Ka Nupepa Kuokoa, Volume LXIV, Number 37, 10 September 1925 — Page 6

Page PDF (1.52 MB)

View this newspaper issue

Learn more about this Page Text

NA MOOLELO HOONANEA, NA NUHOU KALAIAINA

ME NA NUHOU O KA MANAWA

Nupepa Kuokoa

KE KILOHANA POOKELA NO KA LAHUI HAWAII

AOAO NO NA MANAO PEPA
SOLOMON HANOHANO LUNAHOOPONOPONO

NUPEPA KUOKOA, HONOLULU, T. H. POAHA, SEPATEMABA 10, 1925.

HE HOOMAIKAI.


Nuhou Kuwaho MOKUKAUA, California, Sept. 7 —O kekahi hapa o na mokukaua Amerika, i emi iho malalo o 800 mile ka mamao mai i nei manawa, e holo pololei aku ana no Hilo, oia ka mea i hoikeia mai i keia la. Ke hoolala nei na kanaka kakau meahou no na nupepa ame ka poe makaikai no ka haalele aku ia Hilo ma ka mokuahi Haleakala a ku mai i Honolulu ma ka Poalima. SCARBOROUGH, Eng., Sept. 7.— He elima la o ke kau ahaolelo a ka Ahahui Uniona Kalepa o na Pelekane e noho ai e weheia ana maanei i keia la me 724 mau elele, a he 4,342,982 mau lala, e akoakoa mai ana. FORT ARKANSAS, Tex., Sept.— He mau olelo hoolana manao me ka hoopaa ia lakou no ka haawi aku i ka lakou kakoo ana iaia no kana mau olelo ku-e i na hana a na oiha- na kaua aina ame moana ka ka poe i aloha i ke Konela Mitchell apuni ka aina o ke kelekalapa ana aku iaia. Ua hoole ke Konela Mit- chell i ka hoakaka hou ana ae i kona manao maluna o na pilikia ana i ike ai no na oihana kaua a elua. WAKINEKONA, Sept.7— Ua ka- kaliia ka olelo hooholo a ka oihana kaua e ku-e ana i ke Konela Mit- chell, ahiki i ka hoi ana ae o ke kakauolelo a ka oihana kaua Dwight Davis, ma kona noho ma ka la apo- po. Ua hoike mua ae ke keena kaua i nei manawa ua lilo na manao ku-e o ke Konela Mitchell i na oihana kaua aina ame ko ka lewa i hewn hoikoi loa nona e hiki ole ai ke alo ae. AMOY, Sept. 7. — O na haunaele o kekahi manawa koke i hala aku nei maloko o Foochow aole i koikoi loa a o ka hua o ia haunaele ana o ia ka hoololiia ana o na kinaina o ka oihana koa. He kiaaina i pipili kona manao no Canton ka i paniia aku kona wahi e na ukali o Wu Pei-Fu. He maluhia maanei i nei manawa. LOS ANGELES. Sept. 7.— Ua hoopukaia ae kekahi hoike i keia la e W. B. Shearer, ka loea o na hana hoao i holo pu ai me na mokukaua iloko o ka manawa o ke kaua nu o ke ao, ka mea nana e huli a e noii nei i na ano apau o na moku kaua maluna o ka Pakipika, ma ke noi a ke Senatoa W. H. King o Uta, e hoike ana o ka oihana lele i ka Iowa o na Mokuaina Huiia ke ku nei ia he umi-kumamaono pakeneka ma ka nui ame ka mana hoohana o kona mau mokuea ke hoohalikeia me ko na aupuni mana nui o ke ao. Ke hoohalikeia me lapana am Palani he 100 pakeneka ko Amerika haule malalo o ko laua nui ame ka mana hoohana a me Beritania nui he 58 pakeneka. Ua waihoia ao e Shearer kana mau koho malalo nei he mau mea kupono na ka oihana kaua aina ame ka oihana mokuea a na mokukaua e hooikaika ai e loaa aku ke kulana ikaika i kupono e hoohalikeia me ko na mana o na lahui e: i 400 mau aliikoa: na kanaka i 30,000; pa mikini i 4000. Ua olelo ae ke kanaka loea i ka oihana kaua o ka mama holo o na mokukaua Amerika ma ka Pakipika he 16 mile i ka hora, a o ko lapana