Ka Nupepa Kuokoa, Volume LXIV, Number 31, 30 July 1925 — HE MOOLELO No Ka MEAHUNA POHIHIHI a i ole Ke Aka Maalo i ke Kulu Aumoe Ame na Miliona Dala i Nalowale-ka Poe Haki haki Kanawai Iloko o ka Umii. [ARTICLE]

HE MOOLELO No Ka MEAHUNA POHIHIHI a i ole Ke Aka Maalo i ke Kulu Aumoe Ame na Mi lion a Dala i Nalowale-ka Poe Haki haki Kanawai Iloko o ka Umii.

r.o ka w£\ i e hakwai ma! ana »e ka makaikiu, aka kaHr • .°° hoka ani ak " ' kela poe kanaka, unuhi ae la ka Makartnn kana pu panapana ponoi, aki mai la ma k*>hi oka puka, ro ekolu manawa, a iloko no hoi o ia manawa hookahi, i kani ku at na pu panapana maiwaho aku, tie ka lele ana o na puka, a komo rna ka.pa.a, a ike iho la ka makaikiu, i ka lanakila ana 0 *ana ana pulapu ina kanaka ino, ma kona pinana ana noluna loa o ka holopapa, e ku ole ai oia i kekahi poka. , He manawa' pokole mahope iho oke kani ana ae ona pu lolie mai la ka makaikiu i ka puhee o na kanaka mawaho o ke keena waiho lole, ana no e hoomaopopo nfei U e haalele ana kela poe kanaka ialoko o ka rumi, no ka hopohopo. no ka hoea aku o na kanaka o ke aupuni, noloko o kela nale,-mahope:o ka loheia ana aku o ke kani ana o na pu panapana. , E holo i o ana ua poe kanaka nei no ko lakou palekana, me ko lakou kuhihewa ua ku ka makaikiu i na poka o ka lakou rnau *pa panapana, a ua make paha ko lakou enemi, aole nae 1 holopono k-ela manao holo mahuka o lakou, a oki loa aku hoi ka pololei o ko lakou manao ana ua eha ka makaikiu, no ka mea maiiiua 6 ka lioea ana aku o ua poe kanaka nei, no ke kumu o ke ajapii, ma ka papahele ekahi ua komo mai la na makai iloko,. o ka hoomaka iho la no ia o ka paio ana o na aoao a elua, a «iai nae ua oi aku ka nui o na makai, mamua o kela poe kanaka, a ua paa lakou i ka hopuia, a hoopaaia tia lima i na hao kupee lawehala, iloko o ka manawa pokole loa. Me kela maopopo i ka Makaikiu Demona, e holo ana na kanaka hakihaki kanawai, no ka ko lakou palekana, wehe ino mai la oia i ke pani o ka puka o ke keena ana e pee ana, o ka hemo mai la no ia iwaho, a hui pu aku la me na makai, ma ka hopuhopu ana i kela kanaka, a i ko lakou pau loa ana i ka paa, huli ae la oia e nana i ka wahine luahine, aohe ikeiā aku, a aole hoi kela mau lole, ana i makemake loa ai e kaa mai malalō o kona malo-, ua nalōwale pu kela wahine me ka lole o ke kaU i 'ka manawa hookahi. Ma ka manao kohp wale.no o ka makaikiu, ua holo kela wahine, me ka iawe pu ana i na lole me ia, i kona manawa i komo ai i 1 ©ko-«£iE«F4ceē??a~waiho lole, ua hooiaioia mai kela manao o 3ca makaikiu e na makai i hoonohoia mawaho o ka hale, no ka mea ua ike lakou i ka hemo ana aku o kekahi wahine e lawe ana he puolo lole, a oiai aole he kauoha i haawiia aku ia lakou, mamua oka manawa e paa mai i kela wahine, ua hookuu no lakou iaia e hele me ka manao, oia kekahi o na wahine noho hoolimalima maloko o kela hale. O kela manao o ka makaikiu, e hiki ana iaia ke kuekaa ae i kekahi ninau pohihiHi loa, ma o ke kaa &na aku o na lole o ke kaikamahine make malalo o kona malu, ua hoopahua hou ia no ia, me he mea la i kana noonoo iho, he hana pohihihi loa ka imi ana aku i na alahele e hoea mai ai i ka maopopo ana ae o ke kaikamahine make; nolaila kauoha aku la oia i ngi makai e hoihoi i na lawehala no ka halewai, a