1 kei * P u le, T el a i hoopaneeia ai ka hoopuka ana aku i keka-hi mau manao i kakauia mai e na makamaka, a no keia pule ae. He kaihuakai hookahakaha ka ka ahahui malu Elkg i malama ae ai m a ka Poaono aku nei i hala, me ka hookomoia ana he 33 mau lala hou iloko o kela liui ma-lu. Eia no k e waiho mai nei ka hihia oka Puuku D. L. Oonkling, oke Kulanakauhale a Kahna o Honolulu nei, iloko o ka aha-me ka hoolohe ole ia. Mahope iho o ka nanaia ana o ke kulana o ka luakini Kakolika MaMe o ka Malu, e ku nei ma ke alanui Papu me Beritania, i haawiia ae ai ke kauoha e ke keena lunahana kukulu hale 0 ke kulanakauhale, e paniia kona mau ipuka no na hana hoomana, a e lawelawe koke ia aku na hana no ka wehewehe ana i na wahi i popopo o kela hala. Ma ke kahua kinipopo o Kamoiliili, ma ka auwina la o ke Sabati aku la i hala, i kaa ai ka lanakila o ka hookuku kinipopo peku wawae mawaena o ka Healani ame ka hui o k e taon» nei, ika hui o ke taona me na helu he 33 i ka 7.