he 22, a ua hoakaka pu ae oia he 3000 ia ka mamao oi ae o ka lele ana o ka poka o na pu a lapana mamua o ka Amerika mau pu. NA HANAU. Na J. Petere Johnson ame Emma Laanui, he kaikamahine, Aug. 23. Na Richard W, Gartrell ame Thel- ma Kunukau, he kaikamahine, Aug 25. Na George Aiu ame Martha Ka lanîkaiwika, he kaikamahine, Sept 3. Na Mr. ame Mrs. Moses Akiona he kaikamahine, Sept. 2. Na William Moike ame Lily Li- lonwa, he keikikane, Sept. 2. Na Benny Kaulupali ame Eliza- beth Likelike, he keikikane, Sept. 1 Na Abraham Kaulana ame Mary Mahi, he kaikamahine, Aug. 31. Na George Akiona ame Helen Akeo, he keikikane, Aug. 29. NA MARE. Sarah Jane Baker Davis, ma ke alanui Young, Sept. 2. Jane Kahiwalani Stephen, ma ka Halema'i o na Kamalii, Sept. 2. Maryan Hill, ma ke alanui Kalihi Sept. 2. Annie Simmons, ma ke alanui Moi Akau, Sept. 2. Emma Ekine Lindsay, ma ke ala- nui Kaumualii, Sept 4. Louisa Kahana Reid ma ke ala- nui Kulika, Sept. 5. Sarah Ahiena ma ke alanui Ka- mehameha IV, Sept. 5. Annie Miha, ma ke alanui Kula,	O MRS. KAPUA FONG WAI, KUU WAHINE ALOHA, UA HALA. E Mr. Lunahooponopono o ke Kuo- koa, Aloha a nui: — E noi aku ana au i kou ahonui e oluolu hoi oe e hookomo iho ma kekahi wahi kaa- wale o na kolamu o ka hiwahiwa a ka lahui i keia moolelo hoalohaloha no kuu wahine, kuu hoapili i haa- lele mai la ia'u, i ike mai ai hoi na kini makamaka ame na hoaloha o Mrs. Kapua Fong Wai, ua hala aku la ma kela aoao o ka muliwai eleele o ka make, ua niau kololani aku la ka hele ana a kona uhane ma ke ala koikua a Kane, a ua ahu iho la i kana ukana luuluu mahope nei na'u ame ka ohana na lei a maua ame na hoaloha lehulehu e hooma- nao mau aku nona me na waima- MRS. KAPUA FONG WAI, ka i ke ao ame ka po. He lepo ke kanaka a e hoi aku no ka lepo i ka lepo, aka o ka uhaiia i ka mea Nana i hana, a he hope loaa kona i ka ukaliia aku, o ka minamina nae ame ke aloha he mea pau olo ia. Ko kekahi manawa kona kaa ma'i ana; ua huliia no ke ola, ua uiia aku ka ike o ka poe akamai i ka lapaau a eia nae, mamuli no o ka ikaika loa o ka ma'i mamua o ka ikaika o ka laau ame ke akamai o ke kanaka ua hula aku la oia ma kela ao ma ka hora 3:30 p. m., o ka Poaono o ka pule aku la i hala, Sepatemaba 5, 1925, a iaia i moe aku la ua piha iaia na makahiki he 45 a oi, a ma ka ilina o Kalaepohaku i hoomoeia aku ai kona kino wailua. Ua hanauia mai oia mai ka puhaka mai o kona makuahine Rebeka, a o Kini kona luaui makuakane, ma Kau, Hawaii, he 45 makahiki i hala. Ua hoonaauaoia oia maloko o ke kula aupuni ma Kau i kona wa kamalii, a ma kona manawa i ulu ae ad a nui ua hoohuiia maua ma ka berita o ka mare i ka makahiki 19.13, a mailoko mai o ko maua mau puhaka he elua mau keiki e ola noi, hookahi keikikane, a hookahi kaikamahine. Mahope iho o ka hala ana aku o ka hanu ola mai kona kino aku maloko o ka halekupapa'u o Mr. Borthwick, i kau ai kona kino no ke kakali ana ahiki mai kona ohana mai Kau mai, a ma ke Sabati iho nei i maneleia aku ai kona kino wailua a hoomoeia aku ma ka ilina o Kalaepohaku. He makuahine oluolu a heahea oia he ike i ka poe kiekie a haahaa a