Ka Nupepa Kuokoa, Volume LXIV, Number 31, 30 July 1925 — KA MANAO O KIAAINA FARRINGTON NO KA WAIONA [ARTICLE]

KA MANAO O KIAAINA FARRINGTON NO KA WAIONA

Xo ke kamailiu nui ia iloko o na la aku la i hala, c pili ana i na alahele e kapu i'o ai ka waiona ma Hawaii nei, a e hapa mai ai kona hanaia ana, ame ka inuia ana e na kanaka, i lioakaka ae ai o Kiaaina I 7 arrington i kona manao, o ke alahele wale no e hoea mai ai i keia hopena, o ia 110 ke ku ana o na luna oihana mahope o ke kanawai, pela hoi ke kupaa ana o ka poe hele pule, mahope o na a o ana a ko lakou mau hoomana ame ka poe oloko o na ahahui, e kokua ana ma ke kinai ana ia mea.

Ile manao pololei a oiaie kela oko kakou kiaaina; ina e ku ana na luna oihana apau, me na manao kuokoa, na manao kui'o, a hooko aku i ke kanawai liookapu waiona me ka maka'u ole, a hoopilimeaai ole, he mea maopopo loa, e hookauia aku ana ka weli maluna o ka poe e hana ana i ka waiona, a oi loa aku maluna o ka poe e kuai ana i ka waiona ma ke ano imi pomaikai; pela hoi ka poe e inu mau ana ia mea, no ka hoohauoli ana ia lakou.

Ke kau aku nei kela ame keia keena i ili aku ai ke ko iko i o ka hooko ana i ke kanawai, i na ahewa ana maluna o kekahi keena, no ka hooko ole i ke kanawai hookapu waiona, a ke imi mai nei hoi kekahi i na ieumupale, no ka hiki ole ana i kela keena ke hooko i ke kanawai me ka ikaika, ina nae ua makeeia ke kanawaī, a ua makemakeia ka noho mana ana o ka maluhia iloko nei oka aina, ua hiki ole i na luna oihana ke alo ae, mai ka ili pololei ana aku o na ahewa ana maluna o lakot!, no ke kulana a kakou e ike nei iloko o keia mau la e nee nei. Mawaho ae o na luna oihana, he mau na luakini o kakou, na ahahui, no ka hooko ana i ke kanawai; o ka lilo ana o ka poe hele pule, na lala o na ahahui, i poe pulama mau i ka waiona, he hana paakiki loa ke kinai ana aku ia mea; aka ua hoolanakila loa ia aku ka poe na lakou e hana nei i ka waiona, a ua kokua pu aku kakou ma ka hakihaki ana i ke kanawai. E lilo na luna oihana aupuni, ia lakou ka hooko ana i ke kanawai, i poe hooko i'o i ke kanawai; e kau na luna kanawai i na lioopa'i ikaika loa, ma ke hoopaahao ana i ka poe puhi waiona, ame kuai waiona; e lilo ka poe hele pule ame na lala o na ahahui, i poe kokua aku ma ka. hoike ana ae i ka poe ku-e i ke kanawai, e ike auanei kakou, ma kahi o ka hele lanakila o ka waiona elike me ia e ikeia nei, ma na wahi apuni keia teritore, e nalohia aku ana ia, e !ilo ai i hana paakiki loa ka loaa ana i kekahi mea e makemake ana i ka waiona. Me na aliikoa kiekie > ka oihana kaua ame ka oihana koa, e ku ana mahope o ke kanawai hookapu waiona; he hana paakiki na na koa, ka hoao ana e hakihaki i ke kanawai, aka ina he poe inu no na aliikoa i ka waiona, aole lakou i'hoolanakila wale aku no i na koa malalo o lakou, e lilo i poe hakihaki kanawai, aka o lakou pu no kekahi i pili ia hewa hookahi; he kumu hoohalike kupono loa keia, no ka poe apau i ili aku ai ke ko'iko'i o ka hooko ana i ke kanawai maluna o lakou.

Ma ka huakai makaikai a ka Lunakanawai Apana S. Hookano o Ewa, i.o ke kulanakauhale o Los Angeles, ma ka makahiki aku nei i hala; ua hookipaia aku oia me na manao hiipoi e kekahi poe hanohano a mau luna oihana kiekie o kela wahi, me ka paneeia ana mai oka waiona imua ona; o kana i pane aku ai, he pane nana i hoopa aku i ka uhane o kela poe, a i ku a hilahila maoli ai lakou no lakou iho, i ka i ana'aku: "Aole kakou, ka poe e hooko ana i ke kanawai, e lilo i poe hakihaki kanawai."

Heaha ke kohu i ka poe e hooko ana i na kanawai o ka aina ke liio o lakou pu no kekahi e hakihaki ana i ke kanawai? Ko ka uku mahina wale no anei ka lakou i ake aku ai e ohi mau i kela ame keia manawa? Ina pela, ua kupono ole ko lakou lilo ana i mau luna oihana no ka lehulehu.