Ka Nupepa Kuokoa, Volume LXIV, Number 31, 30 July 1925 — UA KUPONO KA HOOPA'IIA ANA. [ARTICLE]

UA KUPONO KA HOOPA'IIA ANA.

Aole i lilo ka olelo hooholo, ame ka hoopa'i a ka Lunakanawai Apana Harry Steiner, • hookau aku ai maluna o na makai elua, na laua i hoohana i ka huipa maluna o kekahi keiki opio, ! mea mahaloia e kekahi mahale o na makaainana o keia kulanakauhale. O ke kumu o ko lakou mahalo ole, hookahi mea maopopo i ka noonoo aku, no ke ko'iko'i loa ia, me ke kupono ole, e auamo kela mau iAakai i kekahi hopena maikai ale no ko laua hooko ana i ka laua oihana. Ke kakoo nei keia pepa i ka mea a ka Lunakanawai Steiner i hana aku ai ma ka hihia o kela mau makai, elike me na ike i waihoia mai imua o kana aha; no ke komo ole ana o kela keiki opio, iloko o kekahi hana hoohaunaele, a mau hana kolohe e ae paha; nolaila o ka Jioohana ana aku o na makai, i ka laua huipa maluna o kela keiki, me kekahi kumu kupono ole; ua kupono ko laua hoopa'iia ana aole wale nō, i wahi no laua e Ike iho ai, i ke kaulike o ke kanawai i hanaia, aka i haawina a'o kupono loa, no na makai apau; e ku mau ana ke kanawai c kokua i ka mea pono, a e hoopakele i ka mea i hoopilikia wale ia aku.

Aole he niea malihini ia kakou, ka ike ana i na hana kolohe i lawelaweia e na luna oihana o ke aupuni, ame na limahana oloko o na hale oihana, m«i ka lawe ana i na huina dala mahuahua, a hoolilo no ko lakou mau pono ponoi iho; ke noho mai nei maloko o ka halepaahao, he nui o kela poe; aka ke minamina nui nei keia pepa, no ia. Hawaii, i paa i kekahi kulana oihana kiekie ma ka moknpuni o Maui, he hope-akena no na aina aupuni ma kela mokupuni, no ka hiki ole ana iaia ke lanakila maluna ona hoowalewale. E loaa nae he haawina a'o kupono ia kakou apau na Hawaii, e hoao e pale aku i na hoowale wale me ka ikaika; a ua oi aku ka aie maoli ana aku i kekahi poe ina ia he kumu e hoopauia ae ai ka pilikia i ka manawa pokole, mamua o ka hoau ana e lawe ae i ilā dala i kaa aku malalo o kona malu, ma ke ano ku ole i ka pono a pololei. •-+-* E komo ana paha auanei o Sam E. Kalama, ka lunahoomalu 0 ka papa o na lunakiai iloko o ke ahi, mamuli o na kumu hoopii hoohalahala e ku-e ana iaia no kana mau hana hemahema 1 lawelawe ai, ma ke apono ana, e ukuia aku he mau haneri dala, i ka Loiō Kalana Bevins, no kekahi mau hana, i hookaawale mua ole ia ka haawina dala, Ina no paha e hiki ana iaia ke hoopakele ae iaia iho ma ka waiho ana ae i na kumu kupono no kona lawelawe ana aku ia hana, e hookuuia mai ai oia, me ka hewa ole e ka aha; hookahi nae mea e oili ae ana, e loaa ana ka pauku iwi a kona mau enēmi kalaiaina, e lawe hele ai imua o na mana koho baloka, ke hoea mai i ka wa holo moho o na luna oihana o ke Kalana o Maui, ma keia mua iho.