Ka Nupepa Kuokoa, Volume LXIV, Number 42, 15 October 1925 — KOHU OLE KA HOOHALAHALA I KA LUNAKIAI AHIA. [ARTICLE]

KOHU OLE KA HOOHALAHALA I KA LUNAKIAI AHIA.

Ua puka mai nei ka olelo hooholo a ka Lunakanawai Kaapuni Banks, ka lunakanawai, i hookomoia aku ai ka hoopii hoohalahala e ku-e ana i ka Lunakiai William M. Ahia, no kona kupono ole e hoomauia aku he hoa no ka papa lunakiai o ke Kulanakauhale a Kalana o Honolulu nei; e hookuu loa ana ia Ahia mai kona pili ana i ka hewa ma kekahi ano, elike me ke kanawai e ku nei i keia manawa. Ma ka pule aku nei i hala, i hoakaka aku ai keia pepa i kona manao, no ke kulana oiaio o ka Lunakiai Ahia, no na hana ana i lawelawe aku ai, a i hoopiiia mai ai oia, no kona ku-e i ke kanawai; o ia ka pili ole oka hewa iaia; ua kulike ia manao me ko ka Lunakanawai Banks; e hiki ole ai no i ka poe ike kanawai ole ke hoohewahewa, no ke kaawale loa o Ahia mai kona ku-e ana i ke kanawai, ma kona ano he hoa no ka papa o na lunakiai, ma ka hoolako ana aku ia Fernandes & Co., me na papa ame na meahana e ae, no ke kukulu ana i na halekula, i kaa aku ai ka hana ana malalo o kela mea lawe aelike. Ma ke komo ole ana o ka Lunakiai Ahia iloko o kekahi aelike me Fernandes & Co., no kona hoolako aku i kela mea lawe aelike me ka papa, a mau makaukau kukulu hale e ae paha, mamua aku o ka haawiia ana o ka aelike i aFernandes & Co., ua kaawale loa ka Lunakiai Ahia mai kekahi hewa mai; no ka mea o na hana ana e lawelawe aku ai ho ka mea lawe aelike, aole ia no kona kuleana maoli iloko o ka aelike kukulu halekula, aka ma kona ano he lunanui, no ka hale olopapa ke Johanson Mill, a ua uku wale ia aku no oia e ka mea lawe no kana mau hana i lawelawe aku ai, aole ma ke ano he mahele, a he hapa paha no na puka ame na pomaikai, i loaa aku i ka mea lawe aelike mai ke aupuni kulanakauhale a kalana aku. Uz na hooikaika ana nae ma ka aoao o ka Meia Wilson, |m> ka Loio Kalana Hathaway, a e kekahi mahele o na De- i snokarata, e hookomo aku i ka Lunakiai Ahia iloko o ka pilikia,! |l c hookau aku i ke paheneheneia maluna o na Repubalika,l ttt lele hou aku ka pohaku a lakou i hoomakaukau ai no ha'i, pa ia lakou, e lilo ai keia keehina a lakou i lawe ae ai i kujnu, no lakou e pepehiia ai ma keia kau koho haloka ae e hoea inai ana. Uwoki, na hana oke ano paani politika! Ua ku a hoowaha.waha maoli na mana koho e noho aku nei, a nana i ke ano e ka lawelaweia ana o na hana o ka lehulehu!