he malama ohana, aka nae, o ia mau ano maikai ona a pau ua hiki ole ke kaohi mai kona ola i ka manawa a ka make e kii mai ai. He lala oia no ka Ahahui Hoonaauao o na Wahine Hawaii, he lala ku maikai a moe wale aku la, a mamuli o ia kulana maikai ona i haawi mai ai ia ahahui i kana mau kokua no kona manawa e kaama'i ana ame kona hoolewa. Ke haawi aku nei makou ka ohana apau o Mrs. Kapua Fong Wai i hala aku la i na hoomaikai piha i ka Ahahui Hoonaauao o na Wahine Hawaii no na kokua i haawiia mai no ka makou mea aloha i haalele mai la i keia ola ana, a pela pu hoi i na hoaloha ame na makamaka i komo pu mai e kumakena pu me makou, a i haawi mai hoi i na makana pua no ka hoomakalapua ana iho i ka pahu ame ka he o ka ma-kou mea aloha, a ke nonoi ae nei ka makou pule i na mana lani e kau mai i Kana hoomaikai, Kana hoomalu ana ame Kana kiai ahonui ana maluna o kakou apau. Ke hooki nei au maanei me na waimaka o ka ehaeha ka luuluu, me ka haawi pu aku i na hoomaikai kiekie i ka lunahooponopono o ke Kuokoa no ka ae oluolu ana mai i kekahi kolamu o ke Kuokoa no keia kanaenae a pela hoi me kou mau paalalo ame na keiki oniuhua kepau o ka papapa'i. Na makou no me ka naau luuluu, FONG WAI, ame ka ohana. Sept. 5. Kapua Fong Wai, ma ke alanui Waialae, Sept. 6. John Meheula, ma ka Halema'i Moiwahine, Sept. 6. NA MARE. Charles E. Muller ia Julia Kaha- lepuna, Aug. 1. Alfred S. Calkins ia Emily Hui- hui McCarty, Aug. 31. Waldemer Christian ia Thelma Marian Gandall, Aug. 31. Hiram K. Kaai ia Annie Mahoe, Sept. 2. Charles Kakai Simeona ia Emma Kuahine, Sept. 3,	Nuhou Kuloko Mahope o ka hoohala ana i kekahi mau mahina elua me Auseteralia, i huli hoi mai ai ke aumoku kaua Amerika no Honolulu nei, ma ka auwina la o nehinei, a ma ka la apopo e hoea hou mai ai kekahi mau mokukaua. Ma ka po o nehinei, i hoea mai ai ka hoikeike fea o keia makahiki i kona hopena, me ka holomua loa o na hana hoikeike apau i malamaia ma keia makahiki. Ma keia Poakahi ae, e hele aku ai ka lunahooponopono o keia pepa no kona hoomaha o elua pule. Ma ka noho ana ae o ka halawai a ka papa komisina o na hana o ka lehulehu ma ka Poalua aku la i hala, i hooholo lokahi ai kela papa, e apono aku i na hoolala ana a ka hui kaa uwila, no ka hana ana i ala- hao palua no ke alanui Waialae ma keia mua aku. No ka hele no o na kolamu o ka nupepa a piha loa i keia pule, i hoopaneeia ai ka hoopuka ana aku i kekahi mau palapala a na makamaka, a no keia pule ae. Me he mea la iloko o kekahi manawa pokole ma keia mua aku, e kukuluia ae ai he ahahui lala hou, no ka Ahahui Kamehameha, ma Ko- hala, Hawaii, mamuli no o ka ma- kemake ponoi o kekahi mahele o na makaainana o kela apana, elike me kekahi noi o ka loaa ana mai i ka ahahui poo ma Honolulu nei. Ma ka halawai a ka papa o na lunakiai o ka noho ana ae ma ka Poalua aku la i hala, i hoakaka ae ai ka Lunakiai Hollinger, aia no kekahi pokole hou, iloko o ke kee- na o ka puuku kulanakauhale, i hoo- maopopoia. Ma ka hapalua o ka hora ehiku o keia Sabati iho, e malama ae ana ka Ahahui Na'i Aupuni i kona ha lawai kumau, maloko o ka haiehu Phoenix, a ua