Ka Nupepa Kuokoa, Volume LXIV, Number 31, 30 Iulai 1925 — Aohe Mau Paio Ku-e no ka Nui o na Oihana La'i ke Kula no ka Hapanui o na Luna Oihana o ke Kalana o Kauai LOAA KA MEA KU-E I KA MAKAI NUI W. H. RICE Paa ka Manao o William K. Peters o Hanalei e Loaa Ana ka Ikaika Iaia [ARTICLE]

Aohe Mau Paio Ku-e no ka Nui o na Oihana

La'i ke Kula no ka Hapanui o na Luna Oihana o ke Kalana o Kauai

LOAA KA MEA KU-E I KA MAKAI NUI W. H. RICE

Paa ka Manao o William K. Peters o Hanalei e Loaa Ana ka Ikaika Iaia

I kulike ai me kekahi meahou, o ka hoikeia ana mai i keia kulanakauhale mai ka meakakau mai o ka pupepa Advertiser, e noho mai la ma Lihue, Kauai, aole ka he mau hopohopo, a pihoihoi ana iloko o ka hapanui o na luna oihana o ke kalana o Kauai i keia manawa, mamuli o ko lakou hoomaopopo ana, aole he mau moho e holo ku-e mai ana ia lakou, no keia kau koho baloka e hoea mai ana. 0 na helehelena wale no nae mawaho ka lakou e nana aku nei i keia manawa, me he mea la nae, aia a kokoke loa aku i ke kau koho baloka wae moho,. o ka manawa ia e oili okoa ae ai kekahi mau moho lehulehu, no ka holo ku-e ana i na hoa o ka papa lunakiai e uoho mai nei i keia manawa. Hookahi nae luna oihana maopopo loa, i keia manawa, ka loaa ana iaia o kekahi hoa paio, oia no ka Makai Nui W. H. ±tice; o kona hoa paio, oia o William K. Peters o Hanalei, ke kaikaina o ka Lunakiai Peters, o kela apana. No kekahi manawa ka halia ana o William K. Peters i ka manao o na makaainana koho haloka o Kauai, ad J&Hta : kulaha Ikiikli; > k«la i ai i ka Makai Nui !kicfe, ahiki i kona hoike akea ana ae i kona manao, he moho oia, e alualu ana i kela kulana ma keia kau; o ka hiki iaia ke lanakila maluna o ka Makai Nui Rice ame ka ole, he ninau hiki ole ia ke paneia i keia manawa. n Ma ka manaoio nae o na alakai kalaiaina ame kekahi mahele o na mana koho o Kauai, he hana paakiki loa na Mr. Peters, ka hoao ana e holo ku-e aku ia W. H. Hiee, no ke kumu, ua like ko Kiee kulana ma ka oihana, me kekahi pali pohaku paa, e hiki ole ai ke hoohioloia; a eia no na hoaloha o ka Ma* kai Nui Kiee ke noho mai nei, me na manaolana no kona koho hou ia ma keia kau, me ka nui ole o ka hana.

No na kulana puuku ame lunahooia, he nui ka ka poe i e holo moho, no ke ku-e ana i ka Puuku K. C. Ahana ame ka Lunahooia K. M. Ahana, aka ia lakou i haha aku ai i ka ikaika o kela mau kanaka, iwaena o na mana koho; ua hoopau okoa lakou i ka manao ana, e holo ku-e ia laua a elua, mamuli o ka ike i loaa mai ia lakou, o kela kekahi mau kanaka nui o ko laua mau hoaloha, pela hoi ka hilinaiia e na mana koho ba!oka apuni ka aina. No ke kulana kakauolelo kalana, aohe loheloheia o kekahi mea i manao e holo ku-e i ke Kakauolelo iho Mahiai Kaneakua, no keia kumu iho la, ua malaelae ke alahele no kona koKo hou ia me ka nui ole o ka hana. O ka Loio Kalana A. G. Kaulukou ka i.manaoia, e ku hou aku ana oia a paio me 8. K. Kaeo, ka loio kalana mua o Kauai; eia nae he kulana ma'i ko Kaeo iloko o keda mau la ,me ke kanalua ioa ia, no ka, hiki e loaa.ka oluolu ame ka ikaika kupono iaia, e hele ai e hooikaika baloka, ke lioea mai ke kau koho baloka wae moho o kela kalana. Iwaena o na hoa o ka papa,o na lunakiai, he kulana kanalua loa, ka loaa ana i na lunakiai eha, o ke alahele malaelae me ka hoa paio ole, aka no ka lunahoomalu o ka papa, aole -he wahi kanalua iki, no ka hoomau hou ia aku o H. D. Wishard ma kela kulana.