ia lakou o ka hoēa ana aku ilaila, ua nokeia na kanaka hakihaki kanawai i ka niele, ma ka lakou mau pane apau i hoakaka aku ai, i ke poo nui o ka oihana makai, he uuku loa kahi mea i pili i ke kaikamahine make. * ; Ma ka lakou hoike, ua hoolimalimaia lakou apau e kekahi kanaka a lakou i ike mua ole ai, no ka ukali ana mahope o ka makaikiu ahiki i kona komo ana maloko o ka hale o ka wahine luahine. a malaila lakou e pepehi ai iaia a make. Maloko ka o kekahi hale inurama, o ka poe aihue ko lakou ■wahi i inu rama ai, a ilaila i hoea aku ai kekahi kanaka, a hoolimalima aku Ia ia lakou e hele e pepehi i ka makaikiu, no ka uku o hookahi fianeri me kanalima dala. O na da!a he kanalima, ua uku mua ia mai ia lakou, a o ka hanen dala. ua waihoia aklī malalo o kā malama ana ,a ka ona o ka hale inurama, no ka uku ana mai ia lakou ma kekahi po ae. Ua ninaninau kaawale ia kela poe kanaka apau loa, ma ke ano nui, ua lokahi'ka lakou mau mea i hoike ae ai; a ua manaoio loa no hoi lakou, o kela kanaka nana i hoolimalima mai ia lakoii, he mea paahana wale no oia na kekahi kanaka okoa aku. Hoopaaia aku la kela poe kanaka maloko o ka halepaahao, alaila huli hoi pololei loa aku la ka Makaikiu Demona no mau rumi, a he hookahi hora mahope mai, oili hou mai la oia iwaho, me ka hoololi ana i kona ano mua r a he kanaka kaokoa loa oia kc nana aku i kela manawa, ke ano o na kanaka hana karaima a hakihaki kanawai. Kamoe pololei aku la kana hele ana no ka hale inurama a ka poe hakihaki i hoike mai ai, maloko olaila i hoohmalimaia ai e pepehi i ka makaikiu e kekahi mea, a īaia i komo aku ai iloko, hoohikaka aku la kana hele ana a noho iho la ma ka aoao o kekahi pakāukau uuku, me ke kauoha ana aku i ka hakipa e lawe mai i wisake nona. Aole keia o ka manawa mua loa i hoea ai ka Makaikiu mona maloko o kela hale, he mau manawa lehulehu e ae no kekahi, a ua maopopo loa iaia ke ano o ka bakipa, oia kekahi . na kanaka epa. me ka piha hoopunipuni ino loa; no ka mea, ina e hui pu ana ua kanaka nei, me ka puulu o ka poe hana karaima. aole ana oia e hoohakalia iho, i ka lawe ana aku i na da!a kipe, e haawiia aku ana iaia e na makai. Mahope iho oka inu ana ae i kona kiaha w. S ake me>a uku ana aku i ke dala, komo loa aku la oia noloko o kekahi wahi keena uuku, noho iho la maluna o kekahi noho, a kau _ aku la mau wawae maluna o kekahi noho okoa aku hookah, hana o ke puhipaka, aia nae kona mau maka ke nana la .waho oke keena nui oka hale inurama. « 1 . ' N*o ka hapaha hora kela noho malie loa ana oka makaikiu, ikē aku la oia i ke komo ana-mai o kekahi hakipa hou, a hui pu ae la me ka ona o ka hale inurama e hele mai, a noho iho , la ma kekahi noho kaawale. me ke kaa ana ma ka aoao o ka makaikiu ke kamailio mua ana aku: "He hookahi hoi paha haneri dala i waihoia mai malalo Vou malTno ka uku'ana aku i kekahi poe, ke hooko pono la- : ro a "a° Z keL huina dala malalo o ko'u malu.'; * i rta ;•» oe ke ano oka hana 1 makemakeia ai noiaiu ao,e no i * —> — ■