makemakeia na lala apau o kela ahahui e hoea ae ma ia halawai. WAIHO KA LUNAMAKAAINANA LOW I KONA KULANA. No ka lawe ana ae i ke kulana akena hookapu waiona, no ka Moku- puni o Hawaii, i hoouna ae ai ka Lunamakaainana E. P. Low, o ka apana eha, o ka Mokupuni o Oahu nei, i kana palapala waiho oihana imua Kiaaina Farrington, ma ka Po- akolu aku nei o ka pule i hala, me ke aponoia ana mai o kela palapala waiho oihana o ke kiaaina. Mahope koke iho o ka loaa ana mai o ka hoike i Hawaii nei, no ka hookohuia ana mai o Mr. Crabbe i akena hookapu waiona no Hawaii nei i hoakaka ae ai oia i kona ma- nao, no ka hookohu aku ia E. P. Low, oia kekahi o na akena no ka mokupuni o Hawaii, no keia kumu i ui aku ai oia i ka manao kanawai o ka Loio Amerika Parsons, no ka Lunamakaainana Low ke paa i ke- kahi kulana oihana federala. O ka manao kanawai o ka Loio Amerika Parsons no kela ninau i uiia. aku ai imua ona, ua hiki i ka Lunamakaainana Low, ke paa i na kulana oihana a elua, aka nae he mau la mahope mai, ua loaa aku la he manao kanawai, no ke keena o ka loio kuhina ma Amerika, ma- luna o kela ninau hookahi no, a maloko o ia manao kanawai, e hoole loa ana ia, no ka hiki i kekahi hoa oloko o ka ahaolelo kuloko, ke paa i oihana e aku, malalo o ke aupuni federala, a aupuni teritore paha. Me kela noho nae, i hoohakahaka- ia iho, mamuli o ka waiho ana mai la o ka Lunamakaainana Low, i ko- na kulana makaainana; e malamaia ana kekahi koho baloka kuikawa, ina nei no ke kaheaia o kekahi kau kuikawa o ka ahaolelo ma keia mua aku, a ina aole pela, alaila aohe no he koho baloka hou ana ahiki i ke kau koho baloka kumau, i hoakaka- ia e ke kanawai, no ke koho ana i na senatoa ame na lunamakaai- nana. NA LEKA I KII OLE IA MAI AHIKI I SEPT. 5, 1925. Aiola, Mrs. E. Kamaka, Mrs. K. Ahuna, Jno. Kamalu, Mrs. K. Ahiki, S. Kamakana, Miss Elemakule, Mrs. C. L. Luhi, Mary Hau, Manuel K. Maka ena, S. W. Halemano, Mrs. J. Maa, Eddie Kaaumoana, Mrs. Namauu, Mrs. S. K. (2) R. E. Kailimai, FlorencePa, Jno. W. Kalaiwaa, A. Puaa, Mrs. H.	HAINA NANE. E Mr. Lunahooponopono o ka Nu- pepa Kuokoa; Welina hou kaua: — E oluolu hou mai i wahi kowa kupono no ka'u wahi haina, ame na hoa- kaka no ka pane ana ae i ka inoa o ka hua nioi pinika a ke keiki o ka pali kapu o Keoua, e pa-ki liilii ui ka wai o ka maka, wahi ana. O ka nane mai ka mua a ka hope, ua ahuwale ia i ka poe lawe pepa Kuokoa, aka, o ka mea ano nui wale no, o ka pane ana i ka haina o na ninau malalo iho penei: Mahele 1. Heaha ka inoa o ka holoholona e loaa ma kahi e nohoia ana e na kanaka. Haina. PUAA. Ia kakou na kupa o ka aina, he puaa ka kakou e hoopuka ai, aka, i na lahui e. he pua, eia no nae ua maopopo no ia kakou. Mahele 2. E loaa no au i ka paa iluna a i ka paa Ualo nei. Eia kona ano i ka paani pepa pikalo ana o na keiki opio elua, he ekolu puu pepa e haawi ai i ka lalau ana o ke keiki mua i kana puu pepa, a i kona nana ana he pau-iwa kana, o kona manawa no ia i kanoki koke ai, i ka nana ana hoi o ke keiki elua i kana, aohe ana paa, a i ka hoohuli ana ae hoi i ka puu ekolu o ia hoi ka puu ilalo, loaa pu iho la