| | KA MANAO O KIAAINA FARRINGTON
NO KA WAIONA No ke kamailio nui ia iloko o na la aku la i hala, e pili ana
i na alahele e kapu i'o ai ka waiona ma Hawaii nei, a e hapa
mai ai kona hanaia ana, ame ka inuia ana e na kanaka, i hoa-
kaka ae ai o Kiaaina Farrington i kona manao, o ke alahele
wale no e hoea mai ai i keia hopena, o ia no ke ku ana o na luna
oihana mahope o ke kanawai, pela hoi ke kupaa ana o ka poe
hele pule, mahope o na ao ana a ko lakou mau hoomana ame
ka poe oloko o na ahahui, e kokua ana ma ke kinai ana ia mea.
He manao pololei a oiaio loa kela o ko kakou kiaaina; ina
e ku ana na luna oihana apau, me na manao kuokoa, na manao
kui'o, a hooko aku i ke kanawai hookapu waiona me ka ma-
ka'u ole, a hoopilimeaai ole, he mea maopopo loa, e hookauia
aku ana ka weli maluna o ka poe e hana ana i ka waiona, a oi
loa aku maluna o ka poe e kuai ana i ka waiona ma ke ano imi
pomaikai; pela hoi ka poe e inu mau ana ia mea, no ka hoo-
hauoli ana ia lakou.
Ke kau aku nei kela ame keia keena i ili aku ai ke ko'iko'i
o ka hooko ana i ke kanawai, i na ahewa ana maluna o kekahi
keena, no ka hooko ole i ke kanawai hookapu waiona, a ke imi
mai nei hoi kekahi i na kumupale, no ka hiki ole ana i kela
keena ke hooko i ke kanawai me ka ikaika, ina nae ua makeeia
ke kanawai, a ua makemakeia ka noho mana ana o ka maluhia
iloko nei o ka aina, ua hiki ole i na luna oihana ke alo ae, mai
ka ili pololei ana aku o na ahewa ana maluna o lakou, no ke
kulana a kakou e ike nei iloko o keia mau la e nee nei.
Mawaho ae o na luna oihana, he mau meapaahana na lua-
kini o kakou, na ahahui, no ka hooko ana i ke kanawai; o ka
lilo ana o ka poe hele pule, na lala o na ahahui, i poe pulama
mau i ka waiona, he hanu paakiki loa ke kinai ana aku ia mea ;
aka ua hoolanakila loa ia aku ka poe na lakou e hana nei i ka
waiona, a ua kokua pu aku kakou ma ka hakihaki ana i ke ka-
nawai.
E lilo na luna oihana aupuni, ia lakou ka hooko ana i ke ka-
nawai i poe hooko i'o i ke kanawai ; e kau na luna kanawai i na
hoopa'i ikaika loa, ma ke hoopaahao ana i ka poe puhi waiona,
ame kuai waiona; e lilo ka poe hele pule ame na lala o na aha-
hui, i poe kokua aku ma ka hoike ana ae i ka poe ku-e i ke
kanawai, e ike auanei kakou, ma kahi o ka hele lanakila o ka
waiona elike me ia e ikeia nei, ma na wahi apuni keia teritore,
e nalohia aku ana ia, e lilo ai i hana paakiki loa ka loaa ana i
kekahi mea e makemake ana i ka waiona.
Me na aliikoa kiekie > ka oihana kaua ame ka oihana koa,
e ku ana mahope o ke kanawai hookapu waiona ; he hana paa-
kiki na na koa, ka hoao ana e hakihaki i ke kanawai, aka ina
he poe inu no na aliikoa i ka waiona, aole lakou i hoolanakila
wale aku no i na koa malalo o lakou, e lilo i poe hakihaki ka-
nawai, aka o lakou pu no kekahi i pili ia hewa hookahi; he
kumu hoohalike kupono loa keia, no ka poe apau i ili aku ai ke
ko'iko'i o ka hooko ana i ke kanawai maluna o lakou.
Ma ka huakai makaikai a ka Lunakanawai Apana S. Hoo-
kano o Ewa, no ke kulanakauhale o Los Angeles, ma ka maka-
hiki aku nei i hala; ua hookipaia aku oia me na manao hiipoi
e kekahi poe hanohano a mau luna oihana kiekie o kela wahi, me
ka paneeia ana mai o ka waiona imua ona ; o kana i pane aku
ai, he pane nana i hoopa aku i ka uhane o kela poe, a i ku a
hilahila maoli ai lakou no lakou iho, i ka i ana aku: "Aole
kakou, ka poe e hooko ana i ke kanawai, e lilo i poe hakihaki
kanawai."
