Ka Nupepa Kuokoa, Volume LXIV, Number 31, 30 Iulai 1925 — E HOLO ANA KA AHAHUI KAMEHAMEHA NO MAUI [ARTICLE]

E HOLO ANA KA AHAHUI KAMEHAMEHA NO MAUI

Ma ka pule aku la i hala, he mau malihini hānohano ka Ilamuku Oscar P. Cox ame J. W. Keliikoa, o ka Ahahui Kamehameha, na ka Ahahui Kaumualii, o Kauai, ahahui lala o ka Ahahui Kamehameha, i kulike ai me kekahi meahou o ka loaa ana inai - keia kulanakauhale mai Lihue, Kauai ma^ O ka manao nui o kela huakai a keia mau lunanui o ka Ahahui Kamehameha no Kauai, no ka hoomaopopo ana no ia, no ka huakai a ka Ahahui Kamehameha no Maui, ma ka la 6 ame 7 o ka mahina o Sepatemaba ae nei e hoea mai ana, ka manawa hoi e malamaia ai ka halawai makahiki o ka ahahui, e akoakoa like ai na ahahui lala apau i kahi hookahi. Mawaho ae o kela hana hoeueu a hoomaopopo no ka huakai no Maui, o kekahi kumu nui o ka holo ana aku o keia Hiiau lunanui i Kauai, no ka makaikai ana no ia, ame ka nana ana i na hana i lawelaweia no ka Paka Hoomanao Kuhio, i loaa ai ka ike piha ia laua, no ke kulana oiaio o kela paka; e makaukau ai laua ma ko laua aoao, i ka waiho ana aku i ka hana noi āala no kela paka, imua o na lala o ko laua ahahui, a imua no hoi o ka lehulehu 0 na makaainana. Ua hoohalaia ka Poalima aku la i hala, e keia mau malihini a ka Ahahui Kaumualii, ma ka makaikai ana i ka paka, me ko laua hoopihaia ana aku me na manao ohohia o ka piha hauoli, no ke kulana o kela paka; o kekahi kumu nui o ka hauoli, no ka loaa ana aku o ka ike ia laua, no ra hoolala ana a ka Ahahui Kaumu«ilii, e kukulū i kekahi mau hale pili o kela au kahiko, ma na wahi e pili kokoke mai ana i ka paka, a maloko o kela mau hale e lawelaweia ai na hana, i pili loa 1 ke ano o ka noho ana' ame ke ola ana o na kanaka Hawaii o kela au i hala, ka mea e ike ole ia nei i keia mau la.

Aole i hoi nele ka huakai a keia mau lunanui o ka Ahahui Kamehameha no Kauai, no ka mea ma ka halawai a ka Ahahui Kaumualii, o ka malamaia ana ae ma kela Poalima, i hooholoia ai me ka manao lokahi, e hui pu mai kela ahahui, me ka Ahahui Kamehameha, no ka huakai holo no Maui, me ke kohoia ana o ka Lunakiai James K. Kula, oia ke komite e hui pu aku ai me na ona o ka hui mokuahi holo pili aina, no ka haawi ana mai i kekahi mokuahi kaokoa, no na lala ame na malihini a ka ahahui, no kela hua-j kai. Mq, na mea i hoolalaia no ka! holopono o kela huakai, e haalele ana ka mokuahi me na lala o ka ahahui ia Kauai, ma ke ahiahi o ka Poalima, Sepatemaba 4, no. Honolulu nei, e ku mai ai no keia kulanakauhale ma ke kakahiaka o ka Poaono ae, a ma ka hora ewalu o ke ahiahi o kela Poaono, e holo aku ai na Maui. I ka hoea ana o ka mokuahi no Maui, ma Keanae na ohua e hooleleia ai iuka o ka aina, a malaila e malamaia ai ka halawai, me ka ako* akoa ana ae o na lala apau o na ahahui. Mahope o ka halawai, e hookipaia aku ai na inalihini ame na kamaaina ma na pakaukau, i hoolakoia me na meaai Hawaii; mahope o ka ahaaina luau, e hele ai i ka makaikai, a hoaumoe ma Kahului, a ma na wahi e ae, e hookipaia aku ai e na kamaaina, a ma ka hora umi, o ke kaleahiaka o ka Poakahi ae, e kau hou ai maluna o ka mokuahi ma Mala, Lahaina, a huli hoi mai no Honolulu nei, ma ke alahele o Molokai, e makaikai ai i na hiona o ka moku o Hina, a ku mai i Honolulu nei ma kekahi manawa o kela auwina la Poakahi, a ma ia po iho, e huli hoi pololei aku ai no Kauai.

Oiai e kaawale ana kekahi heluna nui o na lala o ka ahahui, mai ka lakou mau hana mai, ma ke Sabati, ame ka Poakahi ae, ka la o. na limahana, ua manaoia e huliamahi ana na lala apau o ka Ahahui Kaumulii, me ko lakou mau keia huakai, no ka pono'o ka hana i hoolalaia, no ka holomua o ka waihona Paka Hoomanao Kuhio, a no ka makaikai ana no hoi i ka moku 0 Kama, ame ka hoohauoli ana ia lakou iho, me na mea maikai apau, 1 kaulana ai na keiki o Maui, o "Maui no ka Oi."

PEKING Kina, lulai 23.—Ua pepehiia a make e na Pake powa, o Morgan Palmer, he kanakā Amerika ma kona aina hanai holoholona ma ka muliwai Sungari, kokoke i Harbin, Makekuria, a aihueia aku ke Ka,uka Howard, he kanaka hana maka, i hoonohoia mai e hana maloko o ka Halema'i Eockfeller, oia ka lono i hoikeia mai ianei i keia la. Ma ka la. 20 o .lulai, ko Morgan make ana. He elima mau kanaka Amerika e ae maloko o ka aina hanai holoholona i hoikeia' mai ua pakele lakou i nei manawa, koe nae keia o ko lakou wahi e nobo mai nei aohe maopppo. Ke nitoanin?iu pono mai nei ke Kamkela Amerika ma Mukden ma ka mea e plli aaa i kela poa.