no ia puu he paa-iwa nolaila, ua maopopo loa, aia kekahi paa iwa iluna i ka lima kahi i paaia ai, a o kekahi paa-iwa aia i ka honua, o ia hoi ilalo. Pehea ia hoakaka la e kuu hoa o ke kai maokioki. Pa ki liilii no ka wai o ka maka i ko hua nioi e Z. P. K. K. Ua hoakaka hou no ua keiki ma- lama hua nioi nei, ke hoohuiia ka Mahele 1 me ka mahele 2, aole au e loaa i ka mokupuni o Hawaii, aole no hoi i Maui ahiki i Niihau, aole no hoi i ke ao holookoa, aka, i ke kulanakauhale wale no au o Hono- lulu e loaa ai, nolaila, ua maopopo o "Kapuaiwa" ka hua nioi e pa-ki liilii ai ka waimaka o au mau keiki me au moopuna. E aho no ke hanai i ka poi me ka paakai, mamua o ko hua nioi wela- wela, me he la, no Pakaalana mai paha kau anoano i ulu ai i ka pali kaulana o ko kaua aina aloha o Kona. Eia na anoano i koe o ua nioi wela nei. Owai au i ka mahele 1 PUA. Owai au i ka mahele 2- IWA. Owai kuu inoa piha. "KAPUA- IWA". O kei aka bale haawi laau o ka Papa Ola i ke au e noho Peresidena ana no ka Papa Ola o Emerson Kau- ka o ia ka'u mea i ike mamua, aka i keia au, aole au i maopopo. Me ka lana o ka manao e loaa ana paha i ko hoa o ke kai maoki- oki o Kona keia hua nioi pinika. Me kela aloha a nui i ka Luna- hooponopono, kou mau hoa paahana, na hoa heluhelu o ka Nupepa Kuo- koa o'u mau hoa ai nioi pinika ame ke keiki hoi o ka pali kapu o Keoua ka mea nuna kekahi hana hooni noo- noo, ua kohu anela i ka'u ike i ke ku kilakila i Manuahi-pali. Kou haahaa, POHAKUOPELE, Oki Ioa mai la no kau hoomaneo- neo ana i ke keiki kanu hua nioi o ka pali kapu o Keoua, aohe wahi mea a mikomiko iho na lehelehe o ua eueu la, hana hou ia mai a ka nono i wi ka niho. — L. H. HAINA NANE. E Mr. Lunahooponopono o ka Nu pepa Kuokoa, Welina kaua: — E olu- olu mai hoi oe, ina he wahi kowa iki kekahi, no'u hoi ia wahi kowa. O ka nane a ke kupua hanai manu o na pali hauliuli o ke Koolau mai ka mua a ka hope, ua maopopo ia i ka poe lawe Kuokoa, aka, o ka mea ano nui wale no o ka loaa o ka inoa o ka manu ana e ninau nei. Owai kuu manu i opili i ke anu o Alika, i loaa iloko o ka punana iole, aole iloko o ka punana manu. Haina, o IIWI ko manu i loaa iloko o ka punana iole i opili i ke anu o Alika, nona keia mau lalani a'u e hooheno ae nei. "Iiwi o uka polena i ka ua, Ua o Hanalei anu au maeele." Nolaila, ua anu, maeele a opili ko manu i ka pulu i ka na o Hanalei, au hoi i kapekupeku ae ai, ua opili i ke anu o Alika. Hu no hoi ka aka. Ua hoakaka pu ka nane iloko o ka punana iole e loaa ai ka manu ana; ua pololei no kela, oiai, ua ole- loia kahi papaihale uuku iloko o ka nahele, he punana iole aole he pu- nana manu. O ka manu mua a ua kupua nei i puehu liilii ai i ke keiki o ka Ua Lililehua, oia ohana manu no keia ma na inoa wale no ka like ole. Me ka Iana o ka manao, e lilo ana ko manu e ke keiki o Kahuku i hoa kuilima no ke ano liu-la na ke keiki o Kona. Me ke aloha a nui i ka Lunahoo- ponopono kou man hoapaahana, na hoa heluhelu nupepa, na hoa huli nane no hoi ame ke keiki hanai manu o Kahuku, ka mea nana keia hana hooni noonoo a kupua hanai manu eepa hoi ma kekahi olelo ana