Heaha ke kohu i ka poe e hooko ana i na kanawai o ka aina
ke lilo o lakou pu no kekahi e hakihaki ana i ke kanawai?
No ka uku mahina wale no anei ka lakou i ake aku ai e ohi
mau i kela ame keia manawa ? Ina pela, ua kupono ole ko la-
kou lilo ana i mau luna oihana no ka lehulehu.
UA KUPONO KA HOOPA'IIA ANA.
Aole i lilo ka olelo hooholo, ame ka hoopa'i a ka Lunakana-
wai Apana Harry Steiner, i hookau aku ai maluna o na makai
elua, na laua i hoohana i ka huipa maluna o kekahi keiki opio,
i mea mahaloia e kekahi mahale o na makaainana o keia kula-
nakauhale.
O ke kumu o ko lakou mahalo ole, hookahi mea maopopo i
ka noonoo aku, no ke ko'iko'i loa ia, me ke kupono ole, e auamo
kela mau makai i kekahi hopena maikai ole no ko laua hooko
ana i ka laua oihana.
Ke kakoo nei keia pepa i ka mea a ka Lunakanawai Steiner
i hana aku ai ma ka hihia o kela mau makai, elike me na ike i
waihoia mai imua o kana aha ; no ke komo ole ana o kela keiki
opio, iloko o kekahi hana hoohaunaele, a mau hana kolohe e
ae paha; nolaila o ka hoohana ana aku o na makai, i ka laua
huipa maluna o kela keiki, me kekahi kumu kupono ole; ua
kupono ko laua hoopa'iia ana aole wale no, i wahi no laua e
ike iho ai, i ke kaulike o ke kanawai i hanaia, aka i haawina
a'o kupono loa, no na makai apau ; e ku mau ana ke kanawai
e kokua i ka mea pono, a e hoopakele i ka mea i hoopilikia
wale ia aku. Aole he mea malihini ia kakou, ka ike ana i na hana kolohe
i lawelaweia e na luna oihana o ke aupuni, ame na limahana
oloko o na hale oihana, ma ka lawe ana i na huina dala mahua-
hua, a hoolilo no ko lakou mau pono ponoi iho; ke noho mai
nei maloko o ka halepaahao, he nui o kela poe; aka ke mina-
mina nui nei keia pepa, no ia. Hawaii, i paa i kekahi kulana
oihana kiekie ma ka mokupuni o Maui, he hope-akena no na
aina aupuni ma kela mokupuni, no ka hiki ole ana iaia ke lana-
kila maluna o na hoowalewale. E loaa nae he haawina a'o ku-
pono ia kakou apau na Hawaii, e hoao e pale aku i na hoowale
wale me ka ikaika; a ua oi aku ka aie maoli ana aku i kekahi
poe ina ia he kumu e hoopauia ae ai ka pilikia i ka manawa
pokole, mamua o ka hoau ana e lawe ae i na dala i kaa aku
malalo o kona malu ma ke ano ku ole i ka pono a pololei.