oe i kaawaje ae mai na ahewaia, mai ka poe mai, na lakou i hooko maoli i ka hana, a ua hiki oe ke hopuia, no kou komo pu ana iloko o kela hana hookahi. "Aole au i hoea mai nei no ka hoomaka'uka'u ana aku ia oe, aka no ke noi ana aku i kau mau kokua ana mai ia'u, me ko'u makaukau e uku aku ia oe luhi. Owai ka inoa o kela kānaka nana i haawi mai i ka hookahi haneri dala nau e paa?" Ma kahi o ka pane pololei ana mai i ka ninau a ka makaikiu, hoolalau wale mai la no ka pane ana a ka ona o kela hale inurama, i ka i ana mai: "He mau dala pili kela mawaena o na kanaka eha, a na'u e paa ka pili a lakou, o ka hana nae e hookoia aku ana, aole i maopopo iki ia'u, a ina paha he hana hakihaki kanawai ia, aole loa au c— —' "Ua maopopo ia'u ka manao o kau mea e kamailio mai nei," i kahamaha aku ; ai ka makaikiu. "Aole a kaua kamailio ana i koe no kela mau dala, ua ae mai nei oe imua o'u, ua lilo oe i mea nana e paa i ka hookahi haneri dala, a aole no a'u ninau no ke ano o ka hana, i waihoia mai ai na dala nau e malama, 0 ka'u wale no e ake nei e lohe owai ka inoa o ke kanaka nana 1 haawi mai i ka hookahi haneri dala ia oe?" "Elike me ka hiki ole ia'u ke hoolilo ae i ka pouli i malamalama, pela iho la no ka hiki ole ia'u ke hoike aku i kona inoa ia oe, no ka mea aole no au i kamaaina mua iaia; koe wale no.keia, he kanaka ili hauliuli oia, me he mea la, ua hoololi oiā i kona ano, me kekahi mau mea hoololiloli. I kinohi o kona komo ana mai iloko nei, ua kuhihewa maoM no au, he makaikiu oia." "Pehea aole anei oe i hoohuoi i ke ano maoli o kela kanaka?" "Aohe o'u wahi hoohuoi iki nona!" "Pehea ina no kou ike hou aku i ua kanaka nei, e maopopo ana no anei ia oe, oia ia?" "Ma kona leo wale no paha e hiki ai ia'u ke hoomaopopo aku, no ka mea o oe hookahi wale no ke kanaka hiki ke pulapu mai ia'u ma ka leo, no na kanaka e ae la, ua maopopo ko lakou leo apau loa ia'u." "Pehea e hele hou mai ana anei kela kanaka e ike ia oe, a i ole e hoike wale mai ana no paha oia ma o kekahi elele la, mamua o kou uku ana aku i ka hookahi haneri dala." "Aole oia e hele hou mai ana, aka e hoike mai ana oia i ka lohe'ia'u, mā kekahi ano, no ko'u uku a uku ole aku i ka hookahi haneri dala, i na kanaka i'pili pu ai me ia." "Ina hoi ha no ka hoea mai o kela kanaka a i ole o kekahi elele paha ana e hoouna mai ana, e hiki ana anei ia oe ke paa iaia maanei, ahiki i kuu hoea hou ana mai, ina no ia no ka i pule hookahi ?' "Ina no kona hoea i'o mai, aole loa kela kanaka e haalele | iho ana i keia hale inurama, ahiki i kou kamailio pu ana me t -"O kena maoli ko'u makemake," wahi a ka makaikiu, me | kona ku okoa ana ae iluna, a hoomau hou aku la i kana kamailio ana: . "No kou mahele iloko o ka hana aku ai kela poe aohe au hopohopo ana, no ka ; mea owau kou hoopakele, nolaila, he oi aku ka hooko ana i na mea pololei, mamua o ka noho ana aku iloko o ka halepaahao no na makahiki loihi. No ka lohe ana mai o kela ona hale inurama, i ka huaolelo halepaahao, pii ae la ke kunahihi ma kona mau maka, a noke mai Ia i ke kamailio no kona lihi launa ole aku iloko o ka hana a na kanaka eha i hoolala ai, aohe nae he hoolohe aku o ka makaikiu ia mau.olelp, aka oili aku la oia mailoieo aku o ka hale inurama, me ka hoihoi ana mai i kela ano hikaka kahiko ona, e kuhihewa mai ai e kapoe e maalo ae ana ma ke alanui, he kanaka oia i ona. No kekahi manawa loihi kela hele ana aku a ka Makaikiu Demona, a 1 ka hoea ana aku i ke kihi o ke alanui, me kekahi āianui okoa aku, kaha ae la oia hele no kekahi alanui, a