ae no ka Teritore o Hawaii.

KE NOI DALA NO KA PAKA KUHIO.

Ua hoea mai i "ka hookoia ana o kekahi manao kahiko i hoolalaia e ka Ahahui Kaumualii o Kauai, o ia ka uwalo ana aku imua o ka lehulehu no kekahi waihona dala kokua no ka Paka Hoomanao Kuhio, mamuli o ka lokahi like ana o na mahele apau o ka Ahahui Kamehameha i akoakoa ae ma ka halawai makahiki o ka malamaia ana ma ke Sabati aku la i hala ma Maui, o kela kekahi o na hana pookela loa a na makaainana o keia teritore e hana ai.

Me kela Paka Hoomanao Kuiho i hookaawaleia, ma ke ano i kiahoomanao, ua haawi mai na ahahui kalepa o na mokupuni like ole, i ka lakou mau apono ana, me na manao ohohia, no ka hoonee aku i keia hana imua; a me kela manao apono, ua hamama mau kela mau ahahui, no na kokua i na manawa apau e uiia aku ai imua o lakou.

Ma ke ano he Iala no na ahahui Kamehameha, he mea haaheo na na Kamehameha apau, ka haawi ana ae i ka lakou mau kokua ana no ka waihona Paka Hoomanao Kuhio, no ke kumu o ka hoakoakoa ana ae i kahi i hanauia ai ke poo o kela ahahui, o kekahi ia o na hana kilakila loa a ka ahahui e hana ai, e o mau aku ai ka inoa o Kuhio i na hanauna apua ma keia mua aku.

Ma ke ano hoi he mau makaainana no keia Teritore, he hana kupono loa na na mea apau ke kokua ana no keia waihona, ina ia aole no kekahi mau kumu e ae, aka, no ka panai ana aku, no kana mau mea i hooikaika aku ai, a i hana aku ai iloko o ka ahaolelo lahui no keia teritore, ma kona ano he elele lahui mai Hawaii aku nei.

He kanahiku-kumamalima kaukani dala, i hooholoia ai no keia waihona paka hoomanao, i maheleheleia ma kela ame keia mokupuni pakahi: a oiai aole keia o ka manawa mua loa. i uiia aku ai ka lehulehu no ka lakou mau kokua ana mai, ke manaoio nei keia pepa, e holomua loa ana na hooikaika ana e loaa keia waihona; oiai ke ku mai nei na hana a ke Keikialii J. K. Kalanianaole i lawelawe ai, e hiki ole ai ia kakou ke alo ae mai ka ike maoli ana aku i na manao makee iloko ona, no na makaainana apau o keia teritore.

Me ka Ahahui Kaumualii ma ke poo o keia hana hooikaika noi dala no ka mokupuni o Kauai, na pomaikai he nui a lehulehu e loaa ana i na makaainana o kela mokupuni, ma ke ku ana o ka Paka Hoomanao Kuhio; e kaa i kela mokupuni ka helu ekahi e pono ai, ma keia hana nui, me ka loaa koke ana o kona mahele i hookaawaleia o ka waihona hoomanao, a mahope na mokupuni e ae.

Elike no nae me na hoolala ana i holomua ai, kela hana kukulu paka, ma ka aoao o ka Ahahui Kaumualii, ka hana nana i hookahaha aku i ka manao o kekahi mau ahahui e ae, pela no ka manaoio iloko o keia pepa, e oili mai ana kela ahahui me ka lanakila ma na hooikaika ana no keia hana nui.

