Ka Nupepa Kuokoa, Volume LXIV, Number 33, 13 August 1925 — KA HIHIA O NA LUNA OIHANA O MAUI [ARTICLE]

KA HIHIA O NA LUNA OIHANA O MAUI

Ke nana aku nei na mana koho haloka, i na hihia o ka Loio Kalana Bevins ame ka Lunahoomalu Sam E. Kalama, o ka papā lunakiai o ke Kalana o Maui, no ka hopena o kelā mau luua oihana, mt na manao hiālaai, no ka oili mai o na mea oiaio, ma ka manawa e hoōkolokōloia ae ai laua imua o ka aha hookolokolo kaapuni o Maui. Xo ka pili a pili ole o kela mau luna oihana i ka hewa, ke makemake nei keia pepa, e kaohi ko kakou hoakaka ana i ko kakou mau manao ponoi iho, ahiki i ka ike mioli ia ana ae o na mea oiaio i hanaia, imua o ke akea, ina ia no ka pili, a pili ole jiqha o na mea i hoopiiia i ka hewa. O ka lawelaweia ana o ka hana e ka Loio Kalana Bevins, no ka pono ame ka pomaikai o ke kalana o Ma'ui, aohe he l.oopaapaa ana no ia mea; pela hoi ka ukuia ana aku o kekahi huina dala mahuahua iaia, no na hana i lawelaweia eia, mamuli o ke apono ana a Mr. Sam E. Kalama; o ka lawelaweia ana nae o kela hana, a pela hoi ka ukuia ana aku o na dala i ka Loio Kalana Bevins, ina ia nlmuli o ke kauoha ame ka makemake maoli o ka papa o na lunakiai, alaila e kaawale kela mau luna oihana e pono ai, mai ke ahewaia aku malalo o ke j kanawai, a ina he mau ahewa ana kekahi, alaila e kau aku ia naluna o ka papa holookoa o na lunakiai, aole hoi'maluna o kela mau kanaka wale ae la 'no elua. Oiai nae ke iini nei keia pepa e ike i ka oili ae o na mea oiaio loa e pili ana i ko laua hihia imua o ka aha, a e kau aku hoi na ahewa ana ma kahi i kup'ono e hewaia, a e haawiia aku' paha na mahalo ana no ka lana mea i hana ai, e kapae loa kakou i ka lawe ana mai i kekahi noonoo, no ka paani ana aku i ke kalaiaina, no ka pomaikai o ka poe e kau mai ana na manao makaleho no na kulana a keia niau kanaka i paa ai iio kekahi mau makahiki loihi. • Ina ma ka la apopo e malama koke ia ae ke koho baloka no na luna oihana o ke Kulanakauhale a Kalana o Honolulu nei, ke manao nei keia pepa, he hana naauao loa na na mana koho baloka, ke koho ana i poe hou loa, ma na kulana e paaia mai nei e na luna oihana o keia manawa; no ka mea ua lawa ko kakoa noho ana aku, a ilani i ka'paaniia mai o ke kalāiaina, me"he kinipopo la, ke pōhapoha i na laau hahau popo a na Demokarata ame na Repubalika pu. •-+-* — Pinepine ko kakou lohe ana i ke kamailio o na kanaka, i ke kupono ole o- ka hooholoia ana o kekahi mau kanawai hōu, no ka hoopakele ana i na i'a, mai ke kiiia ana aku i mau meaai na na kanaka. Ua hiki no i ko kakou māu noonoo kanaka makua ke ike no kakou iho, ina e mau ana ka pepehiia o na i'a, na manu ame na holoholona, me ka hoopulapula ole ia, hookahi hopena maopopo loa, o ia no ke kakaikahi mai o kela mau mea, e paakiki ai ka loaa nui ana ma keia hope aku. — He akena hookapu waio*£ wahine ka i hoonohoia mai nei, nia kahi o ka Akena John H. Wise, ahiki i ka hookohuia ana mai o kekahi mea hou no kela keena, me he mea la, i ka nana aku, aia kekahi hilinai nui ana o.na poo aupuni ma Wakinekona maluna o na wahine, no ka hiki ke hookoia na kanawai me ka hoopilimeaai ole; ina pela ka mea oiaio, alaila e hoea hou mai ana i ka manawa a kakou e ike aku ai, i kekahi wahine hou, ma kekahi o na pihana federala e paaia mai nei e na kane. . + . ile na makai e liooko na kanawai pili i na kaa otomobilc,~me ke kui'o, e konola aku ana na kiakaa apau o na kaa otomo"bile, e akahele i ko lakou hookele ana i na kaa, ma na wahi noho nui ia e na kanaka, pela hoi ka makaala i ka maikai ame ke kupono o ko lakou mau kaa ame na kukui, .a ilōko no hoi o kela manawa hookahi, e konoia aku ai ka poe i loaa ole na laikini hookele, e kii i laikini no lakōu.