E komo ana paha auanei o Sam E. Kalama, ka lunahoomalu
o ka papa o na lunakiai iloko o ke ahi, mamuli o na kumu hoo-
pii hoohalahala e ku-e ana iaia no kana mau hana hemahema
i lawelawe ai, ma ke apono ana, e ukuia aku he mau haneri
dala, i ka Loio Kalana Bevins, no kekahi mau hana, i hookaa-
wale mua ole ia ka haawina dala. Ina no paha e hiki ana iaia
ke hoopakele ae iaia iho ma ka waiho ana ae i na kumu kupono
no kona lawelawe ana aku ia hana, e hookuuia mai ai oia, me
ka hewa ole e ka aha; hookahi nae mea e oili ae ana, e loaa
ana ka pauku iwi a kona mau enemi kalaiaina, e lawe hele ai
imua o na mana koho baloka, ke hoea mai i ka wa holo moho
o na luna oihana o ke Kalana o Maui, ma keia mua iho. | Nuhou
Kuwaho WAILUKA, Iulai 22.— Ua hoo-
pii hoahewaia ae o Frank Kalua,
ka hope akena aina mua no Maui
no ke kumuhoopii o ia kona hoolilo
ana aku he huina dala ma ka oleloia
he $237.48. Ma ka manawa o Ka-
lua i kukuluia ae ai mamua o ka
aha ma keia kakahiaka ua ae ae
oia i kona hewa. E kauia aku ana
ka hoopa'i maluna ona mahope aku. SAN DIEGO, Iulai 22.— Ua loka-
hi ka manao o na hoa o ke komite
a ka hale maluna o na hana e pili
ana i na moku kaua, ka poe i holo
aku nei e nana i na awakumoku o
na mokukaua ma Hawaii maluna o
kekahi kahuahana, o ia hoi ka hoo-
lilo ana i ke awa o na mokukaua
ma Puuloa i kahua pale ikaika, o
A. E. B. Stevens, ka lunahoomalu
o ke komite, ka mea nana i hoaka-
ka ae ma ka manawa o ka hoea
ana mai a ia mau komite ianei i
keia la mai Hawaii mai. MELBOURNE, Iulai 23,— I keia
la i hekau iho ai na mokukaua Ame-
rika maloko o. na kai o Auseteralia
nei, hookahi mahele o na moku-
kaua maanei, a o kekahi aia i Si-
kane. O ko lakou hoea aua mai la
ianei he hoailona ia no ka malama-
ia aku o na hana kulaia laula. O
ka hana hooweliweli a na kanaka
hana maluna o na kaa uwila e olo-
hani i keia la ua hoopau wale ia
mamuli o ka hoole ana o na Iala
o na hui uniona aole e komo pu ma
ke olohani ana iloko o ka manawa
e ku ana na mokukaua maanei. ROCKWOOD, Iulai 23.— He elua
mau kino make i loaa aku maloko
mai o ka lua lanahu a ka hui Bode
Iron maanei kahi o umi mau kanaka
i paa ai iloko o ka lua lanahu ma-
hope o ka pa-hu ana o ke gas. Ua
hoopau wale ia ka manaolana ana
o na kanaka eli lanahu aku i koe
oia mau no ko Iakou ola ana. GUYAMAS, Mex. Iulai 23— Na
kekahi makani ikaika o ka pa ana
mai ma ka la 20 i hoopae aku i ke-
kahi mau mouahi lehulehu i kula,
hoopiholo i kekahi mau moku lawa-
i'a i maopopo ole ka heluna, a i
halana pu ia hoi e ke kai na wahi
kokoke i kapakai maanei a piha
kekahi mau hale kokoke i kahakai
i ke kai. Aohe mau ola i poino ma
ka hoike i pau pono ole i ka houlu-
uluia, no ka poe nae i eha ua ma-
naoia he nui lakou. Ua nui ka po-
ino ma na waiwai aohe nae he hui-
na maopopo i kohoia. MELBOURNE, Iulai 24.— He umi-
kumamalima mau kanaka i make
a he 100 i hoehaia ma keia auwina
la ma ka manawa o kekahi lanai
i pihakui i na kanaka o kekahi
hale kiionioni i hiolo ai, i ka ma-
nawa a na kanaka e nana aku ana
i ka paikau ana a na koa marina
Amerika maluna o ke alanui Bourke.
Ua hookipaia mai me ke ohaoha e
na luna aupuni federala o Ausete-
ralia i keia la ka Adimarala Ro-
bert E. Coontz, ka adimarala poo
nana e hoomalu ana i na mokukaua
Amerika, ame na moku e ae i hoea
mai ai ianei i keia la. KAKAUINOA NA MAKAAINANA
O MAUI I KEKAHI PALAPALA
HOOPII E KAIEHU I KA LOIO
KALANA E hoakaka ana kekahi lono mai
ka buro radio mai ma Maui, e pili
ana i ka lawe hele ia ana ae o ke-
kahi palapala hoopii no ke kakau
ana o na makaainana i ko lakou
mau inoa ma ka Poaono o ka pule
aku la i hala, o ka manao maloko
o ia palapala noi e noi ana no ka
hoopii luna nui ia o ka Loio Ka-
lana Bevins mamuli o ka hoopii
hoahewa ana ae o ke kiure kiekie
ma ka Poalima aku ia Sam E. Ka-
lama he hoopii i owili pu ia ae ai ka
loio kalana, a ua hoole ka ka hapa-
nui o na makaainana i ke kakau
ana i ko lakou mau inoa mamuli
o ka lakou manao ana ho hana ka-
laiaina ia.