Ma Oahu nei, kahi o na noi dala nunui i uwaloia aku ai na makaainana no ka lakou mau kokua ana mai, me ka minamina ole, ua holomua mau ia mau noi dala apau, pela no keia pepa e kau aku nei na manaolana no ka halawai o keia hooikaika ana no ka waihona paka Kuhio, me ka holomua Ioa.

Me kela manao lokahi iloko o ka Ahahui Mamalahoa ame ka Ahahui Kahekili, no keia hana pookela i hapaiia mai, aole he kanalua iki i ka nana aku. no ka huliamahi o na Hawaii apau ame na lahui e ae, iloko o na kokua ana no keia waihona.

ME KE AKAHELE WALE NO E PALEKANA AI.

Aole he pule ha'o i ka ike mau ana i na pilikia ame na poino mai na ulia kaa otomobile mai, me he mea la, he mea liilii wale no na ulia i hiki ole ai i na ona o na kaa otomobile ame na kiakaa ke akahele mai i ka hookele ana i ko lakou kaa.

Pehea nae na hooikaika ana ma na aoao o na makai e hooko i ke kanawai i kauia no na kaa otomobile, ina aole e malama mau ia ka makaala, ma ka aoao o ka poe apau e hookele ana i na kaa otomobile, aole loa he manawa e ha'o ai ka loaa ana o na ulia poino; nolaila ua ili aku ke ko'iko'i maluna o lakou. ka hookele ana i ko lakou ame ke akahele.

He kaa maalahi loa ke kaa otomobile, ke hoohanaia me ke kupono, a e makaalaia ke ano o kona hooholoia ana, a elike me kekahi mau meapaahana e ae iloko o na lima o ke kanaka, ina aole ia e hoohanaia ana me ka pololei, e lilo mai ana ia, i mea hoopoino i ke ola me ka halihali ana mai i na hookaumaha ana he nui. Nolaila e malama i ka makaala, i ka hookele ana i na kaa!

O ka poe i hele ae e makaikai i na hoikeike fea i keia makahiki, o Iakou ka i hoike ae i ko lakou mau manao, no ka oi loa o ka maikai, ka nui ame ka u'i o na hoikeike o keia makahiki, mamua o ko ka makahiki aku nei i hala. He mea oiaio loa ia, elike me ka oi aku o ke ohohia o na kanaka i ka hoikeike fea. pela auanei ka pii mau aku o ka maikai ame ka nani o na hoikeike i kela ame keia makahiki.

O ka holopono o ka lele ana o ka mokulele mai Kapalakiko mai ahiki i Honolulu nei aole ia he mea kanalua ma keia mua aku. He oiaio, ua haule ka mokulele o ka lele ana mai no Honolulu nei iloko o ke kai. me ka lohe hou ole ia mai o kona hopena, koe wale no na manao koho aku, ua halawai ia me ka poino; ua iilo nae ka pilikia o kela mokulele, i mea hoonaauao mai i ka poe kapili mokulele, no kekahi mau makaukau hou ae e pono ai ke hanaia ma na mokulele, i manaoia no na wahi mamao loa.

He mau la kakaikahi wale no koe, e kakali aku ai, alaila komo kino aku na kalana lehulehu o kakou, iloko o na hakoko kalaiaina hahana ana, ma keia mahina ae e hoea mai ana. E ao kanaka mai kakou i kela manawa, ma ke koho ana i ka poe a kakou i manaoio maoli aku ai no, he poe kauwa kupono lakou na ka lehulehu, a mai puni wale i na paani politika, a ka poe i hele a loea ma ia ano hana.

Mamuli o ka hoopuka mau ia o na manao hoakaka o Mr. L. A. Kakina, maloko o keia pepa, maluna o na kanawai hookapu i'a, akahi no a loaa ka ike i kekahi mahele nui o na makaainana o ka oi Ioa aku na kanaka Hawaii, no ka maikai ame ke kupono maoli o keia mau kanawai i hooholoia ai, a ua kuhihewa ka lakou mau mea i manao mua ai.