hele pololei loa aku la, no kahi e holo ae ana o ke kaa uwila, o kona kau aku la no ia, no ke alahele e hoea aku ai i ke kulanakauhale. laia maluna o ke kaa uwila, ke noonoo la oia, i na hana o na la.ekolu i hala aku, me he mea la, aole he wahi makili ae 0 ka meahuna pohihihi, e pili ana i ka make ana o ke kaikamahine opio, ame ke ano o ke kaa ana aku o na lole o Akeneki Linekona maluna o kona kino, a mihi loa iho la oia no kona hemahema maoli, ma kana mau hana i lawelawe ai no kela' hihia pohihihi; me he mea la ua hooi loa ia ae ke kulana pohihihi o kela hihia mai kona manawa mua loa mai i hookolo ai 1 kinohi. Ua hele no hoi a kani ka hora ekolu o ka wanaao, hoea aku la ka Makaikiu Demona no kona home, a haule aku Ia hooluolu no kekalii mau hora kakaikahi, mamua o ka hoomau hou ana aku i kana hana, ma kekahi la mai. . Hakālia no a pau kona aina kakahiaka haalele iho la oia i kona hale a hele aku la no ka home e noho ana o Mode Linekona. laia i hoea aku ai no kela home, e pioloke ana ka poe apau o ka hale, a ua kaa hoi kela home malalo o ka hoomalu ana a na makai, no ka'mea ma ka mea ma ka po aku mamua, i komo aihueia ai ua hale nei, a lilo na waiwai makamae, ma kahi o na haneri dala ka waiwaiio. Me ka palamimo loa ka lawelaweia ana o na hana aihue ma kela home, me ke ala ole o ka poe apau e hiamoe ana maloko, a aole he mea i ike iki i ke komo aihue ia ana, ahiki i na hora o ke kakahlaka, i ka manawa i ala mai ai ka poe o kela home. Ma kekahi puka aniani mahope mai o ka hale kuke ke komo ana o ka poe aihue, ma ke oki ana 1 ke aniani a hemo, a me kekahi mau ki a lakou o ka paa ana mai, a i ole me na u-pa umii paha, pela ihō la i hiki ai ia lakou ke komo maloko o na rumi apau, a lawe aku i kela amē keia ano yraiwai e loaa aku ana, a ma ka puka mamua o ka hale ko lakou hemo ana iwaho, me ka waihoia no o ka puka me ka hamama. Aole nae o na waiwai makamae wale no na mea i laweia, aka ua lawe pu ia o Mode Linekona, ma ke ano limaikaika. Ma ka hora umi o ka po mamua aku i hoi ai o Mode e hiamoe maloko o kona rumi, mahope iho o ka hoike ana mai i ka ona nonā kela hale, aole he maikai o kona ola kino, jpe ke ki ana mai i ka puka malōko a paa, o ka mea apiki nae, i ka wa i komo aku ai ka ona liale ma ke kakahiaka ana ae, aole o Mode maloko o kona rumi, a o na ukana keia oloko o kona pahu lole, pela hoi me na ukana o ka pahuume, e waiho mokaki mai'ana-iluna o ka papahele, a maluna hoi o ka uluna e waiho ana he mau kikohukohu eleele, a he U-pi i hoopuluia me ka laau hoohiamoe, ,ke waiho ana iluna o ka papahele. I ka lohe ana o ka Makaikiu Demona i na mea apau i hoikeia aku iaia, pela hoi ka ike ana nona iho i na mea apau i hoikeia aku iaia x pela hoi ka ike ana nona iho i na mea apau. i hanaia, hookahi wale no noonoo o ka oili ana ae. iloko.ona, o ia v no ke kaa hou ana aku o Mode Linekona mālalo o ka malu o kela kanaka nana i hoolala e pepehi i kona makuakane a make, a o ke kanaka hookahi no hoi i kau aku ai k.e kō'iko ? i o ka make ana o Akeneki Linekona, lawa ole ihō la ka makemake o kela kanaka ma ia mau hana ku i ka lokoino, pela oia i ake mai'ai e kaa aku o Mode malalo o kona malu, no ke