U ahookuuia o Sam E. Kalama,
ka lunahoomalu o ka papa o na luna-
kiai ma ia la mamuli o kekahi
bona o $500 o ka hoopaaia ana ae
me ke aupuni no kona hoea ae ma-
mua o ka aha kaapuni ma ke kau o
Sepatemaba e hiki mai ana.
Ma ka po Sabati iho nei ka hoi
ana mai o ka Loio Kuhina W. B.
Lymer mai Wailuku mai a e hoi
hou aku no i Maui ma ka la 13 o
Aukake ma ka manawa e noho ai o
ka halawai a ka aha kiure kiekie.
O ke Kapena E. H. Parker, ka
luna mua o ke awakumoku, a i hoo-
pii hoahewa pu ia ae ai e ke kire
kiekie ua manaoia e hoea aku ana
oia i Maui ma ka Poakahi iho nei
na ka pane ana imua o ka aha no
ke kumuhoopii i hookomoia ae ai
nona. | E HOLO ANA KA AHAHUI KA-
MEHAMEHA NO MAUI Ma ka pule aku la i hala, he mau malihini hanohano ka Ilamuku Oscar P. Cox ame J. W. Keliikoa, o ka Ahahui Kamehameha, na ka Ahahui Kaumualii, o Kauai, ahahui lala o ka Ahahui Kamehameha, i kulike ai me kekahi meahou o ka loaa ana mai keia kulanakauhale mai Lihue, Kauai mai O ka manao nui o kela huakai a keia mau lunanui o ka Ahahui Kamehameha no Kauai, no ka hoomaopopo ana no ia, no ka huakai a ka Ahahui Kamehameha no Maui, ma ka la 6 ame 7 o ka mahina o Sepatemaba ae nei e hoea mai ana, ka manawa hoi e malamaia ai ka halawai makahiki o ka ahahui, e akoakoa like ai na ahahui lala apau i kahi hookahi. Mawaho ae o kela hana hoeueu a hoomaopopo no ka huakai no Maui, o kekahi kumu nui o ka holo ana aku o keia mau lunanui i Kauai, no ka makaikai ana no ia, ame ka nana ana i na hana i lawelaweia no ka Paka Hoomanao Kuhio, i loaa ai ka ike piha ia laua, no ke kulana oiaio o kela paka; e makaukau ai laua ma ko laua aoao, i ka waiho ana aku i ka hana noi dala no kela paka, imua o na lala o ko laua ahahui, a imua no hoi o ka lehulehu o na makaainana. Ua hoohalaia ka Poalima aku la i hala, e keia mau malihini a ka Ahahui Kaumualii, ma ka makaikai ana i ka paka, me ko laua hoopihaia ana aku me na manao ohohia o ka piha hauoli, no ke kulana o kela paka; o kekahi kumu nui o ka hauoli, no ka loaa ana aku o ka ike ia laua, no na hoolala ana a ka Ahahui Kaumualii, e kukulu i kekahi mau hale pili o kela au kahiko, ma na wahi e pili kokoke mai ana i ka paka, a maloko o kela mau hale e lawelaweia ai na hana, i pili loa i ke ano o ka noho ana ame ke ola ana o na kanaka Hawaii o kela au i hala, ka mea e ike ole ia nei i keia mau la. Aole i hoi nele ka huakai a keia mau lunanui o ka Ahahui Kamehameha no Kauai, no ka mea ma ka halawai a ka Ahahui Kaumualii, o ka malamaia ana ae ma kela Poalima, i hooholoia ai me ka manao lokahi, e hui pu mai kela ahahui, me ka Ahahui Kamehameha, no ka huakai holo no Maui, me ke kohoia ana o ka Lunakiai James K. Kula, oia ke komite e hui pu aku ai me na ona o ka hui mokuahi holo pili aina, no ka haawi ana mai i kekahi mokuahi kaokoa, no na lala ame. na malihini a ka ahahui, no kela huakai. Ma na mea i hoolalaia no ka holopono o kela huakai, e haalele ana ka mokuahi me na Iala o ka ahahui ia Kauai, ma ke ahiahi o ka Poalima, Sepatemaba 4, no. Honolulu nei, e ku mai ai no keia kulanakauhale ma ke kakahiaka o ka Poaono ae, a ma ka hora ewalu o ke ahiahi o kela Poaono, e holo aku ai na Maui. I ka hoea ana o ka mokuahi no Maui, ma Keanae na ohua e hooleleia ai iuka o ka aina, a