Ka Nupepa Kuokoa, Volume LXIV, Number 44, 29 October 1925 — WAIHO I KAEA NA IWI O KAMAHELE. [ARTICLE]

WAIHO I KAEA NA IWI O KAMAHELE.

Ma ka auwina la o ka Poakahi la 19 o keia mahina o Okatoba A. D. 1925, i pauaho mai ai o Mrs. Mag£ie Kawelu Akana a i kapa hou ia o Mrs. George Makea i keia ola honua ana no ka ma'i puuwai iloko o na pokole loa haalele iho la i ka mea aloha he kane ame ka ohana i ka ukana luuluu he puolo waimaka na lakou e paiauma aku ma keia kae o ka muliwai eleele o ka make mau loa ahiki i ka la a kona Haku e hoala hou mai ui iaia. Ua hanauia o Mr». G. Makea ma Waihee, i na lae makawalu o Koolaupoko Oahu, mai ka puhaka mai 0 Mr. Akana kona makuakane a koe aku ka inoa o kona makuahine 1 ka meakakau ma ka la 10 o Okatoba A. D. 1882, a o ka piha ana hoi ia 0 kona mau makahiki ke 43 ame 19 la. Ua hoohuiia oia ma berita maemae o ka mare gula me George Makea o Kipahulu, ma ka la 30 o lune A. D. 1917. 0 kona la i pauaho mai la i keia ola honua, ana, o ia ka piha ana o ko laua mau la iloko o ka mare i ka 8 makahiki 3 mahina ame 19 la. He malihini o Mrs. Makea no ka makani kaili aloha o Kipahulu nei, aka no kana mau hana maikai a ku i ke aloha ma ko ke kino ame ka ka uhane, na ia mau hana maikai i hapai ae iau ma kekahi kulana kiekie iloko o ka oihana haipule. he lunakahiko wahine no ka ekalesia hoole Pope o nei, a hoa paahana pu no ka Rcv. Mrs. Aliee L. Kahokuoluna iloko o ko ke Akua aupuni. Ua malamaia kona anaina hoolews* ma ka luakini o Palapalahoomau e ka Rev. Mrs. Aliee L. Kahokuoluna malalo o ke poomanao alakai ma'ka buke elua o Samuel, mokuna 1: pauku 10. O ka nani o ka Iseraela ua pepehiia o ia maluna o na. wahi kiekie ou; "Ka i' ka haule ana o ka poe ikaika!" He ku i ke anoano ame ka eehia ka haiolelo hoalohaloha a ke kahunapule wahine imua o ke anaiua no ka mea i hala mao. L r a hookuuia ke anaiua hoolewa ma ka halelua o ka mea i hiamoe (make) ma ke meleia ana o ka himeni, Ma ka lani kuu hom e e maha mau ai. Ma kekahi o na la i aui aku la ua nui na hauwawaia ae e liuli hoi aku ana ka mea i hala aku la me kana aliikane uo na pali hauliuli o Koolau Oahu, kona aina hanau a o kalii hoi o kona ohana e noho mai la, aka ua ko ole nae ia inau upu ana a o ia ka ka meakakau i hoomanao ae ai i ka olelo a ka poe kaliiko, "Waiho i Kaea na iwi o Kamahele" Eja ka Buke Nui ma loba. mokuna 7: paukū 8-9-10 penei: O ka maka o ka mea i ike ia'u aole oia e ike hou ia'u. Maluna o'u ko'u mau maka, a e ole auanei au, Elike me ke ao e nalowale ana a e hele aku ana, Pela no ka mea e iho ana i ka luakupapau, Aole ia e ea hou ae iluna. Aole ia e hoi hou i kona hale, Aole hoi e ike hou kona wahi iaia, Nani wale ka hiamoe o ka poe pono iloko o ka maluhia me ka ike ole i na ehaeha o keia ola ana. Eia hoi ka ka noeau Solomo- ! na. 0 ka wahine nolio pono he papalealii oia no kana kane. He mea ehaeha no ka ohana ka ike ana iho ma ka nupepa, o Mrs. Makea ua hala mao. Ua hala ka puulena aia i Hilo, Ua imi aku la ia Papalauahi. Ua hala ka la ua hala ma ke kua o Lehua, Kuu ka maluhiluhi o ke ahiahi, Moe okoa no Kāuai aia iluna ka la. Me ke aloha i ka Lunahooponopono, ame na keiki o ka papapa'L GEO. W. K. KAMAKANIKAILIALOHA. Kipahuiu, Maui, •+« Iwaena o na haina nane ame na haina ninau Baibala e waiho nei ma keia keena i keia manawa, aole he hookahi o kela mau haina i pololei., ua pau wale no i k alalau.