Ka Nupepa Kuokoa, Volume LXIV, Number 37, 10 September 1925 — ME KE AKAHELE WALE NO E PALEKANA AI. [ARTICLE]

ME KE AKAHELE WALE NO E PALEKANA AI.

Aole he puie ha'o i ka ike mau ana i na pilikia ame na poino mai na ulia kaa otomobi!e mai, me he mea la, he mea liilii wale no na ulia i hiki ole ai i na ona o na kaa otomobile. ame na kiakaa ke akahele mai i ka hookele ana i ko lakou kaa. Pehea nae tia hooikaika ana ma na aoao o na makai e hooko I ke kanawai i kauia no na kaa otomobile, ina aole e malaiiia mau ia ka makaala, ma ka aoao o ka poe apau e hookele ana i na kaa otomobile, aole loa he manawa e ha'o ai ka loaa ana o na ulia poino; nolaila ua ili aku ke ko'iko'i maluna o lakou, ka hookele ana i ko lakou ame ke akahele. He kaa maalahi loa ke kaa otomobile, ke hoohanaia me ke Icupono,"a e makaalaia ke ano o kona hooholoia ana, a elike me kekahi mau meapaahana e ae iloko o na lima o ke kanaka, ina aole ia e hoohanaia ana me ka polhlei, e lilo mai ana ia, i mea hoopoino i ke ola. me ka halihali ana mai i na hookaumaha ana he nui. Nolaila e malama i ka makaala, i ka hookele anainakaa! O ka poe i hele ae e makaikai i na hoikeike fea i keia makahiki, o lakou ka i hoike ae i ko lakou niau manao, no ka oi loa o ka maikai, ka nui ame ka u'i o na hoikeike o keia makahiki, mamua oko ka makahiki aku nei i hala. He mea oiaio loa ia, elike me ka oi aku o ke ohohia o na kanaka i ka hoikeike Fea. pela auanei ka pii mau aku o ka maikai ame ka nani o na hoikeike i kela ame keia makahiki. O ka holopono o ka lele ana o ka mokulele mai kapalakiko niai ahiki i Honolulu nei aole ia he mea kanalua ma keia mua akii. He oiaio, ua haule ka mokulele oka lele ana mai no Honoiulu nei iloko o ke kai, me ka lohe hou ole ia mai o kona hopena, koe wale no na manao koho aku. ua halawai ia me ka poino; ua iilo nae ka pilikia o kela mokulele.'i mea hoonaauao mai i ka poe kapili mokulele, no kekahi mau makaukau hou ae e pono ai ke hanaia ma na mokulele, i manaoia no na wahi mamao loa. He mau la kakaikahi wale no koe, e kakal'i aku ai, alaila komo kino aku na kalana lehulehu o kakou, iloko o n a hakoko kalaiaina hahana ana, ma keia mahina ae e hoea mai ana. E ao kanaka mai kakou i kela manawa, ma ke koho ana i ka poe a kakou i manaoio maoli aku ai no, he poe kauwa kupono lakou na ku lehulehu, a mai puni wale i na paani politika, a Va poe i hele a loea ma ia ano hana. Mamuli o ka hoopuka mau ia o na manao hoakaka o Mr. L. A. Kakina, maloko o keia pepa, maluna o na kanawai hookapu i'a, akahi no a Joaa ka ike i kekahi mahele nui o na makaainana. o ka oi loa aku na kanaka Hawaii, no ka maikai ame ke kupono maoli o' keia mau kanawai i hooholoia ai, a ua kuhihewa ka lakou mau mea i manao mua ai.