ake wale mai no e loaa aku ke ki e hemo ai o ka meahuna pohihihi, pili i na miliona dala a Linekona o ka huna ana. Oili pu ae la no hoi kekahi noonoo iloko o ka makaikiu, o na hoailona maopopo loa, no ka lawelaweia ana o na hana aihus maloko o kela hale, he mau hana apuhi wale no ia, no ka hoopuhili ana i ka noonoo o ka oihana makai, oiai nae, o ka hana hookahi wale no i makemakeia, o ia; no ka lawe ana ia Mode ma ke ano limanui, mailoko a"ku o kela hale. No ka manawa mua loa, mahope iho o ka maopopo ana i ka Makaikiu Demona, ua kaa aku o Mode Linekona malalo o ka malu o kekahi o na kanaka ino loa, akahi no oia a ike maoli iho, i ka nui o kona aloha i kela kaikamahine, ka mea i loaa ole iaia, no na wahine e ae. Me kela aloha e paila ana iloko o kona puuwai, i hooliiki iho ai ua makaikiu nei, e huli aku ana oia ahiki i ka loaa ana o ke kaikamahine opio iaia, alaila hoopakele mai mai ka mana mai 0 kela kanaka ino, a ina no kā hiki ole iaia ke hoopakele mai, mamuli o kona make mua ana, alaila e hookau aku no oia 1 ka make, maluna o ka poe apau i komo iloko o ka hana nana i hookaawale loa i kela kaikamahine opio mai iaia aku. I kinohi o kona lawe ana mai i kela hihia ano nui, no ka hookolo ana aku 1 ka poe hakihaki kanawai, ma ke ano wale no ia o kana oihana makaikiu, aka nae i keia manawa, ua papalua ia ae ka hana i kau mai maluna ona, e hooiia ae ai ka iini ame ka ikaika iloko o kona noonoo, e hookolo aku mahope o ka meheu o ka poe hakihaki kanawai; a ua paa loa kona manao, elike me ka mau ana o ka ikaika iloko o kona kino, e hiki ana no iaia ke kaili mai ia Mode mai ka malu mai o kekahi kanaka. MOKUNA XII. Ua"haalele aku kaua e ka makamaka heluhelu, ua lilo o Kapena Paka he pio na Linekona, me ka pakele ana o kela elemakule mailoko mai o ka hale i hoopaapioia ai oia me na kaulahao e ke poo o ka poe hakihaki kanawai. Mahope o ka waiho 1010 ana o ua kanaka nei me ke kupouli o kona noonoo no kekahi manawa, ua pohala ae la oia, a lohe aku la i ke paniia ana mai o ka puka mamua o ka hale, me ke kiia ana mai a paa mawaho, ia manawa i kupaka ae ai oia me ka hooikaika ana e hemo, aole nae he hiki, no ka mea ua paa kona mau lima ame na wawae i ke kaulahao, a iloko o kona hoonaukiuki me ke kuaki pu, noke ae la oia i ke'kahea i mau kokua, aolie nae he poe lohe mai, nb ka mea oia hookahi wale no ke kanaka i ike i keia wahi huna. Me kela noonoo nae iloko ona, o kela ana kona luakupapau, o ka make wale no ke halawai mai ana me ia, ua lilo oia he kanaka ehaeha loa, aole hoi o kekahi o na kanaka hauoli elike me ia mamua aku, a iloko o kona mau noonoo ehaeha, i hoomaka ae ai oia e pule me ka leo nui, e nonoi ana i ke Akua, e huikala mai i kona mau hewa apau, a ke loaa iaia ka paliekana mai kela wahi mai, alaila e lilo no oia i kanaka e hana ana i ka pono ame ka pololei, a e waiho i kona mau aoao hewa apau. Mahope 'o ka pule ana no kekahi mānawa, me ka hoea ole mai o na kokua, ua noke okoa ae la ua kanaka nei i ka hoopuka i kekahi mau olelo kuamuamu, a mailoko mai o kona mau manao uluahewa, i hooki pu iho ai oia i kana kamailio ana, no kona lohe ana aku i kekahi mau pahupahu kapuai wawae mawaho o ka hale. "Ua hoea mai anei na kokua, no ka pane ana i ka'u leo pule?" wahi a ua kanaka nei i hooho ae ai, me ka piha nauki, no ka hoea ole mai o kekahi mea a hookuu lanakila ae iaia. Aole