Kou haahaa,

POHAKUOPELE,

O na manu apau loa no lakou iloko o ko lakou mau punana ponoi iho, a koe na manu kaka iloko o na punana moa, nolaila heaha ka manu loaa i ka punana eepa. Ua hu mai la kau haina manu i kula, huli hou ia mai.—L. H.

HAINA NANE.

Ma keia ke haawi aku nei ka ohana o Mrs. Luisa K. Reid i ka la-kou mau hoomaikai ana i na hoaloha, ka ohana ame na makamaka no na makana pua ame na hana aloha e ae, pela pu hoi i na paahana o ke kee Kuke Awa, na li-mahana o ka Papu Armstorng ame ka Ahahui Kamehameha Helu 1, i-o ke komo pu ana mai me Iakou iloko o ko lakou mau hora o ka ehaeha.

E Mr. Lunahooponopono, o ka Nupepa Kuokoa; Aloha oe:—E oluolu oe ina he rumi kaawale kekahi no ka manu a Kahuku Boy, e hooheno ana penei:

He manu ua opili i ke anu o Alika.

Haina, He LEMUHAO ka manu ua opili i ke anu o ke kanawai hookapu waiona aohe home e malu ai, loaa aku iloko o ka punana iole, aole i ka punana manu. Aole wale no i ka punana iole, aka, i ka punana puaa, a punana moa no hoi kekahi.

Puehu a hohono no hoi ka hulu e waiho ana no nae; pela io no, ke puehu nei ka hulu o ua manu la ma na kaa otomobile e moe lolii ana no nae iloko o na eke huluhulu; ma ka hohono no hoi o ka hulu na kanaka o ke aupuni e hookolo aku ai, a wi ana ka niho o ke kalohe, poohu ka lae kahi ke pohue o ke ka-hu hanai.

Ea ino ka manu he kumakaia a nanahu no i ke kahu hanai.

Pehea keia e Kahuku Boy, he manu okoa no na epaha kau e hanai mai nei ea? Eia nae o ka nanaina ame ka waihooulu ua like no a like.

Me ka mahalo nui i ke kapena
ame na sela o ka Nupepa Kuokoa.
HAKALAU BOY,

Hakalau, Hawaii.

He manu okoa no ka ke keiki o Kahuku, he punua pee-poli, ke kihei pili, huli hou ia mai ka no'ahuna a

loaa!—L. H.

HAINA NINAU BAIBALA.

E Mr. Lunahooponopono o ke Kuokoa, Aloha oe:—E oluolu oe e hoike ae ma na kolamu o kau hiwahiwa i keia haina Baibala malalo iho nei, no na ninau a Chas. K. Kealoha, a e maalo mau nei hoi ma na kolamu o ke Kuokoa no na pale i hala.

Ninau 1. Ina io paha o ka mana o ke Akua, o ia ia mea he Euanelio, o ka ninau, heaha kona ano maoli e maopopo ai o ia io ka Euanelio.

Haina. O ka MIHI EUANELIO ka MIHI OIAIO MIHI E OLA'I o ia ka ehaeha no ka hewa me ka haalele loa, ame ka imi e noho haahaa ma ko ke Akua makemake, me ka hilinai i ke kokua ia e ka uhane Hemolele.

O ia ka mihi i loaa mai ai ke kala ana o ka hewa ma o Iesu Kristo la

Ninau 2. No keaha? Haina no ka hewa. Kin. 6:5; Mat. 15:19; Rom. 5:12; Jak. 1:14,15.

Ke lana nei kuu manao, e Mr Kealoha e hookahi ana ke pana a ko kaua mau puuwai maluna o ka Euanelio au e ninau nei, ame kona ano.

O ke aloha no kou. a o ka welina hoi i ka L. H., ame na paalalo o kona keena oihana.

Owau iho no,

MRS. KAHAUONALANI,

Kahuama'i, Molokai.

Ua pili paewa loa ka pana ka-

palili ana o ko olua mau puuwai pa-

kahi, pela iho i kapeke mai la kau

mau haina, me na haina a Mr. C

K. Kealoha e waiho nei ma keia

keena. Huli hou ia mai!—L. H.