Ka Nupepa Kuokoa, Volume LXIV, Number 44, 29 October 1925 — Haule he Kaa i ka Pali Pakele Mai Nae na Ola Ma ka Alanui Holopuni Kamehameha ma ka Huli Koolau Kela Ulia HOPUIA KE KIAKAA NO KA LAIKINI OLE Hoopakeleia Nae ke Kaa a Koloia Mai no ke Taona Nei e Hana Hou ia [ARTICLE]

Haule he Kaa i ka Pali Pakele Mai Nae na Ola

Ma ka Alanui Holopuni Kamehameha ma ka Huli Koolau Kela Ulia

HOPUIA KE KIAKAA NO KA LAIKINI OLE

Hoopakeleia Nae ke Kaa a Koloia Mai no ke Taona Nei e Hana Hou ia

| Mamuli o na ulia pomaikaij i lioopakeleia mai ai na ola o kekahi poe eha mai ka make mai, i ka manawa i haule ai o ko lakou kaa otomobile e kau ana i ka pali, me ke kuwalawala aua no ekolu manawa, a haule loa aku la iloko o ke kai, ma kahi o ke alanui holopuni Kamehameha e kokoke ana i ka lae 0 Kualoa, e pili 1% me Kaawa, ma ka hora eono o ke ahiahi o ke Sabati aku nei i hala. X kulike ai me ka moolelo o kela ulia poino ,aole he hookahi o na ohua eha c kau ana maluna o ke 'kaa otomobile i eha, a aole no hoi 1 maopopo na inoa o kela poe apau, koe wale no, ka inoa o ka, mea nana e hookele ana i ke kaa otomobile, 0 Ah Hoon ,a i ole o Ah Nee kona inoa. Ma na mea i hoomaopopoia e ka oihana makai, aole he laikini hookele kaa, i loaa ia Ah Hoon, no ia kumu, e hopuia ana oia malalo o ke kanawai, a pela hoi me Ogoso, ka ona nona ke kaa otomobile, no kona ae ana aku i kekahi mea i loaa ole iaia he laikini, e hookele 1 kona kaa otomobile. Ua waiho malie kela kaa otomobile iloko o ke kai ahiki i ka Poakahi iho nei, akahi no a kiiia aku e hoopakele, me ke koloia ana mai no ke taona nei, no ka hanaia aku o kona mau wahi i poino. Mahope koke iho hoi o ka hora umi-kumamalua <f ke awakea o ka Poakahi nei, i hooku'iia ae ai o Park Chung Chu, nona na makahi he 43, e ke kaa otomobile, e hookeleia ana e Seizo Arii, ma na alanui Moi ame Kopke, me ka nui o na palapu i loaa ia Park Cliung Chu, a ua hoihoi awiwi ia mai oia no ka lapaauia aku maloko o ka halema'i o na poino ulia, a mailaila i hoihoi loa ia aku ai no ka Halema'i Moiwahioe.