Ka Nupepa Kuokoa, Volume LXIV, Number 42, 15 October 1925 — HOOPA'IIA NA KOA I KOMO AIHUE AI I KA HALE O KE KAMALIIWAHINE [ARTICLE]

HOOPA'IIA NA KOA I KOMO AIHUE AI I KA HALE O KE KAMALIIWAHINE

Ma ka noho ana o ka aha hookolokolo koa ma ka Pakaua o KaKuhina William B. Lymer o ka hoila i hala no ka hoolohe ana i ka hihia wawahi hale a aihue o kekahi mau koa eha o ka Papu De Russy ma Waikiki, ua loaa ka ike ia aha no ka pili o ka hewa ia mau koa a ua kauia aku ka hoopa'i paahao maluna o lakou mai ka 2 a ka 4 makahiki e noho ai maloko o ka halepaahao Alcatraz, no ka wawahi ana a komo iloko o ka hale o ke Kamaliiwahine Kalanianaole, a o Mrs. J. Frank Woods hoi i keia manawa, ma Waikiki ae nei, ma na I: hope o ka mahina aku nei o Sepatemaba, a laweia kekahi mau waiwai ame kekahi maū mea hooma-» nao o na alii e ahu ana maloko o ia hale. O na inoa o ia mau koa aihue, oia 0 Grover C. Pfeifer, Marcu» H. Hood, Meuneh ame Coker. Ua pili like ka hewa i keia mau koa apan eha no ka hahaki ana i ka Pauku 93 o na kanawai e pili ana i ke kau.a. O ka Lutanela E. Wilson o ka Papu Kamehameha ka loio ma ka aoao o na koa. He pule mamua aku, no ka ike ana o ka aha hookolokolo koa i ka pUi o ka hewa ia Otto V. Limp ka elima o na koa 1 hoopiiia aku ai no ia hewa like, i leauia mai ai ka hoopa'i paahao maluna ona elua makahiki e noho ai maloko o ka halepaahao ma Alcatraz. ■+++ FEZ, Oet. 9—O Abdel-Krim, ke alakai o ka poe kipi Biffians, i hoopuniia ai e na koa Palani mamuli o ko lakou nee ana mai imua mai Kifane mai no ka akau a o na koa Sepania hoi mai Ajdir mai a i ka hema ua hoikeia mai ianei i keia la na imi aku oia ame kona kaikaina i puuhonua no laua iloko o na mauna. 0 ka mauna Sidi Mohammeā, maloko o na mauna Benairous, kekahi o na mauna .hiki ole ke komo aku maloko • ka lalani mauna Atlas.