Ka Nupepa Kuokoa, Volume LXIV, Number 42, 15 ʻOkakopa 1925 — Make Elua Mau Kanaka Mahope o ke Ki Pu Ana Ala Kela Pilikia no ke Ano o ka Mahele Ana i na Dala a Laua HOOKAHI I MAKE ME KA HIKIWAWE LOA Maloko o ka Halema'i i Make ai Kekahi he Mau Hora Mahope Mai [ARTICLE]

Make Elua Mau Kanaka Mahope o ke Ki Pu Ana

Ala Kela Pilikia no ke Ano o ka Mahele Ana i na Dala a Laua

HOOKAHI I MAKE ME KA HIKIWAWE LOA

Maloko o ka Halema'i i Make ai Kekahi he Mau Hora Mahope Mai

Mawaho ae nei o Niu, ma ke Sa- 1 bati aku la i hala, 1 halawai ae ai hookahi kanaka Hawaii nona ka in«A o John Heihei me ka make, mamuli o ke kiia ana e kekahi Kepani o T. Fuchida ka inoa i ka pu, a maloko hoi o ka Halema'i Moiwahine, ma ka po ana iho o kela Sabati, i make aku ai kela Kepani, mamuli o na palapu i Joaa iaia, mai ka pu aku a John Heihei. He lawai'a ka hana a kela mau kanaka a elua; a o ke kumu o ke ala ana mai o ke ki-pu mawaena o laua ,o ia no ko laua hoopaapaa ana no na mea pili dala mai ka uuku mai ahiki i ka nui okoa ana, me ka hoohana okoa ia ana 0 na pu a laua. Ma kahi moolelo uuku i hoikeia ae no ke ala ana mai o kela pilikia mawaena o John Heihei ame Fuohida; ua loaa nui ka i'a ia laua ma ka Poaono mamua aku, me ka hooliloia ana o na i'a apau, ma ke kuai. Ma ke kakahiaka o ke Sabati mai, ua hoea aku la o Heihei, no ka home o Fuchida, no ko laua kamailio ana, no ke ano e mahele ai na dala a laua. Ma kela kamailio ana, i ala ae ai na manao llke ole mwaena o laua, mai ka liilii mai 0 ko laua mau leo ahiki i ka nui ana, me ka holo okoa ana o John Heiilei e kil i kana pii ana kona hale, a i kona hoea hou ana mai, 1 ki aku ai oia ia Fuchida, a weluwelu ka aoao o kela Kepani. Aole nae i make koke kela Kepani ia manawa, aka ua nui ka poino i loaa iaia, me ka nana ole ae nae i kela poino, ua hooikaika aku la oia e kii i. kana pu, a i ka loaa ana, ua hoomaka mai la oia e ki ia Heihei, a ku mai la ka poka, ma kahi e make ai oia he manawa pokole mahope mai. TJa loheia ke kani ana o na pu elua e ka poe e noho kokoke ana ma kela wahi, a ia lakou i holo mai ai, ua loaa mai.la na kanaka elua e waiho ana mahope aku o ka hale o Fuchida maloko o ka pa; e kamau ana no nae ka hanu ola iloko o Fuchida, aka no John Heihei nae ua niake loa oia. Ua hoihoi awiwi ia o Fuchida, noloko O' ka halema'i, no ka lapaauia mai o kona mau pala-pu, a iaia ma ka halema'i i pohala ae ai oia, a hoike ae la i ka moolelo pokole, e pili ana i ke kumu o ke ala ana mai o ke ki-pu mawaena o laua, elike me ia maluna ae la, a ma ka po ana iho ma kela la, i make loa aku ai oia, no ke kukonukonu loa o na poino maluna o kona kino.