malaila e malamaia ai ka halawai, me ka akoakoa ana ae o na lala apau o na ahahui. Mahope o ka halawai, e hookipaia aku ai na malihini ame na kamaaina ma na pakaukau, i hoolakoia me na meaai Hawaii; mahope o ka ahaaina luau, e hele ai i ka makaikai, a hoaumoe ma Kahului, a ma na wahi e ae, e hookipaia aku ai e na kamaaina, a ma ka hora umi, o ke kakahiaka o ka Poakahi ae, e kau hou ai maluna o ka mokuahi ma Mala, Lahaina, a huli hoi mai no Honolulu nei, ma ke alahele o Molokai, e makaikai ai i na hiona o ka moku o Hina, a ku mai i Honolulu nei ma kekahi manawa o kela auwina la Poakahi, a ma ia po iho, e huli hoi pololei aku ai no Kauai. Oiai e kaawale ana kekahi heluna nui o na lala o ka ahahui, mai ka lakou mau hana mai, ma ke Sabati, ame ka Poakahi ae, ka la o na limahana, ua manaoia e huliamahi ana na lala apau o ka Ahahui Kaumulii, me ko lakou mau ohana ma keia huakai, no ka pono o ka hana i hoolalaia, no ka holomua o ka waihona Paka Hoomanao Kuhio, a no ka makaikai ana no hoi i ka moku o Kama, ame ka hoohauoli ana ia lakou iho, me na mea maikai apau, i kaulana ai na keiki o Maui, o "Maui no ka Oi." PEKING Kina, Iulai 23.— Ua pepehiia a make e na Pake powa, o Morgan Palmer, he kanaka Amerika ma kona aina hanai holoholona ma ka muliwai Sungari, kokoke i Harbin, Makekuria, a aihueia aku ke Kauka Howard, he kanaka bana maka, i hoonohoia mai e hana maloko o ka Halema'i Rockfeller, oia ka lono i hoikeia mai ianei i keia la. Ma ka la 20 o Iulai ko Morgan make ana. He elima mau kanaka Amerika e ae maloko o ka aina hanai holoholona i hoikeia mai ua pakele Iakou i nei manawa, koe nae keia o ko lakou wahi e noho mai nei aohe maopopo. Ke ninaninau pono mai nei ke Kanikela Amerika ma Mukden ma ka mea e pili aaa i kela poa. | Nuhou
Kuloko O kela Kepani i hooku'iia ai e ke
kaa uwila o Manoa, a naha ai kona
poo, me ka hoihoiia ana noloko o
ka Halema'i Moiwahine, ua make
oia ma ka po o ka Poakahi iho nei,
no ke kukonukonu loa o ka poino
i loaa iaia. No ka hora a oi, ma ka auwina
la o ka Poakahi iho nei, i hiki ole
ai i na kaa ke holo no kekahi aoao,
maka pali o Nuuanu, no ka paa o
ke alanui, i kekahi rola alanui,
nana i alai ae i kekahi uakee o
kela alanui pali. Eia na hoaloha o ka Lunakiai
Hollinger ke upu aku nei, e huli hoi
mai ana oia -no keia kulanakauhale
ma na la hope o keia pule; a eia no
hoi na Lunakiai Cunha ame Ahia ke
noho mai nei i ko laua ma'i me ka
hele ole ae ma na halawai a ka
papa o na lunakiai. No ka nui ole o ka poe make-
make e holo makaikai i na aina
hoopulapula ma Molokai, i hoopau
wale ia ai ka huakai makaikai i
hoolalaia e ke Kalapu Hoeueu o na
Hawaii, no ka la 8 ae nei o ka ma-
hina o Augate. Ma ka huakai a ka mokuahi
Haleakala o ke ku ana mai i Ho-
nolulu nei ma ka Poakahi aku la i
hala, i hanau ai kekahi wahine ohua
maluna o ka mokuahi, mawaho ae
o Molokai. He lono kelekalapa ka i loaa mai
i Honolulu nei, mai Wakinekona
mai, e hoakaka ana, ua paa ka ma-
nao o ke keena puuku o ke aupuni,
e hoopau i na akena hopuhopu wai-
ona apau, me ke komo pu o ka
akena hopuhopu waiona o Hawaii
nei. Ma ka Poakahi iho nei, i noho ae
ai ke kiure kiekie no ka ninaninau
ana i na hoike apau e pili ana i ka
pokole o na dala oloko o ke keena
o ka Puuku Kulanakauhale D. L.
