Ka Nupepa Kuokoa, Volume LXIV, Number 42, 15 October 1925 — E HOOKOMOIA ANA HE HOOPII NO HOLLINGER AME CUNHA [ARTICLE]

E HOOKOMOIA ANA HE HOOPII NO HOLLINGER AME CUNHA

Ke hele loa aku nei ke kulana o na hana a na lunakiai o ke Kulanakauhale a Kalana o Honolulu nei, iloko o keia mau la, ahiki i ke kokoke loa ana, e hua'i okoa ae ka mea oiaio iwaho, o ia no ka paaniia o ke kalaiaina, e na Demo"karata ame na Repubalika, elike me na hiohiona e ikeia aku nei i keia manawa, no ka hookomo aku, a mai i na hoopii e ku*e ana kekahi i kekahi. Mahope iho o ka haule wale ana 0 ka hoopii, e ku-e ana i ka Lunakiai Ahia; he palapala hoopii kekahi i lawe hele ia ae ma ka Poalua iho nei, no ke kakauinoa ana mai o na mana koho, e kipaku ana 1 na Lunakiai Hollinger ame Cunha mai ko laua noho ana he mau hoa no ka papa lunakiai. Maloko o kela palapala hoopii, 0 hoakaka ana ia i ke kumu e kupono ole ai e hoomauia aku ka nohj ana o na Lunakiai Hollinger ame Cunha, o ia nO ko laua pili i ka hewa, ma ka hoohemaliema ana i ka laua oihana, o ia ka hoea ole ana ae ma kekahi mau halawai i malamaia ai e ka papa, mamua aku neL He hookahi haneii inoa o na makaainana koho baloka i makemakeia e paa maloko o ka palapala hoopii, mamua o ka laweia ana ae o na keehina, e hoopii i na lunakiai 1 oleloia imua o.ka aha.