i poho wale kona mau manaolana, no ka mea ke hookokoke mau mai la kela pahupahu kapuai wawae, ahiki i ke ku ana mawaho o ka puka, lohe aku la no Oia i ka nakeke o ka laka, a iloko o ka manawa pokole loa, komo ana no o Mr. Kalakona iloko, aia hoi ma kona lima e paa ana kekahi ipukukui hele-po iaia i komo mai ai no ke keena nui, kahi i hoopaaia ai o Kapena Paka, hoomalamalama mai la oia i ka ipukukui, a i kona ike ana mai ia Kapena Paka e noho aku ana me ka paa o kona mau lima ame na wawae i ke kaulahao, ua hoopiha loa ia oia me ke kahaha, no ka mea aole loa oia i moeuhane iki, he mea kekahi i hiki iaia ke hoolilo ia Kapena Paka pio malalo ona. O ka hoea ana o Kalakona no kela hale, a lilo ai oia i mea hoopakele i kona poo ma ka hana hakihaki kanawai, penei no ia: O Mr. Kalakona kekahi o na kanaka ino loa, me ia mau ano ino no nae ona, ua lilo no oia i kanaka hilinai nui ia e Kapena Paka. ' Ua maopopo ia Kalakona, he nui na meahuna a kona haku, ana nae i ike ole ai. Ua maopopo i keia kanaka, o kela laweia ana o Mode Linekona ma ke ano. limanui e Kapena Paka, aole ia no ka manao hoohihi o ua kanaka n.ei i kela kaikamahine; aka aia kekahi mau hana pohihihi an ai ake loa ai e hookoia; elike me ka ua o Kalakona, i hoohuoi ai, ma ka manawa a Kapena Paka e noke ana i ka niele ia Mode no na huahelu, a no ka imi ana i ka mea oiaio, pela iho la oia i hookolo mai ai, ahiki i ka loaa pono ana o Kapena Paka iaia, eia ka ua paa i ka.hauhoaia i ke kau lahao. Ma kela kaawale ana o Kalakona mai ia Kapena Paka aku, ua hoi hou aku la o Kalakona no kela hale mua a laua i kukakuka pu ai maluna o kekahi mau mea, ma ke ano hoolalau wale no, a i kona ike ana, aole o Kapena Paka maloko o ka hale, nolaila noke aku la oia i ka huli ialoko o ka hale malalo» a no ka loaa ole, pela oia i hoea mai ai no keia hale hou, a halawai pu me kona haku. No ka piha hauoli loa hoi o Kapena Paka-i kela hoea ana mai o Kalakona, aole ona manawa e ninau aku ai i ke kumu 0 ka hiki ana mai o ua kanaka nei noloko o kela hale, hookahi wale no mea nui loa iaia, o ia kona hookuu koke ia ae me ka lanakila, riolaila noi mai la oia ia Kalakona e kii mai e wehe i na kaulahao i hoopaaia ai oia. Aohe hoohakalia ana iho a Kalakona, aka hooko aku la oia 1 ke kauoha a kona haku, aia nae iloko ona, ke nalu la oia i kana kumupale e kamailio aku ai, i kona manawa c ninauia mai ai e kona haku, i ke kumu o kona hoea ana aku no kela hale ma ke ano ulia. Ke kakali malie la o Kapena Paka ahiki i ke kaawale ana aku o na kaulahao mai iaia aku, a ku ae la oia iluna he kanaka lanakila, ia wa i auhee aku ai na manao maikai apau mai iaia aku, a nohoalii iho la ka inaina ame ka huhu maluna ona, me ka noke ana ae i ka hoopuka i na olelo hailiili, me ke kuantuamu ahiki i kona pane okoa- ana mai imua o Kalakona : "He kanaka ka'u i hoopaapio ai maloko o keia hale, eia naft iloko o ka manawa a'u i noonoo ole ai, aia hoi Ua hoolilo mai oia ia'u i pio nana, aua hele aku oia me ka lanakila. Ke makemake nei au e huli oe ahiki i ka loaa ana o kela kanaka, e haawi no au i hookahi kaukani dala ia oe no kou luhi, aka ina e hiki ana ia oe ke hoihoi hou mai i ua kanaka nei iloko o na hora he umi-kumamalua, e papalua no au I kela huina dala." . (Aole i pau.y