Conkling. I kulike ai me na meahou mai
Hilo mai, aia ke paila mai la ka
ipuhao kalaiaina iloko o keia mau
la ma ke Kalana o Hawaii, me ka
nui o na moho, e holo ku-e mai ana
i na luna oihana e noho mai nei i
keia manawa. Ma ka Haleakala o ka Poakahi
iho nei, i hoea mai ai o H. L. Hol-
stein, ka akena hookapu waiona o
Maui, a no kekahi manawa ma kela
la, i kipa ae ai oia ma ke keena o
ka Akena John Hi Wise, no ke ku-
kakuka ana ma na mea i pili i ka
laua oihana. No ka nui loa o ka wela o na la
i hala aku nei, i hoakaka ae ai o
Konela C. J. McCarthy, ka lunanui
o ka oihana wai, no ka hapa mai o
ka wai i keia manawa, e lawa pono
ole ai ka poe e noho ana ma na
wahi kiekie i ka wai. Ma ka Poakahi iho nei, i hoolo-
heia ai ka hihia hoopae malu i ka
waona ma Kauai. O keia ka wai-
ona i loaa aku ai i na makai o
Hanalei, a i hopuia ai kekahi poe a
hoopauia aku ai ka akena hookapu
waiona o Kauai. Ina he oiaio na hoike i loaa mai
i keia kulanakauhale, alaila e holo
mai ana ka Loio Metzger o Hilo, no
ke alualu ana i ke kulana loio ka-
lana e ku-e ana i ka Loio Kalana
W. H. Beers. Ma ka Poalua o keia pule ae e
haalele iho ai o Mark Ned, o keia
keena pa'i nupepa no ka mokupuni
o Hawaii, no ka hui pu ana me ka
poe lawe i ka nupepa Kuokoa, e
hala ai iaia he elua pule, mamua o
ka huli hoi hou ana mai no keia
kulanakauhale.
PAU I KA WAWAHIIA NA
OMOLE LAMA O NA ANO
LIKE OLE I KOMO MAI AI I
HONOLULU NEI O na ano waiona like ole apau
i komo mai i Honolulu nei maloko
o na eke paa lima eleele, a i hunaia
hoi maloko o na. kimono a ma na
ano e ae ua pau loa i ka wawahiia
na omole ma ka Poakahi nei ma-
kai ae nei o Kakaako ma ka kauoha
a ka lunakukeawa Mrs. Hyde.
O ka waiwaiio o na ano waiona
like ole maloko o na omole i kohoia
aia ma kahi o ka $300, komo pu me
na lama a na Pake ame ka na Ke-
pani.
Ma ka manawa i wawahiia ai o
na omole lama o na akena o ke
keena waiwai Frank Thropp ame
Roger Taylor pu kekahi malaila a i
ikemaka i ka wawahiia ana o ia
mau omole. | KE NOI A KA HUI MOKUAHI E
HOIHOI HOU IA AE KEKAHI
MAU DALA He $107.74 ke noi a ka hui moku-
ahi e hoihoi hou ia ae mai kekahi
bila ae o $261.76 i kikooia ae ai e
ke keena wai no ka hoolako ana ae
i ka mokuahi President Cleveland
me ka wai ma ka la 23 o Iune ma
ka Uwapo 10 no ka lawa ole o ka
wai a ke keena wai o ka hoolako
ana ae.
Ua waihoia ao ka palapala noi i
ka papa lunakiai e ka luna nui o
ka oihana wai C. J. McCarthy, a
e noonooia ana ia palapala noi e ka
papa ma kana halawai o keia au-
winala.
O ka huina i noiia ae ai e hoihoi
hou ia ae o ia ka huina hoolilo i oi
loa aku no ka hoolako ana ae i ka
mokuahi Peresidena Lincoln maloko
o kona manawa e ku ana maloko o
ke awa ma ka manawa i ikeia ai
aole i hoolako ae ke keena wai o
ke kulanakauhale i ka wai e lawa ai
ia moku. O keia malalo nei na
itamu no na hoolilo:
No ke kolo ana he $40.50, no ka
uku uwapo, he $58.24, ka manawa
hana oi aku o na kanaka o ka moku,
ekolu mau kanaka ekolu hora $9.00.
