Ka Nupepa Kuokoa, Volume LXIV, Number 42, 15 October 1925 — Nuhou Kuwaho [ARTICLE]

Nuhou Kuwaho

FEZ, Oct. 7—Aia na pualikoa Palani ame Sepania ke hoouka kaua piha mai la i keia manawa mahope o ka hoopuni holookoa ana mai ka apana Kifane Ajdir a i ka mahele komohana o ke kahua kaua o Ab* del Krim, ke alakai kipi. Me he mea la ua lawe na pualikoa i kekahi mau kahua paa mau mamuli o na kuaua i hoomaka ma ka haule ana. TOKIO, Oct. 7—Ma ka la 11 o Novemaba e holo aku ai ke Dr. Chiyomatsu Ishikawa, kekahi o na elele Kepani e akoakoa aku a&a ma kekahi ahakukakuka. Pān Paeiile Fisheries e noho ana ma Honolulu mai Yokohama aku me 400,000 mau hua ia Ayu, (he ano oopu noloko o na muliwai) no ka hoolaha ana aku ia mau hua ia ma na kapakai o ka Pakipika. EOME, Oct. 7.—Ua hoopauia aku e ka poo nui o ka Hui Malu Freemason ma Italia na hoa o ka hui j ma-lu apau e hana ana maloko o ke kulanakauhale o Florence mamuli o na paio ana a na lala o ka hui ma-lu me na lala o ka hui Paci«ti ma ka po Poaono maloko o Florence. Malalo o keia hqopau ana o na lala o ka hui ma-lu apau e noho ana maloko o Florenue ua' manaoia lakoa ua haalele mai i ka hui malu. TOKIO, Oct 7.—Hakaka na koa malalo. o ke aupuni Canta>n me na koa kipi i alakaiia e Gen. Chen Chung-Ming ma kapa o kA Muliwai Kwontung ma kekahi manawa kokoke aku ūei i-hala. Ua lehulehu na ola i poino ma na aoao a elua. i hoikeia mai. Ua hoopaneo ke kPmite hooponopono i kē olohani ma Canton i na kukakuka ana ma ka la aku la i nehinei no ka hoopau ana i ke olohani ahiki i ka ma ?awa e loaa ai ka maluhia, ma ka mahele o ka muliwai Hikina. Mamuli o ka mea oiaio i ikeia aia kekahi poe kalepa maloko o Hongkong ke kokua mai la i ka poe kipi malalo o Kenerala Chen. WAKINEKONA, Oct. 9—Ua hoolahaia ae la i keia la o ka pu kuniahi hou a nui loa no ke' kupale ana i ke kapakai he 730,000 paona kona kaumaha, he pu o 14 iniha ke anawaena o ka waha a e kau ana maluna o ke alanuihao ke hukiia aku ana mawaena aku o ka aina ahiki i San Diego. He elua mahina ka manawa e hukiia ai ahiki i kona pahuhopu. MELBOUBNE, Oct. 11-7-He umi poe i make maanei i keia auwina la ma ka manawa o ka waapa mahu a lakou e kaHi ana i kahuli ai i ko lakou manawa ma kekahi aoao mai o ke awa Sebastin. He iwakaluakumamalima ka nui o ka poe malihini mai na mokuaina komohana mai. Lehulehu na wahine ame na keiki mawaena o ka poe i make.