Ka Nupepa Kuokoa, Volume LXIV, Number 31, 30 July 1925 — HE $10,000 KE POHO O KA HALE HOAHU A KA HUI PACIFIC GUANO I PAU AI I KE AHI [ARTICLE]

HE $10,000 KE POHO O KA HALE HOAHU A KA HUI PACIFIC GUANO I PAU AI I KE AHI

O kela hale hoahu ukana a ka Hui Pacific Guano anie Fertillzer i piha me na paila eke i pau ka lepo guano oloko ka i holapuia ae e na ulaahi i maopopo ole ke kumu o ka a ana ae, a e ku ana makai ae nei o ka apana o Iwilei ; ma ke.kakahiaka oka Poakolu o ka pule aku la i hala a nona na poho i kohoia aia ma kahi o ka $10,000. Ma ka manawa e ikaika ana ka a ana a ke ahi ua lilo i mea hookau

aku i ka weli i. na hale e ae ke pahupahu o na eke paakai nitrate i ka anawa i pa aku ai i ka wai, o ia mau eke a pela hoi ka papaaina mai na uwea uwila mai e moe ana maluna o kaupaku oia hale. Na na kanaka hana uwila i hookauwale ae i ra uwea uwila ma kahi kaawale, a ma ka oleloia ua lawa -ka ikaika 0 ia mau uwea uwila e hoonui aku ai i kā poino ma kela wahi ina aole 1 hoopio koke ia. Mahope koke iho o ka liora 5 o ke kakahiaka o kela. Poakolu i maka ae ai ke ahi e ikaika loa a pahola ae la na ulaahi me ka liikiwawae loa ma o a maanei o ia hale. Ma ka manawa o na kaawai kinaiahi i hoea aku ai mai Kapalama mai o mai ke kikowaena ae ua puni kela hale i ke ahi. Ua hoomoeia aku na iliwai elua mai ke kiwai nui aku kokoke loa in hale, ano ka ikaika ole o ka'wai īne ka hana nui na kanaka kinai ahi i kinai ai. No ka ikaika ole o ka wai ua kahea okoaia mai ka luna nui o ka oihana wai C. J. McCarthy e pani i na kiwai o na wahi e ae i ikaika ai ka wai e kahe aku.no kela wahi. No kekahi manawa ua hookokoke aku na ulaahi i na hale e pili kokoke mai ana a e pili kokoke loa aku ana hoi i ka pahu aila a ka Hui Standard Oil Co., e ku ana ma ke kahi aoao niai o ke alanui. O kahi i laki ai o kela hale ua paa mua i ka iniauaia.