Ua ku mai ka moku ma ka hora 8
kakahiaka a ua holo aku ma ka hora
6 p. m., elike me ka hoakaka ma-
loko o ka leka.
Lawa Ole Ka Wai
Maloko o na hora eha mahope o
ka hoohanaia ana o elima mau ili-
wai i hoohuiia me ke kiwai nui ma-
luna o ka uwapo, he 115 wale no
tona wai i loaa maluna o ka moku-
ahi Lincoln, oiai nae he 750 tona
wai i makemakeia.
No ka hoolako ana i ka moku me
ka wai no ke koena aku o ka ma-
nawa, o ka moku lawe wai ka i hoo-
limalimaia, a oiai o na dala i loaa
aku i ka moku Iawe wai Benning-
ton ua hoihoiia ae i ke keena wai,
ua manaoio ka akena e pono ke
keena wai e auamo i na hoolilo i
hoohui hou 5a iho i hoikeia ae la
maluna.
"Ke manao nei makou e lokahi
ana no ko oukou manao me ko ma-
kou o ke kumukuai i kakiia no ka
wai maloko o Honolulu, o ia hoi
$1.50 no ke 10OO galani wai ua lawa
ia e apono iho ai e haawiia mai la
wai me kekahi hoolilo pakui hou ole
iho i ka moku," e like me ka ma-
nao maloko o ka palapala. NA MARE John Walker ia Elsie Neill July
13.
Frank Akina ia Rebecca Goodness
July 18.
NA HANAU
Na William L. McWayne ame
Margaret Kahanu he keikikane
July 9.
Na Thomas H. Burnett ame Re-
becca L. Akana he kaikamahine
July 17.
Na C. C. Nicola ame Helen Wise
he kaikamahine July 19.
Na James Molena ame Mary Lu-
kakialua he keikikane July 20.
Na Pulu Mae ame Leilani Kekaa
he kaikamahine July 23.
Na John L. Panui ame Eliza K.
Kahololio he kaikamahine July 24.
Na Fred Rocha ame Ethel John-
son ho keikikane July 25.
Na Mr. ame Daniel Lima Naone
he keikikane July 25.
NA MAKE
Julia Keoho, ma Kalihi me Moa-
nalua July 24.
Elizabeth Puaoliva ma Pokai
Lane July 25.
Joseph Kauahikaua ma Ewa July
27.
NA LEKA KII OLE IA MAI AHI-
KI I IULAI 25, 1925. Akoloko Jno. Kaili, Mrs. Lucy
Kainuwai, Miss Kahulani, Mrs. E.
Hana Paahao, Miss Lei
Kaahanui, Mrs. Waipa, Mrs. A.
Alice
D. H. McADAM
Lunaleka Nui. MA KE KAUOHA HOOLAHA KOHO BALOTA WAE
MOHO Mamuli o ka mana i loaa ia'u ma
ke kanawai, Owau o H. D. Wishard,
Lunahoomalu o ka Papa Lunakiai o
ke Kalana o Kauai, Teritore o Ha-
waii, ma keia ke hoolaha a kua-
haua aku nei au e malamaia ana he
KOHO BALOTA WAE MOHO no
ka wae ame ke koho ana i mau
moho no na Oihana Kalana maloko
o ke Kalana o Kauai i haiia ma-
luna'e, elike me keia: —
HOOKAHI LUNA MAKAI NUI
NO KE KALANA
HOOKAHI KAKAUOLELO NO
KE KALANA
HOOKAHI LUNAHOOIA KA-
LANA
HOOKAHI PUUKU KALANA
HOOKAHI LOIO KALANA
HOOKAHI LUNAKIAI NO WAI-
MEA
HOOKAHI LUNAKIAI NO KO-
LOA
HOOKAHI LUNAKIAI NO LI-
HUE
HOOKAHI LUNAKIAI NO KA-
WAIHAU
HOOKAHI LUNAKIAI NO HA-
NALEI
ma ka Poaono ka la 10 o Okatoba,
M. H. 1925 maloko o ke Kalana o
Kauai mawaena o ka hora ewalu
(8), kakahiaka, ame ka hora elima
o ke ahiahi o ia la.
Ke hoolaha a kuahaua pu ia aku
nei, o kela ame keia Lunakiai e
waeia a e kohoia oia e ka poe koho
balota o kela ame keia apana iho
no maloko o ke Kalana o Kauai i
oleloia.
Na mahele koho balota ame aa | |
